وحدت نیوز(ٹیکسلا) مجلس وحدت مسلمین ٹیکسلا کے زیراہتمام جانثاران امام عصرؑ کنونشن کا جامعہ مسجد القائم میں انعقاد کیا گیا۔ جس میں بردار وقار بخاری اکثریت سے دوبارہ ایم ڈبلیوایم تحصیل ٹیکسلا کے سیکریٹری جنرل منتخب ہوئے۔

کنونشن میں ٹیکسلا کی سابقہ کابینہ سمیت لوگوں کی بڑی تعداد نے شرکت کی اس کے ساتھ ساتھ مرکزی سیکرٹری مالیات علامہ محمد اقبال بہشتی ، مرکزی سیکرٹری جوانان اعجاز حسین بہشتی، مرکزی سیکٹری تعلیم و چیئرمین برسی شہید قائد برادر نثارعلی فیضی اور ضلع روالپنڈی کے سیکرٹری جنرل علامہ علی اکبر کاظمی نے بھی شرکت کی ۔

وحدت نیوز(نوابشاہ) مجلس وحدت مسلمین ضلع نوابشاہ کا ضلعی شوریٰ کا اجلاس منعقد ہوا، جس میں اراکین ضلعی شوریٰ نے مولانا سجاد حسین محسنی کو اگلے 3 سالوں کے لئے مجلس وحدت مسلمین ضلع نوابشاہ کا سیکرٹری جنرل منتخب کرلیا، مجلس وحدت مسلمین صوبہ سندھ کے سیکرٹری جنرل علامہ سید باقر عباس زیدی نے نو منتخب سیکرٹری جنرل سے حلف لیا۔اجلاس میں صوبائی رہنما مولانا نقی حیدری ، آغا منور جعفری اور ارشداللہ مکتبی بھی شریک تھے ۔

وحدت نیوز(مظفرآباد) سیکریٹری جنرل مجلس وحدت مسلمین آزادجموں وکشمیر علامہ سید تصورحسین نقوی نےآل جموں و کشمیر ٹیچرز آرگنائزیشن(تنظیم اساتذہ)کے سابق مرکزی صدر سید نذیر حسین شاہ کی والدہ ماجدہ اورسید غلام حسین شاہ مرکزی رہنما جمعیت اہلحدیث آزادجموں و کشمیر کی ہمشیرہ محترمہ کے انتقال کے موقع پروفد کے ہمراہ ان کی نماز جنازہ میں شرکت کی۔

وفد میں مجلس وحدت مسلمین آزادجموں وکشمیر کے رہنمامولانا سید طالب حسین ہمدانی اورمولانا زاہد حسین کاظمی شامل تھے۔اس موقع پر علامہ سیدتصورحسین نقوی نے سید نذیر حسین شاہ سے ان کی والدہ کے انتقال کو ایک بڑا صدمہ کرار دیتے ہوۓ ان سے دلی تعزیت کے ساتھ مرحومہ کی بلندی درجات کی دعا کی۔

وحدت نیوز(لاہور) مجلس وحدت مسلمین شعبہ خواتین ضلع لاھور کی جانب سے گلشن راوی کے مقام پر یونٹ تشکیل دیا اور تقریب حلف برداری منعقد کی گئی۔‎محترمہ حنا تقوی سیکرٹری جنرل  مجلس وحدت مسلمین شعبہ خواتین لاہور نے یونٹ اراکین سے حلف لیا۔اس موقع پر محترمہ عظمیٰ نقوی ڈپٹی سیکرٹری جنرل، محترمہ فرحانہ سیکرٹری شعبہ تعلیم، محترمہ نجبہ سیکرٹری شعبہ تربیت، محترمہ حمیرا سیکرٹری شعبہ سیاسیات بھی ہمراہ موجود تھیں۔‎

یونٹ اراکین سے خطاب کرتے ہوئے محترمہ حنا تقوی کا کہنا تھا کہ ملت تشیع کی سربلندی کے لئے آپس میں ہم آہنگی اور اتحاد کا ہونا وقت کی اہم ضرورت ہے ‎دور حاضر میں سستی و غفلت کی کسی صورت گنجائش نہیں اپنے عصری تقاضوں کو پورا کر کے ہی ہم مھدوی انقلاب کا حصہ بن سکتے ہیں۔

