The Latest
وحدت نیوز (اسلام آباد ) ملت پاکستان بالخصوص مجلس وحدت مسلمین پاکستان پر امن ،منصفانہ ، عادلانہ اور شفاف انتخابات کے نتیجے میں صدرجمہوری اسلامی ایران منتخب ہو نے پر آغائے حسن فریدون روحانی کو مبارک باد پیش کر تی ہے ، جمہوری اسلامی ایران میں انتقال اقتدار کا عادلانہ نظام پورے دنیا کے لئے باعث تقلید ہے ۔ امید ہے کہ پاکستان اور ایران میں بر سر اقتدار آنے والی دونوں نئی حکومتیں خطے میں قیام امن اور باہمی مظبوط روابط کے لئے مشترکہ جدوجہد کریں گی ۔ ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے مرکزی سیکریٹریٹ وحدت ہاؤس اسلام آباد سے جاری اپنے تہنیتی پیغام میں کیا ۔
ان کا کہنا تھا کہ امام سید علی خامنہ ایٰ کی مدبرانہ قیادت میں حکومت اسلامی اپنی عوج کمال کی جانب گامزن ہے ، اور ایک مرتب پھر مظبوط جمہوری حکومت کی تشکیل رہبر معظم کی با بصیرت قیادت کی ہی مرہون منت ہے ، امید ہے کہ نومنتخب صدر جمہوری اسلامی ایران آغائے حسن روحانی رہبر انقلاب اسلامی سید علی خامنہ ایٰ کے فکر و فلسفے کی روشنی میں حکومت اسلامی اور ملت اسلامی کی خدمت کا فریضہ انجام دیں گے ۔
ان کا کہنا تھا کہ ایران پاکستان گیس پائپ لائن منصوبے کی تکمیل دونوں نئی حکومتوں کے لئے کسی چیلنج سے کم نہیں ہے ، پاکستانی عوام کی خواہش ہے کہ ایران اور پاکستان کی حکومتیں کسی بھی بیرونی پریشر کو مسترد کر تے ہو ئے جلد از جلد اس منصوبے کو منطقی انجام تک پہنچائیں ۔ جو کہ دونوں ملکوں کے عوام کو ایک دوسرے کے مذید قریب لانے میں معاون و مددگار ثابت ہو گی ۔
ان کا کہنا تھا کہ پاکستان اور ایران کے درمیان قائم تعلقات صدیوں پر محیط ہیں ، جن کی بنیاد اسلامی ثقافت ، اسلامی فن تعمیر ، اسلامی تعلیما ت ، اسلامی حجاب او ر سب سے بڑھ کر اسلامی انقلاب کے عشق و محبت ہے ۔ ہمیں امید ہے کہ صدر مملکت آصف علی زرداری اور نومنتخب ایرانی صدر آغائے حسن فریدون روحانی پاک ایران برادرانہ اسلامی تعلقات کووسعت دینے کے لئے اپنی تر توانائیاں بروئے کار لائیں گے ۔
وحدت نیوز (بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے پریس کلب اسکردو کی عمارت پر انتظامیہ کے غیر قانونی قبضے کے خلاف پریس کلب اسکردو کے ممبران اور صحافیوں کے غیر متزلزل عزم کو سراہتے ہوئے کہا ہے کہ پریس کلب کے ممبران اور بلتستان کے صحافیوں کا قیام رنگ لائے گا اور مطالبات منظور ہونگے۔
پریس کلب کے ذمہ داران نے جس مہذب اور شائستہ انداز سے دھرنا جاری رکھا ہوا ہے وہ قابل تحسین اور حوصلہ افزاء ہے جبکہ دوسری طرف یہ دھرنا اور علامتی بھوک ہڑتال سول سائٹی، سیاسی و مذہبی تنظیموں کے لئے بھی امتحان ہے۔ مصیبت کے اس کڑے وقت میں جہاں پریس کلب کو تنہا کرنے کی کوشش کی جارہی ہے، مجلس وحدت پریس کلب کے شانہ بشانہ کھڑی ہے اور اس معاملے کے حل کے لئے دوبارہ آل پارٹیز کانفرنس بلائے گی۔ جہاں تمام سیاسی پارٹیاں بیٹھ کر لائحہ عمل طے کریں گی اور امید ہے کہ یہ معاملہ احسن طریقے سے اختتام پذیر ہوگا۔
وحدت نیوز (کوئٹہ) مجلس وحدت مسلمین کے مرکزی رہنما علامہ سید ہاشم موسوی نے اپنے ایک بیان میں دہشتگردی کی مذمت کرتے ہوئے کہا دہشتگردی پاکستان کی سا لمیت کیلئے ایک عظیم خطرہ ہے۔دہشتگردی سے فی الحال کا روبار ،دفتری نظام تعلیم سمیت زندگی کے دیگر شعبہ جات متاثر ہو چکی ہیں اور ملکی ترقی رک گئی ہے۔در حقیقت دہشتگردی پاکستان بلکہ عالم اسلام کو دیمک کی طرح چاٹ رہی ہے ۔
طالبات پر حملہ قوم کے مستقبل پر حملہ ہے اس سلسلے میں سیکورٹی فورسز حکومت اسٹبلشمنٹ کے دیگر ادارے اور عوام سبھی کو اپنی ذمہ داری نبھانے کی ضرورت ہے ۔علماء اور دانشور طبقہ اپنی صفوں سے تکفریوں کو نکال باہر کر دے تا کہ دہشتگردی اور دہشتگردوں کی حوصلہ شکنی ہو۔
وحدت نیوز (مانیٹرنگ ڈیسک) شام کے صدر بشار الاسد نے کہا ہے کہ اگر یورپی ممالک شامی حکومت کے خلاف سرگرم عمل مسلح باغی دہشتگردوں کا اسلحہ فراہم کرینگے تو انہیں ایک دن اس کی قیمت بھی چکانا پڑے گی۔ جرمنی کے ایک اخبار نے شامی صدر کے حوالے سے لکھا ہے کہ اگر یورپی ممالک شامی باغیوں کو اسلحہ فراہم کریں گے تو یورپی ممالک کے دوست ممالک بھی دہشتگردوں سے بھر جائیں گے، اور پھر یورپی ممالک کو اپنی اس حرکت کی بھاری قیمت چکانا ہوگی۔ شامی صدر کا مزید کہنا تھا کہ شامی حکومت کے خلاف سرگرم عمل باغی دہشتگرد یورپی اسلحے کی بدولت ماہر جنگجو بن جائیں گے اور پھر اپنے شدت پسند نظریات کی طرف لوٹ جائیں گے۔
شام کے صدر بشار الاسد نے امریکہ، برطانیہ اور فرانس کے اس دعوے کو بھی شدت سے مسترد کر دیا، جس میں کہا گیا تھا کہ شام کی سکیورٹی فورسز نے باغی عسکریت پسندوں کے خلاف کیمیائی ہتھیاروں کا استعمال کیا ہے۔ شامی صدر کا کہنا تھا کہ اگر اس سلسلے میں پیرس، لندن اور واشنگٹن کے پاس کوئی ایک بھی ثبوت ہوتا تو وہ اسے ضرور دنیا کے سامنے آشکار کرتے۔ بشار الاسد نے یہ بیان امریکہ کے صدر باراک اوباما کے اس دعویے کے بعد دیا ہے جس میں امریکی صدر نے کہا تھا کہ دمشق کی حکومت نے عسکریت پسندوں کے خلاف کیمیائی ہتھیاروں کا استعمال کرکے ریڈ لائن کو عبور کر لیا ہے۔ باراک اوباما نے گذشتہ ہفتے اپنی حکومت کو حکم دیا تھا کہ وہ شام میں سرگرم عمل مسلح باغیوں کو اسلحہ کی فراہمی شروع کر دیں۔ اسی طرح برطانیہ اور فرانس نے بھی بشار الاسد کی حکومت کی سرنگونی کے لئے مصروف عمل شامی باغیوں کو اسلحہ کی فراہمی پر رضا مندی کا اظہار کیا ہے۔
