وحدت نیوز(کراچی) مجلس وحدت مسلمین کراچی ڈویژن کے سیکریٹری جنرل علامہ صادق جعفری نے شہر قائد میں شیعہ ٹارگٹ کلنگ میں دوبارہ تیزی پرتشویش اور مذمت کا اظہار کرتے ہوئے کہاکہ کراچی میںشیعہ ٹارکٹ کلنگ کا دوبارہ آغاز سکیورٹی اداروں کی کارکردگی پر سوالیہ نشان ہے، شہید علی رضا عابدی کی ٹارگٹ کلنگ کے بعد کورنگی میںشہید فداحسین کا بہیمانہ قتل شہر کا امن تباہ کرنی کی مذموم سازش ہے، ریاستی ادارے کالعدم جماعتوں کے خلاف موثر اقدامات کریںبصورت دیگر شہر کا پر امن ماحول پھر سے تباہ وبرباد ہونے کا خدشہ ہے، علامہ صادق جعفری نے سندھ حکومت ، آئی جی سندھ اور ڈی جی رینجرز سے کورنگی میں ٹارگٹ کلنگ کا نشانہ بننے والے فداحسین کے قاتلوں کی فوری کرفتاری کا مطالبہ کیاہے، قبل ازیں مجلس وحدت مسلمین کراچی ڈویژن کے سیکریٹری جنرل علامہ محمد صادق جعفری نے ٹارگٹ کلنگ میں شہید ہونے والے آئی ایس او کورنگی یونٹ کے نائب صدر عاطف حسین کے والد شہید فدا حسین کی نماز جنازہ میں شرکت کی، شہید کی نماز جنازہ امام بارگاہ باب الحوائج کورنگی میں جبکہ تدفین سیکٹر48A قبرستان میںہوئی اس موقع پر پسماندگان سمیت ہزاروں ک تعدادمیں عزیز وقارب بھی موجود تھے۔