وحدت نیوز(لاہور) مجلس وحدت مسلمین شعبہ خواتین ضلع لاھور کی جانب سے گڑھی شاہو یونٹ میں بچوں کی دینی تعلیم و تربیت کے لیے سمر کیمپ کا انعقاد کیا گیاجس میں بچوں اور بچیوں کی کثیر تعداد نے شرکت کی۔ضلعی سیکرٹری جنرل محترمہ حنا تقوی,ضلعی سیکرٹری شعبہ تربیت محترمہ نجبہ اور ضلعی سیکرٹری  شعبہ تعلیم محترمہ فرحانہ نے درس و تدریس کے فرائض سر انجام دیے۔ بچوں کو سورہ الفجر واحادیث حفظ کرائی گئیں۔بنیادی شرعی احکامات اور معرفت امام زمانہ عج کے عنوان پر دروس دیے گئے۔ محترمہ حنا تقوی سیکریٹری جنرل ایم ڈبلیو ایم شعبہ خواتین لاہور نے بہترین انتظامات اور سمر کیمپ کو کامیاب بنانے کےلئے یونٹ ممبران کی کاوشوں کو لائقِ تحسین قرار دیا۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری تنظم سازی علامہ شبیربخاری نے نے سنٹرل سیکرٹریٹ میں نماز ظہرین میں درس دیتے ہوئےکہاکہ اسلام میں کسی بھی نیک پاکیزہ انسان کے لئے 2 بنیادی چیزوں کی ضرورت ہے 1 تقوی 2علم ۔علم اور ایمان ایک ساتھ ہیں اگر علم بغیر ایمان کے حاصل کریں گے تو تقوی بے معنی ہو جائے گا 4 احادیث جو علم کی فضیلت پر دلالت کرتی ہیں طلب العلم علی کل مسلم و مسلمہ / اطلبوالعلم المھدالی الحد / اطلبوالعلم ولو بالسین / العلم نور واللہ یقذف لمن یشاء فی قلبہ / الحکمہ ضالتہ المومن /  ان احادیث مبارکہ روشنی میں گفتگو کی گئی آقا صاحب نے فرمایا کہ علم بغیر تقوے کے ایسے ہے جیسے بیج بغیر چھلکے کے کاشت کیاجائے وہ کبھی بھی نہیں اگے گا ایمان باعمل صالح اور علم باتقوی ایک ہی چیز ہے ۔ بو علی سینا اور جابر حیان کی مثالیں پیش کیں۔

 انہوں نے جابر بن حیان کی مثال پیش کرتے ہوئے فرمایا کہ جب ان کا وقت رحلت قریب پہنچا تو ایک فقیہ ان کی تیمارداری کے لئے ان کے گھر گئے جابر فقیہ سے وراثت کا مسئلہ دریافت کیا تو فقیہ نے جواب دیا اب کیا فائدہ اب تو آپ کی آگے کی تیاری کریں اتنے میں جابر نے کہا کہ مجھے بتائیں اگر آدمی ایک مسئلہ جان اور سمجھ کر اس دنیا سے رخصت ہو تو بہتر ہے یا پھر جھالت میں چلا جائے فقیہ نے کہا جان کر اتنے میں انہوں نے مسئلہ وراثت ان کو بتایا اور چل دیئے فقیہ فرماتے ہیں کہ میں ابھی گھر سے باہر محلے میں ہے تھا جابر کے کے گھر سے رونے کی آوازیں بلند ہو گئیں دیکھیں عزیزان ایک یہ زندگی ہے اور ایک آج کے دور کو دیکھ لیں ۔

 اسی طرح بوعلی سیناکے بارے گفتگو کرتے ہوئے فرمایا کہ بو علی سینا نے 12 سال کی عمر میں پڑھنا شروع کیا اور تجربات کرتے ہوئے اس زمانے بادشاہ تک پہنچے اور اپنا نام پیدا کیا اور دیکھیں آج پورا مغرب ان میڈیکل سائنس پر کھڑا ہے انہوں کتنی مشکلات میں علم حاصل کیا آج جیسے ایٹم کی تعلیم پر پابندی اس زمانے میں لائبریریوں پر قدغن تھی اور اس دور میں جب بو علی سینا نے بادشاہ کا علاج کیا تو بادشاہ نے ایک سال کے لئے اپنی لائبریری استعمال اور استفادہ کرنے کی اجازت دی یہ ہے چھٹی ساتویں ھجری کی تعلیم اور آج ذرا مشاھدہ فرمائیں اتنا جدید دور ہونے کے باوجود ہم تعلیم بغیر تقوی اور بغیر ہدف کے حاصل کر رہے ہیں ۔ دعا ہے کہ اللہ تعالی ہمیں علم و عمل کی دولت سے نوازے آمین ۔

