وحدت نیوز  (لاہور)  مجلس وحدت مسلمین کے صوبائی سیکرٹریٹ پنجاب میں صوبائی ڈپٹی سیکرٹری جنرل ڈاکٹر افتخار نقوی کی زیر صدارت صوبائی کابینہ کا اجلاس منعقد کیا گیا اجلاس میں صوبہ بھرمیں محرم الحرام و صفرالمظفر میں عزاداری اور عزادروں کو درپیش مسائل پر تبادلہ خیال کیا گیا جبکہ ان مسائل کو حکومتی سطح پر حل کرنے کے لیے پنجاب عزاداری کونسل کا قیام عمل میں لایا گیا جس کی صدارت کیلئے صوبائی کابینہ کے ممبر رانا ماجد کو منتخب کیا گیا۔عزاداری کونسل میں پنجاب کےہر ضلع سے دونمائندوں کو شریک کیا گیاجبکہ صوبائی سیکرٹریٹ پنجاب میں عزاداری شکایتی سیل بھی قائم گیا ۔ اجلاس میں واضح کیا گیا کہ تمام اضلاع کے نمائندے بانیان مجالس اور عزاداروں سے مسلسل رابطے میں رہیں گے اور کسی بھی بد انتظامی کی صورت میں رپورٹ شکایتی سیل میں جمع کروائیں گے۔

اجلاس میں مجلس وحدت مسلمین پنجاب کی صوبائی کابینہ کے اراکین سید حسن رضا کاظمی، سید اقبال حسین شاہ، مولانا گلزار فیاضی ، رائے ناصر علی،سید حسین زیدی، سید علمدار زیدی اور رانا ماجد نے شرکت کی ۔ اجلاس میں شرکاء کو بریفنگ دیتے ہوئے پنجاب عزاداری کونسل کے صدر رانا ماجد کا کہنا تھا کہ عزاداری سید الشہدا ہماری شہ رگ حیات ہے جس پر کسی قسم کا قدغن قابل قبول نہیں۔ انہوں نے کہا کہ ایم ڈبلیو ایم ہر فورم پر ملت کے مسائل حل کرنے کے لیے تگ و دو کرتی رہے گی۔ رانا ماجد نے کابینہ اراکین کو بتایا کہ اب حالات پہلے جیسے نہیں پنجاب حکومت ہماری اتحادی جماعت ہے اور ہم امید کرتے ہیں کہ پنجاب حکومت کے ساتھ مل کر عزاداروں کے مسائل کو احسن انداز سے حل کرنے کی مکمل کوشش کریں گے۔ جبکہ پنجاب میں قائم شکایتی سیل کی جانب سے صوبہ بھر کے عزاداروں کی سہولت کے لیے ٹیلی فون نمبرز دیے گئے جہاں شکایتیں موصول کی جائیں گی تاکہ مسائل کا بر وقت حل ممکن ہو ۔

وحدت نیوز (کراچی) عزاداری امام حسین علیہ السلام امت مسلمہ کے درمیان وحدت کا مظہر ہے، یہ عزاداری ہی ہے کہ جس نے حسینی اور یزیدی افکار کے درمیان فرق واضح کیا۔ عزاداری کے حوالے سے کسی رکاوٹ کو قطعاََ برداشت نہیں کیا جائے گا۔ محرم الحرام کے دوران ملک بھر میں ہونے والے عزاداری کے پروگراموں کو فول پروف سیکورٹی مہیا کرنے کے لیے انتہائی مؤثر اور اعلی سطح کے انتظامات انتہائی ضروری ہیں۔ صوبائی حکومت محرم الحرام سے قبل مجالس عزا اور ماتمی جلوسوں کے روٹس پر صفائی ستھرائی اور استرکاری کے انتظام کو یقینی بنائے۔وفاقی وصوبائی حکومتیں محرم الحرام میں دوران مجالس و جلوس عزا  بلا تعطل بجلی کی فراہمی کو بھی یقینی بنائیں۔ ان خیالات کا اظہار شیعہ رہنماوں نے مجلس وحدت مسلمین کی جانب سے آل شیعہ پارٹیز پریس کانفرنس میں اپنے مشترکہ اعلامیہ میں کیا ۔

