The Latest

وحدت نیوز(گلگت) سیکریٹری یوتھ شعبہ خواتین مجلس وحدت مسلمین سائرہ ابراہیم نے اپنے جاری بیان میں کہا ہے کہ پشتنی باشندگان کے نام پر گلگت کے امن کو خراب کرنے والوں سے عوام لا تعلقی اختیار کریں نگر کالونی کیلئے سابقہ حکومتوں نے زمین الاٹ کیا تب کسی کو ہوش نہیں ایا ۔ اب کیا پچھتاۓ ہوت جب چڑیا چگ گٸی کھیت کے مصداق سڑکوں پر آنا علاقے کے امن کو خراب کرنے کے علاوہ کچھ نہیں ۔ چند لوگ کہتے ہیں کہ نگر کالونی واقعے کو لسانی علاقاٸی اور مذہبی تعصب کا رنگ نہ دیا جاٸےلیکن آپ کو تصویر کا دوسرا رخ بھی ملاحظہ کرنا چاہٸے۔بسین کھاری۔سکار کوٸی کنوداس سے لیکر یونیورسٹی تک تمام اراضی بندربانٹ ہوچکی ہے۔ان سب مقامات پر زیادہ تر گلگت سے باہر کے لوگ آباد ہیں۔لیکن پشتنی باشندگان کو صرف نگر کالونی ہی کھٹک گٸی ہے تو اسے آپ کون سا رنگ دینگے۔ ؟

انہوں نے کہاکہ کیا پشتنی باشندگان کا حق صرف نگر والوں نے ہڑپ کیا ہے ؟۔کیا کنوداس کی ہزاروں کنال اراضی نگر کی ملکیت ہے ؟ کیا چھموگڑھ کالونی میں پشتنی باشندے ہیں ؟کیا بگروٹ ہاسٹل بگروٹ والوں کا ہے۔کیا شاہ کریم ہاسٹل اور اس سے ملحقہ سینکڑوں کنال اراضی پشتنی باشندوں کی نہیں۔کیا کونوداس عید گاہ کی سینکڑوں کنال اراضی پر پشتنی باشندوں کا حق نہیں۔تاریخ شاہد ہے کہ ان لوگوں نے آج تلک نہ بسین دیکھا ہے۔نہ کارگاہ دیکھا ہے۔نہ سکارکوٸی میں یہ لوگ جاسکتے ہیں۔نہ کونوداس عید گاہ پر قبضہ کرسکتے ہیں۔نہ چھموگڑھ کالونی کو خالی کرسکتے ہیں۔نہ بگروٹ ہاسٹل اور شاہ کریم ہاسٹل پر چڑھاٸی کرسکتے ہیں۔اور اگر یہ لوگ نگر کالونی کو بابار کھٹکتی نظروں سے دیکھیں گے تو ہم اسے کونسا رنگ دیں گے۔آپ خود ہی بتاٸیں۔ہمارے نزدیک گلگت کے تمام عوام محترم ہیں چاہے اس کا تعلق کسی علاقے سے بھی ہو سب کو امن کے ساتھ مل جل کررہنا ہم سب کا فاٸدہ ہے۔آج ایک ٹولہ پشتنی باشندوں کے نام پر شور کرکے لسانی مذہبی تعصب کو کیوں ہوا دے رہا ہے۔جس زمیں پر جو قابض ہے اسے جینے کا حق دیں۔دل کشادہ کریں۔سب کو جذب کریں۔نہیں تو ہم سب ان فتنوں کا ایندھن بنیں گے۔ 

وحدت نیوز(لاہور)یوم یکجہتی کشمیر کے موقع پرمجلس وحدت مسلمین لاہور کی جانب سے پریس کلب لاہور پر احتجاجی مظاہرہ کیا گیا اس احتجاجی مظاہرے میں ایم ڈبلیو ایم شعبہ خواتین لاہور کی ضلعی سیکرٹری جنرل محترمہ حنا تقوی ، ڈپٹی سیکرٹری جنرل محترمہ عظمی نقوی اور کابینہ اراکین سمیت دیگر خواتین نے بھی شرکت کی ۔

