The Latest
ہم پاکستان کی سرزمین پر عدل و انصاف پر مبنی معاشرے کے قیام کے لیے جدوجہد کر رہے ہیں علامہ مختارامامی
وحدت نیوز (کراچی) مجلس وحدت مسلمین صوبہ سندھ کے سیکریٹری جنرل علامہ مختار امامی نے کہا کہ آج وطن عزیز پاکستان میں یزیدی قوتیں دہشتگردوں کی روپ میں سر اٹھا رہی ہیں ۔ ہر طرف قتل و غارت، دہشتگردی، ظلم و ناانصافی اور بے راہ روی کا دور دورا ہے۔ یہ شیطانی قوتیں چاہتی ہیں کہ پاکستان میں اسلام کا چہرہ مسخ ہو جائے، پاکستان عدم استحکام کا شکار ہو، پاکستان را اور موساد کی چراگاہ بن جائے، پاکستانی ایک دوسرے کے دشمن بن جائیں اور وطن عزیز خانہ جنگی کیطرف بڑھے یوں وطن عزیز کی سالمیت خطرہ میں پڑ جائے لیکن شاید یزیدی قوتوں کو علم نہیں کہ حسینی پاکستان کی سرزمین میں موجود ہیں۔ہماری فوج اور عوام ان دہشتگردوں کے خلاف اٹھ کھڑی ہو ئی ہے۔ کربلا سے درس حریت لیتے ہوئے ان شیطانی طاقتوں کا مقابلہ کر کے انکو تاریخی شکست دی جائیگی۔ وہ دن دور نہیں کہ جب ہماری دھرتی امن کا گہورا بنے گا اور امت مسلمہ کی قیادت کرنے کے اہل ہونگے۔ ہم پاکستان کی سرزمین پر عدل و انصاف پر مبنی معاشرے کے قیام کے لیے جدوجہد کر رہے ہیں تاکہ یہاں ظلم وناانصافی کاخاتمہ اور حقوق سے محروم ، غریب ، مستضعف عوام کو انکے حقوق میسر ہوں۔
وحدت نیوز (سکھر) وارثان شہداء کمیٹی کے چیئرمین علامہ مقصود علی ڈومکی نے ایک وفد کے ہمراہ صوبائی وزیر میر ہزارخان بجارانی سے ملاقات کی۔ ملاقات میں اراکین شہداء کمیٹی سکندر علی دل، قمرالدین شیخ، بشارت شاہ کے علاوہ مجلس وحدت مسلمین کراچی کے رہنماء سید علی حسین نقوی اور پیپلز پارٹی کے رکن صوبائی اسمبلی سید ناصر حسین شاہ بھی شریک ہوئے۔ اس موقعہ پر ۲۲ نکاتی معاہدے کی روشنی میں حکومتی اقدامات کا جائزہ لیا گیا۔
اس موقعہ پر علامہ مقصود علی ڈومکی نے کہا کہ۲۲ نکاتی معاہدے پر عمل در آمد میں حکومتی شخصیات کا رویہ غیر سنجیدہ ہے ، جس کے باعث عدم اعتماد اور مایوسی پیدا ہوئی ہے۔ سندہ حکومت ملت جعفریہ اور وارثان شہداء سے کئے گئے وعدوں پر جلد عمل در آمد کرے۔ چار ماہ کا طویل عرصہ گذر جانے کے باوجود مسائل کا حل نہ ہونا افسوس ناک ہے۔حکومتی کمیٹی کا جلد اجلاس بلایا جائے۔
اس موقعہ پر میر ہزار خان بجارانی نے کہا کہ وہ معاہدے پر عمل در آمد کے حوالے سے سنجیدہ ہیں، اس سلسلے میں جلد کمیٹی کا اجلاس بلا ئیں گے۔ متاٗثرہ امام بارگاہ کی مرمت اور یادگار شہداء ٹاور کی تعمیر ہوگی۔
