وحدت نیوز(لاہور) مجلس وحدت مسلمین پاکستان صوبہ پنجاب کے صدر علامہ سید علی اکبر کاظمی نے لاہور میں میڈیا گفتگو کے دوران کہا کہ مستونگ میں بچوں کے سکول پر بم دھماکہ دہشتگردوں کا بزدلانہ اقدام ہے، یہ دہشت گرد وطن عزیز کا امن خراب کرنا چاہتے ہیں اور نسلی بنیادوں پر نسلی فسادات کروانا چاہتے ہیں، ان کا مقصد بیرونی ایجنڈے پر وطن عزیز کے عوام میں خوف و ہراس پیدا کرنا ہے اور ان کو گھروں تک محدود کرنا ہے، لیکن پاکستان کے عوام کسی صورت بھی ان دہشتگردوں کو کامیاب ہونے نہیں دیں گے۔

 انہوں نے کہا کہ پاکستانی قوم متحد ہے اور وہ وطن عزیز کی سلامتی اور استحکام کیلئے ہر قسم کی قربانی دے رہے ہیں، بلوچی ہو سندھی ہو پنجابی ہو یا پٹھان ہو، سب ایک زنجیر پاکستان  کا حصہ ہیں، اور سب کی حفاظت کرنا ہمارے تمام سکیورٹی اداروں کی ذمہ داری ہے۔
 
انہوں نے کہا کہ وطن عزیز میں ہر طرف خوف و ہراس ہے، کوئی کسی کو کوئی خبر نہیں کہ وہ شام کو گھر لوٹے گا یا نہیں آخر کار ہمارے سکیورٹی ادارے کیا اپنے فرائض نبھا رہے ہیں؟ کیا یہ بم دھماکہ سکیورٹی اداروں کی کارکردگی پر سوالیہ نشان نہیں؟ حالانکہ سکیورٹی اداروں کی ذمہ داری ہے کہ عوام الناس کا خیال رکھیں، ان کی حفاظت کریں، ان کے جان و مال کی حفاظت یقینی بنائیں، لیکن آئے دن ملک میں کچھ نہ کچھ کہیں نہ کہیں سانحہ رونما ہو جاتا ہے۔

علامہ علی اکبر کاظمی نے کہا کہ اس کا جواب کون دے گا؟ اس کی ذمہ داری کیا موجودہ حکومت پر نہیں آتی؟ کیا حکومتی ادارے سکیورٹی فورسز کیا کر رہی ہیں؟ ہم مستونگ میں بچوں کے سکول پر دھماکے کی بھرپور مذمت کرتے ہیں اور حکومت وقت سے مطالبہ کرتے ہیں کہ جلد ازجلد دہشت گردوں کو گرفتار کیا جائے اور ملک میں امن و امان کی صورتحال کو بحال کیا جائے۔

وحدت نیوز(پاراچنار) مجلس وحدت مسلمین ضلع پاراچنار کے صدر اورتحصیل چیئرمین اپر کرم آغائے مزمل حسین کا ڈائریکٹر جنرل سول ایوی ایشن پاکستان کو پاراچنار ائیرپورٹ کے بحالی کے حوالے سے خط اور جواب میں ائیرپورٹ کلیئرینس کا تفصیلی بیان۔

ائیرپورٹ  صرف Small Aircraft کے لئے موضوع ہے اور پاکستان میں مختلف اپریٹرز کو لائسنس بھی جاری کئے ہیں اور محکمہ ٹوریزم پرومیوشن اور ریجنل انٹیگریشن پاکستان کو بھی لائسنس جاری کئے ہیں کہ پاراچنار سے/کو چھوٹے ائرکرافٹ فنکشنل کئے جائے۔

لیکن کوئی بھی اپریٹر پاراچنار سے/کو ائرکرافٹ کے لئے نہیں مل رہا جو صرف جہاز کا لائسنس لے اور فلائٹس شروع کر لے۔
باقی ائرپورٹ چھوٹے ایرکرافٹس کے لئے بلکل ٹھیک ہے اب صرف اپریٹرز کی کمی ہے۔

اگر کوئی پاراچنار سے لائسنس لینے کا ارادہ رکھتا ہے تو لائسنس کے لئے اپلائی کر لے کہ جلد ہی جہازوں کا سلسلہ شروع ہو جائے۔

وحدت نیوز(کراچی)مجلس وحدت مسلمین پاکستان کے مرکزی وائس چیئرمین علامہ سید احمد اقبال رضوی کی والدہ مرحومہ کی نماز جنازہ امام بارگاہ سامرہ نیورضویہ سوسائٹی اسکیم 33 کراچی میں ادا کی گئی، نماز جنازہ خود آغائے احمد اقبال رضوی کی زیر اقتداءاداکی گئی۔

