The Latest

وحدت نیوز(کوئٹہ)مجلس وحدت مسلمین شعبہ خواتین کی مرکزی سیکرٹری برائے تحفظ عزاداری محترمہ شبانہ میرانی نے کوئٹہ کی ذمہ دار خواتین سےمسلسل رابطے میں رہتے ہوئے اپنے دو روزہ تنظیمی دورہ کے موقع پر ایم ڈبلیو ایم شعبہ خواتین کوئٹہ کا تنظیمی سیٹ اپ تشکیل دیا ۔

اس موقع پر ان کے ہمراہ محترمہ رقیہ ڈومکی سابقہ ڈپٹی سیکرٹری جنرل کوئٹہ بھی موجود تھیں، کوئٹہ کی فعال اور تنظیمی تجربہ رکھنے والی خواہران سے ایک نشست رکھی گئی جس میں کوئٹہ کے سیکرٹری جنرل جناب ارباب لیاقت صاحب بھی شریک تھے۔

 اس موقع پر تنظیمی طور پر موجود رکاوٹوں کے حل کا سد باب کیا گیا اور تمام خواہران کی آمادگی کے ساتھ نیا سیٹ اپ تشکیل دیا گیا جس میں محترمہ رقیہ بتول کو سیکرٹری جنرل منتخب کیا گیا اور اس کے ساتھ باقی کابینہ بھی تشکیل دی گئی نو منتخب کابینہ سے محترمہ شبانہ میرانی نے حلف لیا۔

وحدت نیوز(سکھر)مجلس وحدت مسلمین شعبہ خواتین ضلع سکھر کی سیکریٹری تعلیم و تربیت محترمہ رعنا رضا اور محترمہ مطہرہ نے روہڑی اور سکھر کی  تعلیم یافتہ بچیوں کے مابین قرآن و تاریخ کوئزمقابلے کا انعقاد سکھر ٹاؤن شپ امام بارگاہ میں کیا۔

 اس مقابلے میں سکھر اور روہڑی سے بچیوں نے بھرپور حصہ لیا مقابلہ میں شریک تمام بچیوں نے قرآن اور تاریخ پر مشتمل سوالات کے جوابات دیتے ہوئے اپنی بہترین علمی قابلیت کا مظاہرہ کیا مقابلے کے اختتام پر ججز کے فیصلے مطابق پہلی تین پوزیشنز لینے والی خواہران میں انعامات تقسیم کیے گیے پروگرام کے اختتام پر شرکاء کے لیےدسترخوان کا اہتمام بھی کیا گیا۔

وحدت نیوز(گلگت) گلگت نلتر واقعہ کی بھرپور مذمت اور لواحقین سے ہمدردی کا اظہار کرتے ہوۓ مجلس وحدت مسلمین شعبہ خواتین کی مرکزی سیکرٹری یوتھ محترمہ سائرہ ابراہیم نے اپنے جاری بیاں میں کہا کہ انتظامیہ دہشتگرادنہ عمل کے پس پشت عناصرکو بے نقاب کریں ملک دشمن قوتوں کو علاقے کی ترقی پسند نہیں جب بھی گلگت بلتستان کی آئینی حقوق دینے کی بات ہوئی ہے ہمیں آپس میں لڑانے کی کوشش کی گئی ہے۔دہشت گرد عناصر نے منصوبہ بندی کے تحت وقت اور جگہ کا انتخاب کیا ہے ہم نلتر واقعہ کی بھرپور مذمت کرتے ہیں ۔

انہوں نے کہا ملک دشمن استعماری قوتیں ہمیں آپس میں الجھا کر اپنے مفادات حاصل کرنا چاہتی ہیں۔ہمیں ایسی صورتحال میں دانشمندی،بردباری اور سیاسی بصیرت کا دامن ہاتھ سے نہیں چھوڑنا چاہئے علاقے کے عوام دشمن کی سازش کو سمجھیں وہ ہمیں آپس میں الجھا کے فائدہ اٹھانا چاہ رہا ہے ۔

