وحدت نیوز(ملتان) ملی یکجہتی کونسل کے مرکزی سیکر ٹری جنرل لیاقت بلوچ نے کی زیر صدارت جنوبی پنجاب کی صوبائی کونسل کا پہلا اجلاس ہوا جس میں مرکزی نائب صدر مولانا حافظ اللہ وسایا، مرکزی ڈپٹی سیکر یٹری جنرل ثاقب اکبر سمیت 14جماعتوں کے قائدین نے شرکت کی۔ اجلاس میں ملی یکجہتی کونسل جنوبی پنجاب کے عہدیداران کا اتفاق رائے سے چناؤ ہوا۔ صدر میاں آصف محمود اخوانی(جماعت اسلامی)، سیکر ٹری جنرل ایوب مغل جے یو پی، نائب صدور مولانا ابو بکر عثمان جے یو آئی (س)،علامہ سید اقتدار حسین نقوی مجلس وحدت مسلمین، مولاناعبدالرزاق جمعیت اتحاد العلماء پاکستان، بشارت عباس قریشی اسلامی تحریک، ڈپٹی سیکرٹریز راؤ عارف رضوی، بلال انصاری تحریک نوجواناں پاکستان، محمد انس عالمی مجلس تحفظ ختم نبوت سہیل عابدی انصیرہ، سیکر ٹری اطلاعات کنور محمد صدیق، سیکر ٹری رابطہ حافظ محمد اسلم جمعیت اتحاد العلاماء، سیکر ٹری مالیات وچیئر مین علمی تحقیقاتی کمیشن مولانا مجاہد گردیزی ابصیرہ، چیئر مین خطبا ت جمعہ کمیشن ڈاکٹر صفدر اقبال ہاشمی، جے یو آئی چیئر مین مصالحتی کمیشن مولانا ایاز قاسمی جے یو آئی نو منتخب۔

 عہدیداران کا پہلا اجلاس19/جولائی کو ہوگا۔اس موقع پر لیاقت بلوچ نے صدارتی خطاب کرتے ہوئے کہا کہ ملی یکجہتی کونسل ہوا کا تازہ جھونکا ہے پاکستانی قوم کی امیدوں کا مرکزہے فرقہ واریت،لسانیت،قوم پرستی ملک میں ظالمانہ فرسودہ نظام کے خاتمہ اور اقامت دین اور ملک کو اسلام کا گہوارہ بنانے کیلئے تمام دینی جماعتیں ملکر جدوجہد کر رہی ہیں۔

 انہوں نے کہا کہ تمام مسالک کا مشترکہ پلیٹ فارم ہے لہذا مقاصد اور اہداف واضح ہیں۔ انہوں نے مزید کہا کہ ناموس رسالت ﷺ کا تحفظ ہمارے ایمان کا حصہ ہے جس پر کسی قسم کا سمجھوتہ نہیں کیا جائے گا۔حکومت عالمی استعماری قوتوں کی سازشوں کا حصہ بنی ہوئی ہے اور وقتا فوقتا تحفظ ناموس رسالت ﷺ کے قانون پر حملہ کرتی رہتی ہے حکومتی سرپرستی کی وجہ سے قادیانیوں کی سرگرمیوں میں تیزی آ رہی ہے۔

انہوں نے کہا کہ حکومت ریاست مدینہ کا نام لیتی ہے مگر ملک میں بے حیائی،فحاشی عریانی،اور بد تہذیبی کو فروغ دے رہی ہے انہوں نے کہا کہ سابقہ حکمرانوں کی لوٹ مار اورشاہانہ طرز حکمرانی نے قوم کو مایوس کیا۔ انہوں نے کہا کہ انٹرنیشنل ایجنڈے کی تکمیل کی خاطر ملک میں بے حیائی،بد تہذیبی فروغ اور اسلامی قوانین کا مذاق اڑایا جا رہاہے حکومتی اقدامات سے ناموس رسالت کے قانون کے لئے خطرات پیدا ہورہے ہیں کیونکہ قرض دینے والوں کا ابتداء سے ہدف رہا ہے کہ پاکستان کو سیکولر اور مادر پدر آزاد ملک بنانا چاہتا ہے تمام دینی جماعتیں اور علماء کرام کو ملکر اس کا راستہ روکنا ہوگا۔

 اجلاس میں،مجلس وحدت مسلمین، جماعت اسلامی، جمعیت اتحاد العلماء پاکستان، تنظیم اسلامی، پاکستان عزا داری کونسل، اسلامی تحریک، متحدہ جمعیت اہل حدیث، امامیہ آرگنائزین ملتان، جمعیت علماء اسلام، تحریک منہاج القرآن، جماعتہ الدعوۃ /تحریک حرمت رسول، انجمن خدام القر آن پنجاب، جمعیت علماء پا کستان، جماعت اہل حدیث، تحریک جواناں پاکستان، مجلس بصیرت کی نمائندہ جماعتوں کے قائدین نے شرکت کی۔

وحدت نیوز(جیکب آباد) نائیجرین حکومت کی جانب سے عالمی شہرت یافتہ عالم دین اور قائد تحریک اسلامی علامہ محمد ابراھیم زکزاکی کو بے گناہ قید کرنے اور جیل میں زھر دینے کے خلاف آج عالمی یوم احتجاج کے موقع پرقائد وحدت علامہ راجہ ناصر عباس جعفری کی اپیل پر پاکستان کے مختلف شہروں میں یوم احتجاج منایا گیا۔

جیکب آباد میں مجلس وحدت مسلمین اور آئی ایس او کی جانب سے ایم ڈبلیوایم کے مرکزی ترجمان علامہ مقصود علی ڈومکی کی زیر قیادت احتجاجی ریلی نکالی گئی۔ اس موقعہ پر مظاھرین سے خطاب کرتے ہوئے علامہ مقصود علی ڈومکی نے کہا کہ نائیجرین پارلیمنٹ کے سامنے زکزاکی،کی رہائی کا مطالبہ کرنے والے عوامی اجتماع پربوہاری حکومت نے گولیاں چلا کر بربریت کی انتہا کردی ہے۔ علامہ محمد ابراھیم زکزاکی کی بے گناہ قید کو تین سال گذر گئے، نائیجیرین سپریم کورٹ کے واضح احکامات کے باوجود نائجیرین حکومت انہیں آزاد نہیں کررہی ہے۔بلکہ زکزاکی کو جیل میں سلو پوائزن دے کر قتل کیا جا رہا ہے۔

انہوں نے کہا کہ ابراہیم زکزاکی، کروڑوں انسانوں کے محبوب لیڈر ہیں وہ کسی ایک ملک کے نہیں بلکہ اقوام عالم کی محبوب شخصیت ہیں، انہوں نے مطالبہ کیا کہ حقوق انسانی کے عالمی ادارے مظلوم زکزاکی کی رہائی کے لئے کردار ادا کریں۔ اس موقع پر ضلعی سیکریٹری جنرل علامہ سیف علی ڈومکی نے بھی خطاب کیا۔ مظاہرے میں سید احسان شاہ اور آئی ایس او کے کارکن بھی شریک تھے۔

وحدت نیوز(اسلام آباد) مجلس وحدت مسلمین پاکستان کانائیجیریا کے معروف عالم دین شیخ ابراہیم زکزکی اور ان کی اہلیہ کی رہائی کے لئے ملک کے اہم شہروں میں احتجاجی مظاہرے وفاقی دارالحکومت ،کشمیر گلگت بلتستان کراچی کوئٹہ اور لاہور سمیت دیگر اہم شہروں میں احتجاجی مظاہرے کئے گئے مظاہرین کا نائیجریا حکومت سے شیخ زکزکی اور انکی اہلیہ کی فوری رہائی کا مطالبہ یواین اور انسانی حقوق کی تنظیموں سے نائجیریا میں جاری غیر قانونی ظالمانہ اقدامات پر نوٹس لینے کا مطالبہ دیگر شہروں کی طرح وفاقی دارالحکومت اسلام آباد میں بھی ایم ڈبلیو ایم نے احتجاجی مظاہرہ کیا احتجاجی مظاہر ہ امام بارگاہ جی سکس ٹو سے شروع ہو ا ۔

مظاہرے سے خطاب کرتے ہوئے مرکزی رہنما ایم ڈبلیو ایم علامہ اعجاز حسین بہشتی نے کہا کہ ظلم دنیا کے کسی بھی حصے میں ہو بیدار اور باضمیر انسان اس پر خاموش نہیں رہ سکتا ۔ مسلمان ایک جسد واحد کی طرح ہے نبی اکرم ص کے ماننے والوں پر کہیں بھی ظلم ہو تو دوسرے مسلمانوں کو فوری اس ظلم پر آواز بلند کرنا چاہئے ۔ نائجیریا کی حکومت نے لاکھو ں لوگوں کے قائد اور روحانی لیڈر کو بلاجوز قید کر رکھا اور ان کے چاہنے والوں پر عرصہ حیات تنگ کر رکھا ہے ۔ آیت اللہ شیخ ابراہیم زکزکی کو عالمی استعماری قوتوں کے اشارے پر سزا دی جار ہی ہے کیونکہ شیخ زکزکی نے سرزمین افریقہ پر دنیا کی استعماری اور جابر حکومتوں کے خلاف قیا ئم کیا عوام کو شعور اور آگہی دی ۔

 مظاہرین سے اپنے خطاب میں مرکزی رہنما ایم ڈبلیوایم نثار علی فیضی نے کہا کہ شیخ زکزکی کی پر امن تحریک کو دبانے کی کوشش کی گئی شیخ زکزکی افریقی خطے میں بین المذاہب ہم آہنگی کے لئے گراں قدر خدمات انجام دیں ان کی عوامی مقبولیت سے خوف زدہ ہو کر حکومت نے بلاجوز ان کے ادارے پر حملہ بے گناہوں کا قتل عام کیا ۔ شیخ زکزکی کو ان کی اہلیہ سمیت قید میں ڈال دیا گیا چار سال گزر گئے لیکن اب تک حکومت نے اعلی عدالت کے فیصلے کے باوجود شیخ زکزکی کو آزاد نہیں کی جو کہ انسانی حقوق کی بدترین پامالی ہے حکومت پاکستان بھی اس عظیم رہنما کی رھائی کہ لیے اپنا سیاسی و سفارتی کردار ادا کرے تاکہ نائیجیریا کہ عوام کو ظلم ا واستبداد کہ چنگل سے نجات مل سکے۔

علامہ اکبر کاظمی رہنما ایم ڈبلیو ایم نے اپنے خطاب میں کہا کہ ہم عالمی انسانی حقوق کی تنظیمو ں سے مطالبہ کرتے ہیں کہ فوری طور پر نائجیر یا میں جاری غیر انسانی ظالمانہ اقدامات پر نوٹس لے اقوام متحدہ کو شیخ زکزکی جوکہ ایک عالمی سطح کے مذہبی سکالر ہیں کی بلاجواز قید اور ان کے چاہنے والوں پر حکومتی مظالم پر نائجیرین حکومت سے جواب طلب کرنا چاہئے ۔ ہم عالمی استعماری قوتوں امریکہ اسرائیل اور اس کے حواریوں کے اشارے پر ہونے والے اس ظلم پر شدید احتجاج کرتے ہیں اور شیخ زکزکی جوکہ قید میں اس وقت بیمارہیں ان کو عالمی قوانین کے مطابق علاج فوری رہاکرنے کا مطالبہ کرتے ہیں ۔

وحدت نیوز(لاہور) مجلس وحدت مسلمین شعبہ خواتین ضلع لاہور کی جانب سے نائیجیریا کے معروف مذہبی اسکالر شیخ زکزاکی اور ان کی اہلیہ کی بے جرم وخطاءقید اور ان کیساتھ روا رکھا جانے والے غیر انسانی سلوک کے خلاف لاھور پریس کلب کے باہر احتجاج کیا گیا۔ اس موقع پر ضلعی سیکرٹری جنرل مجلس وحدت مسلمین شعبہ خواتین محترمہ حنا تقوی نے میڈیا سے گفتگو کرتے ہوے کہا کہ نائیجیریا میں اسلامی تحریک کے سربراہ شیخ زکزاکی کو عدالتی حکم کے باوجود نائیجیرین حکومت اور فوج نے غیر قانونی طور پر حراست میں لیا ہوا ہے جبکہ نائیجیریا کی سپریم عدالت نے شیخ زکزاکی کو رہا کرنے کے آرڈر جاری کیے ہیں۔

انہوں نے مزیدکہاکہ نائیجیرین حکومت عالمی استکباری طاقتوں کے دباو پر شیخ زکزاکی کو قتل کرنا چاہتی ہے ۔ہم ان ظالمانہ اقدام کی بھرپور مذمت کرتے ہیں اور مطالبہ کرتے ہیں کہ شیخ زکزاکی کو فی الفور رہا کیا جائے اور ان کو مکمل علاج معالجے کی بہترین سہولیات فراہم کی جائیں ۔ہم اس غیرانسانی فعل پر حکومت پاکستان سے بھی مطالبہ کرتے ہیں کہ وہ بزرگ عالم دین شیخ زکزاکی کی غیر انسانی قید اور قتل کی سازش کے خلاف عالمی سطح پر آواز اٹھائے۔

وحدت نیوز (کراچی) اسلامک موومنٹ آف نائیجیریا کے سربراہ آیت اللہ شیخ ابراہیم زکزکی اور ان کی اہلیہ کی بلاجواز گرفتاری اور انہیں دوران قید زہر دینے کے خلاف مجلس وحدت مسلمین پاکستان کے سربراہ علامہ راجہ ناصرعباس جعفری کی اپیل پر ملک بھرمیں پرامن یوم احتجاج منایا گیا۔چاروں صوبوں ،گلگت بلتستان ، آزادجموں وکشمیر کے مختلف شہروں میں احتجاجی مظاہرے کیئے گئے اور ریلیاں نکالی گئیں ۔ ملک بھرکی طرح سندھ کے مختلف اضلاع کراچی، حیدرآباد، سجاول، ٹھٹھہ،نواب شاہ ، ٹنڈومحمد خان، بدین، ماتلی، نوشہروفیروز، مٹیاری، دادو، خیرپور، گھوٹکی، شکارپور، جیکب آباد، لاڑکانہ،سکھر، کندھ کوٹ اور دیگر میں بھی بھرپور یوم احتجاجی اجتماعات منعقد کیئے گئے۔

ایم ڈبلیوایم کراچی ڈویژن کے تحت خوجہ جامع مسجد کھارادر، جامع مسجد نورایمان ناظم آباد اور جامع مسجد حسینی ؑبرف خانہ ملیر کے باہر بعد نمازجمعہ احتجاجی مظاہرے منعقد کیئے گئےجن سے خطاب کرتے ہوئے علامہ احمد اقبال رضوی، علامہ سید باقرعباس زیدی،علامہ صادق جعفری، علامہ مبشرحسن، علامہ علی انور جعفری، علامہ نشان حیدر، میر تقی ظفر ، ناصرالحسینی ودیگر مقررین نے کہاکہ شیخ ابرہیم زکزکی کو فوری رہا کیا جائے ان کی قید غیر انسانی و عالمی قوانین کے خلاف ہے ۔ شیخ زکزکی اور ان کے چاہنے والوں پر نائیجیرین حکومت کی بربریت کے خلاف یواین او سمیت عالمی انسانی حقوق کی تنظیمیں فوری ایکشن لے نائیجیریا  میں انسانی حقوق کی پامالیوں کے خلاف عالمی عدالتی کمیشن قائم کر کے تحقیقات شروع کی جائے۔

مقررین نے کہا کہ شیخ زکزکی کی غیر قانونی گرفتاری امریکہ و اسرائیلی دباو کا نتیجہ ہے ۔ آپ نائیجیریاسمیت پورے براعظم افریقہ میں اسرائیل کہ بڑھتےہوئے نفوذ کہ خلاف ایک آہنی دیوار تھے ۔ جنھوں نے براعظم افریقہ میں مظلوم فلسطینیوں کہ حق و آزادی کی حمایت کی بلکہ اسکے لیے عوامی احتجاج و بیداری کی تحریک چلائی ۔ شیخ زکزکی اور انکی اہلیہ کی غیر قانونی حراست حقوق انسانی کے عالمی اداروں کہ منہ پےطمانچہ ہے۔

 رہنماؤں نے کہاکہ نائیجیریا کی اسلامی تحریک کے سربراہ معروف اسلامک اسکالراور اس ملک کے کروڑوں مسلمانوں کے قائد و رہنماءآیت اللہ شیخ ابرہیم زکزکی قید کو چار سال ہو گئے ہیں شیخ ابرہیم زکزکی نے سرزمین افریقہ پر استعماری قوتوں کے خلاف پرامن قیام کیا جس کی انہیں سزا دی جا رہی ہے ان کے بیٹوں سمیت ہزاروں مسلمانوں کو 2015کے اپریشن میں شہید کردیا گیا اور بے جرم و بے گناہ شیخ ابرہیم زکزکی کو ان کی اہلیہ سمیت تشدد کے بعد زخمی حالت میں گرفتار کرلیا گیا ان کے ورثا کاکہنا ہے کہ انہیں جیل میں سلوپوائزن دیا جارہا ہے۔ ملک کی اعلی عدالت انہیں باعزت بری کرچکی ہے لیکن نائیجیریا کی اسٹبلشمنٹ انہیں رہا کرنے پر تیار نہیں۔

 ہم پاکستانی حکومت سے بھی اپیل کرتے ہیں کہ انسانی ہمدردی کی بنیادوں پر وہ نائیجیرین حکومت سے سفارتی سطح پر اس عظیم اسلامی رہنما کی رہائی کا مطالبہ کرئے تاکہ شیخ ابراہیم زکزکی ان کی اہلیہ اور نائیجیریا کےعوام کو ظلم واستبدادسےنجات مل سکے۔

وحدت نیوز(اسلام آباد) نائیجیریا کے معروف مذہبی سکالر شیخ ابرہیم زکزکی اور ان کی اہلیہ کی رہائی کے لئے پاکستان بھر میں بروز جمعہ احتجاجی مظاہرے کئے جائیں گئے۔ شیخ ابرہیم زکزکی کو فوری رہا کیا جائے ان کی قید غیر انسانی و عالمی قوانین کے خلاف ہے ۔ شیخ زکزکی اور ان کے چاہنے والوں پر نائیجیرین حکومت کی بربریت کے خلاف یواین او سمیت عالمی انسانی حقوق کی تنظیمیں فوری ایکشن لے نائیجیریا میں انسانی حقوق کی پامالیوں کے خلاف عالمی عدالتی کمیشن قائم کر کے تحقیقات شروع کی جائے۔ ان خیالات کا اظہار سربراہ مجلس وحدت مسلمین علامہ راجہ ناصر عباس جعفری نے میڈیا سیل سے جاری بیان میں کیا ۔

انہوں نے کہا کہ نائیجریا کی اسلامی تحریک کے سربراہ معروف اسلامک اسکالراور اس ملک کے کروڑوں مسلمانوں کے قائد و رہنماءآیت اللہ شیخ ابرہیم زکزکی قید کو چار سال ہو گئے ہیں شیخ ابرہیم زکزکی نے سرزمین افریقہ پر استعماری قوتوں کے خلاف پرامن قیام کیا جس کی انہیں سزا دی جا رہی ہے ان کے بیٹوں سمیت ہزاروں مسلمانوں کو 2015کے آپریشن میں شہید کردیا گیا اور بے جرم و بے گناہ شیخ ابرہیم زکزکی کو ان کی اہلیہ سمیت تشدد کے بعد زخمی حالت میں گرفتار کرلیا گیا ان کے ورثا کاکہنا ہے کہ انہیں جیل میں سلوپوائزن دیا جارہا ہے۔ ملک کی اعلی عدالت انہیں باعزت بری کرچکی ہے لیکن نائیجیریا کی اسٹبلشمنٹ انہیں رہا کرنے پر تیار نہیں۔

 ہم پاکستانی حکومت سے بھی اپیل کرتے ہیں کہ انسانی ہمدردی کی بنیادوں پر وہ نائیجیرین حکومت سے سفارتی سطح پر شیخ ابراہیم زکزکی کی رہائی کا مطالبہ کرئے ۔کل بروز جمعہ مجلس وحدت مسلمین کے کارکنان اس ظلم کے خلاف ملک بھر میں اپنا احتجاج ریکارڈ کروائیں گے اسلام آباد میں نیشنل پریس کلب پر احتجاجی مظاہرہ کیا جائے گااور اقوم متحدہ کے دفتر میں وفد کی صورت میں احتجاجی مراسلہ پہنچایا جائے گا ۔