مظاہرے کے شرکا سے خطاب کرتے ہوئے محترمہ حنا تقوی کا کہنا تھا کشمیر سے ہمارا روحانی اور قلبی رشتہ ہے اسکی بنیاد لا الہ الا اللہ پر قائم ہے جنت نظیر کشمیر کہ کل جہاں ٹھنڈے پانی کی نہریں بہتی تھیں آج وہاں خون کی ندیاں بہ رہی ہیں وہ درسگاہیں جہاں بچے پڑھنے جاتے تھے آج قبرستان کے مناظر پیش کر رہی ہیں انہوں نے کہا بھارت ، اسرائیل اور نام نہاد اسلامی ممالک کشمیر، فلسطین اور یمن کے مظلوم نہتے عوام پر ظلم کے پہاڑ توڑ رہے ہیں لیکن مسلم امہ کے چند ایک ممالک کے علاوہ باقی تمام خواب خرگوش کے مزے لوٹ رہے ہیں۔

 ان کا مزید کہنا تھا کہ ظالم کے ظلم کے خلاف آواز بلند کرنا جہاد ہے لیکن افسوس کے ساتھ آج کا مسلمان اپنے مسلمان بہن بھائیوں پر ظلم و ستم روا دیکھ کر بھی بے حسی کی چادر اوڑھے ہوئے ہیں انہوں نے کہا ہم حکومت سے مطالبہ کرتے ہیں کہ مسئلہ کشمیر کو صرف ریلیوں تک محدود نہ رکھا بلکہ اس کے حل کے لیے ہر ممکن حد تک کوشش جاری رکھے۔

وحدت نیوز(لاہور) کشمیری عوام سے یکجہتی کی قرارداد پنجاب اسمبلی میں جمع،قرارداد رکن پنجاب اسمبلی اور مجلس وحدت مسلمین پاکستان شعبہ خواتین کی مرکزی سیکریٹری شعبہ خواتین محترمہ سیدہ زہرا نقوی نے جمع کروائی۔

قرار داد کے متن میں کہا گیا کہ پنجاب اسمبلی کا یہ ایوان اہل کشمیر سے مکمل یکجہتی کا اظہار کرتا ہے۔مسئلہ کشمیر کو کشمیریوں کے منشاء اور رائے کے مطابق حل کرنے کی ضرورت پر زور دیتا ہے ۔

متن میں مزید کہا گیا کہ حق خودارادیت کشمیریوں کا پیدائشی حق ہے ،اس حق کے لئے سینکڑوں کشمیریوں نے اپنی جان کا نذرانہ دیا ہے،کشمیریوں کے لیے ہماری غیر متزلزل حمایت جاری رہے گی ۔

پاکستانی عوام اپنے کشمیری بھائیوں کے موقف کو دنیا کے سامنے اور عالمی اداروں تک پہنچاتے ہیں گے۔یہ ایوان کشمیریوں پر بھارت کے ڈھائے جانے والے مظالم کی پرزورمذمت کرتا ہے۔

قرارداد میں مطالبہ کیا گیا کہ عالمی برادری سے بھارتی مظالم کے نوٹس لینے کا مطالبہ کرتا ہے۔عالمی برادری مقبوضہ کشمیر میں نہتے مسلمانوں پر جاری مظالم بند کرانے کے لئے بھارت پر دباؤبڑھائے ۔

