The Latest
وحدت نیوز (نگر) الیکشن کمشنر گلگت بلتستان ضابطہ اخلاق کی خلاف ورزیوں کے مرتکب امیدواروں کے خلاف فوری نوٹس لیکر قانون کے مطابق ایکشن لیں اور اگر ایسا نہ ہوا تو ان انتخابات کا کوئی فائدہ نہیں ہوگا اور الیکشن کمیشن کی غیرجانبداری مشکوک ہوجائیگی۔ ان خیالات کا اظہار مجلس وحدت مسلمین کے نامزد امید وار برائے جی بی ایل اے 4 ہنزہ نگر 2 ڈاکٹر علی محمد نے بوڑہ لس میں عوامی اجتماع سے خطاب کرتے ہوئے کیا۔ انہوں نے کہا کہ کیا الیکشن کمیشن کا بنایا ہوا ضابطہ اخلاق کا اطلاق صرف مجلس وحدت مسلمین پر ہوتا ہے اور دیگر جماعتیں اس ضابطہ اخلاق سے مستثنیٰ ہیں؟ ہنزہ نگر میں سرکاری پولز پر تمام جماعتوں کے بینرز اور جھنڈے لگے ہوئے ہیں اور صرف مجلس وحدت کے جھنڈے اور بینرز اتارے گئے ہیں جو کہ سرکار کی یکطرفہ کاروائی ہے۔ انہوں نے الیکشن کمشنر سے مطالبہ کیا کہ وہ فوری طور پر ضابطہ اخلاق کے مطابق سادہ لوح اور غریب عوام کے ووٹ کی بولی لگانے والوں کے خلاف ایکشن لیں۔ انہوں نے کہا کہ ووٹ بیچنا ایک طرح سے ضمیر کا سودا ہے اور نگر کے غیرت مند عوام اپنے ضمیر کا سودا نہیں کرینگے۔
وحدت نیوز(کھرمنگ)عوام مورثی سیاست کے خاتمے کے لئے کردار ادا کریں کھرمنگ کے ترقی کی راہ میں حائل ہر رکاوٹ کو عوامی طاقت سے ہٹائیں گے،گذشتہ دور کے نمائندوں نے عوام کو مایوسی کے سوا کچھ نہیں دیا،آج کھرمنگ کے مضافاتی علاقوں کے عوام اب بھی پتھروں کے دور کی زندگی گذار رہے ہیں،سادہ لوح عوام کو یہاں کے مورثی سیاست دان کبھی مذہب ،کبھی برداری اور کبھی علاقے کے نام پر بیوقوف بناتے رہے،اب اس فرسودہ نظام کے خلاف مجلس وحدت مسلمین کے علم جہاد بلند کیا ہے انشااللہ ہم اس طبقاتی سسٹم کا خاتمہ کر کے دم لیں گے،ان خیالات کا اظہار مجلس وحدت مسلمین کھرمنگ حلقہ 5 کے امیدوار ڈاکٹر شجاعت میثم نے ہلال آباد میں انتخابی جلسے سے خطاب کرتے ہوئے کیا انہوں نے کہا کہ کھر منگ کے عوام بیدار ہیں ان روائتی سیاست دانوں نے انہیں محرومی کے سوا کچھ نہیں دیا،آج یہ سادہ لوح عوام کو پھر سے گمراہ کرنے کے لئے کمر کس چکے ہیں،یہاں کے باشعور عوام اب ان کے دھوکے میں نہیں آئے گی،اور اپنے حق کے خاطر عوام کے نام پر اقتدار کے مزے لوٹنے والوں کا احتساب کریگی،انشااللہ 8 جو کھرمنگ میں حقیقی تبدیلی کا دن ثابت ہوگا ۔