وحدت نیوز (دولت پور) مجلس وحدت مسلمین پاکستان کے مرکزی معاون سیکریٹری سیاسیات علامہ مقصودعلی ڈومکی نے دولت پور میں مولانا عطامحمد لانگاہ مرحوم کی وفات پر ان کے ورثاء سے تعزیت کی، اور مرحوم کے سوئم کی مجلس ترحیم سے خطاب کیا۔اس موقعہ پر انہوں نے کہا کہ آل سعود کے زوال کا آغاز ہوچکا اور وہ اس امت کے سامری ہیں جنہوں نے امت مسلمہ کو سب سے زیادہ نقصان پہنچایا ہے۔ امت مسلمہ بصیرت کے ساتھ دوست اور دشمن میں تمیز کرے۔
اس موقعہ پر سلسلہ طریقت کے معروف بزرگ صوفی علی نواز قادری نے علامہ مقصود علی ڈومکی سے ملاقات کی اور انہیں اپنی خانقاہ میں آنے کی دعوت دی۔ اس موقعہ پر صوبائی رابطہ سیکریٹری سندہ برادر شفقت حسین لانگاہ بھی ان کے ہمراہ تھے۔ اس موقعہ پر پیر علی نواز قادری نے خانقاہ میں قائم دینی مدرسہ ، مسجد، لنگر خانہ کے متعلق علامہ مقصود علی ڈومکی کو تفصیلات بتائیں۔
وحدت نیوز (راولپنڈی) مجلس وحدت مسلمین راولپنڈی کے سرپرست مولانا علی اکبر کاظمی نے کہا ہے کہ ہم نے بلدیاتی الیکشن کی تیاریاں شروع کر دی ہیں اور حوصلہ افزا نتائج کے لیے پُرامید ہیں۔اس سلسلے میں مختلف سیاسی و مذہبی تنظیمیں بھی ہم سے رابطہ کر رہی ہیں ۔الیکشن شیڈول جاری ہونے کے بعد ہم نے باہمی گفت و شنید سے اہم فیصلے کرنے ہیں۔ ایم ڈ بلیو ایم مرکزی سیکریٹیریٹ میں ضلع راولپنڈی کی تنظیمی کارکردگی کے حوالے سے بریفنگ دیتے ہوئے انہوں نے کہا تنظیم سازی کے لیے ہم نے ٹیکسلا، مری ،چک بیلی سمیت بہت سارے دیگر علاقوں کا دورہ کیا ہے جہاں سے ہمیں خاطر خواہ نتائج حاصل ہوئے ہیں۔سانحہ عاشورہ کے بعد راولپنڈی میں شیعہ امام بارگاہ اور مقدسات جلانے کے الزام میں گرفتار افراد کی رہائی پر ردعمل ظاہر کرتے ہوئے کہ اس رہائی کے پس پردہ پولیس انتظامیہ کی ناقص تفتیش اور جانبدارنہ رویہ کارفرما ہے۔ہم نے اس عدالتی فیصلے کے خلاف اعلیٰ عدلیہ سے رجوع کرنے کا سوچ رہے ہیں۔یونٹ سازی کے عمل کو فعال کرنے کے لیے اور انتظامیہ سے بہترین روابط کے لیے ہم اگلے ہفتے ضلع راولپنڈی میں اہم تبدیلیاں کر رہے ہیں جس سے تنظیم کی ساکھ پہلے سے زیادہ مضبوط ہو گی۔
وحدت نیوز (اسلام آباد) مجلس وحدت مسلمین کے مرکزی ڈپٹی جنرل سیکریٹری علامہ امین شہیدی نے کراچی کے علاقے عزیز آباد میں پولیس وین پر فائرنگ سے تین پولیس اہلکاروں کی شہادت کے واقعہ پر دلی افسوس کا اظہار کرتے ہوئے کہا ہے کہ شدت پسند عناصر نے کراچی میں جاری آپریشن کو ناکام بنانے کے لیے سیکورٹی اہلکاروں کو نشانہ بنانا شروع کر دیا ہے۔اس طر ح کی بزدلانہ کاروائیاں قومی سلامتی کے قیام کی کوششوں میں رکاوٹ نہیں بن سکتیں۔دہشت گردی کے خاتمے کی جدوجہد میں اپنی جانوں کا نذرانہ پیش کرنے والے فوج اور پولیس کے نوجوانوں کا عزم و حوصلہ لائق تحسین ہے۔