The Latest
وحدت نیوز(ہری پور) مجلس وحدت مسلمین پاکستان صوبہ خیبرپختونخواکے سیکریٹری امورتنظیم سازی علامہ سید وحید عباس کاظمی کو خیبر پختونخوا پولیس نے بلاوجہ گرفتار کر لیا ہے، اطلاعات کے مطابق پولیس کی بھاری نفری نے پہلے ان کے گھر پر چڑھائی کی جب علامہ وحید کاظمی گھر پر نہ ملے تو ان کے بوڑھے والد کو پولیس گرفتار کر کے ہمراہ لے گئی، بعد ازاں علامہ وحید عباس کاظمی والد کی تلاش میں متعلقہ تھانے پہنچے تو پولیس نے انہیں گرفتار کر کے کوہستان جیل منتقل کردیا ہےاوران کے والد کو رہا کر دیا ہے ، پولیس زرائع کا کہنا ہے کہ کل علامہ صاحب نے ہری پور میں مجلس عزا سے خطاب کر نا ہے جس سے نقص امن کا خطرہ ہے اس بناء پر انہیں گرفتار کیا گیا ہے ، وحدت نیوزکو زرائع سے موصول ہو نے والی اطلاعات کے مطابق کل کالعدم تکفیری جماعت کے رہنما لدھیانوی اور فاروقی کی ہری پور آمد متوقع ہے اس بناء پر علامہ وحید عباس کاظمی کو بلاجواز گرفتار کیا گیا ہے، ایم ڈبلیو ایم کے صوبائی سیکریٹری جنرل علامہ سبطین حسین الحسینی نےعلامہ وحید عباس کاظمی کی بلاجواز گرفتاری پر شدید احتجاج کر تے ہوئے کہا ہے کہ انتظامیہ دہشت گردوں کو لگام ڈالنے کے بجائے محب وطن شہریوں کو پابند سلاسل کر رہی ہے جو کہ آئین وقانون کی دھجیاں بکھیرنے کے مترادف ہے۔ صوبائی حکومت جلد از جلد علامہ وحید عباس کو رہا کر ے ورنہ صوبے بھر میں بھر پو ر احتجاج کیا جائے گا۔
وحدت نیوز(کراچی) ملت جعفریہ کی نسل کشی کے اصل ذمہ دار وزیراعلیٰ سندھ قائم علی شاہ ہیں ،کراچی بے گناہ شیعہ افراد کی ٹارگٹ کلنگ کرنے والے دہشتگردوں کو قانون نافذ کرنے والے اداروں پولیس اور رینجرز کی سر پرستی حاصل ہے ۔پیپلز پارٹی کے دور حکومت میں شیعہ علماء ،اکابرین، ڈاکٹرز،وکلاء تاجروں سمیت اہم افراد کو چن چن کرنشانہ بنایا گیا ،ان خیالات کا اظہار مجلس و حدت مسلمین کے رہنماٗ مولانا منور علی نقوی،آصف صفوی، احسن عباس رضوی،شبیر حسین نے خوجہ مسجد کھارادر میں بعد نماز جمعہ شیعہ نسل کشی کے خلاف احتجاجی مظاہرے کے شرکاء سے خطاب میں کیا۔
مولانا منورعلی نقوی کا کہنا تھا کہ سندھ اسمبلی میں بیٹھے بے حس حکمرانوں کو شہر قائد میں روزانہ شیعہ ڈاکٹرز ،وکلاء علما ء عمائدین کی ٹارگٹ کلنگ نظر نہیں آتی شہرقائد جل رہا ہے اور سیاسی جماعتیں تماشائی بنی ہوئی ہیں کراچی میں روزانہ کتنے مظلوموں کا قتل عام کیا جاتا ہے مگر ان حکمرانو ں کے کان پر جوں تک نہیں رینگتی ، پیپلز پارٹی اگر اپنی جماعت کی بقاء چاہتی ہے اور فوری طور پر سندھ کے وزارت اعلیٰ کا منصب کسی قابل اور لائق فرد کے حوالے کردے نا اہل وزیر اعلیٰ صرف میں میڈیا پر آکر