 اس موقع پر رہنما ایم ڈبلیو ایم علامہ باقر عباس زیدی، علامہ مبشر حسن، علامہ علی انور جعفری، علامہ صادق جعفری،مجلس علماے شیعہ پاکستان کے سربراہ علامہ مرزا یوسف حسین ،ہیت آئمہ مساجدو علمائے امامیہ پاکستان کے رہنما مولانا محمد حسین رئیسی سمیت دیگر بھی موجود تھے۔رہنماوں کا کہنا تھا کہ عزاداری کے حوالے سے کسی رکاوٹ کو قطعاََ برداشت نہیں کیا جائے گا۔ محرم الحرام کے دوران ملک بھر میں ہونے والے عزاداری کے پروگراموں کو فول پروف سیکورٹی مہیا کرنے کے لیے انتہائی مؤثر اور اعلی سطح انتظامات انتہائی ضروری ہیں۔اس سلسلے میں وزارت داخلہ کی طرف سے تمام صوبوں کو خصوصی ہدایات کی جائے۔ سیکورٹی کے حوالے سے کسی بھی چھوٹے یا بڑے پروگرام میں معمولی سی بھی غفلت کسی بڑے سانحہ کا باعث بن سکتی ہے۔بانیان مجالس و جلوس کی یہ ذمہ داری بنتی ہے کہ سیکورٹی کے معاملات کو احسن طریقے سے سرانجام دینے کے لیے پولیس انتظامیہ کے ساتھ بھرپور تعاون کریں۔اس کے علاوہ علاقائی ا سکاوٹس اور اپنی مدد آپ کے تحت بھی جلوس و مجالس کی نگرانی کریں۔

رہنماوں نے کہا کہ نیشنل ایکشن پلان یا فورتھ شیڈول کی آڑ میں عزاداری کے پروگراموں کو محدود کرنے یا دیگر کسی قسم کی رکاوٹ پیدا کرنے کی کوشش نہ کی جائے۔ہم پْر امن اور محب وطن قوم ہیں۔ قانون و انصاف کی بالادستی پر یقین رکھتے ہیں لیکن قانون کے نام پر اپنے مذہبی آزادی کے آئینی حق سے دستبردار نہیں ہو سکتے۔پاکستان بھر میں انتظامیہ کے ساتھ مکمل تعاون کیا جائے گا اور انشا اللہ ہمارے تمام روایتی جلوس و مجالس کے پروگرام مذہبی عقیدت و احترام کے ساتھ بغیر کسی قدغن کے جاری رہیں گے۔شیعہ رہنماوں نے صوبائی حکومت سے مطالبہ کیا کہ وہ محرم الحرام سے قبل مجالس عزا اور ماتمی جلوسوں کے روٹس پر صفائی ستھرائی اور استرکاری کے انتظام کو یقینی بنائے، عزاداری امام حسین علیہ السلام کے اجتماعات کو لاؤڈ اسپیکر ایکٹ سے مستثنیٰ قرار دیا جائے، عزاداری امام حسین علیہ السلام امت مسلمہ کے درمیان وحدت کی علامت ہے، ایک ہزار سال سے شیعہ و سنی عوام مل کر امام حسین علیہ السلام کی شہادت کے ایام مناتے ہیں، صوبائی حکومت کو چاہیئے کہ عزاداری امام حسین علیہ السلام کی راہ میں رکاوٹ بننے والی والے عناصر کیخلاف کارروائی کرے ۔