انہوں نے کراچی میں دہشت گردی کے بڑھتے ہوئے واقعات پر تشویش ظاہر کرتے ہوئے کہا کہ رواں ماہ کے دوران کراچی میں تین پولیس افسران سمیت چھ اہلکاروں کو دہشت گردی کا نشانہ بنایا جانا، رینجرز اہلکاروں پر خودکش حملہ اور ملیر کینٹ میں دہشت گردی کو کوشش اس حقیقت کو عیاں کرتی ہے کہ دہشت گرد عناصر ایک بار پھر فعال ہوتے جا رہے ہیں۔اس طرح کے واقعات آپریشن کے دائرہ کار کو وسیع اورمزید تیز کرنے کا تقاضہ کر رہے ہیں۔ دہشت گردی کا سدباب محض دہشت گردوں کے خاتمے سے مشروط نہیں بلکہ امن و امان کی بحالی کے لیے ان مراکز کے خلاف بھرپور کاروائی کی ضرورت ہے جہاں سے دہشت گردوں کو گائیڈ لائن ملتی ہے۔کالعدم تنظیموں سے وابستہ عناصر ان دہشت گردوں کے سہولت کار کے طور پر اب نام بدل کرمتحرک ہیں۔ہر اس جماعت ،ادارے اوراس سے وابستہ افراد کو قابل گرفت سمجھا جائے جولوگوں کے گلے کاٹنے والوں کو ہیرو بنا کر پیش کرتے ہیں۔اسلامی تشخص کو بین الاقوامی سطح پر داغدار کرنا ان کے اہداف کا حصہ ہے۔تکفیریت کا درس دینے والے ایسے مراکز کا جب تک خاتمہ نہیں ہوجاتا تب تک اس ملک میں امن کے قیام کو محض خواب و خیال ہی سمجھا جائے گا۔
وحدت نیوز(گلگت) مجلس وحدت مسلمین پاکستان کے مرکزی سیکریٹری سیاسیات سید ناصر شیرازی نے کہ الیکشن فوج کی نگرانی میں کرانے کے فیصلے نے مسلم لیگ نون کی ساری امیدوں پر پانی پھیر کے رکھ دیا ہے۔اگراس فیصلہ پر عملدرآمد ہوا تو مسلم لیگ نون کو کامیابی حاصل کرنے کے لیے اپنے مخصوص روایتی حربوں کو استعمال کرنے کا موقع نہیں مل سکے گا۔انہوں نے کہا کہ مسلم لیگ نون گلگت بلتستان کے علاقائی سیاستدانوں کو چاہیے کہ وہ بڑے بڑے دعوے کرنے کی بجائے اپنے سیاسی قد کاٹھ کو مدنظر رکھ کر بیان بازی کریں۔یہاں کی عوام ان کے ماضی سے بخوبی آگاہ ہے۔یہی وجہ ہے کوئی بھی باضمیر و باشعور فرد ان کے ساتھ چلنے کو تیار نہیں۔گلگت بلتستان میں مسلم لیگ نون کی ’’تشہیری مقبولیت‘‘ کا اندازہ ان کی ناکام الیکشن مہم سے لگایا جا چکاہے ۔ان کے سیاسی اجتماعات میں شریک افراد کو انگلیوں پر گنا جا سکتا ہے۔ناصر شیرازی نے مختلف وفود سے ملاقات کے دوران کہا کہ گلگت بلتستان کی عوام نے ہمارا ساتھ دینے کا فیصلہ میرٹ پر کیا ہے۔ہم عوامی خدمت کے لیے گزشتہ کئی سالوں سے میدان میں موجود ہیں ۔ الیکشن میں ہم نے ایسے امیدواروں کو نامزد کیا جو بے داغ ماضی کے ساتھ ساتھ پڑھے لکھے ،باشعور اور عوام کے لیے درد دل رکھنے والے ہیں۔وہ عوام کی خدمت کا جذبہ لے کر میدان میں نکلے ہیں جس پر وہ ہمیشہ قائم رہیں گے۔ ہم نے گلت بلتستان میں خاص و عام کے فرق کو مٹا کر ہر شخص کی عزت نفس کو مقدم رکھنا ہے۔اب اراکین اسمبلی تک رسائی کے لیے کسی کی ذاتی حیثیت رکاوٹ نہیں بنے گی بلکہ ہر کوئی بلاروک رکاوٹ مجلس وحدت مسلمین کے منتخب اراکین سے کسی بھی وقت ملاقات کر سکے گا۔انہوں نے کہ اب اُن سیاستدانوں کے لیے گلگت بلتستان کے لوگوں کے دل میں کوئی جگہ نہیں رہی جوایک بار الیکشن جیتنے کے بعد دوبارہ دوسرے الیکشن تک دکھائی نہیں دیتے۔
وحدت نیوز (نوشہرو فیروز) مجلس وحدت مسلمین پاکستان ضلع نوشہرو فیروز کے سیکریٹری جنرل اعجاز ممنائی سیکریٹری وحدت اسکاوٹ عبد الغفور راجپر اور تحصیل سیکریٹری اسد حسینی نے علی آباد لاکھا روڈ میں یونٹ کے دورہ جات کرتے ہوۓ کہا کہ دہشت گردوں اور جرائم پیشہ افراد کو نشان عبرت بنائے بغیر ملک میں امن قائم نہیں ہو سکتا، پرتشدد سیاست اور انتہا پسندی نے ملکی بنیادوں کو کھوکھلا کر کے رکھ دیا ہے۔ انکا کہنا تھا کہ ایسے حالات میں ہر محب وطن شہری کو اپنا کردار ادا کرنا ہو گا تاکہ ملک دہشت گردوں اور ان کے مدد گاروں سے پاک ہو سکے۔ انہوں نے کہا ہے کہ فرقہ واریت، دہشت گردی اور انتہا پسندی کا ہر محاذ پر مقابلہ کرنے کے لئے پوری قوم کو متحد و متفق ہونا ہو گا۔ بسورت ملک مکمل طور پر تباہ ہو جاۓ گا اور ان کا ذمیوار حکمران ہونگے رہنماؤں نے اسکاوٹ کے شعبه کو مضبوط کرنے کے ساتھہ سیاسی پلیٹ فارم کے لیے کوشش کرنے پر زور دیا اس موقعے پر یونٹ سیکریٹری جنرل رمز علی لاشاری اور ڈپٹی سیکریٹری جنرل مجاہد حسین نے بلدیاتی الیکشن میں بھرپور حصہ لینے کی یقین دھانی کروائی۔
وحدت نیوز (گلگت) مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے فیض آباد نومل میں ایک اجتماع سے خطاب کرتے ہوئے کہا ہے کہ گلگت بلتستان میں برسوں سے حاکم سیاسی و مذہبی جماعتوں نے عوام کے بنیادی حقوق غصب کئے اور ان کے استحصال کے علاوہ کچھ نہیں کیا، ورنہ وسائل سے بھرپور یہ خطہ بیروزگای اور غربت کا شکار نہ ہوتا۔ انہوں نے کہا کہ چند مفاد پرست سیاست دانوں نے اقتدار کو اپنے گھر کی لونڈی سمجھ رکھا ہے اور وہ اقتدار کے بھوکے خونخوار بھیڑیوں کی مثل ہیں، جو شکار پر کسی دوسرے کا حق تسلیم کرنے کو تیار نہیں ہوتے۔ جب حاکمیت کے اہل امیدوار میدان سیاست میں وارد ہوتے ہیں تو یہ سیاسی مداری ملکر ان کا راستہ روکنے کی کوشش کرتے ہیں، جو متنوع نظریات کے حامل ہونے کے باوجود انتخابی سیاست میں ایک دوسرے کے ساتھ دست تعاون بڑھاتے ہیں اور اپنے مشترکہ مفادات کا تحفظ کرتے ہیں، تاکہ دوسروں کا راستہ روک کر اقتدار اور حاکمیت کو اپنے لئے مختص کر سکیں۔