ادھر شام کے نائب وزیر خارجہ فیصل مقداد نے بھی مغربی ممالک کی طرف سے شامی حکومت کے خلاف برسرپیکار باغی دہشتگردوں کو اسلحہ کی فراہمی پر شدید تنقید کی ہے اور کہا ہے کہ مغربی ممالک کی طرف سے باغیوں کی اسلحہ کے ترسیل سے شام میں قتل و غارت گری کو فروغ ملے گا، جو کہ انسانی اور اخلاقی لحاظ سے بھی قابل قبول نہیں ہے۔ فیصل مقداد نے واضح کیا کہ ان اقدامات کا ارتکاب وہ لوگ کر رہے ہیں جو چاہتے ہیں کہ شام میں قتل و غارت گری جاری رہے۔ شامی باغیوں کو بندوقیں، آر پی جی اور اینٹی ٹینک راکٹوں کی فراہمی کی خبریں ایسی حالت میں سامنے آ رہی ہیں کہ چند دن پہلے ہی شامی فوج نے میدان جنگ کے مختلف محاذوں پر باغی دہشتگردوں کو بھاری جانی نقصان پہنچایا ہے۔
وحدت نیوز (کوئٹہ) مجلس وحدت مسلمین پاکستان کے مرکزی ڈپٹی سیکریٹری جنرل اور مرکزی ترجمان علامہ سید حسن ظفر نقوی 4 روزہ دورے پر شہداء کی سرزمین کوئٹہ پہنچ گئے ہیں۔ دورے کے موقع پر وہ مجالس عزا و دیگر محافل سے خطاب کریں گے جبکہ علمائے کرام اور عمائدینِ کوئٹہ سے بھی ملاقات کریں گے۔ علامہ حسن ظفر نقوی کے دورے کی مناسبت سے پہلی رات کو ماہ شعبان کی فضیلت کے مناسبت سے امام بارگاہ ہزارہ نیچاری میں ایک پر نور مجلس کا انعقاد کیا گیا۔ مجلس میں مومنین کی بڑی تعداد نے شرکت کی۔ یہ مجلس 18,19,20,21 کو بھی منعقد ہوگی۔ مومنین و مومنات اس پر نورمجلس میں بھر پور شرکت کریں۔
وحدت نیوز (اسلام آباد) مجلس وحدت مسلمین پاکستان کے مرکزی ڈپٹی سیکریٹری جنرل اور سیکرٹری امور خارجہ علامہ سید شفقت شیرازی نے اپنے ایک بیان میں کہا ہے کہ حالیہ دنوں میں تسلسل کے ساتھ عراق میں ہونے والے دھماکے کہ جس میں درجنوں بے گناہ شہری شہید ہوئے ہیں اور متعدد زخمی ہوئے ہیں، ان سے معلوم ہوتا ہے کہ سامراج اس خطے میں اپنی شیطانی کارستانیوں میں تیزی دکھا رہا ہے اور اس کی پوری کوشش ہے کہ مشرق وسطی میں اپنے دیرینہ شیطانی خواب کو جلد از جلد پورا کرے۔ انہوں نے گزشتہ ہفتوں معصوم بچوں اور عورتوں کے انتہائی مظلومانہ قتل عام کی مذمت کرتے ہوئے کہا کہ شام میں دنیا بھر سے اکھٹے کئے گئے دہشتگردوں نے نہ صرف شامی عوام کی اصلاحات کی خواہش کو پس و پشت ڈالا ہے بلکہ خطے میں ظلم اور بربریت کی نئی تاریخ بھی رقم کردی ہے کہ انسانیت جس کے سامنے شرماتی ہے۔
انہوں نے کہا کہ کسی بھی ملک میں تبدیلی یا اصلاحات کی خواہش اور کوشش اس ملک کی عوام کی جانب سے ہوا کرتی ہے لیکن افسوس ناک پہلو یہ ہے کہ اسلامی ممالک میں سامراج اپنی مرضی کی تبدیلیاں لاتا اور لانے کی کوشش کرتا ہے اور اگر عوام ایسے سامراجی ایجنڈوں کے آگے جب دیوار بنتی ہے تو بیرونی کرائے کے قاتلوں کو دنیا بھر سے اکھٹا کرکے اس پرملک حملہ آور ہوتا ہے۔ انہوں نے کہا کہ عراق میں زائرین پر ہونے والے حملوں اور اسی طرح شام میں امت مسلمہ یہاں تک کہ دیگر مذاہب کے مقدسات کی توہین سے یہ بات ثابت ہوتی ہے کہ اس شیطانی کھیل کے پیچھے خونخوار اسرائیلی ایجنڈے پوشیدہ ہیں اور اسرائیل مقدسات کی توہین کو ایک ایسا عام مسئلہ بنانا چاہتا ہے کہ جس کے بعد خدانخواستہ قبلہ اول کو گرانے کی اس کی خواہش کے لئے آسانیاں پیدا ہوں۔
ایم ڈبلیو ایم کے مرکزی ڈپٹی سیکریٹری جنرل نے کہا کہ امت مسلمہ کے لئے آج تکفیری سوچ کے پیچھے پوشیدہ سامراجی ایجنڈے اصلی اور بڑے خطرات ہیں جس کا مقابلہ باہمی اتحاد و وحدت اور بھائی چارگی سے ہی ممکن ہے۔ انہوں نے کہا کہ امت مسلمہ کو اپنی صفوں میں مزید وحدت اور بھائی چارگی ایجاد کرنے ضرورت ہے، جس کے لئے ضروری ہے کہ فروعی اختلافات کو ہوا دیئے بغیر مشترکہ دشمن کے سامنے جسد واحد ہوکر عقل و منطق اور سمجھ داری کے ساتھ ثابت قدمی دکھائی جائے۔
وحدت نیوز (مظفرگڑھ) مجلس وحدت مسلمین پاکستان (مظفرگڑھ) کے نئے سیکرٹری جنرل کے انتخاب کے لیے ضلعی شوری کا اجلاس مقامی امام بارگا ہ مظفرگڑھ میں منعقد ہوا۔ اجلاس میں ضلعع بھر کے تمام یونٹس کے نمائندگان نے شرکت کی۔ اجلاس کی صدارت مرکزی ڈپٹی سیکرٹری جنرل علامہ محمد امین شہیدی نے کی۔
اجلاس کے آغاز میں سابقہ سیکرٹری جنرل نے اپنی کارکردگی رپورٹ پیش کرتے ہوئے اپنی مکمل کابینہ سمیت مستعفی ہونے کا اعلان کیا ۔ بعدازاں یونٹس اور ضلع کی جانب سے تین اُمیدواروں کو ضلعی سیکرٹری جنرل کا الیکشن لڑنے کا موقع ملا جن میں سابق سیکرٹری جنرل علی رضا طوری، غلام حسین اور علامہ زکریا ترابی شامل تھے۔ اجلاس کی کاروائی کے دوران دلچسپ مناظر دیکھنے کو ملے اور باقاعدہ طور پر اُمیدواروں کی جانب کسی حد تک کمپین چلائی گئی۔ جس کے نتیجے مقابلہ کانٹے دار ہوگیا۔ باالاخر علامہ زکریا ترابی کو آئندہ تین سال کے لیے نیا سیکرٹری جنرل منتخب کرلیا گیا۔ جن سے مرکزی ڈپٹی سیکرٹری جنرل علامہ محمد امین شہیدی نے حلف لیا۔
وحدت نیوز (ملتان) مجلس وحدت مسلمین ملتان کی ضلعی شوری کا اجلاس 22 جون کو جامعہ شہید مطہری ملتان میں منعقد ہوگا۔ اس حوالے سے مجلس وحدت مسلمین ملتان ضلعی سیکرٹری جنرل علامہ سید اقتدار حسین نقوی نے ''اسلام ٹائمز ''سے گفتگو کرتے ہوئے کہا کہ کنونشن کے دعوت ناموں کی تقسیم کا مرحلہ جاری ہے اور اس موقع پر تین سال کے لیے نئے سیکرٹری جنرل کا انتخاب کیا جائے گا۔ اُنہوں نے مزید کہا کہ کنونشن میں مجلس وحدت مسلمین کے مرکزی ڈپٹی سیکرٹری جنرل علامہ محمد امین شہیدی اور صوبائی سیکرٹری جنرل پنجاب علامہ عبدالخالق اسدی کی شرکت بھی متوقع ہے۔ اُنہوں نے بتایا کنونشن کے انتظامات مکمل ہوچکے ہیں اس کنونشن میں ملتان کی اہم شخصیات کی شرکت بھی متوقع ہے۔
وحدت نیوز (لاہور) امامیہ اسٹوڈنٹس آرگنائزیشن پاکستان کے مرکزی صدر اطہر عمران طاہر نے قائداعظم کی ریذیڈنسی، سردار بہادر ویمن یونیورسٹی، بولان میڈیکل کمپلیکس پر دہشت گرد حملوں کی شدید مذمت کرتے ہوئے کہا یہ حملے اسلام، وطن اور علم دشمن قوتوں کی گھناونی سازش ہیں جو پاکستان کو عدم استحکام کا شکار کرکے عوام میں خوف و ہراس اور مایوسی پھیلانا چاہتے ہیں مگر پاکستان کی محب وطن عوام کے حوصلے بلند اور عزائم پختہ ہیں، ہم اپنے وطن کے چپہ چپہ کی حفاظت کیلئے کسی قربانی سے دریغ نہیں کریں گئے۔
اطہر عمران طاہر نے کہا کہ قائداعظم کے آخری دورِ حیات کی آرامگاہ قائداعظم ہاؤس زیارت پر حملہ اصلاً وجودِ پاکستان پر حملہ ہے اور یہ پارلیمنٹ اور وزیراعظم ہاؤس پر حملے سے زیادہ اہم نوعیت کا حامل ایک سنگین ترین معاملہ ہے، جس پر ملک میں ہنگامی حالات کا نفاذ بھی ہوسکتا ہے۔ انہوں نے کہا کہ زیارت ریزیڈنسی سانحہ المناک تاریخی اور قوم کو ہلا دینے والا واقعہ ہے جس پر پوری قوم کو نوٹس لینا چاہئے۔
وحدت نیوز( بلتستان) مجلس وحدت مسلمین پاکستان بلتستان ڈویژن کے ترجمان فدا حسین نے کوئٹہ میں طالبات کی بس پر حملہ کی شدید الفاظ میں مذمت کرتے ہوئے کہا کہ کوئٹہ دھماکہ نے جس میں ایک درجن سے زائد طالبات کی جانیں چلی گئیں زمانہ جہالت کی یاد تازہ کردی ہے۔ انہوں نے کہا کہ خواتین پر حملہ کے بعد بولان میڈیکل ہسپتال میں حملہ صرف غیر اسلامی ہی نہیں بلکہ غیر انسانی فعل ہے۔ یہ فعل عرب زمانہ جہالت کے ابوجہلوں کے وارثوں کی کارستانی ہے کہ ان دنوں عورتوں کو زندہ در گور کرتے تھے اور آج دھماکوں میں ریزہ ریزہ کر رہے ہیں۔ یہ حملہ علم پر حملہ ہے، معرفت پر حملہ ہے، دانش پر حملہ ہے، عقل پر حملہ ہے، خرد پر حملہ ہے اور حکمت پر حملہ ہے۔
فدا حسین نے کہا کہ علم و جہالت کا مقابلہ ہمیشہ سے ہے اور ہمیشہ رہے گا، ظلم و جہالت کے خداوں کی یہ بھول ہے کہ دھماکوں سے چراغ علم کو گل کریں۔ انہوں نے کہا کہ ہم پر زور مطالبہ کرتے ہیں کہ ان علم دشمنوں، جہالت کے خداوں اور زمانے کے ابوجہلوں کو فوری طور پر گرفتار کرکے قرار واقعی سزا دی جائے۔ انہوں نہ یہ بھی کہا کہ اس دھماکے اور زیارت حملہ کے پیچھے ایک ہی ہاتھ نظر آتا ہے اور ہدف وطن عزیز کو کمزور کرنا ہے اور اس معاملے میں بیرونی طاقتوں کو کسی صورت نظر انداز نہیں کیا جاسکتا ہے۔