جھوٹے دعوئے کرتے ہیں آئی جی سندھ اور ڈی جی رینجرز بھی نا اہل ہو چکے ہیں قانون نا فذ کرنے والے اداروں میں موجود کالی بھڑیں صرف کالعد م جماعتوں کے رہنماؤں اور ان کے دفاتر کو سکیورٹی فراہم کر رہی ہیں دوسری جانب کراچی کا امن تباہ و برباد ہو چکا ہے عوام اپنے آپ کو غیر محفوظ سمجھتے ہیں پیپلز پارٹی کے دور اقتدار میں نا اہل وزیر اعلیٰ سندھ کے ایماں پر کالعدم دہشتگرد گرہوں کو مدارس کے نام پر دہشتگردی کے ٹھکا نے کھول کر دیئے گئے اور اب یہ دہشتگرد پورے صوبہ میں مستحکم ہو گئے ہیں ۔
مظاہرین سے خطاب میں ایم ڈبلیو ایم کے رہنماوںکا کہنا تھا کہ کراچی میں گذشتہ دو دن میں 6بے گناہ شیعہ وکلاء ،ڈاکٹرز ، تاجروں اور شہریو ں کے بہیمانہ قتل کی مذمت کرتے ہیں پیپلزپارٹی اپنے قائد بلاول بھٹو کے نعروں کی لاج رکھنے میں ناکام نظر آتی ہے، کراچی شہر خونین کا منظر پیش کر رہا ہے، پالیس اور رینجرز محض زبانی جمع خرچ پرہی گذارا کر رہی ہے، حکومت اگر دہشت گردی کے روک تھام کا فریضہ انجام نہیں دے سکتی ہو فوری مستعفی ہو جائے ، عوام کے صبر کا پیمانہ لبریز ہو چکا ہے ایک منظم سازش کے تحت مختلف شعبہ ہائے زندگی سے تعلق رکھنے والے شیعہ اکابرین کو نشانہ بنایا جارہا ہے ، حکومت ، عدلیہ، قانون نافذ کر نے والے ادارے کسی قسم دہشت گردوں کا قلع قمع کرنے میں یکسر ناکام نظر آتے ہیں ، بیرونی امداد آتے ہی کراچی سمیت پو رے ملک میں آگ و خون کا بازار گرم کیا جارہا ہے، شیعہ نسل کشی پر میڈیا کی بر اسرار خاموشی بھی سوالیہ نشان ہے،شہر میں کوئی فرقہ راویت نہیں بلکہ یک طرفہ دہشت گردی ہے جس کو ریاستی اور بین الاقوامی سرپرستی حاصل ہے پچھلے دو دن میں دو ڈاکٹروں قاسم عباس، حیدر رضا ، ایک وکیل وقار شاہ اور جوان مظہر حسین اور علی بہار ،غلا حسین کشمیری کے بہیمانہ قتل کی پرزور مذمت کر تے ہیں ،کراچی میں چن چن کر شیعہ افراد کو دہشت گردی کا نشانہ بنایا جا رہا ہے، صوبائی حکومت کراچی میں جاری قتل وغارت گری کے اس کھیل کو ختم کر نے میں سنجیدہ کردار ادا کرے ، کراچی میں روزانہ ایک درجن سے زائد بے گناہ شہریوں کے قتل عام کے بعدپیپلز پارٹی کے چیئر مین بلاول بھٹوکے دہشت گردوں کے خلاف بیانات ہاتھی کے دانت لگتے ہیں ، رہنماؤں نے چیف جسٹس آف پاکستان سے مطالبہ کیا کہ وہ کراچی کی موجودہ صورتحال پر فوری سومو ٹو نوٹس لے ،شیعہ نسل کشی پر اعلیٰ عدالتی کمیشن کا قیام عمل میں لایا جائے ،شیعہ نسل کشی میں ملوث دہشتگردوں کی فوری گرفتاری کے احکامات جاری کئے جائیں ،شہر میں دہشتگردی کرنے والے قاتلوں کو فوجی عدالتوں کی طرف پر جلد از جلد قرار واقعی سزا دی جائے ،شہر میں موجود نا اہل وزیر اعلیٰ سندھ،گورنر سندھ کے خلاف نوٹس لیا جائے اور ان کی جگہ کسی اہل کو مقرر کا کیا جائے تاکہ شہر میں امن و امان کی صورت حال پر قابو پایا جاسکے۔