علامہ باقر عباس زیدی کا کہنا تھا کہ ایم ڈبلیو ایم کے مرکزی سیکریٹری جنرل علامہ راجہ ناصر عباس جعفری نے مجلس وحدت مسلمین کے ذمہ داران اور کارکنان کو ہدایت کی کہ شہر بھر میں عزاداران امام حسین علیہ السلام کو ہر قسم کی سہولیات کی فراہمی کیلئے اپنی کوششیں مزید تیز کریں۔ اس حوالے سے محرم الحرام کے دوران عزاداری کے پروگراموں کو درپیش مسائل کے حل کے لیے مرکزی عزاداری سیل کے قیام کا اعلان کیا ہے۔ایم ڈبلیو ایم مرکزی سیکرٹریٹ کے انچارج ملک اقرار حسین عزاداری سیل کے سربراہ ہوں گے۔وطن عزیز کے تمام چھوٹے بڑے شہروں کے مومنین عزاداری سے متعلقہ مسائل کے حل کے لیے عزاداری سیل سے رابطہ کر سکیں گے۔ جلوس و مجالس کے پروگراموں کو فول پروف سیکورٹی کی فراہمی کے لیے عزاداری سیل کی طرف سے ضلعی پولیس افسران کو خطوط بھی جاری کیے جا رہے ہیں۔عزاداری سیل کے دیگر اراکین میں ظہیر الحسن کربلائی، ارشاد حسین بنگش ،علامہ عبدالخالق اسدی،رانا ماجد،نیئر حسین جعفری،سلیم صدیقی،اکبر شاہ،کربلائی رجب علی،سید سجاد حسین اور ایڈوکیٹ آصف ممتاز ملک شامل ہیں۔عزادران کسی بھی مشکل کی صورت میں ایم ڈبلیو ایم کے مرکزی سیکرٹریٹ فون نمبر051۔2271111پر رابطہ کر سکتے ہیں جبکہ ایم ڈبلیو ایم سندھ عزاداری سیل صوبائی سیکرٹری جنرل علامہ مقصود علی ڈومکی کی نگرانی میں رہنما اکبر شاہ و دیگر رہنما اپنے فرائض انجام دیں گے۔

وحدت نیوز (لاہور) غیروں کی جنگ میں شرکت نا کرنے کا اعلان آزاد خارجہ پالیسی کی جانب قدم ہے ،وزیراعظم پاکستان عمران خان کے اس فیصلے کو سراہتے ہیں وزیر اعظم کے سرسبز پاکستان اور ڈیم بنائو مہم میں کلیدی کردار ادا کریں گے، ان خیالات کا اظہار سربراہ مجلس وحدت مسلمین پاکستان علامہ راجہ ناصرعباس جعفری نےقومی مرکز شاہ جمال لاہور میں یوم دفاع ِ پاکستان اورتجدید عہد ولایت سیمینار سے خطاب کرتے ہوئے کیا، انہوں نے کہا کہ ماضی میں ناعاقبت اندیش حکمرانوں نے اغیارکے مفادات کے لئے ملک کو نقصان پہنچایا جس کا خمیازہ آج تک قوم بھگت رہی ہے سویت یونین کو شکست دینے کے لئے ملک میں شدت پسندوں کو پروان چڑھایااور ملک کو دہشت گردی انتہاپسندی کی جنگ میں اسی ہزار جانوں کا ناقابل تلافی نقصان اٹھانا پڑا۔

انہوں نے کہا کہ نئی حکومت نے درست سمت کا تعین کیا ہے،بحیثیت پاکستانی قوم ہمیں اس قومی معاملے پر حکومت کا ساتھ دینا ہو گا ،ہمارے دشمن عیار اور خونخوار ہیں وہ وطن عزیز میں استحکام اور ترقی ہوتا نہیں دیکھ سکتے، اس وقت حکومت کی توجہ ہٹانے کے لئے غیر ضروری ایشوز پر حکومت کو دبائو میں لانے کی بھرپور کوشش کی جارہی ہیں ہماری باشعور عوام کو اس منفی میڈیا وار کا بھر پور مقابلہ کرنا چاہئے اور پروپگنڈے کا شکار ہونے سے خود کو بچانا ہو گا ۔

اس موقع پر سربراہ ایم ڈبلیو ایم علامہ راجہ ناصر عباس جعفری نے کہا کہ ڈیم بنائو مہم کی حمایت کرتے ہیں اور اس میں خود بھی حصہ ڈالیں گے بلکہ اس کے لئے بھر پور مہم بھی چلائیں گئے۔ عمران خان کے ساتھ مل کرسرسبز پاکستان اور ڈیم کی تعمیر مہم میں کلیدی کردار ادا کریں گے۔ یہ ملک کی ترقی اور بہتر مستقبل کی جنگ ہے ہر پاکستانی کو اپنا حصہ ضرور ڈالنا چاہئے ۔

بعد ازاں شرکاءنے محترمہ سیدہ زہرانقوی کو رکن پنجاب اسمبلی منتخب ہونے پر مبارک باد پیش کی، سیمینار میں ایم ڈبلیو ایم کے کارکنان ، عہدیداران او رشہریوں کے علاوہ پاکستان تحریک انصاف کی ذمہ دار خواتین نے بھی شرکت کی، محترمہ سیدہ زھرا نقوی نے اپنے خطاب کے دوران تمام سامعین کو آئندہ کی حکمت عملی کے حوالے سے آگاہ کیا، اس سیمینار میں محترمہ معصومہ نقوی مرکزی مسئول تنظیم سازی اور محترمہ زاھدہ حسینی معاون آرگنائزر لاہور ن،مرکزی ڈپٹی سیکریٹری جنرل ایم ڈبلیو ایم علامہ سید احمد اقبال رضوی نے بھی خصوصی خطاب کیا،جبکہ مولانا حسن مہدی کاظمی پرنسپل جامعہ بعثت اور ایم ڈبلیوایم کے مرکزی پولیٹیکل سیکریٹری سید اسدعباس نقوی نے خصوصی شرکت کی، اس سیمینار میں محترمہ حنا تقوی کے زیر سرپرستی ننھے بچوں نےپاک فوج کے شہداءکو خراج تحسین پیش کرنے کیلئے بہترین ٹیبلو پیش کیا ،میزبانی کے فرائض محترمہ خوبرو گیلانی آرگنائزر شعبہ خواتین لاہور نے انجام دیئے۔

وحدت نیوز (گلگت) سوست کسٹم کلیکٹریٹ کے عملے کا تاجروں کے ساتھ رویہ انتہائی ہتک آمیز ہے۔کئی چھوٹے تاجر ان کے رویے سے تنگ آکر گھروں میں بیٹھے ہوئے ہیں۔ ایک منتخب عوامی نمائندے پر چوری کے الزام میں ایف آئی آر درج کرنا انتہائی مضحکہ خیز ہے۔ڈپٹی کلکٹر سمیت تمام عملے کی پوسٹنگ کرکے واقعے کی تحقیقات کی جائے۔

مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ کسٹم کلکٹریٹ سوست میں غیر قانونی طور پر گلگت بلتستان کے عوام سے جبراً ٹیکس وصول کررہا ہے جبکہ متنازعہ خطے کے عوام پر ٹیکس لاگو کرنا غیر قانونی اقدام ہے۔انہوں نے کہا کہ گلگت بلتستان میں بیروزگاری کا ایک طوفان ہے اکثر لوگ چائنہ ٹریڈ کے ذریعے اپنا گزربسر کررہے لیکن گزشتہ دوسالوں سے نت نئے ٹیکسز کے ذریعے روزگار کا واحد ذریعے پر بھی رکاوٹیں کھڑی کرکے احتجاج پر مجبور کیا جارہا ہے جس سے بیروزگاری مزید بڑھ گئی ہے۔

انہوں نے کہا کہ سوست کسٹم عملے کے متعلق ایک عرصے سے مقامی کاروباری حضرات شکایات کرتے رہے ہیںاور اس سال تقریباً دومہینے تاجر برادری نے اپنے مطالبات کے حق میں احتجاج اور دھرنا دیا لیکن محض زبانی وعدوں پر انہیں ٹرخایا گیا۔انہوں نے کہا کہ کسی بھی سرکاری آفیسر کو قطعاً یہ حق حاصل نہیں کہ وہ اس خطے کے عوام کی توہین کرے،انہیں سرکار نے عوام کی خدمت کیلئے مقرر کیا ہے۔

انہوں نے ارباب اختیار سے مطالبہ کیا کہ ڈی سی کسٹم سمیت تمام عملے کو پوسٹنگ کرکے واقعے کا غیر جانبدار کمیٹی تشکیل دیکرتحقیقات کروائی جائیں اور ایک منتخب عوامی نمائندے پر چوری کا الزام لگاکر ایف آئی آر درج کرنا پورے علاقے کی توہین ہے اس ایف آئی آر کو فوری واپس لیا جا ئے اور بارڈر ٹریڈکرنے والے مقامی افراد کو کسٹم ڈیوٹی میں خصوصی چھوٹ دی جائے۔

وحدت نیوز (کوئٹہ)  مجلس وحدت مسلمین پاکستان کے مرکزی رہنما علامہ سید ہاشم موسوی اور دیگر نے مشترکہ پریس کانفرنس کرتے ہوئے کہاکہ یوم دفاع پاکستان کے موقع پر پاک فوج کے جوانوں کی شجاعت ،جرات ایثار قربانی اورجذبہ شہادت سے سرشار وطن عزیز کی جغرافیائی سرحدوں کی حفاظت کیلئے جانوں کا نذرانہ پیش کرنے والے تمام شہداء کو خراج عقیدت پیش کرتے ہیں۔6 ستمبر 1965پاکستان اور ہندستان کی جنگ میں بلوچستان کے عظیم سپوت اس وقت کے آرمی چیف جنرل محمد موسیٰ خان ہزارہ کی بہترین قائدانہ صلاحیتوں اور جنگی حکمت عملی کی داستانیں آج بھی زبان خاص وعام ہیں۔

شیعہ ہزارہ قوم اپنے دوسرے تمام ھم وطن پاکستانی بھائیوں کے ساتھ مل کر مادر وطن کی جغرافیائی سرحدوں کی حفاظت کیلئے ہمیشہ جانوں کا نذرانہ پیش کرتے رہے ہیں اور اس کے بعد بھی اپنی دھرتی ماں پاکستان کی انچ انچ کا دفاع کرتے رہیں گے انشاء اللہ۔ 6 ستمبر کے دن تمام اخبارات الیکٹرانک اور پرنٹ میڈیا کے ذریعے قائد اعظم محمد علی جناح(رح)کے فرمان کے مطابق اتحاد،یقین محکم اورتنظیم کو یقینی بنانے کیلئے قومی یکجہتی اور پاک فوج کی لازوال قربانیوں پر مبنی پروگرامز ترتیب دینا چاہیئے۔تاکہ نئی نسل کو اپنی قومی تاریخ سے واقفیت اورجزبہ حب الوطنی میں اضافہ ہو۔

ہم مرکزی حکومت سے پر زور مطالبہ کرتے ہیں کہ کہ جنرل محمد موسی خان جیسے تمام قومی ہیروں کی یاد کو تازہ رکھنے کیلئے اسلام آباد اور دیگر شہروں میں شاہراہوں کو انکے نام سے منسوب کیا جائے۔اسی طرح اسلام آباد کے کسی شاہراہ کو مرحوم جنرل محمد موسی خان کے نام سے منسوب کیا جائے تاکہ پوری پاکستانی قوم اپنے پاک فوج کے عظیم سپہ سالار کو ہمیشہ کیلئے یاد رکھیں۔ہم مرکزی حکومت سے پر زور مطالبہ کرتے ہیں کہ کہ جنرل محمد موسی خان جیسے قومی ہیروں کی یاد کو تازہ رکھنے کیلئے اسلام آباد میں کسی شاہراہ کو مرحوم جنرل محمد موسی خان کے نام سے منسوب کیا جائے تاکہ پوری پاکستانی قوم اپنے پاک فوج کے عظیم سپہ سالار کو ہمیشہ یاد رکھیں۔