وحدت نیوز(فیصل آباد) جامعۃ الزہراء (س) فیصل آباد کے زیر اہتمام ،میلاد حضرت زہراء سلام اللہ علیہا کی مناسبت سے یوم مادر کے عنوان سےایک پروقار تقریب منعقد ہوئی ۔ مجلس وحدت مسلمین پاکستان شعبہ خواتین کی مرکزی سیکریٹری سیاسیات محترمہ نرگس سجاد جعفری صاحبہ اس پروگرام کی مہمان خصوصی تھیں ۔ اس تقریب میں ذاکرات و عالمات اور مدرسہ کی معلمات کے علاوہ جامعۃ الزہراء (س) کی بچیوں نے مدح اہلبیت ؑ اور بی بی فاطمۃ الزہراء(س) کی شان میں قصائد پڑھے ۔ مدرسہ فاطمہ زہراء (س) کی بانی و پرنسپل معروف عالمہ و مرکزی سیکریٹری فلاح وبہبود مجلس وحدت مسلمین پاکستان شعبہ خواتین محترمہ فرحانہ گلذیب صاحبہ نے بھی خطاب کیا ۔

تقریب کی مہمان خصوصی محترمہ نرگس سجاد جعفری نے جناب سیدہ کائنات (س) کی مقام و منزلت کو بیان کرتے ہوئے کہا کہ حضرت فاطمہ زہرا سلام اللہ علیھا کا جو مقام و منزلت ہے وہ خود انکی شخصیت کی وجہ سے ہے اس وجہ سے نہیں ہے کہ وہ پیغمبر اسلام ﷺ کی بیٹی ہیں ۔اسی طرح آپکی یہ مقام و منزلت اس وجہ سے بھی نہیں تھی کہ آپ حضرت امیر المومنین علیہ السلام اور شیعوں کہ پہلے امام کی زوجہ تھیں کیوں اس لیے کہ امام کی متعدد زوجہ تھیں ۔دوسرے اماموں کی بھی متعدد زوجہ ہوتی تھیں پھر بھی کسی نے حضرت زہرا سلام اللہ علیھا کا مقام حاصل نھیں کیا۔ ان اکرمکم عند اللہ اتقاکماگرچہ خاتم النبیین حضرت پیغمبراکرم ﷺ کی بیٹی ہونا اور پہلے امام شیرخدا حضرت امام علی علیہ السلام کی زوجہ ہونا بھی کم مقام ومنزلت نہیں ۔لیکن جو تقوی اور مقام حضرت فاطمہ سلام اللہ علیھا کے لیے ہم کو ملتا ہے اس کا دوسری خواتین میں ملنا ممکن نھیں ہےاور یہی وجہ ہے کہ آپ سیدہ نساء العالمین ہیں کیوں اس لیے کہ زیارت نامہ حضرت زہرؑا کے مطابق آپ نے پہلے ہی امتحان اور آزمایش سے گذر چکی ہیں اور اسی طرح آپ کے فضیلتوں کی ایک وجہ یہ ہے کہ آپ نے ولایت و امامت کا دفاع کیا ہے۔آپؑ کا معنوی مقام، رکوع، سجود، عبادت، دعا، تلاوت، تضرّع و زاری، ملکوتی ذات اور معنویت بھری زندگی، پیغمبرِ اکرم صلی اللہ علیہ وآلہٖ وسلّم اور امیرالمؤمنین علیہ السلام کے ہم پایہ اور مساوی ہونے کی بہترین دلیل ہے۔