وحدت نیوز(ٹوبہ ٹیک سنگھ) سید محمد حسن جعفری مجلس وحدت مسلمین ضلع ٹوبہ ٹیک سنگھ کے سیکرٹری جنرل منتخب، مولانا سید ملازم حسین نقوی نے حلف لیا۔تفصیلات کے مطابق مجلس وحدت مسلمین پاکستان ضلع ٹوبہ کی تنظیم نو کا اجلاس مرکزی امام بارگاہ جھنگ روڈ ٹوبہ ٹیک سنگھ میں منعقد ہوا جس میں سید محمد حسن جعفری کو آئندہ تین سال کے لیئے ضلع ٹوبہ کا سیکرٹری جنرل منتخب کر لیا گیا۔ اس موقع پرمولانا سید ملازم حسین نقوی نے شرکاء سے گفتگو کی اور ملت جعفریہ کو درپیش مختلف چیلنجز کے حوالے سے خطاب کیا۔

وحدت نیوز(اسلام آباد) حکومتِ پنجاب نے سید اسد عباس شاہ کو وزیراعلیٰ پنجاب کی ہدایت پر فوکل پرسن برائے بین المذاہب ہم آہنگی مقرر کردیا۔ حکومت پنجاب نے صوبے میں بین المذاہب ہم آہنگی کے فروغ اور مذہبی رواداری کے قیام کیلئے مجلس وحدت مسلمین کے مرکزی سیکرٹری سیاسیات سید اسد عباس شاہ کو پنجاب حکومت کا فوکل پرسن برائے بین المذاہب ہم آہنگی مقرر کر دیا ہے۔

 سیکرٹری انسانی حقوق و اقلیتی امور نےاسدعباس شاہ کی بحیثیت فوکل پرسن برائے بین المذاہب ہم آہنگی حکومت پنجاب تقرری کا باقاعدہ نوٹیفکیشن جاری کر دیا ہے۔ اسد عباس نقوی مجلس وحدت مسلمین میں مختلف عہدوں پر کام کر چکے ہیں جبکہ قومی امن کمیٹی کے رکن بھی رہ چکے ہیں۔ پنجاب حکومت نے ان کی خدمات کے اعتراف میں انہیں فوکل پرسن مقرر کیا ہے۔

وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کہا ہے کہ رہبر انقلاب حضرت آیت اللہ العظمیٰ سید علی خامنہ ای کے خلاف سب سے بڑے شیطان کی طرف سے مضحکہ خیز پابندیوں سے، سب سے بڑے شیطان امریکہ اور اس کے احمق صدر ڈونلڈ ٹرمپ کی بے بسی، مایوسی اور عجز عیاں ہوگیا ہے، اب یہ بات دنیا کو سمجھ لینا چاہیئے کہ امریکہ، عالمی صیہونزم اور ان کے اتحادیوں کی آنکھ میں خار کی طرح سب سے زیادہ جو چبھتا ہے وہ حضرت آیت اللہ خامنہ ای ہیں۔

کہاں فرزند رسول حضرت آیت اللہ العظمی سید علی خامنہ ای اور کہاں ابلیس زادہ ڈونلڈ ٹرامپ
کہاں نور چشم حضرت فاطمة الزهراء ع اور کہاں ہوی و ہوس زادہ ٹرامپ
کہاں اسد اللہ الغالب کا بہادر اور شجاع بیٹا اور کہاں معاملہ گر ذہن والا بزدل ڈونلڈ ٹرامپ
 کہاں الہٰی بصیرت رکھنے والا بینا قائد اور کہاں بہرہ اور اندھا( صم بکم عمی ) ڈونلڈ ٹرامپ
کہاں عالم ربانی رھبر اور کہاں شیطان کا پیرو ڈونلڈ ٹرامپ
کہاں عابد شب زندہ دار پیشوا اور کہاں شراب پی کر اوندھے منہ مدھوش سونے والا ڈونلڈ ٹرامپ
کہاں صائم النہار حاکم اور کہاں حرام خور، بلکہ خنزیر خور ڈونلڈ ٹرامپ
کہاں مست عشق خدا اور کہاں مست عیاشی ڈونلڈ ٹرامپ
کہاں دنیا کو خاطر میں نہ لانے والا زاھد انسان اور کہاں دنیا زادہ حیوان ڈونلڈ ٹرامپ
کہاں پرچم حق اٹھائے صدائے حق بلند کرنے والا سید اور کہاں باطل کا پرچم اٹھائے ، گدھے کے جیسی مکروہ آواز والا ڈونلڈ ٹرامپ
کہاں عدالت خواہ ولی فقیہ اور کہاں ظلم کا پجاری ڈونلڈ ٹرامپ
کہاں مستضعفین کو مستکبرین کے مقابلے میں کھڑا کرنے والا حریت پسند اور کہاں حریت دشمن ڈونلڈ ٹرامپ
کہاں غیرت مند اور با حیا شخصیت اور کہاں بےغیرتی اور بے حیائی کی آخری حدوں کو چھونے والا ڈونلڈ ٹرامپ
کہاں صادق اور امین عبد خدا اور کہاں پرلے درجے کا جھوٹا اور مکار ڈونلڈ ٹرامپ
کہاں تمام شریف اور با ضمیر انسانوں کے دلوں کا محبوب نائب امام اور کہاں منفور ترین، پست ترین اور گھٹیا خبیث ڈونلڈ ٹرامپ