دریں اثناء ان مطالبات کے حق میں شرکاء نے نعرے باضی کرتے ہوئے دہشتگردی مردہ باد،یہ کس کا لہو یہ کون مرا بدماش حکومت بول زرا،نا اہل قانون نافذ کرنے والے ادارے مردہ باد ،شیعہ و سنی اتحاد ،امریکہ و طالبان مردہ با دکے نعرے لگائے۔
وحدت نیوز(نجف اشرف) بزرگ مرجع تقلید آیت اللہ العظمٰی سید سعید الحکیم نے کہا ہے کہ میں پاکستان کے پیروان ولایت سے واقف ہوں، پاکستان کے عوام اسلام پسند، آزادی پسند اور دین دوست ہیں، اگرچہ شیعیان علی ابن ابی طالب علیہ السلام کے خلاف تکفیری فرقہ برسرپیکار ہے لیکن پاکستان کے غیور شیعہ اور سنی مسلمان ہمیشہ ان کے عزائم کے مقابلے میں کھڑے رہے اور استقامت دکھاتے رہے۔ ان خیالات کا اظہار اُنہوں نے مجلس وحدت مسلمین پاکستان کے ڈپٹی سیکرٹری جنرل علامہ محمد امین شہیدی کی قیادت میں ملنے والے وفد سے گفتگو کرتے ہوئے کیا۔ اس موقع پر مجلس وحدت مسلمین نجف اشرف کے سیکرٹری جنرل علامہ سید مہدی نجفی اور ڈپٹی سیکرٹری جنرل نجف اشرف علامہ ناصر عباس نجفی بھی موجود تھے۔
آیت اللہ العظمٰی سید سعیدالحکیم نے کہا کہ تاریخی طور پر سلفی تکفیری ہمیشہ اسلامی مقدسات کے خلاف متحرک رہے اور شروع سے ہی رسول پاک (ص) اور اُن کی آل پاک (ع) کے آثار کو مٹانے کے درپے رہے، لیکن مسلمانوں نے اپنے اتحاد سے اُنہیں ہمیشہ ناکام بنایا۔ اُنہوں نے کہا کہ ہمین ان کے مقابلے کے لیے شیعہ سنی اتحاد اور بھائی چارے کو آگے بڑھانے کی ہمیشہ ضرورت رہی اور آج یہ ضرورت دوچند ہوگئی ہے۔ اُنہوں نے کہا کہ پاکستانی قوم کو میری طرف سے سلام کہہ دیجئے گا۔
وحدت نیوز(نجف اشرف) مجلس وحدت مسلمین پاکستان کے ڈپٹی سیکرٹری جنرل علامہ محمد امین شہیدی نے کہا ہے کہ نجف اشرف علم و عرفان اور ولایت کی سرزمین ہے، شاہ ولایت کے سائے میں جو لوگ پروان چڑھتے ہیں اُنہیں شاہ ولایت علی مرتضٰی علیہ السلام کے پیغام کو دنیا بھر میں عام کرنا ہے، اس سلسلے میں پاکستانی فضلاء کی ذمہ داری مزید بڑھ جاتی ہے۔ ان خیالات کا اظہار اُنہوں نے مجلس وحدت مسلمین نجف اشرف کے دفتر میں پاکستانی علماء اور طلاب سے خطاب کرتے ہوئے کیا۔ علامہ امین شہیدی نے کہا کہ ہمیں تین حوالوں سے بہت محنت کی ضرورت ہے۔ پہلا حصول علم، جو ایک طالب علم کی ابتدائی اور اولین ذمہ داری ہے، یعنی اپنی پوری توانائی حصول علم پر خرچ کرنا ضروری ہے، جو طالب علم علمی حوالے سے جتنا پُختہ اور مضبوط ہوگا، معاشرے میں اتنا ہی زیادہ کارآمد اور مضبوط ہوگا۔ دوسرا معنویت، تزکیہ نفس، توسل اور روحانی تربیت کے حوالے سے خصوصی اہتمام، نجف اشرف میں اب بھی عالم عرفان چھپے ہوئے موتی موجود ہیں، اُنہیں تلاش کیجئے اور ان سے استفادہ کیجیے۔ تیسرا باخبر رہنا، اپنے ملک، عالم اسلام اور مستضعف اقوام کے روزمرہ کے حالات سے باخبر رہیئے، اگر ہم اپنے زمانے کے حالات سے بے خبر ہوں گے تو کبھی طاغوتی طاقتوں کا مقابلہ نہیں کرسکیں گے۔
وحدت نیوز(کراچی) مجلس وحدت مسلمین پاکستان کراچی ڈویژن کے رہنما علامہ مبشر حسن نے کہا ہے کہ چیف جسٹس تصدق جیلانی کراچی میں شیعہ نسل کشی کا فوری نوٹس لیں،کراچی میں گزشتہ 48گھنٹوں میں دو شیعہ ڈاکٹرز ،ایک وکیل سمیت 3سرمایہ داروں کو ٹارگٹ کلنگ کا نشانہ بنایا گیا ، گورنر اور وزیر اعلیٰ سندھ ٹارگٹ کلنگ کے خلاف زبانی جمع خرچ کے بجائے عملی اقدامات کریں ،ڈی جی رینجرز اور آئی جی سندھ کے دہشتگری روکنے کے دعوے کھوکھلے ہیں، شیعہ نسل کشی میں ملوث دہشتگردوں کی عدم گرفتاری قانون نافذ کر نے والے اداروں کی کارکردگی پر سوالیہ نشان ہے۔ ان خیالات کا اظہار انہوں نے شہید ڈاکٹر قاسم عباس کی نماز جنازہ کے موقع پر کیا۔ علامہ مبشر حسن کا کہنا تھا کہ شہر قائد کے مکین اپنے ہی شہر میں غیر محفوظ ہیں،معاشی حب کراچی میں دہشتگردی و انتہا پسندی غیر ملکی ایماء پر کالعدم گروہوں کے ذریعہ کی جارہی ہے، شہر میں حکومت نام کی کوئی شہ نہیں ،گورنر اور وزیر اعلیٰ سندھ صرف بیانات سے کام چلا رہے ہیں، کراچی کے حالات کی اصل ذمہ داری اسمبلی میں موجود نا اہل وفاقی و صوبائی وزراء پر عائد ہوتی ہے۔
اُن کا کہنا تھا کہ وفاقی و صوبائی حکومت عوام کو بے وقوف بنانا بند کریں، ایک طرف تو حکمران مذاکرات کے نام پر طالبان دہشتگردوں کو دوبارہ منظم کر رہے ہیں تو دوسر ی جانب معاشی حب کراچی میں روزانہ مظلوم لوگوں کو موت کی نیند سلایا جا رہا ہے، کف افسوس ہے کہ صوبائی حکومت کی جانب سے سب اچھا ہے اور دہشتگردوں کے خلاف آپریشن جاری ہے کہ جھوٹے دعوئے کئے جارہے ہیں۔ علامہ مبشر حسن نے حکومت سندھ سے مطالبہ کیا کہ وہ شہر قائد میں ٹارگٹ کلنگ کا نشانہ بننے والے افراد کے قتل میں ملوث دہشت گردوں کو فوری گرفتار کرے ۔ انہوں نے چیف جسٹس آف پاکستان و سندھ ہائی کورٹ سے بھی مطالبہ کیا کہ وہ شہر میں جاری ٹارگٹ کلنگ کا فوری نوٹس لیتے ہوئے قانون نافذ کرنے والے اداروں اور نا اہل وزراء کے خلاف کاروائی کریں تاکہ شہر کو دہشت گردوں کی آماجگاہ بننے سے بچایا جاسکے ۔