وحدت نیوز (گلگت) جیسے جیسے الیکشن کے دن قریب آتے جا رہے ہیں ، گلگت بلتستان میں سیاسی سرگرمیاں عروج پکڑتی جارہی ہیں، اس سلسلے میں ایم ڈبلیوایم کے قائدین اور کارکنان ملک بھر سے جوک درجوک گلگت بلتستان پہنچنا شروع ہو چکے ہیں، ایم ڈبلیوایم کے مرکزی ڈپٹی سیکریٹری جنرل علامہ امین شہیدی، چیئرمین خیرالعمل فاونڈیشن نچار علی فیضی ،سندھ کے سیکریٹری جنرل علامہ مختار امامی، جھنگ کے سیکریٹری جنرل علامہ اظہر کاظمی اور متعدد رہنما اور کارکنان گلگت بلتستان پہنچ چکے ہیں جبکہ سینکروں کی تعداد گلگت بلتستان کی جانب رخت سفر باندھ چکی ہے، جو کہ گلگت بلتستان پہنچ کر ایم ڈبلیوایم کی انتخابی مہم کا حصہ بنیں گے، واضح رہے کہ ایم ڈبلیوایم کے سربراہ علامہ راجہ ناصرعباس ، فضل نقوی، ناصرشیرازی اور دیگر رہنماگذشتہ ماہ سے ہی گلگت بلتستان میں موجود ہیں ۔
وحدت نیوز(پشاور) مجلس وحدت مسلمین خیبر پختونخوا کے سیکرٹری جنرل علامہ سید سبطین حسین الحسینی نے ڈسکہ میں پولیس کے ہاتھوں وکلاء کے قتل کی شدید الفاظ میں مذمت کرتے ہوئے حکومت پنجاب نے پولیس کو اپنے ذاتی مفادات اور پولیس گری کیلئے رکھا ہوا ہے، ایم ڈبلیو ایم وکلاء کے احتجا ج کی مکمل حمایت کرتی ہے۔ وحدت ہاوس پشاور سے جاری ایک مذمتی بیان میں ان کا کہنا تھا کہ ڈسکہ میں پولیس نے بے گناہ وکلاء کو نشانہ بنایا، جو ریاستی دہشتگردی ہے، پولیس کا کام شہریوں کو تحفظ فراہم کرنا ہے، تاہم پنجاب پولیس کبھی ماڈل ٹاون لاہور میں منہاج القرآن کے نہتے مردو خواتین کارکنوں پر گولیاں برساتی ہے تو کبھی لاہور میں نابینا افراد پر تشدد کیا جاتا ہے۔ انہوں نے مزید کہا کہ پولیس نے ڈسکہ میں بے گناہ وکیلوں کو گولیوں کا نشانہ بناکر بربریت کا ثبوت دیا ہے، مجلس وحدت مسلمین وکلاء کے احتجاج، ہڑتال اور سوگ کی مکمل طور پر حمایت کرتی ہے، پنجاب حکومت فوری طور پر پولیس گری میں ملوث اہلکاروں کو گرفتار کرے اور اس کے محرکات جاننے کیلئے کمیٹی تشکیل دی جائے۔
وحدت نیوز (خپلو) مجلس وحدت مسلمین نے خپلو سے نوربخشیہ مکتب فکر کو ترجیح دیتے ہوئے ٹکٹ دے کر مکتب نور بخشی سے تعلق رکھنے والوں کے دل جیت لئے ہیں،ایم ڈبلیو ایم گلگت بلتستان میں واحد وہ جماعت ہے جس کے پیلٹ فارم سے ہر مکتبہ فکر انتخابات میں حصہ لے رہے ہیں،ہم خپلو مشہ بروم کی سیٹ جیت کر ناصر ملت علامہ راجہ ناصر کو تحفہ کے طور پر پیش کریں گے،ان خیالات کا اظہار مجلس وحدت مسلمین خپلو کے امیدوار مولانا اسحاق ثاقب نے خپلو میں خطاب کرتے ہوئے کیا انہوں نے کہا کہ مجلس وحدت مسلمین مستضعفین کی جماعت ہے،یہ وہ قومی جماعت ہے جس نے بلا رنگ ونسل ومذہب ہر مظلوم کو سینے سے لگایا،ہماری امیدیں اس جماعت سے وابسطہ ہے،انشااللہ 8 جو کو ایم ڈبلیو ایم جی بی کی سب سے بڑی جماعت بن کر اُبھرے گی،اہلیاں خپلو کے ساتھ ہونے والی نا انصافیوں کا خاتمہ ہوگا اور عوامی حقوق غصب کرنے والوں کو پائی پائی کا حساب دینا ہوگا۔