نماز جنازہ اور تدفین میں مجلس وحدت مسلمین کے مرکزی رہنما معروف عالم دین علامہ سید حسن ظفر نقوی، مرکزی جنرل سیکریٹری سید ناصرعباس شیرازی، مرکزی پولیٹیکل سیکریٹری سید اسدعباس نقوی، صوبائی صدر سندھ مولانا سید باقرعباس زیدی،نائب صدر مولانا مختاراحمد امامی، جعفریہ الائنس کے مرکزی رہنما علامہ باقر حسین زیدی وشبر رضا رضوی،مرکزی رہنما شیعہ علماءکونسل مولانا ناظرعباس تقوی ،خطیب حسینیتؑ علامہ محمد نقی نقوی ، ہیئت آئمہ مساجد وعلمائےامامیہ کے رہنما مولانا صادق رضا تقوی ، مجلس ذاکرین امامیہ کے رہنماعلامہ ڈاکٹر جواد حیدرزیدی، مولانا صادق جعفری، مولانا حیات عباس نجفی ، علامہ مبشر حسن ، رضی حیدررضوی،علی احمرزیدی،آصف صفوی، علی نیئرزیدی ، حسن رضا ، زین رضا رضوی ، کاظم عباس، احسن عباس رضوی، قیصرعباس زیدی ودیگر رہنماؤں سمیت مختلف علمائے کرام، ذاکرین عظام، مذہبی، سماجی شخصیات اور مختلف شعبہ ہائے زندگی سے تعلق رکھنے والے افراد نے شرکت کی، مرحومہ ومغفورہ کو آہوں اور سسکیوں میں وادی حسینؑ میں سپرد لحد کردیا گیا۔

وحدت نیوز(کندھ کوٹ)  مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ پاکستان میں بسنے والے سات کروڑ شیعہ مسلمانوں کے بنیادی عقائد کو نظرانداز کرتے ہوئے متنازعہ نصاب تعلیم مرتب کیا گیا ہے۔ جس پر کروڑوں اہل سنت محبان اہل بیت بھی معترض ہیں۔ یہ بات ایم ڈبلیو ایم کشمور کے ضلعی صدر میر فائق علی خان جکھرانی کی رہائش گاہ پر پریس کانفرنس سے خطاب کرتے ہوئے کہی۔ اس موقع پر ایم ڈبلیو ایم کشمور کے ضلعی صدر میر فائق علی خان جکھرانی، ضلعی نائب صدر مولانا سید باقر شاہ شمسی، تعلقہ صدر کندہ کوٹ بابر علی ملک، صوبائی صدر ایم ڈبلیو ایم بلوچستان علامہ سید ظفر عباس شمسی، علامہ سہیل اکبر شیرازی، جنرل سیکرٹری وحدت یوتھ ونگ تعلقہ کندہ کوٹ زبیر احمد بلوچ، میر نجم الدین خان جکھرانی و دیگر بھی موجود تھے۔

اس موقع پر گفتگو کرتے ہوئے علامہ مقصود علی ڈومکی نے کہا کہ متنازعہ نصاب تعلیم کے حوالے سے پاکستان کے کروڑوں شہریوں کو تحفظات ہیں۔ پاکستان میں بسنے والے سات کروڑ شیعہ مسلمانوں کے بنیادی عقائد کو نظرانداز کرتے ہوئے متنازعہ نصاب تعلیم مرتب کیا گیا ہے۔ جس پر کروڑوں اہل سنت محبان اہل بیت بھی معترض ہیں۔ حکومت کو چاہئے کہ وہ 1975 کے نصاب تعلیم کو بحال کرتے ہوئے متنازعہ نصاب تعلیم پر نظرثانی کرے۔

 انہوں نے کہا کہ مجلس وحدت مسلمین پاکستان نے صوبائی سطح پر نصاب تعلیم کمیٹیاں تشکیل دی ہیں۔ جس میں ماہرین تعلیم علماء کرام اور سینیئر تنظیمی رہنماء شامل ہیں۔ انکا کہنا تھا کہ سندھ میں امن و امان کی صورتحال کو بہتر کرنے کی ضرورت ہے۔ اغواء برائے تاوان، چوری اور ڈکیتی کی وارداتوں کے سبب عام شہری پریشان ہیں اور تاجر طبقہ خود کو غیر محفوظ سمجھتا ہے۔ ملکی ترقی، تعمیر اور استحکام کے لئے امن و امان بنیادی ضرورت ہے۔ پیپلز پارٹی کی سندھ حکومت کچے کے اضلاع کشمور، شکار پور، گھوٹکی سمیت سندھ بھر میں امن و امان کی بہتری کے لئے سنجیدہ عملی اقدامات کرے۔