دریں اثناء ٹارگٹ کلنگ کا نشانہ بنے والے ڈاکٹر قاسم عباس و علی بہارکی نماز جنازہ مسجد و امام بارگاہ حسینی مشن شاہ فیصل کالونی اورمسجد و امام بارگا ہ کھارادر میں ادا کر دی گئی ۔ڈاکٹر قاسم کی نماز جنازہ کی امامت مجلس وحدت مسلمین پاکستان کی شوریٰ عالی کے سربراہ علامہ شیخ حسن صلاح الدین نے کی۔ ڈاکٹر قاسم عباس کی تدفین وادی حسین قبرستان سپر ہائی وے اور بہار علی کی میوہ شاہ قبرستان لیاری میں کی گئی ۔نماز جنازہ میں ملت جعفریہ سے تعلق رکھنے والے علماء ،اکابرین اور رہنماؤں سمیت عمائدین کی بڑی تعداد نے شرکت کی اور شیعہ و سنی اتحاد ،طالبان مردہ باد اور قانون نافذ کرنے والے اداروں کی نا اہلی کے خلاف شدید نعرے بازی کی۔
وحدت نیوز(اسلام آباد) مجلس وحدت مسلمین پاکستان کا سالانہ ’’ناصران ولایت کنونشن‘‘ پاکستان میں وحدت کا عظیم مظہرثابت ہو گا، پاکستان کی نظریاتی اور جغرافیائی سرحدوں کے تحفظ کے جذبے سے سر شار ہزارو ں کارکنان و ذمہ داران شرکت کریں گے۔ ، ان خیالات کا اظہار مجلس وحدت مسلمین پاکستان کے ذیلی شعبے وحدت یوتھ پاکستان کے مرکزی چیئرمین سید فضل عباس نقوی نے ’’وحدت ہاؤس ‘‘ اسلام آباد میں ایک اجلاس سے خطاب کرتے ہوئے کیا، اجلاس میں ’’ناصران ولایت کنونشن ‘‘ سے متعلق انتظامی امور کا جائزہ لیا گیا اور انتظامات کو حتمی شکل دیتے ہوئے مختلف ورکنگ کمیٹیوں کے امور کا جائزہ لیا گیا۔
سید فضل عباس نقوی کاکہنا تھا کہ ملک کے نوے اضلاع سے مجلس وحدت مسلمین پاکستان کے ذمہ داران سمیت ہزاروں کارکنان کنونشن میں شریک ہوں گے اور رواں سال کے لئے تنظیمی پروگراموں کا تعین کریں گے جبکہ سال گذشتہ کی کارکردگی کا جائزہ بھی لیا جائے گا۔انہوں نے کہا کہ مجلس وحدت مسلمین پاکستان کو تمام بحرانوں سے نکالنے کے لئے پر عزم ہے اور ملک میں مذہبی ہم آہنگی و شیعہ سنی اتحاد کے لئے سرگرم عمل ہے، ان کاکہناتھا کہ مجلس وحدت مسلمین سر زمین پاکستان کے دفاع کی خاطر کسی بھی قسم کے راست اقدام سے گریز نہیں کرے گی اور ملک کو اسلام دشمن اور ملک دشمن قوتوں کے ہاتھوں یرغمال نہیں بننے دیں گے، انہوں نے مزید کہا کہ عالمی استعمار امریکہ اور اسرائیل پاکستان کو عدم استحکام کا شکار کرنا چاہتے ہیں تاہم مجلس وحدت مسلمین پاکستان کی با وقار قیادت اور پر عزم کارکنان امریکی و صیہونی سازشوں کو ناکام بنانے کے لئے سر زمین پاکستان پر سینہ سپر ہیں۔اس موقع پر مجلس وحدت مسلمین اور وحدت اسکاؤٹس کے ذمہ داران میں اختر عمران، تنصیر حیدر، سمیت مولانا اسرار گیلانی، ملک اقرار اور وحدت یوتھ پاکستان سندھ کے سیکرٹری جنرل مہدی عباس سمیت مسرور نقوی، ظہیر نقوی، ثاقب عباس، اور دیگر بھی موجود تھے۔
