وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کوئٹہ میں دہشت گردوں کی جانب سے دو شیعہ نوجوانوں کو ٹارگٹ کلنگ کا نشانہ بنانے کے واقعے پر شدید مذمت کرتے ہوئے کہا ہے کہ وزیراعلٰی بلوچستان اگر عوام کو تحفط فراہم نہیں کرسکتے تو اقتدار کسی ایسے شخص کے حوالے کر دیں جو کوئٹہ جیسے حساس شہر میں امن و امان کو یقینی بناسکے۔ انہوں نے کہا کہ کوئٹہ میں دہشت گردی کی تازہ لہر حکومت اور سکیورٹی اداروں کی نااہلی کا منہ بولتا ثبوت ہے۔ دہشت گردی اب حکومت کے لئے کھلے عام چیلنج کی صورت اختیار کرتی جا رہی ہے۔ دہشتگرد خودکش حملوں کی کھلے عام دھمکیاں دینے میں مصروف ہیں جبکہ بلوچستان حکومت ان سے ملاقاتیں کرکے نہ صرف اپنے آپ کو کمزور ثابت کر رہی ہے بلکہ ان مذموم عناصر کے حوصلوں کو بھی تقویت دے رہی ہے۔

علامہ ناصر عباس جعفری کا کہنا تھا کہ تین دن میں پانچ شیعہ افراد کی جانیں لے لی گئیں، لیکن اب تک کسی ایک بھی ذمہ دار پر ہاتھ نہیں ڈالا گیا جبکہ اس کے برعکس صدر مملکت کے بیٹے کے قافلے پر حملہ کرنے والے دہشت گردوں کو اگلے ہی روز گرفتار کر لیا گیا۔ ہم یہ امتیازی سلوک قطعاََ برداشت نہیں کریں گے۔ حکومت مکتب تشیع کے خون کو ارزاں نہ سمجھے۔ ہم محب وطن شہری ہونے کا حق ادا کر رہے ہیں، اس لئے خاموش ہیں۔ ہماری اس خاموشی کو بزدلی کے معنوں میں نہ لیا جائے۔ انہوں نے کہا کہ دہشت گردی کے پس پردہ محرکات میں پاک چائنا اقتصادی راہداری کے منصوبے کو ناکام بنانا بھی شامل ہیں۔ ملک دشمن قوتیں ہمیں مضبوط نہیں دیکھنا چاہتیں۔ مستحکم اور ترقی یافتہ پاکستان کے لئے دہشت گردی کو جڑوں سے ختم کرنا ہوگا۔ اس سلسلے میں حکومت کو باہمت فیصلے کرنے کی ضرورت ہے۔

وحدت نیوز(چنیوٹ)مجلس وحدت مسلمین مظلوموں اور شہیدوں کی وارث جماعت ہے جس کا مقصد ظہور امام زمانہ (عج)کے لئے زمینہ فراہم کرنا ہے اور ہماری ملت کے مظلوم شہداء کا خون ظہورامام (عج)کا پیش خیمہ ہے ۔ضلع چنیوٹ میں شعبہ خواتین مجلس وحدت مسلمین کے تحت ہونےوالے امام عصر(عج) وعظمت شہدا ءکانفرنس سے خطاب کرتے ہوئے مرکزی کوآرڈینیٹر مجلس وحدت مسلمین خانم زہرا نقوی نے تاکید کرتے ہوئے کہا :" کہ اب ملت کو متحد ہو کرظالموں کے خلاف مشترکہ جدوجہد کرنا ہو گی تاکہ ایک طرف ملت کے حقوق کا دفاع کیا جا سکے تو دوسری طرف ملک کو تباہ کرنے والے حکمرانوں سے بھی جان چھڑوائی جا سکے ۔

,خانم زہرا نقوی نے کہا کہ مجلس وحدت مسلمین نے ملک میں مثبت طرز سیاست کو متعارف کروایا اور بھائی چارے امن اور وحدت کی فضاء کو ہموار کیا اور نا امنی ،شدت پسندی اور فرقہ واریت کی سیاست کی حوصلہ شکنی کی ،ضلع چنیوٹ شعبہ خواتین کے اس سیمینار میں خانم سمیرا نقوی اور دیگر معلمات نے خطاب کیا، امام حسین علیہ السلام اور حضرت عباس علمدارؑ کی شان میں قصیدہ خوانی بھی کی گئی اور خانوادہ شہدا ءنے بھی اظہار خیال کیا آخر میں ایک خوبصورت ٹیبلو پیش کیا گیا ،سیمینار میں سینکڑو ں خواتین سمیت ضلع چنیوٹ کے مختلف یونٹس جس میں ،لالیاں ،واڑہ،بھوانہ اور سمندری یونٹ نے بھرپور شرکت کی ۔

وحدت نیوز(کراچی)جمعیت علمائے پاکستان صوبہ سندھ کے جنرل سیکریٹری مولاناسید عقیل انجم کی دعوت پر مجلس وحدت مسلمین کے رہنماء علامہ مقصود علی ڈومکی اور سید علی حسین نقوی نے ایک وفد کے ہمراہ ان کی رہائشگاہ پر ملاقات کی۔ اس موقعہ پر جے یوپی کراچی کے رہنماء مولانا قاضی احمد نورانی ، شکی قاسمی،اور مفتی رفیع الرحمن نورانی و دیگر موجود تھے۔

ملاقات میں سندھ میں بلدیاتی انتخابات، سیاسی صورتحال، اتحاد بین المسلمین اور دہشت گردی جیسے موضوعات پر تبادلہ خیال کیا گیا۔ اس موقعہ پر گفتگو کرتے ہوئے علامہ مقصود علی ڈومکی نے کہا کہ سندہ میں بلدیاتی انتخابات میں مجلس وحدت مسلمین بھرپور حصہ لے گی، اس سلسلے میں ہم خیال جماعتوں سے مشاورت کی جارہی ہے۔اہل تشیع اور اہل سنت فطری اتحادی ہیں، جنہیں مل کر دین اسلام کی سر بلندی، اور سامراجی سازش و دہشت گردی کے خلاف کوشش کرنا ہوگی۔

سید عقیل انجم نے ایم ڈبلیو ایم کے وفد کا شکریہ ادا کیا اور لادینیت و مغربی ثقافتی یلغار کے خلاف مشترکہ کوششوں پر زور دیا۔انہوں نے بلدیاتی الیکشن سمیت مختلف مسائل پر اشتراک عمل کا خیر مقدم کرتے ہوئے سندھ کے مختلف اضلاع کے مشترکہ دورے کی تجویز دی۔ اور اشتراک عمل کے لئے ملاقاتوں کا سلسلہ جاری رکھنے پر اتفاق کیا گیا۔

وحدت نیوز (مظفرآباد) گلگت بلستستان الیکشن، مجلس وحدت مسلمین کی انتخابی مہم زور و شور سے جاری،مجلس وحدت مسلمین گلگت بلتستان انتخابات میں بھرپور کامیابی حاصل کرے گی ،ظالموں ،لٹیروں کا احتساب کرے گی، گلگت بلتستان کو اس کے آئینی حقوق دیئے بغیر کوئی چارہ نہیں ، اقتصادی راہ داری میں بھی گلگت بلتستان کو نظر انداز کرنا صریحاً ناانصافی ہے، ان خیالات کا اظہار مجلس وحدت مسلمین پاکستان آزاد جموں و کشمیر کے ریاستی سیکرٹری سیاسیات سید تصور عباس موسوی نے گلگت بلتستان روانگی کے موقع پر وحدت سیکرٹریٹ میں وفود سے گفتگو کے دوران کیا ، تفصیلات کے مطابق مجلس وحدت مسلمین پاکستان آزاد جموں و کشمیر کا وفد گلگت بلتستان کے لیئے روانہ ہوا، وفد کی قیادت ریاستی سیکرٹری سیاسیات سید تصور عباس موسوی کر رہے ہیں ، جبکہ وفد میں سید محسن رضا، سید تصور علی اور دیگر شامل ہیں ، وفد گلگت بلتستان کا تفصیلی دورہ کرے گا،مجلس وحدت مسلمین کی مرکزی قیادت کے علاوہ مختلف شخصیات و عمائدین اور عوام سے ملاقات کرے گا، انہوں نے اس موقع پر گفتگو کرتے ہوئے کہا کہ تخت لاہور نے گلگت بلتستان کو تین سالوں سے نظر انداز کر رکھا ہے، وہاں کی عوام پر ظلم کیا جاتا رہا ، یہ خاموش رہے، وہاں کی عوام پستی رہی یہ خاموش رہے، پیپلز پارٹی کا دور حکومت تھا ، ن لیگ مرکز میں تھی دونوں جماعتوں کی ہر سطح کی مک مکا نے حالات خراب کیئے ، اب جب کہ الیکشن قریب ہیں ، ہوائی اعلانات کیئے جارہے ہیں ، عوام جانتی ہے کہ کون کیا کہہ رہا ہے، کیوں کہہ رہا ہے، اقتدار کے لالچیوں کو اقتدار نہیں ملے گا، عوام اب باشعور ہو چکے ، اپنے ووٹ کو لٹیروں کے حق میں ہر گز استعمال نہیں کریں گے، مجلس وحدت مسلمین کارکردگی کی بنیاد پر میدان میں ہے، اس کا مقصد ہر گز اقتدار نہیں بلکہ مظلوموں کے حق میں علَم حمایت بلند کرنا ہے، استقامت و شجاعت سے مک مکا کا مقابلہ کریں گے ، قائد وحدت کا شبانہ روز محنتوں اور کاوشوں سے شیعہ ، سنی ، نور بخشی ،اسماعیلی اپنے حقوق کے لیئے متحد ہو چکے ہیں ، وہ اپنے حقوق پر اب کسی کو ڈاکہ نہیں ڈالنے دیں گے۔