انہوں نے کہا کہ اسلام عورت کو جس مقام کا حامل دیکھنا چاہتا ہے، اس کے لیے حقیقی نمونہ، یہی خاتون ہیں جنہیں فاطمہ زہراء سلام اللہ علیہا کہا جاتا ہے۔فاطمہ زہراء سلام اللہ علیہا کی زندگی میں ایک خاص نکتہ پایا جاتا ہے جس پر توجہ دینا بہت ضروری ہے، اگرچہ ہم اس عظیم شخصیت کے معنوی اور روحانی مقام کی بحث میں نہیں پڑنا چاہتے اور نہ ہی ہمارے اندر فاطمہ زہراء سلام اللہ علیہا کے معنوی اور روحانی مقام و منزلت کو سمجھنے کی ہمّت ہے۔ انسانی اقدار کی بلند ترین چوٹی پر فائز اس عظیم شخصیت کی منزلت کو اللہ جانتا ہے یا وہ ہستیاں جانتی ہیں جو مقام و مرتبہ کے لحاظ سے خود اس شخصیت کی برابر ہوں۔ لہٰذا فاطمہ زہراء سلام اللہ علیہا کے مقام و مرتبہ کو آپؑ کے والدِ بزرگوارؐ یا شوہرِ نامدارؑ یا آپؑ کی معصومؑ اولاد ہی سمجھ سکتے ہیں۔اُس زمانے کے لوگ ہوں یا اس کے بعد سے لیکر آج کے لوگ، ان میں بھی اس عظیم الشان روحانی اور معنوی شخصیت کو سمجھنے کی صلاحیت نہیں پائی جاتی ہے۔ آپؑ کی معنویت کے نور کو ہر کوئی آنکھ بھانپ نہیں سکتی، خصوصاً وہ آنکھیں جو کمزور ہوں اور نزدیک کی چیزوں کو دیکھنے کی عادی ہوں، ان مین اس عظیم شخصیت میں موجود اعلیٰ انسانی اقدار کے جلوؤں کو دیکھنے کی صلاحیت ہی نہیں پائی جاتی۔

وحدت نیوز(اٹک) خداوند متعال نے اپنے حبیب مکرم ؐ کو ایسا تحفہ عطا فرمایا کہ جنکی پاکیزہ نسل میں گیارہ آئمہ معصومین شامل ہیں اور جن کے آخری فرزند کے انتظار میں قیامت رکی ہوئی ہےان خیالات کا اظہار محترمہ تلبیہ زینب نے جشن نزول کوثر سے خطاب کرتے ہوئے کیا جس کا اہتمام مجلس وحدت مسلمین شعبہ خواتین ضلع اٹک کی جانب سے بیت الزہرؑ ا میں کیا گیا تھا۔

انہوں میں مزید کہا کہ بی بی کونین ع سے رسول اللہ ص کی محبت ایک باپ بیٹی کی نہ تھی بلکہ ان کی محبت اس مقام و منزلت کی وجہ سے تھی جو خدا نے جناب سیدہ سلام اللہ علیھا کو عطا کی جشن میں ضلعی اراکین سمیت مرکزی اراکین محترمہ قراة العين اور محترمہ زینب بنت الہدی نے بھی شرکت کی۔

وحدت نیوز(رحیم یار خان) یوم ولادت با سعادت سیدہ فاطمتہ الزہرا سلام اللہ علیھا پر عالمی یوم خواتین اور یوم مادر کا انعقاد کیا جاتا ہے اسی سلسلے میں مجلس وحدت مسلمین شعبہ خواتین کے زیر اہتمام دیگر اضلاع کی طرح ضلع رحیم یار خان میں بھی پانچویں سالانہ بضعت الرسول (ص) سیدہ فاطمہ سلام اللہ علیھا کانفرنس کا انعقاد حیدری ٹرسٹ رحیم یار خان میں کیا گیا۔

 کانفرنس سے مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی محترمہ سیدہ زہرا نقوی نے خصوصی خطاب کیا علاوہ ازیںضلعی سیکرٹری جنرل رحیم یار خان محترمہ تنویر زہرا کاظمی اور ایڈووکیٹ کنیز فاطمہ نے بھی شرکائے کانفرنس سے خطاب کیا۔

 تمام مقررین نے بہترین انداز میں جناب سیدہ سلام اللہ علیھا کی خدمت میں خراج تحسین پیش کیا اور ان کے اقوال و کردار پر روشنی ڈالی دوران کانفرنس بچیوں کے درمیان تقاریر اور خطاطی کا مقابلہ ہوا جن میں نمایاں پوزیشن لینے والی خواہران میں سرٹیفکیٹ تقسیم کیے گئے جبکہ شرکاے کانفرنس کو بھی بھی سوالات کے درست جوابات دینے پر انعامات سے نوازا گیا  بضعت رسول(ص) حضرت فاطمہ (س) کانفرنس میں خواتین کی کثیر تعداد نے شرکت کی۔