وحدت نیوز(کوئٹہ) صوبائی دارلحکومت کوئٹہ میں اپنے دو روزہ دورے کے دوران صدرمملکت کیساتھ ایک خصوصی ملاقات میں رکن صوبائی اسمبلی سید محمد رضا نے شیعہ ہزارہ قوم کے وفاق سے متعلق مسائل کا ذکر کر تے ہوئے کہا کہ شناختی کارڈ اور پاسپورٹ کا حصول ہمارے لوگوں کیلئے نا ممکن بنا دیا گیا ہے ،یہ دونوں وفاقی ادارے عوام کے مسائل حل کرنے کی بجائے بذات خود مسئلہ بنے ہوئے ہیں ۔انہوں نے کہا ہے کہ ہر نیا آنے والا پاسپورٹ آفیسر بذات خود قانون بناتا ہے اور نت نئے قوانین نافذ کر کے شیعہ ہزارہ قوم کے لوگوں کیلئے پاسپورٹ کا حصول نا ممکن بنا دیتا ہے ،اس کام میں دو نمبر ایجنٹ بھی ملوث ہیں جو معصوم لوگوں سے پیسے لیکر ان کو پاسپورٹ بنوانے کا جھانسہ دیتے ہیں ،پیسے کی حوس نے ان سب کو اس قدر اندھا کر دیا ہے کہ 100سالوں سے زائد عرصہ کوئٹہ اور بلوچستان میں رہنے کے باوجود ہزارہ قوم کے افراد سے ایسے ایسے دستاویزات طلب کئے جاتے ہیں جو کہ خو د ان کے اپنے پاس موجود نہیں ۔
انہوں نے کہا کہ کچھ انہی مسائل سامنا شناختی کارڈ اور پاسپورٹ کے حصول میں ہمیں در پیش ہے ،ایف سے بلاک شناختی کارڈز نے لوگوں کا جینا دو بھر کر دیا ہے ۔صدر مملکت ممنون حسین نے نوٹس لیتے ہوئے یقین دہانی کروائی کہ اگر ایسے عناصر کو عدالت میں کھینچنا پڑے تو بھی دریغ نہیں کریں گے۔انہوں نے یقین دہانی کروائی کہ ہزارہ قوم کیساتھ زیادتیوں کا نوٹس لیا جا ئیگا۔
صدرمملکت ممنون حسین نے کہا ہے کہ شیعہ ہزارہ قوم کو خوشحالی دینے اور ترقی کی راہ پر گامز ن کرنے کیلئے وفاقی حکومت بھرپور ادا کررہی ہے اور ان کے مسائل کے حل کیلئے بھر پور کوشش کیجائے گی۔صدرمملکت ممنون حسین نے کہا کہ بلو چستان بالخصوص شیعہ ہزارہ قوم عرصہ دراز سے زیادتیوں کا شکاررہا موجودہ حکومت نے یہ محسوس کیا ہے کہ بلو چستان اب مزید محرومیوں اور زیادتیوں کا محتمل نہیں ہوسکتا ہے انہوں نے کہا کہ بلو چستان کو ترقیاتی یافتہ اور خوشحالی صوبہ بنانے کیلئے بھرپور کوشش کریں گے انہوں نے کہا کہ بلو چستان میں مخلوط حکومت صو بے میں ترقی اور امن وامان کی بحالی کیلئے اقدامات کریں وفاقی حکومت ان کو مکمل سپورٹ کریں گے صدر مملکت نے کہاکہ بلوچستان کے عوام کے معیار زندگی کو بلند کرنے کیلئے وفاق تمام ممکن وسائل کی فراہمی یقینی بنائے گا صدر مملکت نے کہاکہ لوگوں کی جان ومال کا تحفظ کرنا حکومت کا فرض ہے۔
وحدت نیوز(نجف اشرف) مجلس وحدت مسلمین پاکستان کے ڈپٹی سیکرٹری جنرل و رُکن اسلامی نظریاتی کونسل علامہ محمد امین شہیدی نے نجف اشرف میں ایک وفد کے ہمراہ آیت اللہ العظمٰی السید سعید الحکیم سے ملاقات کی۔ اس موقع پر ایم ڈبلیو ایم نجف اشرف کے سیکرٹری جنرل علامہ سید مہدی نجفی اور ڈپٹی سیکرٹری جنرل نجف اشرف علامہ ناصر عباس نجفی بھی موجود تھے۔ ملاقات کے دوران علامہ محمد امین شہیدی نے بزرگ آیت اللہ سے گفتگو کرتے ہوئے کہا کہ پاکستان عالمی دہشتگرد قوتوں اور تکفیری عناصر کے مقابلے میں پہلا محاذ ہے، جہاں سے افغانستان، بحرین، عراق، شام، لیبیا اور دیگر ممالک میں دہشت گردوں کو ایکسپورٹ کیا جاتا ہے، اس حوالے سے مجلس وحدت مسلمین پاکستان میں مکتب اہل بیت (ع) کی مدافع قوت کے طور پر فرنٹ لائن پر کھڑی ہے۔