انہوں نے کہا کہ خدا نے حاکمیت کا حق اہل اور دیانت دار افراد کو ودیعت کیا ہے لیکن ہمارے معاشرے میں امین اور بااخلاق اشخاص میدان سیاست سے دور رہنے کی وجہ سے دھوکہ بازوں اور جھوٹے لوگوں کو یہ میدان ہاتھ آیا ہے۔ آج عوام نیک و بد میں تمیز نہ کرکے ذاتی مفاد اور برادری و رشتہ داری کو اہمیت دینگے تو قوم کا مستقبل تابناک ہونے کی بجائے مزید تاریک ہوتا جائیگا۔ انہوں نے کہا کہ گلگت بلتستان کے عوام شعوری طور پر مجلس وحدت مسلمین کی حمایت میں کمر بستہ ہیں اور وہ کسی بھی سازش کا مقابلہ کرنے کیلئے تیار ہیں، اب وقت آگیا ہے کہ مفاد پرست سیاستدانوں کے گرد گھیرا تنگ کیا جائے اور عوام کے حقیقی نمائندوں کو سامنے لایا جائے۔ انہوں نے کہا کہ عوام 8 جون کو خیمہ پر مہر لگا کر ظالم کو شکست اور مظلوم کی فتح مند بنائیں گے۔
وحدت نیوز (اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل و سیکرٹری امور خارجہ نے اپنے ایک بیان میں کہا گلگت بلتستان کی غیور عوام نے ناصر ملت کا تاریخی استقبال کر کے الیکشن سے پہلے ہی ایم ڈبلیو ایم کے حق میں ریفرنڈم کر دیا۔ میڈیا اور آگاہی کے اس دور میں مفاد پرست اور بے حس سیاست دان اس عوامی مینڈیٹ کو نہیں چرا سکتے۔ وہ سیاست دان جو اپنی سیاسی ضرورت کے وقت عوام کے دروازے پر نہیں جاسکتے وہ کل الیکشن کے بعد عوام کی ضروریات کیا پوری کریں گے۔
یہ خطہ محبان اہلبیت ؑ کا خطہ ہے اور ان کے حقوق کا دفاع بھی محبان اہلبیت ؑ ہی کریں گے۔ عوام کی مشکلات اور محرومیوں کا خاتمہ ہماری اولین اولیت ہے۔ اسی لئے تو مجلس وحدت مسلمین کی پہلے درجے کی قیادت شہر شہر اور دور دراز دیہاتوں میں عوام کے مسائل سننے جا رہی ہے۔ اور دوسری سیاسی پارٹیاں اپنے دسویں اور بیسویں درجے کی قیادتوں کو بھیج کر جیتنے کے خواب دیکھ رہے ہیں۔حقیقت یہ ہے کہ یہ خطہ اور اس خطے کے مسائل ان سیاسی پارٹیوں کے دسواں اور بیسواں درجہ بھی نہیں رکھتے اسی لئے وہ ہمیشہ سے اس خطے کی عوام کو آئینی حقوق سے محروم کرتے آئے ہیں۔
وحدت نیوز (اسکردو) مجلس وحدت مسلمین کے رہنما اور بلتستان کے ہر دل عزیز شخصیت علامہ ڈاکٹر غلام محمد فخرالدین سکردو پہنچ گئے،ڈویژنل سیکرٹری سیاسیات محمد علی و دیگر کارکنان نے ان کا استقبال کیا اور قافلے کے ہمراہ قمراہ روانہ ہو گئے،ترجمان مجلس وحدت مسلمین کیمطابق علامہ صاحب مجلس وحدت مسلمین کے الیکشن مہم میں بھر پور حصہ لیں گے،اور بلتستان کے تمام حلقوں کا کل سے ہنگامی دورے شروع کریں گے،مجلس وحدت مسلمین کے مرکزی رہنما وُں سید ناصر شیرازی اور علامہ اعجاز بہشتی بھی گلگت سے آج سکردو پہنچیں گے،اور بلتستان کے تمام حلقوں میں الیکشن مہم میں حصہ لیں گے،ترجمان کا کہنا تھا کہ گلگت بلتستان میں واحد قومی جماعت مجلس وحدت مسلمین ہی ہیں جن کے قائدین گذشتہ ایک ماہ سے زائد عرصے سے عوام کے درمیان موجود ہیں،باقی جماعتوں کے رہنما محض خوشگوار موسم میں سیر تفریح کے لئے آکر عوام کو سبز باغ دکھا کر واپس لوٹ جاتے ہیں۔