وحدت نیوز (کوئٹہ) مجلس وحدت مسلمین کے رکن بلوچستان اسمبلی سید محمد رضا نے کہا ہے کہ آج کی یہ پریس کانفرنس کوئٹہ شہر میں ہونے والے سانحے کے حوالے سے ہے، جس میں ایک شیعہ ہزارہ تاجر کو شہید کیا گیا اور ایک کو زخمی کیا گیا۔ جس کے بعد ایک منظم سازش کے تحت شہر کو آگ و خون میں جھونکنے کی بھرپور کوشش کی گئی۔ کچھ شرپسندوں نے شہر کے اندر نقاب لگا کے، زبردستی دوکانوں کو بند کرنے کی کوشش کی۔ ساتھ ہی تکفیری نعرے لگاتے ہوئے، فائرنگ کرتے ہوئے دندناتے پھرتے رہے اور نہتے عوام پر فائرنگ کرتے رہے۔ سلیم کمپلیس کے قریب پانچ افراد کو نشانہ بنایا گیا، جس میں شیعہ ہزارہ قوم کے دو افراد شہید اور تین شدید زخمی ہوئے۔ جن میں دو خواتین بھی شامل ہیں، جو صوبے کی قبائلی روایات کے مکمل خلاف ہے۔ اس تمام صورت حال میں قانون نافذ کرنے والے ادارے خاموش تماشائی کا کردار ادا کرتے رہے۔ ہزاروں حکومتی اہلکاروں کی موجودگی میں کچھ شرپسند عناصر مسلسل شہر میں اپنی وارداتوں سے فرقہ واریت کی آگ بھڑکاتے رہے۔ افسوس کے ساتھ کہنا پڑ رہا ہے کہ اس ساری صورتحال میں صدر انجمن تاجران کوئٹہ رحیم کاکڑ کا نام بھی لیا جا رہا ہے، جو شرپسندوں کے ساتھ ملکر تکفیری نعرے لگاتے رہے، جو انتہائی قابل مذمت ہے۔ عجیب بات ہے کہ ہمارے لوگوں کو قتل بھی کیا جاتا ہے اور بےگناہ افراد جو اپنے دوکانوں سے گھروں کی جانب جا رہے ہوتے ہیں۔ اُنہیں اُنکے لائسنس یافتہ اسلحے کے ساتھ گرفتار کرکے حوالات میں بند کیا جاتا ہے۔ جو انتظامیہ کی جانب سے ہمیں دیوار سے لگانے کی کوشش ہے، جس کو ہم کسی صورت قبول نہیں کرینگے۔ آئے روز شہر میں تاجر پیشہ افراد، راہگیر اور عام شہری اپنے آپ کو غیر محفوظ محسوس کرنے لگے ہیں جبکہ قانوں نافذ کرنے والے ادارے دہشت گردوں کو پکڑنے میں ناکام رہتے ہیں۔
انکا مزید کہنا تھا کہ یہاں ہم ہر قسم کی دہشتگردی، انتہا پسندی کو صوبے اور شہر میں امن و امان، بھائی چارگی کے لئے زہر قاتل قرار دیتے ہوئے مطالبہ کرتے ہیں کہ حکومت اور ریاستی ادارے اس طرح کے واقعات کی روک تھام کیلئے اپنی ذمے داریاں پوری کریں تاکہ بے گناہ اور نہتے عوام کا قتل عام نہ ہو۔ ہم اس سانحے کے خلاف تین روزہ سوگ کا اعلان کرتے ہیں اور سیاسی، مذہبی، تاجر برادری سے مشاورت کے بعد کل شٹر ڈاون ہڑتال کا اعلان کرینگے۔ شہداء کے اہل خانہ کے باہمی مشورے سے شہید کی تدفین کا فیصلہ کرینگے اور فی الحال ہم شہید کے جنازے کی تدفین نہیں کرینگے۔ اس سانحے میں شہید ہونے والے تمام افراد کے اہلخانہ سے دلی تعزیت اور زخمی ہونے والے افراد کی جلد صحت یابی کی دعا کرتے ہیں۔ اپنے آئندہ کا لائحہ عمل کا اعلان بعد میں کرینگے، جسکی خبر آپ کو کردی جائے گی۔
وحدت نیوز (سبی) مجلس وحدت مسلمین بلوچستان کے سربراہ علامہ مقصود علی ڈومکی نے مرکزی امام بارگاہ سبی میں اہم پریس کانفرنس سے خطاب کیا، اور امام بارگاہ حران بلوچیہ میں مومنین کے اجتماع سے خطاب کیا۔ اس موقع پر خطاب کرتے ہوئے علامہ مقصود علی ڈومکی نے کہا کہ کوئٹہ میں دھشت گردی کے سانحات ریاستی اداروں کے کردار پر سوالیہ نشان ہے۔ بلوچستان کے علاقے مستونگ، مچ، سریاب، ڈیرہ مراد جمالی و دیگر مقامات پر دہشت گردوں کے ٹریننگ کیمپس موجود ہیں جن کے خلاف آپریشن ضروری ہے۔ بلوچستان میں کالعدم دھشت گرد تنظیموں کو مکمل چھوٹ دی گئی ہے۔ جن کی نفرت انگیز سرگرمیوں کو روکنے کی ضرورت ہے۔
وحدت نیوز(شگر) ن لیگ کی جانب سے غیر جانبدار انتظامیہ کو برداشت نہ کرنا اس بات کی دلیل ہے کہ وہ الیکشن کو ہائی جیک کرنے کی مکمل پلان رکھتی ہے،شگر ضلع کے بارے میں عوام کو گمراہ کیا جارہاتھا اسسٹنٹ کمنشنر شگر نے بر وقت کاروائی کرکے کے افواہ سازوں اور عوام کو گمراہ کرنے والوں کو خاموش کردیا جو ان افواہوں کے بنیاد پر سادہ لوح عوام کو بیوقوف بنا رہے تھے،اب ن لیگ اپنی شاہانہ رویات کو برقرار رکھتے ہوئے شگر انتظامیہ کے خلاف کاروائی کرنے جا رہی ہے،ہم واضح کرتے ہیں کہ اس عمل کے سنگین نتائج برآمد ہونگے،ان خیالات کا اظہار مجلس وحدت مسلمین شگرکے امیدوار فدا علی شگری نے پارٹی کے ہنگامی اجلاس سے خطا ب کرتے ہوئے کیا،انہوں نے کہا کہ ہم عدم تشدد اور برداشت کی سیاست پر یقین رکھتے ہیں،تشدد کی سیاست ن لیگ کی میراث ہے،بلتستان جیسے پرامن خطے میں ہم گلو کریسی کو ایمپورٹ نہیں کرنے دینگے،گذشتہ دنوں پیپلز پارٹی کے امیدوار عمران ندیم کی گاڑی پر پتھراوُ کیا گیا جو قابل مذمت ہیں،ن لیگ طاقت کے بل بوتے پر حکمران بننے کے خواب دیکھنے کے بجائے عوام کی عملی خدمت کریں تاکہ ان کو یہ دن دیکھنا نہ پڑے،شگر کے عوام باشعور ہیں،چند شرپسندوں کے ہاتھوں شگر کی امن کو برباد نہیں ہونے دینگے،شگر میں ن لیگ کے ذمہ داران اگر مخلص ہیں تو اپنے صفوں ان شرپسندوں کو نکالیں تاکہ علاقے میں امن اور بھائی چارے کی فضا قائم رہے۔
وحدت نیوز (ملتان) مجلس وحدت مسلمین پاکستان ملتان کے سیکرٹری جنرل محمد عباس صدیقی، مہر سخاوت سیال، ثقلین نقوی اور دیگر رہنماؤں نے ڈسکہ میں پولیس کی جانب سے وکلاء کے قتل کی شدید الفاظ میں مذمت کرتے ہوئے کہا ہے کہ پنجا ب حکومت نے پولیس کو گھر کی باندی بنارکھا ہے ۔ مجلس وحدت مسلمین آج وکلاء کی جانب سے منائے جانے والے یوم سوگ کی مکمل حمایت کا اعلان کرتی ہے ۔ محمد صدیقی نے کہا کہ پنجاب پولیس میں گلوبٹوں کی بھرتی صوبے کے لیے خطرناک ہے ، اگر سانحہ ماڈل ٹاؤن کے ذمہ داران کو سزائیں ملتیں تو آج یہ دن نہ دیکھنا پڑتا، کراچی میں صحافیوں پر پولیس کے تشدد کی مذمت کرتے ہوئے ایم ڈبلیو ایم کے رہنماؤں کا کہنا تھا کہ کراچی میں بھی سادہ کپڑوں میں ملبوس گلوبٹوں نے صحافی بھائیوں پر ظلم کیا ہے جس کی جتنی بھی مذمت کی جائے گی کم ہے، ایم ڈبلیو ایم کے رہنماؤں نے چیف جسٹس نے مطالبہ کیا کہ ملک میں جاری اس پولیس گردی کے خلاف کاروائی کی جائے۔
وحدت نیوز (اسکردو) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ وفاقی حکومت انتخابات کے حوالے سے دھاندلی کی تمام تر تیاریاں مکمل کر لی ہیں اور ملک میں جس انداز سے دھاندلی کی یہاں بھی وفاقی حکومت دھاندلی کرنا چاہتی ہے جسے کسی صورت کرنے نہیں دیں گے۔گلگت بلتستان میں انتخابات کو یرغمال بنانے کے لیے وفاقی حکومت نے کوئی کسر نہیں چھوڑی ہے۔ وفاقی حکومت نے قبل ازا نتخابات دھاندلی کے تمام تر ریکاڑز توڑ دئیے ہیں۔ وزیر اعظم پاکستان کے گلگت بلتستان کے حوالے سے اعلانات، انکے دورہ جات، گورنر کی تقرری ،انتظامیہ سطح پر تبادلے ،جانبدار الیکشن کمشنر کی تقرری یہ سب قبل از انتخابات دھاندلی کے شواہد ہیں لیکن گلگت بلتستان کی نگران حکومت جو کہ وفاقی پروف ہے ان اقدامات کو روکنے کی بجائے انکی ممد و معاون ہے۔ ایسی صورتحال میں شفاف الیکشن کا انعقاد کسی طرح ممکن نہیں۔ لہذا شفاف، غیر جانبدار اور پرامن انتخابات کے انعقاد کے لیے ضروری ہے کہ انتخابات مکمل طور پر فوج کی نگرانی میں کرائے جائیں ۔ حساس خطہ ہونے کے ناطے پاکستان آرمی کی ذمہ داری بنتی ہے کہ دہشتگردوں کے حوالے سے نرم گوشہ رکھنے والی جماعت کو یہاں کے عوام کا مینڈیٹ چرانے نہ دیا جائے اور امن پسند ، محب وطن جماعتوں کو جمہوری اصولوں کے مطابق اس خطے کی تعمیر و ترقی کے لیے آگے دینا چاہیے۔انہوں نے کہا کہ گلگت بلتستان کے انتخابات میں عوامی مینڈیٹ چرانے کی اجازت نہیں دی جائے۔ گلگت بلتستان میں انتخابات کے دنوں آسمان سے تاڑے توڑ لانے کے وعدے کرنے والی اور 67 سالوں سے اس خطے کو محروم رکھنے والوں کو منہ کی کھانی پڑے گی اور انشا ء اللہ 8 جون کا سورج گلگت بلتستان میں نئی امید کے ساتھ طلوع ہوگا۔