نجف اشرف سے جاری بیان کے مطابق علامہ محمد امین شہیدی نے مزید کہا کہ مجلس وحدت مسلمین دہشت گردی، فرقہ واریت، خودکش حملوں اور آل یہود و آل سعود کی انسانیت دشمن سازشوں کے مقابلے میں اپنی اجتماعی، سیاسی اور فکری جدوجہد کے ساتھ پوری قوت سے استقامت کا مظاہرہ کر رہی ہے۔ پاکستان کے ساٹھ فیصد سے زائد بریلوی سنی عوام اہل بیت (ع) کے محب اور اخوت و بھائی چارے پر یقین رکھتی ہے، ہماری کوشش اور جدوجہد بھی اسی لیے ہے کہ تکفیری سوچ کے حامل شرپسندوں کے چنگل سے شیعہ اور سنی عوام کو وحدت و اتحاد کی طاقت ور حکمت عملی کے ذریعے سے آزادی دلائیں۔ علامہ امین شہیدی نے کہا کہ اس سلسلے میں ہمیں آپ کی معنوی حمایت اور فکری رہنمائی کی ضرورت ہے۔
وحدت نیوز(کراچی) مجلس و حدت مسلمین پاکستان کے مرکزی ڈپٹی سیکریٹری جنرل علامہ حسن ظفر نقوی نے کراچی میں گذشتہ دو دن میں ۵بے گناہ شیعہ وکلاء ، ڈاکٹرز ، تاجروں اور شہریو ں کے بہیمانہ قتل عام پر غم و غصے کا اظہار کر تے ہو ئے کہا کہ پیپلزپارٹی اپنے قائد بلاول بھٹو کے نعروں کی لاج رکھنے میں ناکام نظر آتی ہے، کراچی شہر خونین کا منظر پیش کر رہا ہے، پالیس اور رینجرز محض زبانی جمع خرچ پرہی گذارا کر رہی ہے، حکومت اگر دہشت گردی کے روک تھام کا فریضہ انجام نہیں دے سکتی ہو فوری مستعفی ہو جائے ، عوام کے صبر کا پیمانہ لبریز ہو چکا ہےمذید لاشیں اٹھا نے کی سکت نہیں ۔ان خیالات کا اظہار انہوں نے وحدت ہاوس کراچی سے جاری اپنے ایک مذمتی بیان میں کیا ۔
ان کاکہنا تھا کہ کراچی میں ایک منظم سازش کے تحت مختلف شعبہ ہائے زندگی سے تعلق رکھنے والے شیعہ اکابرین کو نشانہ بنایا جارہا ہے ، حکومت ، عدلیہ، قانون نافذ کر نے والے ادارے کسی قسم دہشت گردوں کا قلع قمع کرنے میں یکسر ناکام نظر آتے ہیں ، بیرونی امداد کے بل باتے پرکراچی سمیت پو رے ملک میں آگ و خون کا بازار گرم کیا جارہا ہے، شیعہ نسلک کشی پر میڈیا کی بر اسرار خاموشی بھی سوالیہ نشان ہے، بعض چینلز پر نا عاقبت اندیش اینکرز بیٹھ کر پاکستان میں پروکسی وار کا راگ الاپتے ہیں ، اگر پاکستان میں دو ملکوں کی پروکسی وار ہو تی تو حملے بھی دو طرفہ ہو تے ، جو کہ نہیں ہیں ، یہ بات روز روشن کے طرح عیاں ہے کہ پاکستان میں کوئی فرقہ راویت نہیں بلکہ یک طرفہ دہشت گردی ہے جس کو ریاستی اور بین الاقوامی سرپرستی حاصل ہے۔
