وحدت نیوز(کوئٹہ) مجلس وحدت مسلمین کوئٹہ ڈویژن کے یوتھ سیکریٹری نے ایک پریس ریلیز میں کہا ہے کہ وزیراعلیٰ بلوچستان جام کمال خان نے ایشین گیمز میں کراٹے مقابلوں میں کانسی کا تمغہ جیتنے والی بلوچستان کی کھلاڑی نرگس کو مبارکباد دینا انکی حوصلہ افزائی کرنا اور نقد انعام دینا خوش آئند اقدام ہے ۔بلوچستان میں دوسرے صوبوں کی نسبت سہولتیں کم ہونے کے باوجود انٹر نیشنل میدان سے برانز میڈل حاصل کرنا پورے ملک و قوم کیلئے سر بلندی کا باعث ہے۔ماضی میں بھی اس صوبہ سے تعلق رکھنے والے کھلاڈیوں نے نمایا کار کردگی پیش کرکے کئی نیشنل اور انٹر نیشنل میدانوں میں صوبہ کا نام روشن کر چکے ہیں۔صحت مند معاشرے کی تشکیل کیلئے نوجوانوں کا بنیادی کردار ہے ۔
انہوں نے مزیدکہا کہ نئی نسل کو جدید دور کے مطابق کھیلوں کی سہولتیں دینے سے مختلف گیمز میں لوہا منوانے کا موقع ملتا ہے جس سے پورے معاشرے میں مثبت غیر نصابی سر گرمیوں میں رحجانات بڑھ جائیں گے ۔بلوچستان میں مناسب اور معیاری سہولتیں کم ہونے کے با وجود ایشیئن گیمز میں تمغہ جیتنا اس صوبہ میں باصلاحیت ٹائلینٹید کھلاڈیوں کی محنتوں کا نتیجہ ہے ۔کھیلوں کے فروغ کیلئے نوجوانوں کو سہولتیں مہیا کرنے اور حوصلہ افزائی سے نئے کھلاڑی سامنے آئیں گے ۔ایم ڈبلیو ایم کوئٹہ ڈویژن یوتھ سیکریٹری نے کہا کہ نرگس نے شاندار کارکردگی کا مظاہرہ کر کے ملک اور صوبے کا نام روشن کیا جس پر ہمیں فخر ہیں ۔
وحدت نیوز (لاہور) مجلس وحدت مسلمین کے صوبائی سیکرٹری جنرل پنجاب علامہ سید مبارک علی موسوی نے ایران اور عراق جانے والے زائرین کی مشکلات کو حل کرنے کے لئےوزیر اعظم پاکستان عمران خان کے ایران بارڈر پر امیگریشن کائونٹرز میں اضافے کے فیصلے کو سراہتے ہوئے کہا کہ ان اقدامات سے زائرین کو بائی روڈ سفر میں آسانی ہو گی ،ایران ،عراق اور پاکستان کے تعلقات مزید بہتر ہوں گےجبکہ پاکستان کی معیشت میں مزید بہتری آئے گی ۔
ان کا کہنا تھا کہ ہر سال محرم الحرام ،صفر المظفر اور سال کے مختلف اوقات میں لاکھوں زائرین ایران اور عراق کے لئے پاکستان سے روانہ ہوتے ہیں لیکن گزشتہ حکومتوں نے زائرین کو سہولیات فراہم کرنے کے لیے کوئی خاطر خواہ اقدامات نہیں کیے،جس سے زائرین کی تعداد میں کمی ہوئی ہے۔
علامہ سید مبارک علی موسوی کا مزید کہنا تھا کہ امیگریشن کائونٹرز میں اضافےکے ساتھ ساتھ سیکیورٹی انتظامات کو بھی بہتر بنانا چاہیے تاکہ زائرین کا کوئٹہ سے باڈر اور باڈر سے کوئٹہ سفرمحفوظ بنایا جاسکے۔انہوں نے کہا کہ زائرین کے تحفظ اور سہولیات کی فراہمی اور مشکلات کے ازالے کے لئے کسی بھی حکومت کا یہ پہلا قدم ہے جو قابل ستائش ہے امید کرتے ہیں ان تمام وعدوں پر عمل درآمد کیا جائے گا ۔
وحدت نیوز (لاہور) امام بارگاہ حسینیہ چمڑہ منڈی میںمجلس وحدت مسلمین ضلع لاہور کی جانب سے عزاداری و مصالحتی کونسل کی کانفرنس کا انعقاد کیا گیا۔کانفرنس میں لاہور کےمختلف علاقوں سے کثیر تعداد میں عزاداروں اور ماتمی انجمن کے سالاروں نے شرکت کی۔کانفرنس سے خطاب کرتے ہوئے مولانا حر عابدی نے غیبت امام زماںعج میں مومنین کو ان کی ذمہ داریوں سے متعلق آگاہ کیا ۔جبکہ سینئر ایڈووکیٹ سیدماجد کاظمی نےکانفرنس کے شرکا ءسے خطاب کرتے ہوئے عزاداری کونسل اور مصالحتی کونسل کی اہمیت و افادیت پر زور دیتے ہوئےکہا کہ عزاداری ہماری شہ رگ حیات ہے جس پر کسی صورت سمجھوتہ نہیں کیا جا سکتا ، اور عزاداری اور مصالحتی کونسل کی مدد سے عزاداری کی راہ میں حائل مشکلات کا حل نکالا جا سکتا ہے ۔کانفرنس میں ایم ڈبلیو ایم صوبائی کابینہ کے ارکان رانا ماجد، حسین زیدی اور علمدار زیدی نے شرکت کی جبکہ کانفرنس کے اختتام پر سیکریٹری جنرل ایم ڈبلیوایم ضلع لاہورمولانا سیدحسن رضاہمدانی نے دعائے امام زمانہ کرائی۔
وحدت نیوز (اسلام آباد) پنجاب میں محرم الحرام کی مجالس وجلوس ہائے عزا کو مکمل سیکورٹی فراہم کریں گے، آئین پاکستان کی رو سے حکومت کی ذمہ داری ہے کہ وہ ہر شہری کے لئے آزادانہ مذہبی رسومات کی ادائیگی کو یقینی بنائے ان خیالات کا اظہارپنجاب کے صوبائی وزیر قانون و پارلیمانی امورمحمد بشارت راجہ نے مجلس وحدت مسلمین کے مرکزی سیکرٹری سیاسیات سید اسد عباس نقوی سے ملاقات میں کیا ،محرم الحرام میں قیام امن اور عزاداروں کو درپیش مسائل پر مجلس وحدت مسلمین کے وفد نے صوبائی وزیر قانون راجہ بشارت سے ان کی رہائش گاہ پر ملاقات کی وزیر قانون پنجاب سے گفتگو کرتے ہوئے سید اسد عباس نقوی نے کہا کہ محرم الحرام میں فول پروف سیکورٹی کو یقینی بنایاجائے اور خصوصا گزشتہ دور حکومت کی جانب سے عزاداری سید الشہدا کی رہ میں ڈالی جانے والی رکاوٹوں کا سد با ب ہونا چاہئے جس پر صوبائی وزیر قانون و پارلیمانی امور راجہ بشارت کا کہنا تھا کہ محرم الحرام میں عوام کی جان و مال کیے تحفظ اور امن و امان کے قیا م کو یقینی بنانے کے لئے فول پروف انتظامات کئے جائیں گے،شر انگیز عناصر پر خصوصی نظر رکھی جائے گی۔انشااللہ نئی حکومت کی ترجیحات میں شامل ہے کہ وہ صوبے میں بسنے والے مکتب فکر کی عبادت گاہوں اور مذہبی رسومات کی ادائیگی کو بلا کسی رکاوٹ انجام دہی کو یقینی بنانے میں تمام سہولتیں مہیا کریں ۔نواسہ رسول ص کے افکار و ان کی یاد کو منانا تما م مسلم امہ کی مشترکہ میراث ہے اور ان کے عزاداروں کو تمام سہولیات کی فراہمی حکومت وقت کی اولین ترجیح ہے، ملاقات میں ایم ڈبلیوایم کے مرکزی ڈپٹی پولیٹیکل سیکریٹری سید محسن شہریار اور ملک اقرار حسین مرکزی سیکرٹری روابط ایم ڈبلیوا یم بھی موجود تھے ۔