ان کا کہنا تھا خطے کا امن ہر صورت برقرار رکھا جائے علما کرام اپنا مرکزی کردار ادا کریں تاکے مزید انسانی جانوں کا نقصان ہونے سے بچایا جا سکے فرقہ اور مسلک سے بالا تر انسانیت ہے ہمیں ایک دوسرے کے مسلک کا احترام کرنا چاہیے اور آنے والی نسل کو جو آئینی حقوق ملنے جا رہے ہیں اس میں رکاوٹوں کو دور کرنا چاہئے۔ انہوں نے کہا کے ہم سب کو ملکر علاقے کے امن کی بحالی کی کوششیں کرنی چاہئے اور دشمن کو آپس میں لڑ کر مزید موقع فراہم نہیں کرنا چاہیے۔

وحدت نیوز(لاہور) 23 مارچ یوم قرارداد پاکستان ایک عظیم الشان تاریخی دن ہے جو برصغیر کے مسلمانوں کے جوش و جزبہ اور الگ مملکت کے حصول کے لیے کی گئ جدوجہد کی یاد دلاتا ہے یوم پاکستان دراصل شہدائےپاکستان سے تجدید عہد کا دن ہے نظریہ پاکستان جو کہ دراصل نظریہ اسلام ہے اسے زندہ کرنے کا دن ہے۔ ان خیالات کا اظہار مرکزی سیکرٹری جنرل مجلس وحدت مسلمین شعبہ خواتین اور رکن پنجاب اسمبلی سیدہ زہرا نقوی نے 23 مارچ یوم قرارداد پاکستان کی مناسبت سے میڈیا سیل سے جاری اپنے ایک بیان میں کیا۔

 انھوں نے کہا پاکستان بنانے والی قیادت کی وجہ شہرت ان کی سچائی، ایمانداری، اپنی قوم سے محبت تھی  بانیان پاکستان اپنے مثالی کردار کے باعث دلوں میں زندہ ہیں انہوں نے کہا وطن عزیز کی ترقی اور خوشحالی کے لیے  ملک کی سیاسی قیادتوں کو قائداعظم محمد علی جناح کے فرمودات کے مطابق اپنے آپ کو ڈھالنے کی ضرورت ہے ان کا کہنا تھا قوم کو پاکستان کی اساس سے جوڑنا اور نئی نسل کو نظریہ پاکستان سے روشناس کروانا، دینی و سیاسی قیادت کی اولین ذمہ داری ہے۔

 انہوں نے کہا ریاست مدینہ منورہ کے بعد پاکستان وہ واحد ملک ہے جو نظریہ اسلام پر معرض وجود میں آیا ایک ایسی عظیم مملکت جس کی بنیادوں میں لاکھوں شہداء کا خون شامل ہے یہ تاریخ کے وہ عظیم لوگ تھے جنہوں نے نظریہ اسلام کے تحت مملکت کے حصول کے لیے بے مثال اور عظیم قربانیاں دیں ۔

ان کا مزید کہنا تھا کہ قومیں نظریات کی بنیاد پر زندہ رہتی ہیں آج ضرورت اس امر کی ہے قائد و اقبال کے خوابوں کی تعبیر اور ملک کے استحکام اور بقا کے لیے نوجوان نسل کے اذہان میں نظریہ پاکستان اسطرح راسخ کر دیا جائے اور ان کی تربیت اس انداز میں کی جائےکہ وہ کسی بھی لمحے اس نظریے اور مملکت کی خاطر دی گئی اپنے اسلاف کی قربانیوں کو فراموش نہ کریں۔

وحدت نیوز (میانوالی) مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے جامعہ سیدہ خدیجۃ الکبری میانوالی کی جانب سے منعقدہ  دو روزہ سیمینار بمناسبت ولادت امام عصر حضرت امام مہدی عج میں خصوصی شرکت کی۔

 نصرت امام زمانؑ اور منتظرین کی یکجہتی کے عنوان پر سیمینار سے خطاب کرتے ہوئےسیدہ زہرا نقوی کا کہنا تھا کہ تقوی اور پرہیزگاری انسان کو اپنے امام کی طرف گامزن کرتی ہے، اپنے اور دوسروں کے دلوں میں امام زمانہ عج کی محبت اجاگر کی جائے اور زندگی میں کسی بھی کام کو انجام دینے سے پہلے یہ سوچنا ہوگا کہ میرے ہر کام کو میرا امام دیکھ رہا ہے۔