لہٰذا ڈونلڈ ٹرامپ اور اس کے اتحادی جان لیں کہ آج کے اس معرکہ حق و باطل میں ہم اپنے رہبر کے ساتھ ہیں اور تو ہماری نگاہوں میں اور منفور ہو گیا ہے ۔ہم اس معرکہ حق و باطل کے اس مرحلے کی اہمیت سے بخوبی آگاہ ہیں اور اپنے رہبرکے ایک اشارے کے منتظر ہیں، ہم دنیا میں جہاں بھی ہیں تمہارے اور تمہارے اتحادیوں کے لئے اس سرزمین کو جہنم بنا دیں گے اور طول تاریخ کے تمام مظلوموں کا انتقام قابیل اور ابو جھل کی نسل سے لے کے رہیں گے۔رہبر پر بے معنی پابندیاں لگا کر ڈونلڈ ٹرامپ نے اپنے منہ پر تھوکا ہے ۔ رہبرانقلاب حضرت آقا کے فرزند ہر جگہ پیش آنے والے معرکہ حق و باطل میں میدان میں حاضر ہیں اور ڈونلڈ ٹرامپ اور اس کے اتحادیوں کو عبرت ناک شکست دے رہے ہیں اور دیتے رہیں گے۔
و ماالنصر الا مں عند اللہ العزیز الحکیم ۔

وحدت نیوز(اسلام آباد) امریکہ یہ جان لے ساری دنیا کے باضمیر لوگ فلسطین کے مظلوم کے ساتھ ہیں، ڈیل آف سینچری کے ذریعے اسرائیل کی expansion فلسطینی کاز کے ساتھ خیانت ہیں،تمام فلسطینی جماعتوں اور عوام نے مشترکہ طور پر ڈیل آف سینچری کے نام پر منامہ میں ہونے والے اجلاس کی مخالفت کی ہےاور اس میں شرکت نہ کرنے کا اعلان کیا ہے، اور تمام اسلامی ممالک سے بھی فلسطینی عوام نے استعماری صہیونی سازش کے بائیکاٹ کا مطالبہ کیا ہے،ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے میڈیا سیل سے جاری اپنے بیان میں کیا ۔

انہوں نے کہا کہ ہم فلسطینی مظلومین کے ساتھ ہیں،ڈیل آف سینچری کا بائیکاٹ اور اس کی مخالفت فلسطینی مظلوموں اور قبلہ اول  کے ساتھ وفاداری ہےاوراسی طرح اس صہیونی سازش کی حمایت قبلہ اول اور فلسطینی مظلوموں کے ساتھ بے وفائی اور فلسطینی کاز کے ساتھ خیانت ہے۔

انہوں نے کہا کہ جمہوری اسلامی ایران اور مقاومت کا بلاک امریکہ اور اسرائیل کے توسیع پسندانہ عزائم اور منصوبوں کے خلاف فرنٹ لائن ہے،انشااللہ بہت جلد امریکہ اور اس کے حواری پوری دنیا میں رسوا ہو کر رہیں گے، پاکستان کے غیور عوام امریکہ اور اسرائیل کے خلاف جمہوری اسلامی ایران کے ساتھ ہیں ہم خطے میں امریکہ کی طرف سے ناامنی پیدا کرنے کی بھر پور مذمت کرتے ہیں،جمہوری اسلامی ایران پر پابندیاں در اصل خطے میں گریٹر اسرائیل منصوبے کو عملی کرنے کے لئے ہیں،امت مسلمہ جمہوری اسلامی ایران کے ساتھ ہے اورانشااللہ گریٹر اسرائیل کا خواب چکنا چورہو گا اور کبھی بھی شرمندہ تعبیر نہیں ہو گا ۔