 ان کا کہنا تھا ہمارے ناقص اعمال و کردار ظہور امام زمانہ عج میں رکاوٹ بنتے ہیں ۔لہذا گناہوں کو ترک کرنے کے ساتھ ساتھ اعمال صالح کو زیادہ انجام دینا بھی ضروری ہے۔‎یونٹ میں بچوں کے لیے تین روزہ دینی واخلاقی تربیتی سمر کیمپ کا بھی انعقاد کیا گیا۔‎محترمہ عظمیٰ نقوی نے یونٹ اراکین کو دینی و تربیتی کاوشوں کو جاری رکھنے کی ہدایت کی۔

وحدت نیوز(آرٹیکل)5 اگست پاکستان کی تاریخ کا وہ دردناک دن ہے کہ جس روز مکتب عشق و ولایت کے حقیقی پیرو،فرزند امام خمینی، محروموں و مظلوموں کی آواز، اسلام حقیقی (ناب محمدی) کے علمبردار قائد شہید علامہ عارف حسین الحسینی نے اپنے اباؤ اجداد کی سنت پر عمل کرتے ہوئے کربلا کی سرخ تاریخ کا حصہ بن گئے۔ شہید قائد نے مکتب کربلا میں عصر کے بت شکن امام خمینی رح کے ہاتھوں تربیت پائی تھی اس لیے شہید کی تحریک میں کربلا سے انس اور نائب امام زمان(ع) ولی فقیہ کی اطاعت کا پہلو سب سے نمایاں تھا شہید سراپا اخلاص و معنویت، مہر و محبت، شعور و بصیرت اور شجاعت کا پیکر تھے۔ وطن عزیز میں جہاں شہید قائد نے شرق و غرب کے عالمی کفر کے خلاف مزاحمت کی بنیاد رکھی وہاں نائب امام زمان(ع) امام خمینی رح کے ساتھ اپنی تحریک کو متصل کیا۔

 شہید قائد نے مزاحمت کے شجرہ طیبہ کی آبیار ی اپنے لہو سے کی اور یہ اعلان کیا کہ اجتماعی جدو جہد کا سر چشمہ اور کربلا سے وابستہ ہونے کا راستہ شہادت اور نائب برحق امام زمان(ع) ولی فقیہ کی پیروی ہے۔ شہید قائد کی شہادت پر امام خمینی نے ملت پاکستان کے نام ایک اہم ترین پیغام میں یہ فرمایاتھاکہ:“ یہ ممکن نہیں کہ ایک ہی مکتب اور نظریے میں دو متضاد اور ایک دوسرے کے مخالف طرز فکر موجود ہوں۔

تمام علماء کی زمہ داری ہے کہ ان دو طرز فکر کو واضح کر کے حقیقی اسلام کو استعمار کے شیطانی گماشتوں سے نجات دلائیں۔“آج عالمی سطح پر ایک بار پھر استعمار کی عالم اسلام کے خلاف ریشہ دوانیاں اپنے عروج پر ہے لیکن اللہ کی سنت ہے کہ ہر فرعون کے لیے ایک موسی، ابوجہل کے لیے محمد ص اور یذید کے لیے حسین ع کی طرح آج امام مہدی ع کے نائبین ولی امر مسلمین و دیگر مراجعین کی شکل میں پوری معنویت و الہیٰ نصرت کے ساتھ انکے ناپاک عزائم کو خاک میں ملا رہے ہیں۔

 نیل کے ساحل سے فرات تک کے گریٹر اسرائیل کے خواب چکنہ چور ہورہے ہیں۔ آج نائب برحق امام زمان ع، ولی امر مسلمین کی شخصیت پوری دنیا میں حق پسندوں اور انسان دوستوں کا اسم استعارہ ہیں جو باطل اور ظالم قوتوں کی نیندیں حرام کیے ہوئے ہیں۔ آج کے وقت کا یزید اس نتیجے پرپہنچا ہے کہ و ہ حق کے اس قافلے کوسامنے سے شکست نہیں دے سکتا اس لیے اسے اندر سے کمزور کرے،اسے نظام ولایت سے کاٹ دے اور رہبر مسلمین و مراجعین سے دور کر دے۔

 آج دشمن چاہتا ہے کہ وہ ان رہبران کی شخصیت کشی کے نشتر چلائیں اسلیے وقت کا تقاضا ہے کہ راہیان کرب وبلا، منتظرین امام مہدی یزید وقت کے تیروں کو اپنے سینے پر لیں اور عاشق ولایت، ناصر ولایت قائد شہید کی برسی کے اس اجتماع میں شرکت کر کے پوری دنیا بالخصوص امریکہ اسرائیل اور انکے گماشتوں کو یہ پیغام دیں کہ ہم:▪ ولی امر مسلمین رہبر جہان اور دیگر مراجعین کی عزت وحرمت پر اپنی جان قربان کرنے سے بھی گریز نہیں کریں گے اور انکی رہبر ی میں استعمار کی تمام سازشوں کو اپنی وحدت بصیرت اور جدوجہد کے زریعے ناکام بنا ئیں گے۔▪  شام، عراق، فلسطین،یمن، کشمیر میں آل یہود،آل سعود اور آل ہنود کے مظالم کے خلاف آوازحق بلند کرتے رہیں گے۔▪

 عاشقان وناصران ولایت، شہید قائد کے خط پر اپنی اجتماعی جدو جہد جاری رکھیں گے اور شہید قائد کے افکار کی تبلیغ و ترویج کے لیے اپنا تن من دھن سب قربا ن کریں گے۔▪  امام زمان عج کے ظہور کی زمینہ سازی کریں گے اور انکی غیبت میں انکے جانشین و نائب ولی امر مسلمین جہان اور  مراجعین کی پیروی سے ایک انچ پیچھے نہیں ہٹیں گے۔▪  پاکستان کی نظریاتی و جغرافیائی سرحدوں کی حفاظت کے لیے کسی قسم کی قربانی سے دریغ نہیں کریں گے اور شہداء پاکستان کے لہو کو رائیگاں نہیں جانے دیں گے۔

تحریر : نثارعلی فیضی

وحدت نیوز(جیکب آباد) مجلس وحدت مسلمین پاکستان کے مرکزی ترجمان علامہ مقصود علی ڈومکی نے شھید علامہ عارف حسین الحسینی کی 31 ویں برسی کے سلسلے میں اصغریہ آرگنائزیشن پاکستان کے مرکزی صدر نسیم عباس منتظری کو دعوت دی جبکہ اسی مناسبت سے گوٹھ جلبانی میں مومنین سے گفتگو کرتے ہوئے علامہ مقصود علی ڈومکی نے کہا کہ قائد شہید کی برسی کی مناسبت سے چار اگست کو اسلام آباد میں ملک گیر اجتماع ہوگا۔

ناصران ولایت کانفرنس سےاتحاد بین المسلمین،پاک وطن کی عزت و وقار اور سر بلندی کا پیغام دیا جائے گا۔اس وقت عالمی سطح پراسلام دشمن قوتوں کی طرف سے وطن عزیز پاکستان اور ملت اسلامیہ کو جو مشکلات اور مسائل در پیش ہیں اس حوالے سے مجلس وحدت مسلمین کے قائدعلامہ راجہ ناصر عباس جعفری اور ملکی سطح کے اکابرین اپنے آئندہ لائحہ عمل کا اعلان کریں گے۔

انہوں نے کہا کہ علامہ سید عارف حسین الحسینی نے وطن عزیزپاکستان میں عالمی سامراج اور ضیائی امریت کے خلاف جو جدوجہد کی انہیں ہمیشہ سنہری حروف میں لکھا جائے گا۔علامہ سید عارف حسینی انقلابی افکار کے حامل اتحاد بین المسلمین کے علم برداروطن عزیز پاکستان کی عزت و وقاراور سر بلندی کے محافظ رہنما تھے۔31سال کا طویل عرصہ گذر جانے کے باوجودان کے افکار انکی تعلیمات اور انکا انقلابی نظریہ آج بھی پاکستان کے کروڑوں لوگوں کے لئے رہنما اصول کا درجہ رکھتے ہیں۔

انہوں نے کہا کہ ملک گیر ناصران ولایت کانفرنس میں ملک بھر سے علمائے کرام اکابرین تنظیمی رہنما،ذاکرین قائد شھید کے اہل خانہ،ملک بھر سے مجلس وحدت مسلمین کے کارکن اور علامہ سید عارف حسین الحسینی کے پیروکار شریک ہونگے۔