 ان کا کہنا تھاکہ انتظار عملی پہلو میں انسان کے اعمال اور کردار کو راستہ دیتا ہے امام مھدی علیہ سلام کے منتظرین کو ان کے ظہور کی زمینہ سازی کے لیے ایمان اور خلوص کے ساتھ معاشرے میں سرگرم عمل رہنا ہے تاکہ امام کے حقیقی منتظرین میں شامل ہوسکیں۔

انہوں نے مزید کہا کہ حجت خدا کے ظہور کے لئے زمینہ ہموار کرنے کے لئے ضروی ہے کہ دوسرے مکاتب فکر کے ساتھ مل جل کر رہا جائے کیوں کہ منجی کا تصور صرف مسلمان میں ہی نہیں بلکہ یہ تصور دوسرے مکاتب فکر میں بھی پایا جاتا ہے بالخصوص حقیقی منتظران کو ہمدلی اور یکجہتی سے ظہور کا زمینہ فراہم کرنا ہوگا ۔

اپنے دورہ میانوالی کے دوران محترمہ سیدہ زہرا نقوی نے علامہ سید افتخار نقوی صاحب اور ان کی زوجہ سے ان کی رہائشگاہ پر ملاقات کی اور مختلف امور پر تبادلہ خیال کیا اس موقع پر محترمہ زہرا نقوی نے جامعہ خدیجۃ الکبری کا بھی دورہ کیا اور جامعہ کے تمام شعبہ جات کا مشاہدہ کیا۔

وحدت نیوز(سکردو) ڈویژنل سیکرٹری جنرل مجلس وحدت مسلمین و رکن گلگت بلتستان اسمبلی کنیز فاطمہ علی کا بگاردو تھنگ کا دورہ۔اس موقع پر خواھر کنیز فاطمہ علی نے خواتین سے ملاقات کی اور ولادت باسعادت امام حسین علیہ السلام و ولادت باسعادت حضرت عباس علمدارؑ کی مناسبت سے مبارکباد پیش کی اور خواتین سے خطاب میں کہا کہ معاشرے میں خواتین کو ایک ماں بہن اور بیٹی کے حوالے سے مثالی کردار ادا کرنے کی ضرورت ہے۔

انہوں نے کہا کہ عورت ماں کے روپ میں اولاد کی تربیت کیلئے بچے کی پہلی درسگاہ ہے اور تربیت دینے کیلئے ایک تعلیم یافتہ ماں بہتر کردار ادا کر سکتی ہے اسی لیے ماں کے پاوں تلے جنت ھے۔انشاءللہ تعلیم و تربیت کے حوالے سے مجلس وحدت مسلمین اپنا کردار ادا کرے گی۔

انھوں نے خواتین کی یونٹ سازی پر زور دیتے ہوئے کہا کہ آپ یونٹ بنائے تربیت کیلئے مختلف پروگرام ترتیب دے ہم علمائے کرام اور سینئر خواھران کے ذریعے تربیت اور دعائیہ پروگرام انعقاد کرنے میں بھرپور معاونت کریں گے۔

انہوں نے مزید کہا کہ مجلس وحدت مسلمین مقامی خواتین کو روزگار اور ہنر مند بنانے کے حوالے سے بھی اپنا کردار ادا کرے گی جس میں میں سلائی کڑھائی سمیت مختلف گھریلو خواتین کو کاشتکاری کیلئےجدید طریقے سکھانے کیلئے بھی معاونت فراہم کریں گے۔آخر میں دعائے امام زمانہ عج سے پروگرام کو ختم کیا گیا۔

وحدت نیوز(علی پور)مجلس وحدت مسلمین اور ہیت امام حسین ؑ کے اشتراک عمل سے یوم ولادت باسعادت امام عالی مقام حسینؑ ابن علیؑ کے پرمسرت موقع پر علی پور کے علاقے بستی شاہ لتی ماڑی میں بڑے فلاحی ورفاعی منصوبوں کا افتتاح کردیا گیا۔