وحدت نیوز(اسلام آباد) مجلس وحدت مسلمین پاکستان نے محرم الحرام کے حوالے سے مرکزی عزاداری سیل قائم کر دیا ۔ملک بھر میں نمائندگان کا تعین کردیا ہے محرم الحر ام میں امن وامان اور عزاداری نواسہ رسول کی راہ میں حائل رکاوٹوں کے سدباب کے کردار ادا کریں گئے، ان خیالات کااظہار ایم ڈبلیوایم عزاداری سیل کے مرکزی کنوینئرملک اقرار حسین نے مرکزی عزاداری سیل کے اجلاس سے خطاب کرتے ہوئے کیا۔

 انہوں نے کہاکہ عزاداری سید الشہداء ہماری شہ رگ حیات ہے ۔پاکستانی شہری ہونے کے ناطے ہمیں وہ تمام آئینی حقوق حاصل ہیں جو کہ کسی بھی پاکستانی کوحاصل ہیں ۔ آئین پاکستان ہر شہری کو مذہبی آزادی اور مذہبی رسومات کی ادائیگی کا حق دیتی ہے ۔سیکورٹی او ر انتظامی اداروں کا کام شہریوں کو سہولت پہنچانا ہے۔ محرم الحرام میں دنیابھر کی طرح وطن عزیز پاکستان میں بھی عزاداری سید الشہداء کے اجتماعات منعقد کئے جائیں گے گزشتہ چند دہائیوں سے عزاداری کے خلاف ایک ایک مخصوص تکفیری فکر رکھنے والا ٹولہ سازشیں کر تا آرہا ہے ۔محرم الحرام میں مجالس وجلوسوں کو مکمل سکیورٹی فراہم کی جائے ۔

ان کا مذید کہنا تھا کہ سابقہ وفاقی و صوبائی حکومتوں کی جانب سے کالعدم دہشتگرد جماعتوں کی سرگرمیوں پر پابندی نا لگانے سے ملک میں امن واما ن کی صورتحال مخدوش رہی اور اب بھی ان کی سرگرمیاں جاری ہیں ان کے نیٹ ورک موجود ہیں ان کے خلاف فوری آپریشن ہونے چاہیں ان کالعدم گروہوں کے عالمی دہشتگر د تنظیموں داعش القاعدہ اور طالبان کے ساتھ تعلقات ہیں سابقہ حکومت نے نیشنل ایکشن پلان پر انتہائی سست روی سے کام کیا نئی حکومت سے امید ہے کہ وہ نیشل ایکشن پلان پر اس کی روح کے مطابق اور سنجیدگی کے ساتھ کام کر ئے گی ۔۔ملک بھر میں محرم الحرام میں امن وامان کی فضا قائم رکھنے کے لئے مرکزی عزاداری سیل مرکزی کردار ادا کرئے گی ۔پرنٹ،الیکٹرونک اور سوشل میڈیا کے زریعے تمام صوبوں کے عزاداری سیل کوارڈیئنٹر ز کے نمبرز جاری کردئے گئے ہیں ۔صوبہ پنجاب میں مرکزی عزادری سیل کے کوآرڈینیٹررانا ماجد علی ،سند ہ میں اکبر شاہ،کے پی کے میں نیئر حسین جعفری ،جنوبی پنجاب مین سلیم صدیقی ،بلوچستان میں کربلائی رجب علی اور آزاد کشمیر میں سید سجاد حسین سبزواری کو نامزد کیا گیا ہے اس کے علاوہ لیگل ایڈوائزرایڈوکیٹ آصف ممتاز ملک ہونگے اسلام آباد میں علامہ عبدالخالق اسدی اور ارشاد حسین بنگش مرکزی عزاداری سیل کے کوآرڈینیٹرہوں گئے۔