وحدت نیوز(کراچی) مجلس وحدت مسلمین شعبہ خواتین کراچی کی جانب سے بسلسلہ میلاد جناب سیدہ فاطمہ زہرا سلام اللہ علیھا انچولی سوسائٹی میں جشن سعید کا انعقاد کیا گیا جشن سے خصوصی خطاب مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی محترمہ سیدہ زہرا نقوی اور پاکستان پیپلز پارٹی کی رہنما اور رکن سندھ اسمبلی وومن ڈویلپمنٹ بورڈ محترمہ شہلا رضا نے کیا۔

 اپنے خطاب میں سیدہ زہرا نقوی نےخطابات جناب سیدہ سلام اللہ علیھا کی روشنی میں بی بی کی سیاسی ، معاشرتی اور دینی ذمہ داری اور سیرت طیبہ کے اہم پہلووں پر تفصیلی روشنی ڈالی۔

 جبکہ پاکستان پیپلز پارٹی کی رہنما محترمہ شہلا رضا نے اپنے خطاب میں کہا کہ حضرت فاطمہ زہرا سلام اللہ علیھا تمام خواتین کے لیے آئیڈیل ہیں اللہ تعالی نے آپ کو خواتین عالم کی سرداری کا افضل ترین رتبہ عطا کیا اور مسلمان خاتون پر ان کی سیرت و کردار کی پیروی لازم قرار دی۔

 انہوں نے کہا کہ مجلس وحدت مسلمین دہشت گردی اور فرقہ واریت کے خلاف جنگ میں ہمہ وقت میدان عمل میں موجود ہے ، وطن عزیز میں اتحاد و وحدت کی فضا  قائم کرنے اور ملکی سالمیت اور استحکام کے لیے مجلس وحدت مسلمین کے عوامی ، سیاسی اور مذہبی امور لائق تحسین ہیں۔

 جشن سے آئی ایس او طالبات کراچی ڈویژن کی نمائندگی کرتے ہوے محترمہ ورع بتول نے خطاب کیا جبکہ نظامت کے فرائض معروف مذہبی اسکالر ڈاکٹر ثروت عسکری نے انجام دیئے ۔

وحدت نیوز(کوئٹہ) مجلس وحدت مسلمین ضلع ہزارہ ٹاؤن کوئٹہ شعبہ خواتین کےزیر اہتمام 2 روزہ تعلیمی ورکشاپ امام بارگاہ فاطمتہ الزہراسلام اللہ علیہا ہزارہ ٹاؤن کوئٹہ میں منعقد ہوئی ۔

بعنوان ولایت و امامت منعقدہ اس ورکشاپ میں طالبات اور خواتین نے بڑی تعداد میں شرکت کی، دوروزہ ورکشاپ سے مجلس وحدت مسلمین پاکستان کے مرکزی سیکریٹری امور تربیت علامہ ڈاکٹر محمد یونس حیدری نے خطاب کیا۔

وحدت نیوز (اسلام آباد) مجلس وحدت مسلمین شعبہ خواتین ضلع راولپنڈی واسلام آباد کے زیر اہتمام  بعنوان "یوم مادر" فاطمہ زہرا سلام اللہ علیھا کانفرنس جامع الصادق ٹرسٹ میں منعقد ہوئی جس میں خواتین نے کثیر تعداد میں  شرکت کی۔ معروف خواتین مذہبی اسکالرز نے  حضرت فاطمہ زہراء سلام اللہ علیہاکے مقام ومنزلت پر اظہارِ خیال کیا۔ مدح خواں بچیوں نے اہلبیت علیہم السلام خصوصاً حضرت زہراء سلام اللہ علیہا کی شان میں مدح سرائی اور منقبت خوانی کی ۔

محترمہ عابدہ راجہ ممبر صوبائی اسمبلی، محترمہ معصومہ نقوی  مرکزی سیکریٹری تنظیم سازی شعبہ خواتین و ممبر قرآن بورڈ پنجاب، محترمہ قندیل زہراء مرکزی سیکریٹری خواہران زینب (س) زینبیہ گائیڈ ، محترمہ سائرہ ابراہیم مرکزی سیکریٹری وحدت یوتھ شعبہ خواتین ،محترمہ ناہید راجپوت از منہاج القرآن ، محترمہ رباب رضوی ضلعی سیکریٹری جنرل ضلع گلگت ، محترمہ راضیہ  از گلگت محترمہ نادیہ اشتیاق ضلعی سیکریٹری جنرل شعبہ خواتین ضلع باغ (ریاست آزاد جموں کشمیر ) اور محترمہ طاہرہ زیدی الکوثر کالج ۔

اسلام آباد نے کانفرنس سے خطاب کرتے ہوئے اسوہ دختر رسول ﷺ کو اپنانے کی ضرورت پر زور دیا۔ محترمہ سلمی ٰ از اسلام آباد ،محترمہ عفت از راولپنڈی ، اور محترمہ سبیلہ از بھمروٹ سیداں مری نے بی بی فاطمۃ الزہراء سلام اللہ علیہا کی شان میں مدح سرائی اور منقبت خوانی کی ۔

کانفرنس کے انتظامات کو بہتر بنانے میں محترمہ زینب بنت الھدی مرکزی ڈپٹی سیکریٹری میڈیا سیل شعبہ خواتین ، محترمہ بینا شاہ مرکزی مسئول آفس شعبہ خواتین مجلس وحدت مسلمین پاکستان اور محترمہ صدیقہ کائنات ضلعی سیکریٹری جنرل ضلع اسلام آباد شعبہ خواتین نے مؤثر کردار ادا کیا ۔ کانفرنس میں نظارت کے طور پر مولانا ظہیر کربلائی مرکزی کوارڈینیٹر، شعبہ خواتین جامع الصادق ٹرسٹ میں موجود رہے ۔

مقررین نے اس امر پر زور ڈیا کہ خواتین کو چاہیے کہ وہ معاشرے میں اپنے تنظیمی برادران کے شانہ بشانہ باہر نکلیں اور معاشرہ سازی میں اپنا بھرپور ادا کریں ۔یاد رہے کہ اسلام آباد میں یوم مادر کی مناسبت سے یہ تیسری سالانہ کانفرنس تھی۔آئندہ بھی ہر سال اسی عقیدت و احترام کے ساتھ کانفرنس کے بھرپور انعقاد کے عزم کا اعادہ کیا گیا۔

وحدت نیوز(سکھر) مجلس وحدت مسلمین ضلع سکھر شعبہ خواتین کے زیر اہتمام آٹھویں سالانہ عظیم الشان عظمت سیدہ فاطمہ زہرا سلام اللہ علیہا کانفرنس مھران کلچرل سنٹر سکھر میں منعقد ہوئی جس میں خصوصی خطاب مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی، مرکزی سیکریٹری جنرل شعبہ خواتین وممبر پنجاب اسمبلی سیدہ زہرا نقوی ،سیکریٹری جنرل صوبہ سندھ علامہ سید باقرعباس زیدی نےخطاب کیا، جبکہ بین الاقوامی شہرت یافتہ منقبت خواں سید فرحان علی وارث نے نذرانہ عقیدت پیش کیا، ضلعی سیکریٹری جنرل مجلس وحدت مسلمین ضلع سکھر چوہدری اظہر حسن نےمعزز مہمانان گرامی اور بہترین کارکردگی کا مظاہرہ کرنے والی خواتین ومرد کارکنان میں اعزازی شیلڈز تقسیم کیں۔

Page 8 of 96

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree