وحدت نیوز(لاہور) مجلس وحدت مسلمین پنجاب کے ڈپٹی سیکرٹری جنرل پروفیسر ڈاکٹر افتخار حسین نقوی نے کہا ہے کہ ایران امریکہ تنازعے میں پاک فوج کا ردعمل متوازن اور حالات کے عین متقاضی ہے۔پاکستان کی زمین کو ایران کے خلاف استعمال کرنے کی اجازت نہ دینے کا عسکری اعلان نہ صرف عوامی امنگوں کا عکاس ہے بلکہ خطے کی سالمیت اور استحکام کی ضمانت بھی ہے۔

انہوں نے کہا کہ ماضی میں پاک افغان جنگ سے ہم نے بہت کچھ سیکھا ہے۔اسی ہزار افراد امریکہ کی بھڑکائی ہوئی دہشت گردی کی آگ میں جل کر راکھ ہو گئے۔پاکستانی معیشت کو تباہی کے دھانے پر پہنچانے کی ذمہ دار وہ عالمی قوتیں ہیں جن نے پاکستان میں بدامنی پیدا کر کے یہاں بیرون سرمایہ کاری کے راستے مسدود کیے۔

انہوں نے کہا کہ امریکہ خطے کو عدم استحکام سے دوچار کرنے کے لیے بھیانک کردار ادا کر رہا ہے۔ایران کے جنرل قاسم سلیمانی پر حملہ امریکی بربریت کی بدترین مثال ہے جس پر پوری دنیا  سراپا احتجاج ہے۔ دنیا کے متعدد ممالک ایران کے جنرل کی شہادت کے المناک واقعہ پر دکھ کا اظہار کر چکے ہیں لیکن بدقسمتی یہ ہے کہ پاکستان کی جمہوری حکومت اپنے پڑوسی ملک سے تعزیت کرتے ہوئے شش و پنج کا شکار ہے۔خود انحصاری اور داخلی خودمختاری کا دعوی کرنے والے وزیر اعظم عمران خان ”امریکی ڈکٹیشن“ کے تابع نظر آتے ہیں۔

ڈاکٹر افتخار نقوی نے کہا کہ بیرونی مداخلت سے پاک بنانے کا خواب چکنا چور ہوتا دکھائی دے رہا ہے۔عوام نے تحریک انصاف کی حکومت سے جو امیدیں وابستہ کر رکھی تھیں وہ ساری سمندر کے جھاگ کی طرح ماند پڑتی جا رہی ہیں۔عمران خان کے اعلانات محض زبانی دعووں تک محدود ہو کررہ گئے ہیں۔ جو حکمران اپنی مرضی سے اپنے کسی برادر اسلامی ملک سے اظہار افسوس کرنے کا بھی حق نہیں رکھتا وہ عالمی سطح پر مسلمانوں کی نمائندگی کیسے کر سکتاہے۔

ان کا مزیدکہناتھاکہ ایران کے معاملے میں سفارتی و خارجی سطح جو کردار حکومت کو ادا کرنا چاہیے تھا وہ ادا نہیں کیا گیا۔یہود و نصاری کی خوشنودی کے لیے مخلص برادر ممالک کی ناراضگی مول لینا غیر دانشمندانہ فعل ہے۔حکومت یہ بات ذہن نشین کر لے کہ بصیرت سے عاری فیصلے مقبولیت کے مینار کو زمین بوس کر دیا کرتے ہیں ۔

وحدت نیوز (لاہور) مجلس وحدت مسلمین نے حکومت پر واضح کیا ہے کہ ایران کیخلاف امریکہ کو پاکستان کی سرزمین استعمال کرنے کی ہرگز اجازت نہ دی جائے، بصورت دیگر بھر پور مخالفت کی جائیگی۔ پاکستان اس معاملے پر ایران کی مدد کرے،امریکہ نے بغداد ایئرپورٹ پر القدس فورس کے کمانڈر جنرل قاسم سلیمانی، حشد الشعبی کے کمانڈر ابومہدی المہندس سمیت دیگر 8 افراد کو شہید کرکے تاریخی غلطی کی ہے جس کا خمیازہ امریکہ کو جلد بھگتا پڑے گا۔ان خیالات کا اظہار علامہ عبدالخالق اسدی سیکرٹری جنرل مجلس وحدت مسلمین پنجاب نے وحدت ہاؤس میں ہنگامی پریس کانفرنس سے خطاب کرتے ہوئے کیا ۔اس موقع پر رائے ناصر علی، سید سجاد نقوی، شیخ عمران، نجم عباس خان، محمد خان مہدوی اور ملک مظہر حسین اعوان سمیت دیگر ذمہ داران بھی موجود تھے۔

علامہ عبدالخالق اسدی نے کہا کہ ایران اور امریکہ کی موجودہ صورتحال کے باعث جہاں علاقے میں کشیدگی بڑھ گئی ہے وہیں عالمی سطح پر بھی جنگ کے بادل منڈلا رہے ہیں۔ ہم اس امریکی حملے کی پرزور مذمت کرتے ہیں۔ ہم سمجھتے ہیں کہ امریکی کی اس غلطی نے دنیا کو تیسری عالمی جنگ کے دہانے پر لا کھڑا کیا ہے۔ اب مشرق وسطیٰ میں صورتحال بدلنے جا رہی ہے۔ اس سے اسرائیل کا بھی صفایا ہوگا اور مشرق وسطیٰ کے ممالک سے امریکہ کو بھی بوری بستر گول کرنا پڑے گا،وطن عزیز پاکستان میں حکومت کی جانب سے کمزور خارجہ پالیسی اور اس عالمی دہشت گردی پر خاموشی نے پوری قوم کا سر شرم سے جھکا دیا ہے،امریکی وزیر خارجہ کے مطالبات پر عسکری حکام کے دو ٹوک موقف نے عوامی امنگوں کی ترجمانی کی ہے،پاکستان کے سیاسی حکمران ہمیشہ ملکی مفادات سے زیادہ امریکی مفادات کی تحفظ کو ترجیح دیتے آئے ہیں یہی وجہ ہے کہ ہم ایک ایٹمی طاقت ہونے کے باوجود کوئی آزاد خارجہ پالیسی کو نہ اپنا سکے،افغانستان جیسے کمزور ملک نے بھی اس جارحیت کی مذمت کی لیکن ہمارے وزیر اعظم اور وزیر خارجہ اپنے آقاؤں کے سامنے بے بس دکھائی دئیے اور پاکستانی غیور قوم کی توہین کی جس کی ہم پر زور مذمت کرتے ہیں۔

 علامہ عبدالخالق اسد ی نے کہا کہ جنرل قاسم سلیمانی نے اپنی خواہش کے مطابق شہادت کا درجہ پا لیا ہے۔ ان کی شہادت نے نہ صرف ایران اور عراق کے عوام کو ایک دوسرے کے قریب کر دیا ہے بلکہ قاسم سلیمانی کی شہادت نے پوری امت کو متحد کر دیا ہے، امت جان گئی ہے کہ ہمارا دشمن مشترک ہے، دشمن شیعہ دیکھتا ہے نہ سنی، قاسم سلیمانی کے لہو سے امریکہ کے ہاتھ رنگین ہیں، اب امت مسلمہ جان چکی ہے کہ امریکہ کی دشمنی ایران سے نہیں بلکہ اسلام سے ہے۔ اور اب وقت آ گیا ہے کہ امریکہ کو اسلام دشمنی کا سبق سکھایا جائے۔ ہم سمجھتے ہیں کہ یہ بات عیاں ہے کہ پاکستان امریکہ و اسرائیل کا نشانہ ہے، سی پیک کے معاملے سے بھی امریکہ پریشان ہے، یہی وجہ ہے کہ وہ ایران کیساتھ پاکستان کو بھی اپنا ہدف بنائے ہوئے ہیں، بھارت کی طرف سے پاکستان پر جنگ مسلط کرنے کی تیاریاں کئی روز سے ہم دیکھ رہے ہیں جبکہ منظر ایسا دکھائی دے رہا ہے کہ انڈیا سے پاکستان پر حملہ کروایا جائیگا اور ایران پر امریکہ کی جانب سے جارحیت کی باتیں بہت کچھ سوچنے پر مجبور کر رہی ہیں۔

علامہ عبدالخالق اسدی نے کہا کہ پاکستان کو کھل کر ایران کی حمایت کرنی چاہیے، جنرل قاسم سلیمانی نے مشرق وسطیٰ میں امریکہ کو نکیل ڈالی ہوئی تھی اور اس کے ناپاک عزائم کی راہ میں سب سے بڑی رکاوٹ تھے، مگر امریکہ یاد رکھے کہ اس نے صرف ایک قاسم سلیمانی کی کو شہید کیا ہے، دنیا کے ہر ملک میں ہزاروں قاسم سلیمانی موجود ہیں جو امریکہ کے ناپاک عزائم کی تکمیل نہیں ہونے دیں گے۔ مشرق وسطیٰ کی موجودہ صورتحال میں پاکستان کو دوٹوک موقف اپنانا چاہیے اور بزدل امریکہ کی بجائے بہادر ایران کا ساتھ دینا چاہیے، ماضی کی تاریخ گواہ ہے کہ امریکہ نے کبھی ہماری مدد نہیں۔

وحدت نیوز(مظفرآباد) شہادت جنرل سلیمانی اور امریکی جارحیت کیخلاف ریاست گیر مظاہروں کا سلسلہ جاری۔ قائد ملت علامہ راجہ ناصر عباس کی کال پر مظفرآباد میں مجلس وحدت مسلمین بتعاون دیگر امامیہ تنظیمات علمدار چوک میں احتجاجی مظاہرہ کیا گیا۔ احتجاجی مظاہرہ میں زعیم ملت علامہ مفتی سید کفایت حسین نقوی، ریاستی سیکرٹری جنرل مجلس وحدت مسلمین آزادکشمیر علامہ سید تصور نقوی الجوادی، ناظم امامیہ آرگنائزیشن زوار حسین نقوی، ڈپٹی سیکرٹری جنرل ایم ڈبلیو ایم علامہ سید طالب حسین ہمدانی، صدر بار ایسوسی ایشن راجہ آفتاب احمد، سابق ایڈمنسٹریٹر بلدیہ سردار مبارک حیدر، پیپلز پارٹی رہنماء سید ذوالقرنین جعفری،انجمن عزاداران محمد و آلِ محمدؑ کے اخلاق حسین جعفری، مولانا شیخ منتظری مہدی ، ایم ڈبلیو ایم کے مرکزی سیکرٹری میڈیا وقارت کاظمی، سیکرٹری یوتھ سید اسد علی بخاری، رابطہ سیکرٹری سید عامر نقوی، ضلعی سیکرٹری جنرل مظفرآباد سید غفران کاظمی، سیکرٹری جنرل ضلع نیلم سید وقارکاظمی، ڈویژنل صدر آئی ایس او سید قمر کاظم و دیگر سیاسی، مذہبی جماعتوں کے زعماء نے احتجاج میں بھرپور شرکت کی۔

احتجاجی مظاہرے سے زعیم ملت مفتی سید کفایت حسین نقوی، علامہ سید تصور حسین نقوی الجوادی، مولانا طالب حسین ہمدانی، سردار مبارک حیدر، صدر سینٹرل بار راجہ آفتاب ودیگر نے خطاب کیا۔ راجہ آفتاب نے بروز پیر سینٹرل بار میں سوگ کا اعلان کر دیا۔ اس موقع پر شرکاء سے خطاب کرتے ہوئے سیکرٹری جنرل ایم ڈبلیو ایم آزادکشمیر علامہ سید تصور حسین نقوی الجوادی نے کہا کہ شہادت ہماری میراث ہے اس سے ہمارے حوصلے مزید بُلند ہوتے ہیں۔ جنرل سلیمانی کی شہادت سے پڑھنے والا خلاء صدیوں پُر نہیں ہو سکتا لیکن امریکا کی اس گہنائونی حرکت سے ہر مسلمان غم زدہ ہے اور جنرل سلیمانی بنکر امریکہ و تمام طاغوتی طاقتوں کے سامنے ہمیشہ سیسہ پلائی ہوئی دیوار بن کر ان مذموم عزائم کو خاک میں ملا کر دم لیں گے، بے گناہ جنرل سلیمانی کی شہادت دراصل امریکہ کی اپنی ہلاکت ہے۔ حق کے اس سفر میں شہیدوں کے خون سے وفا کریں گے اور انتقام لینے کیلئے ہمہ وقت تیار ہیں۔ احتجاج کے اختتام پر شہداء بالخصوص جنرل سلیمانی کے لیے فاتحہ خوانی کی گئی اور ہاتھوں میں ہاتھ ڈال کر ہر جگہ مسلمانوں کے ساتھ ظلم و ناانصافی اور خون کی ہولیاں کھیلنے والوں کیخلاف اس بات کا عزم کیا گیا کہ ظالموں کیخلاف ہیں اور مظلوم کیلئے ہماری جانیں بلکہ خون کا آخری خطرہ بھی حاضر ہے اور مظلوموں کی ہر پُکار پر ہم لبیک کہتے ہیں اور ظالموں کیخلاف اعلان جہاد کرتے ہیں۔

وحدت نیوز (گلگت) بغداد میں جنرل قاسم سلیمانی پر امریکہ کا حملہ پورے عالم اسلام پر حملے کے مترادف ہے۔شیطان بزرگ ا مریکہ نے پورے عالم کو بدامنی کی جانب دھکیل دیا ہے ۔مشرق وسطیٰ میں امریکی فوجوں اور بیڑوں کی موجودگی نے خطے کی امنیت کوتباہی کے دھانے پر کھڑا کردیا ہے۔جنرل قاسم سلیمانی اور ابو مہدی المہندس  پر حملہ کرکے امریکہ نے جنگ کا سائرن بجادیا ہے۔

مجلس وحدت مسلمین گلگت بلتستان کے ڈپٹی سیکرٹری جنرل علامہ نیئر عباس مصطفوی نے نومل میں نماز جمعہ کے اجتماع سے خطاب کرتے ہوئے امریکہ جنایتکار کے جرائم پر سے پردہ اٹھاتے ہوئے جنرل قاسم سلیمانی کو ٹارگٹ کرنے پر سخت الفاظ میں مذمت کی۔ یہی امریکہ ہے جس نے پورے عالم کو بدامنی سے دوچارکردیاہے۔افغانستان کو تباہ وبربادکردیا،پھرعراق کو تہس نہس کردیا بعد ازاں شام میں پوری دنیا سے دہشت گردوں کو جمع کرکے شام کو مفلوج کرکے اسرائیل کیلئے راستہ ہموار کرنا چاہتا تھا لیکن یہی قاسم سلیمانی تھے جس نے امریکہ اور اسرائیل کے ناپاک ارادوں کو خاک میں ملادیا تھا۔

انہوںنے کہاکہ عراق میں امریکی پشت پناہی میں داعش نے اسی فیصد علاقے پر قبضہ کرکے خون کی ندیاں بہادیں تھیں اور عراق کو تین حصوں میں تقسیم کرنا تھا جسے عالم اسلام کے عظیم فرزند جناب قاسم سلیمانی نے اسرائیل اور امریکہ کے ارادوں کو ناکام بناکراسلام ومسلمین کو عزت وشرف بخش دی۔امریکہ نے آج قاسم سلیمانی ،ابو مہدی المہندس اور ان کے ساتھیوں کو ٹارگٹ کرکے عراق اور شام میں اپنی شکست کا انتقام لیا ہے۔امریکہ ایک عرصے سے جنرل قاسم سلیمانی کے قتل کے منصوبے کو عملی جامہ پہنانے کی کوشش میں تھا ۔

انہوں نے کہا کہ قاسم  سلیمانی، ابو مہدی مہندس کی مظلومانہ شہادت نے پورے عالم اسلام میں غم وغصے کی لہر دوڑادی ہے اب امریکہ اپنے جرائم کی سزا بھگتنے کی تیاری کرلے، ہم شہید پرور ملت ہیں جسے شہادتوں سے نہ تو خوفزدہ کیا جاسکتا اور نہ ہی اپنے عزم وارادے سے پیچھے دھکیل دیا جاسکتا ہے۔ان شاء اللہ اس جنگ میں فتح ونصرت اسلام ومسلمین کی ہوگی اور امریکہ واسرائیل اور اس کے حواری ذلیل ورسو ا ہونے۔

وحدت نیوز(گلگت) بغداد میں جنرل قاسم سلیمانی پر امریکہ کا حملہ پورے عالم اسلام پر حملے کے مترادف ہے۔شیطان بزرگ ا مریکہ نے پورے عالم کو بدامنی کی جانب دھکیل دیا ہے ۔مشرق وسطیٰ میں امریکی فوجوں اور بیڑوں کی موجودگی نے خطے کی امنیت کوتباہی کے دھانے پر کھڑا کردیا ہے۔جنرل قاسم سلیمانی اور ابو مہدی المہندس  پر حملہ کرکے امریکہ نے جنگ کا سائرن بجادیا ہے۔

مجلس وحدت مسلمین گلگت بلتستان کے ڈپٹی سیکرٹری جنرل علامہ نیئر عباس مصطفوی نے نومل میں نماز جمعہ کے اجتماع سے خطاب کرتے ہوئے امریکہ جنایتکار کے جرائم پر سے پردہ اٹھاتے ہوئے جنرل قاسم سلیمانی کو ٹارگٹ کرنے پر سخت الفاظ میں مذمت کی۔ یہی امریکہ ہے جس نے پورے عالم کو بدامنی سے دوچارکردیاہے۔افغانستان کو تباہ وبربادکردیا،پھرعراق کو تہس نہس کردیا بعد ازاں شام میں پوری دنیا سے دہشت گردوں کو جمع کرکے شام کو مفلوج کرکے اسرائیل کیلئے راستہ ہموار کرنا چاہتا تھا لیکن یہی قاسم سلیمانی تھے جس نے امریکہ اور اسرائیل کے ناپاک ارادوں کو خاک میں ملادیا تھا۔

انہوںنے کہاکہ عراق میں امریکی پشت پناہی میں داعش نے اسی فیصد علاقے پر قبضہ کرکے خون کی ندیاں بہادیں تھیں اور عراق کو تین حصوں میں تقسیم کرنا تھا جسے عالم اسلام کے عظیم فرزند جناب قاسم سلیمانی نے اسرائیل اور امریکہ کے ارادوں کو ناکام بناکراسلام ومسلمین کو عزت وشرف بخش دی۔امریکہ نے آج قاسم سلیمانی ،ابو مہدی المہندس اور ان کے ساتھیوں کو ٹارگٹ کرکے عراق اور شام میں اپنی شکست کا انتقام لیا ہے۔امریکہ ایک عرصے سے جنرل قاسم سلیمانی کے قتل کے منصوبے کو عملی جامہ پہنانے کی کوشش میں تھا ۔

انہوں نے کہا کہ قاسم  سلیمانی، ابو مہدی مہندس کی مظلومانہ شہادت نے پورے عالم اسلام میں غم وغصے کی لہر دوڑادی ہے اب امریکہ اپنے جرائم کی سزا بھگتنے کی تیاری کرلے، ہم شہید پرور ملت ہیں جسے شہادتوں سے نہ تو خوفزدہ کیا جاسکتا اور نہ ہی اپنے عزم وارادے سے پیچھے دھکیل دیا جاسکتا ہے۔ان شاء اللہ اس جنگ میں فتح ونصرت اسلام ومسلمین کی ہوگی اور امریکہ واسرائیل اور اس کے حواری ذلیل ورسو ا ہونے۔

وحدت نیوز(اسلام آباد) مجلس وحدت مسلمین پاکستان کے زیر اہتمام اتوار کے روز اسلام آباد ،لاہور،کراچی، پشاور،کوئٹہ اور گلگت بلتستان سمیت ملک کے مختلف شہروں میں امریکی دہشت گردی کے خلاف احتجاجی مظاہرے کیے گئے۔مظاہروں میں ایم ڈبلیو ایم کے مرکزی، صوبائی اور ضلعی قائدین، شیعہ اکابرین ،مختلف مکاتب فکر سے تعلق رکھنے والی سیاسی و سماجی شخصیات اور کارکنوں کی کثیر تعداد نے شرکت کی۔

وفاقی دارالحکومت اسلام آباد میں احتجاجی مظاہرے سے خطاب کرتے ہوئے آغا سید علی رضوی نے کہا کہ امریکہ عالم اسلام کا بدترین اور مکار دشمن ہے۔اسے جب بھی موقعہ ملا اس نے امت مسلمہ کو ناقابل تلافی نقصان سے دوچار کیا۔امریکی کی دوستی کو بدترین دشمنی میں بدلتے ہوئے مسلمان حکمرانوں نے متعدد بار دیکھا ہے۔عالم اسلام کو اپنی بقا و سالمیت کے لیے امریکی حصار سے باہر نکلنا ہو گا۔

احتجاجی ریلی سے خطاب کرتے ہوئے علامہ اقبال بہشتی نے کہا کہ عراق کے اندر امریکہ کی نگرانی میں عالمی دہشت گرد تنظیم داعش نے انبیا و اصحاب کرام رضوان اللہ کی قبروں کو مسمار کرکے اجساد مبارکہ کی توہین جیسے انتہائی اقدام شروع کر دیے تھے جنہیں روکنے کے لیے جنرل قاسم سلمانی نے علم جہاد بلند کیا اور عراق کوداعش کے نجس وجود سے پاک کیا۔مقدسات کی حفاظت کرنے والے قاسم سیلمانی امت مسلمہ کے عظیم سپاہی تھے۔امریکہ نے دہشت گردانہ سرگرمیوں کی راہ میں رکاوٹ دور کرنے کے لیے انہیں شہید کیا۔

مظاہرین سے خطاب کرتے ہوئے مرکزی جامع مسجد خطیب علامہ اختر عباس نے کہا امریکہ کا یہ بزدلانہ فعل اس کے زوال کی نوید ثابت ہو گا۔ اس وقت عالم اسلام کو متحد ہونے کی ضرورت ہے۔امریکی بلاک میں جو بھی مسلمان ملک شامل رہا اسے اسلامی مفادات کا دشمن سمجھا جائے گا۔اب مصلحت پسندی کی بجائے جرات مندانہ فیصلوں کی گھڑی ہے۔تاریخ بڑی بے رحم ہے اور مصلحت کے نام پر بزدلی دکھانے والے کو کبھی معاف نہیں کرتی۔انہوں نے کہا کہ اسلام کے نام پر وجود میں آنے والے مادر وطن کو اسلام کی سربلندی کے لیے اپنا موثر کردار ادا کرنا چاہیے۔

 علامہ شیر علی انصاری نے خطاب کرتے ہوئے کہا کہ پاکستان کی حکومت کو واضح کرنا ہو گا کہ مغربی امداد یا دباؤ کا کوئی بھی حربہ پاکستان اور ایران کے برادرانہ تعلقات میں دراڑیں نہیں ڈال سکتا۔ پوری قوم اپنے ملک کو ہر قسم کے بیرونی دبا? سے آزاد دیکھنا چاہتی ہے۔ماضی میں امریکہ کے ساتھ اتحاد اور ڈو مور کے مطالبے کے نتائج دہشت گردی کی شکل میں آج تک پوری قوم بھگت رہی ہے۔ امریکہ کی رعونت اسے بہت جلد ڈبو دے گی۔ٹرمپ کی غیر دانشمندانہ اور متعصب پالیسیوں کے باعث آج پوری دنیا میں امریکی شہری شدید خوف و ہراس اور بے چینی کا شکار ہیں۔دین اسلام ہمیں امن کا درس دیتا ہے لیکن کسی کو یہ اجازت نہیں دیتا کہ اس کے ہاتھ امت مسلمہ کے گریبانوں تک جا پہنچے۔ایسے اسلام دشمنوں کے خلاف نتیجہ خیز جدوجہد ہی عین اسلام ہے۔آج پوری دنیا کے مسلمان امریکہ اور اس کے حواریوں کے خلاف سراپا احتجاج ہیں۔ ہر طرف سے بلند ہونے والی یہ صدا امریکی کی جلد نابودی کا اعلان ہے۔احتجاجی ریلی میں ڈپٹی میئر اسلام آباد ذیشان نقوی سمیت شہر کی دیگر تنظیموں کے قائدیں نے بھی شرکت کی اور آخر میں امریکی پرچم اور صدر ٹرمپ کا پتلا نذر آتش کیا گیا۔