وحدت نیوز(اسلام آباد) مجلس وحدت مسلمین پاکستان کے سنٹرل سیکرٹریٹ میں ایم ڈبلیوایم کےسپریم ادارےشوری ٰ عالی کے دو روزہ اجلاس کے بعد سربراہ مجلس وحدت مسلمین علامہ راجہ ناصر عباس جعفری نےشوریٰ عالی کے چیئرمین علامہ شیخ حسن صلاح الدین ،علامہ سید علی رضوی ،علامہ سید حیدر عباس عابدی،علامہ ہاشم موسوی ،اور مرکزی صدر آئی ایس او انصر مہدی کے ہمراہ پریس کانفرنس کرتے ہوئے کہا ہے کہ ہم سندھ حیدر آباد میں بزرگ شیعہ عالم دین علامہ حیدرعلی جوادی کے گھر پولیس گردی چادر و چاردیواری کے تقدس کی پامالی کی شدیدمذمت کرتے ہیں،علامہ حیدر علی جوادی کے بیٹے علامہ حسن جوادی جو کہ پہلے سے ہی بیمار تھے کو گرفتار کیا گیا اورتشدد کے سبب انکی حالت غیر ہونے پر انہیں سڑک کنارے پھینک دیا گیا،وہ کچھ دن موت وحیات کے کشمکش میں رہے لیکن جانبر نہ ہو سکے اور وہ خالق حقیقی سے جاملے،ہم اس کو ماورائے عدالت قتل تصور کرتے ہیں،پیپلزپارٹی سندھ کی حکومت اس ماورائے عدالت قتل کے جوابدہ ہیں حکومت ہمیں جواب دے انہیں کس جرم کی پاداش میں شہید کیا گیا؟اسی طرح ملک بھر میں ہمارے درجنوں بے گناہ افراد تا حال لاپتہ ہیں، مولانا ظہیرالدین بابر جو ایک محب وطن انسان تھا وہ پاکستان کو سرسبز و شاداب دیکھنا چاہتے تھے ،وہ ملک بھر میں لوگوں کو شجرکاری اور زراعت سے متعلق معلومات اور لوگوں کو اس جانب رغبت دلانے میں مصروف تھے لیکن دو سال سے ان کو لاپتہ کیا ہوا ہے اس کی بوڑھی ماں کی بینائی چلی گئی ہے ،یہاں ظالم اور مظلوم کو ایک ہی لاٹھی سے ہانکا جا رہا ہے اس کے نتائج مثبت نہیں آئینگے ،بیلنس پالیسی کا عمل ضیاء باقیات کا شاخسانہ ہے جو ملکی سلامتی کے لئے زہر قاتل ہے ۔
علامہ راجہ ناصر عباس جعفری نے کہا کہ ہم ہالینڈ کے ملعون گریٹ والڈر کی جاب سے توہین رسالت ﷺ کی شدید الفاظ میں مذمت کرتے ہیں،اور وفاقی حکومت کی اس ایشو پر کردار کو قدر کی نگاہ سے دیکھتے ہیں واقعاََ پاکستان نے اسلامی دنیا میں فرنٹ رول کا کردار ادا کیا،حضور سرورکائنات ﷺ اور انکی آل پاکؑ کی عزت وحرمت پر ہم اپنی جانوں کی قربانی کو سعادت سمجھتے ہیں،اور ان کی شان میں گستاخی کو ہرگس برداشت نہیں کیا جائے گا۔
پریس کانفرنس میں علامہ راجہ ناصر عباس جعفری نے کہا کہ ہم پاکستان کی آزاد خارجہ پالیسی کے بیان کو خوش آئند قرار دیتے ہیں امید ہے پاکستان کی خود مختاری کو مد نظر رکھتے ہوئے حکومت انقلابی اقدامات کریگی،انہوں نے کہا کہ عزادای سید شہداء ہماری شہ رگ حیات ہے،امید ہے کہ محرم الحرام میں ملک بھر میں فول پروف سکیورٹی کو حکومت یقینی بنائے گی،سابقہ ن لیگ حکومت کے دور میں پنجاب میں ملت جعفریہ کو بدترین انتقام کا نشانہ بنایا گیا،سینکڑوں ایف آئی آر درج کی گئیں اور چارسو سے زیادہ افراد کو شیڈول فور میں ڈالا گیا اورآئین پاکستان کی دی ہوئی مذ ہبی آزادی کے حقوق کو بری طرح پامال کیاگیا ۔
ہمارا مطالبہ ہے کہ نئی حکومت ا س مسئلے پر سنجیدگی سے سوچے اور جلد از جلد صوبائی سطح پر کمیٹیاں تشکیل دے جو کہ محرم الحرم میں امن و امان بین المسالک ہم آہنگی اور مذہبی رسومات کی آزادی سے ادائیگی کو یقینی بنانے کے حوالے سے کام کرئے اس سال بھی جبکہ حکومت بھی ابھی نئی ہے اور حالات پہلے سے کچھ بہتر ہیں مگر دہشگردی کے خطرا ت موجودہیں ۔ دشمن ملک میں افراتفری اور عد م استحکام چاہتا ہے ،ڈی آئی خان ،جھنگ ،شکارپور، کوئٹہ، پارہ چنار حساس ترین علاقے ہیں جہاں اب بھی دہشگردوں آزدانہ نقل و حرکت کر تے ہیں اور آئے روز کوئی نا کوئی دہشتگردانہ وار کرتے ہیں ۔ ہم آج کی پریس کانفرنس کے زریعے یہ بات واضع کردینا چاہتے ہیں کہ ہم حکومت وقت کے اتحادی ضرورہیں مگر عزاداری امام حسینؑ اور زائرین کی آمد ورفت پر کسی قسم کا کوئی سمجھوتہ یا مصلحت کا شکارنہیں ہونگے ۔ حکومت فول پروف سیکورٹی کو یقینی بنائے تاکہ وطن عزیز میں بسنے والے کروڑوں عزادار اطمینان اور پر امن ماحول میں عزاداری امام حسین ؑ کی ادائیگی کرسکے۔
وحدت نیوز (ٹنڈومحمد خان) مجلس وحدت مسلمین ضلع ٹنڈومحمد خان کی جانب سے وحدت ھاؤس میں سیکریٹری جنرل مجلس وحدت مسلمین ضلع ٹنڈومحمد خان مولانامحمد بخش غدیری کے زیرصدارت ایک اہم اجلاس طلب کیا گیا۔اجلاس میں ماہ محرم الحرام میں درپیش مسائل کے سلسلے میں مولانا محمد بخش غدیری اور دیگر شرکاء کا کہنا تھا کہ عزاداری سیدالشہداءؑ میں کسی قسم کا کوئی سمجھوتہ نہیں کیا جائیگا۔عزاداری سیدالشہداءؑ میں کسی قسم کی رکاوٹ ڈالنے کی کوشش کی گئی تو بھرپور احتجاج کیا جائیگا۔
انکا مزید کہنا تھا کہ گذشتہ سال پولیس انتظامیہ کیجانب سے عزاداری میں بہتر انتظامات پر اور میونسپل انتظامیہ کی بہترین کارکردگی پر انہیں خراج تحسین پیش کرتے ہیں لیکن گذشتہ سال دؤران جلوس مجالس لوڈشیڈنگ قابل مذمت ہے اگر اس سال بھی حیسکو انتظامیہ کی یہی روش رہی تو ہم اپنے جلوس ومجالس کارخ شہرکی اہم شاھراہوں کیجانب موڑدینگے اگر دؤران مجالس وجلوس لوڈشیڈنگ کیوجہ سے کوئی ناخوشگوار واقعہ پیش آیاتو اسکی ذمہ دار حیسکو انتظامیہ ہوگی۔