علامہ حسن ظفر نقوی نے پچھلے دو دن میں دو ڈاکٹروں قاسم عباس، حیدر رضا ، ایک وکیل وقار شاہ اور جوان مظہر حسین اور علی بہار کے بہیمانہ قتل کی پرزور مذمت کر تے ہیں ،کراچی میں چن چن کر شیعہ اکابرین کو دہشت گردی کا نشانہ بنایا جا رہا ہے، صوبائی حکومت کراچی میں جاری قتل وغارت گری کے اس کھیل کو ختم کر نے میں سنجیدہ کردار ادا کرے ، کراچی میں روزانہ ایک درجن سے زائد بے گناہ شہریوں کے قتل عام کے بعدپیپلز پارٹی کے چیئر مین بلاول بھٹوکے دہشت گردوں کے خلاف بیانات ہاتھی کے دانت لگتے ہیں ، لہذٰا ہم مطالبہ کر تے ہیں وزیر اعلیٰ سندھ ، گورنر سندھ اور آئی جی سندھ سے کہ جاری میں جاری ٹارگٹ کلنگ میں ملوث دہشت گردوں کو فلفور گرفتار کر کے تختہ دار پر لٹکایا جائے۔
وحدت نیوز(شام) دمشق سيدہ زينب سلام اللہ عليہا ميں مجلس وحدت مسلمین پاكستان شعبہ شام اورحوزہ علمیہ امام محمد باقرعلیہ السلام كی جانب سے قائد شہيدعلامہ عارف حسینی لائبريری كا افتتاح کیا گیا۔اس پروگرام ميں بہت بڑى تعداد ميں علماء اورطلاب نےشركت کى، جس ميں نمائندہ ولی فقیہ آیت الله مجتبیٰ حسینی ، مرکزی سیکریٹری امور خارجہ ایم ڈبلیوایم پاکستان حجتہ الاسلام والمسلمین سید شفقت حسین شیرازی ، دفتر ولی فقیہ شام كے مسؤول حجتہ الاسلام والمسلمين خدايار ناصري، حوزہ امام خمینی كے ادارہ تعلیم کےمعاون حجتہ الاسلام والمسلمين شيخ ہادی رمضانی، حوزہ رسول اعظم كے پرنسپل حجتہ الاسلام والمسلمين الشيخ ايمن جمعہ ، حجتہ الاسلام والمسلمين شيخ صادقی، حوزہ امام جواد كے پرنسپل حجتہ الاسلام والمسلمين شيخ قاری وحيد حسين صادقی، عوامی کمیٹی كے مسؤول حجتہ الاسلام والمسلمين شيخ ايمنی، حوزہ امام خمینی کےادارہ تعليم كے مسؤول حجتہ الاسلام والمسلمين شيخ اسماعيل جفال، حجتہ الاسلام والمسلمين شيخ نشان علی غديری، جزائر كے عالم دين حجتہ الاسلام والمسلمين ابو غدير، اور اس كے علاوه بڑی تعداد ميں طلباء اور مؤمنين نے شركت کی ۔
اس موقع پرحوزہ امام محمد باقرعلیہ السلام كى استاد حجتہ الاسلام والمسلمین شيخ خدايار ناصری نے سب كا شكريہ ادا كيا، اورعلم وعمل كى اہميت پر روشنی ڈالی،بعدازاں شام ميں موجود نمائندہ ولی فقیہ آیت الله سيد مجتبیٰ حسينی نے حاضرين سے خطاب كرتے ہوئےپاكستانی عوام كے خلوص اور جذبہ قربانی كى تعريف كى اور زيادہ سے زيادہ علم حاصل كرنے پر زور ديا اور مجلس وحدت مسلمین كى خدمات كو سراہا،پروگرام كے آخر ميں مجلس وحدت مسلمین كےمرکزی ڈپٹی سیکریٹری جنرل اور سیکریٹری امور خارجہ علامہ سيد شفقت حسین شيرازی نے تمام حاضرین كا شكريہ ادا كيا۔