 تفصیلات کے مطابق مجلس وحدت مسلمین جنوبی پنجاب کے سیکریٹری جنرل علامہ سید اقتدارحسین نقوی نے دیگر صوبائی وضلعی رہنماؤں کے ہمراہ شاندار مسجد ، یتیم خانے اور اسکول کا افتتاح کردیا۔

اس موقع پر اہل علاقہ نے اس عظیم منصوبے کی تکمیل پر مسرت کا اظہار کیااور ایم ڈبلیوایم کے لئے نیک خواہشات کا اظہارکیا۔

وحدت نیوز(لاہور) ولادت با سعادت امام حسین علیہ سلام و حضرت عباس علمدار علیہ سلام کے پر مسرت موقع پر مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے میڈیا سیل سے جاری اپنے تہنیتی پیغام میں تمام امت مسلمہ کو مبارکباد پیش کرتے ہوے کہا کہ تین اور چار شعبان المعظم سید الشھداء امام حسین علیہ سلام اور ان کے با وفا بھائی اور سالار لشکر حضرت غازی عباس علمدار علیہ سلام کی ولادت باسعادت کے یہ مبارک ایام تمام اہل اسلام و محبان اہلبیت علیھم السلام کے لیے عید سے کم نہیں یہ ایام جو اھلبیت سے منسوب ہیں تمام عاشقان محمد و آل محمد علیھم السلام کے لیے باعث برکت اور پر مسرت ہیں۔

 انھوں نے کہا کہ نواسہ رسولؐ کا میلاد عظیم الشان انداز سے منانا چاہیے کیونکہ یہ وہ ہستی ہیں جن کے دم سے  دین اسلام اور کل انسانیت کو بقا و دوام حاصل ہوا ۔انہوں نے کہا کہ جناب رسول خدا صل اللہ علیہ وآلہ وسلم سے امام عالی مقام کی فضیلت و عظمت پر کثرت سے روایات موجود ہیں آپ کی ذات گرامی منبع ھدایت ہے اور تاریک دلوں کو روشن کرنے والے نور کا سرچشمہ ہے ۔ان کا کہنا تھا کہ فرزند حیدرؑ و بتولؑ تمام انسانوں کے لیے نجات کی کشتی ہیں اور ھدایت کا چراغ ہیں۔ انہوں نے کہا  امام حسین علیہ سلام نے معرکہ کربلا سجا کر رہتی دنیا تک آنے والی نسلوں کو عزت سے جینے کا راستہ دکھلا دیا ۔

حضرت عباس علیہ سلام کی شخصیت پر روشنی ڈالتے ہوۓ سیدہ زہرا نقوی کا کہنا تھا کربلا کے میدان میں حضرت عباس علیہ السلام نے جس عزم وحوصلہ ، شجاعت وبہادری اور ثابت قد می کا مظاہرہ کیا اس کو بیان کرنے کا مکمل حق ادا کرنا نہ تو کسی زبان کے لئے ممکن ہے اور نہ ہی کسی قلم میں اتنی صلاحیت ہے کہ وہ اسے لکھ سکے مولا حسین ع کے  با وفا اور زمانے کے فقیہ بھائی نے جرات بہادری اور وفا کے ساتھ ساتھ اپنے امام کی اطاعت کرنے کا سلیقہ ہمیں سکھایا ۔انھوں نے بتلایا کہ امام وقت کے ہر حکم کے سامنے کیسے سر تسلیم خم کرنا ہے انہوں نے مزید کہا  ہمارا لاکھوں سلام ہو اہلبیت علیھم السلام کے عظیم گھرانے پر جو شمع ھدایت ہیں اور جنکی پاک و پاکیزہ سیرت پر عمل پیرا ہو کر ہی ہم دنیا و آخرت کی کامیابی حاصل کر سکتے ہیں۔

وحدت نیوز(لاہور)مجلس وحدت مسلمین شعبہ خواتین کی مرکزی سیکرٹری جنرل و ایم پی اے سیدہ زہرا نقوی نے ماہ شعبان المعظم کی آمد پر اپنے تہنیتی پیغام میں کہا کہ خداوند سبحان نے اپنے بندوں پر کرم و بخشش کرنے کے لیے ماہ رجب شعبان اور رمضان جیسے با برکت مہینے عطا کیے ہیں ماہ شعبان المعظم کے بارے میں ختمی المرتبت حضرت محمد صل اللہ علیہ وآلہ وسلم فرماتے ہیں کہ ماہ شعبان میرا مہینہ ہے پس قرب خداوندی اور سرور کائناتؐ کی محبت میں اس ماہ میں روزے رکھے جائیں مخصوص عبادات اور اذکار بجا لاے جائیں تاکہ ہم معرفت خدا و رسولؐ کی منازل طے کر سکیں۔

 ان کا کہنا تھا اس ماہ کی فضیلت تو اس بات سے بھی ظاہر ہوتی ہے کہ اس کے آغاز میں عقیلہ بنی ہاشم جناب زینب بنت علی سلام اللہ علیھا کی ولادت ہوتی ہے اور پھر سیدالشہداء امام حسینؑ ، غازی عباس علمدارؑ ، امام زین العابدین ع  جناب قاسمؑ و اکبرؑ اور حجت آخر امام مھدی علیھم السلام کی ولادت غرضیکہ  نفوس قدسیہ کی آمد کا ایک سلسلہ ہے جو اس ماہ کی رونقوں اور خوشیوں کو دوبالا کرتا ہے ۔

 ان کا کہنا تھا اہلبیت علیھم السلام سے عشق و محبت کا دم بھرنے والوں کے لیے یہ خوشیوں اور روحانی کیفیات سے بھرپور ایام  ہیں خداوند عالم سے دعا ہے کہ اہلیبیت علیھم السلام کی خوشیوں کے صدقے تمام محبان و فدایان محمد و آل محمد (ع) کے رنج و غم دور ہوں اور ان پاک ہستیوں کے وسیلے سے ہر ایک کا دامن رزق ، صحت و عافیت سے بھر دے۔

وحدت نیوز(تھرپارکر) مجلس وحدت مسلمین شعبہ خواتین نےمدرسہ ام ابیہا وتعلیم بالغاں سکول کا افتتاح کیا۔افتتاحی تقریب کے لیے محترمہ سیمی نقوی مرکزی مسؤل رابطہ محترمہ غزالہ جعفری مرکزی مسؤل تعلیم سازی وروابط اور محترمہ کنول بتول ضلعی مسؤل نشرواشاعت حیدر آباد نے اس سکول و مدرسہ کی بنیاد رکھی اور شرکت کی ۔

روز عید مبعث کے بابرکت اور پر مسرت موقع پر تھر پارکر کے پاک علاقے میں واقع گوٹھ آدم رند میں مدرسہ ام ابیھا اور تعلیم بالغاں سکول کا افتتاح کیا گیا۔علاقے کی خواتین ،بچیوں اور بچوں میں قرآنی قاعدے، کلرنگ بکس، کلرنگ پنسلز، سلیٹ، چاک، مقنعے اور ٹافیاں اور بسکٹس تقسیم کیے گئے۔وہاں پر موجود محدود ترین وسائل ہی سے استفادہ کرتے ہوئے چند بچیوں کو معلمات کے طور پر مقرر کیا گیا اور انہیں ایک ماہ کا ٹاسک آزمائش کے لیے دیا گیا تاکہ ایک ماہ بعد صورت حال کا اندازہ لگانے کے بعد کسی معلم کا مستقل طور پر انتظام کیا جاسکے۔

فی الوقت وہاں کے بچوں اور بچیوں میں خاصہ جوش و جذبہ مشاہدہ کیا گیا اور ان کی محرومی کا شدت سے احساس ہوا کہ نہ صرف یہ لوگ زندگی کی بنیادی سہولیات سے محروم ہیں بلکہ آج جبکہ دنیا کا گوشہ گوشہ علم کے نور سے منور ہورہا ہے، تھر پارکر کے یہ سادہ لوح لوگ باب مدينة العلم کے چاہنے والے ہونے کے باوجود علم کی روشنی سے محروم ہیں۔خواھران وحدت نے سرحد پر واقع  سید گل محمد شاہ غازی کے مزار پر حاضری دی اور فاتحہ خوانی کی۔

Page 10 of 84

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree