وحدت نیوز(کراچی)  مجلس وحدت مسلمین کراچی ، ضلع ملیر کے سیکریٹری جنرل سید عارف رضا زیدی اپنے بیان میں کہاہے کہ میمن گوٹھ ملیر میں نو محرم الحرام کے جلوس عزاپر حملہ مذہبی آزادی پر حملہ ہے، پاکستان کا آئین ہر شہری کو آزادانہ مذہبی رسومات کی ادائیگی کا حق دیتاہے جس پر کسی صورت قدغن برداشت نہیں کی جاسکتی،انہوںکہاکہ جلوس عزاپر حملے میں پاکستان پیپلز پارٹی کے مقامی عہدیداران اور بلدیاتی نمائندگان کا ملوث ہونا باعث شرم اقدام ہے، پیپلز پارٹی ایک جانب بین المذاہب ومسالک ہم آہنگی کی دعویدار بنتی ہے دوسری جانب اس کے اراکین کا ایسا فرقہ وارانہ طرزعمل قول وفعل کا تضادہے، انہوں نے پاکستان پیپلز پارٹی کے چیئرمین بلاول بھٹو زرداری، وزیر اعلیٰ سندھ مرادعلی شاہ، کراچی ڈویژن کے صدر سعید غنی ، آئی جی سندھ اور ڈی جی رینجرز سے اس شرمناک اور فرقہ وارانہ اقدام میں ملوث پی پی پی کے عہدیداران اور بلدیاتی نمائندگان  ڈیھ ملھ مرادمیمن گوٹھ کے یوسی ناظم عبدالحمید بروہی، سابق یوسی ناظم سلیم میمن کےبیٹےزاہد، بھتیجےنویداور ایک مذہبی شدت پسند رہنمانذیر نعیمی کے خلاف فوری تنظیمی تادیبی اور قانونی کاروائی عمل میں لائے جانے کا مطالبہ کیا ہے تاکہ آئندہ کسی کو بھی مذہبی شدت پسندی کا حوصلہ حاصل نا ہوسکے ۔

وحدت نیوز(ٹنڈومحمد خان ) یکم محرم تا دس محرم الحرام تمام اداروں کے بہترین انتظامات پہ اظھار تشکر کرتے ہوئےمجلس وحدت مسلمین ٹنڈو محمد خان کے  سیکریٹری جنرل مولانا محمد بخش اورانچارج عزاداری سیل فیاض علی نے کہا کہ ہم انتھائی مشکور و ممنون ہیں پولیس انتظامیہ باالخصوص ڈی۔سی محمد یاسر بھٹی۔ایس ایس پی توقیر محمد نعیم۔ڈی آئی بی انچارج سید فضل شاہ۔ میونسپل چیئرمین سید شاھنواز شاہ حیسکو سے عبدالستار لغاری ،رینجرز اور ڈی ایچ او ڈاکٹر مقبول ملاح عزاداری کے مسائل پہ ہر وقت رابطہ میں رہے اور ہر ممکنہ سھولیات فراہم کیں اور پولیس اھلکاران کے جنہوں نے دن رات ایک کرکے امن و امان کی بحالی کے لئے بھتر اور منظم انتظامات کئے انکا مزید کہنا تھا کہ پاکستان اس وقت دھشتگردی کے نشانے پر ہے محرم الحرام کے سلسلے میں سندھ بھر کو حساس قرار دیا گیا تھا جس میں ٹنڈو محمد خان بھی سرفھرست ہے۔پولیس کیجانب سے بھترین سیکیورٹی انتظامات یعنی دھشتگردی کیخلاف جنگ میں فتح حاصل کرنے کے مترادف ہے اور انسانیت کے دشمن اس جنگ میں شکست سے دوچار ہوئے ہیں۔دؤران محرم پولیس انتظامیہ کا بھترین تعاون رہا پولیس انتظامیہ کی انتھک محنتیں لائق تحسین ہیں۔ہم دھشتگردی کیخلاف اس جنگ میں پاک فوج اور پولیس انتظامیہ کے شانہ بشانہ ساتھ ہیں جہاں بھی ضرورت پڑی ہم پولیس انتظامیہ  سے بھرپور تعاون کرینگے امید ہے ایسے ہی پولیس انتظامیہ بھی اسی طرح عوام کے تحفظ کے لئے بھتر انتظامات کرتی رہیگی۔

وحدت نیوز (لاہور) مجلس وحدت مسلمین پاکستان شعبہ خواتین کی مرکزی سیکریٹری جنرل اور رکن پنجاب اسمبلی محترمہ سیدہ زہرانقوی نےاپنے بیان میں کہاہےکہ ایم ڈبلیوایم شعبہ خواتین ملک بھر میں ماہ صفر المظفرکے پہلے عشرے کو مولاعلی ؑ کی شیر دل بیٹی فاتح کوفہ وشام حضرت زینب سلام اللہ علیہا کی یاد میں عشرہ زینبیہؑ کے عنوان سےمذھبی جوش و جذبے اور راہ زینب س کو اپنانے کے عہدکےساتھ منائےگا، اس مناسبت سے ملک بھرمیں مجالس عزااور سیمینارز کا انعقادکیا جائے گا، انہوں نے کہاکہ سیرت زینب ؑ نے کربلا کی تحریک کو وہ طاقت دی کہ ظالم کو ہمیشہ کے لئے عبرت کا نشان بنا دیا اس پر آشوب دور میں بھی جس طرح سے اسلامی اقدار کے خلاف سازشیں ہو رہی ہیں ہماری خواتین کو میدان میں آکر کردار جناب زینب ؑ پر عمل کر تے ہوئے اسلامی اقدار اور اصولوں کا محافظ بننا ہو گا۔

وحدت نیوز (اسلام آباد)  مجلسِ وحدت مسلمین شعبہ خواتین اسلام آباد کی جانب سے 9 محرم الحرام کے مرکزی جلوس عزامیں میں مومنات کے لیے دختر امام حسین ؑ جنابِ سکینہ (س) کی یاد میں سبیلِ جنابِ سکینہ (س) لگائی گئی، فرسٹ ایڈ کیمپ اور نماز و آرام کا اہتمام کیا گیاجس میں خواہر صدیقہ کائنات، خواہر حنا، خواہر اجلا زہرا،ڈاکڑ نسیم زہرا اور اسلام آباد کی تمام سکاؤٹس نے بہت ذمہ داری سے اس بہترین عملِ خیر کو بخوبی سر انجام دیا ، اس موقع پر ایم ڈبلیوایم شعبہ خواتین کی آرگنائزر خواہر صدیقہ نے کہاکہ پروردگار عالم سب کی توفیقات میں مزید اضافہ فرمائےاور  بی بی (س)اس عظیم عبادت کا اجرِ عظیم عطا فرمائیں اور ہم سب خواہران کو کردارِ زینبی (س) پر عمل پیرا ہونے کی توفیق عطا فرمائیں ۔

وحدت نیوز (کراچی) مجلس وحدت مسلمین پاکستان کے مرکزی ڈپٹی سیکریٹری جنرل علامہ سید احمد اقبال رضوی نے برادرپڑوسی ملک اسلامی جمہوریہ ایران کے کراچی میں متعین قونصلیٹ جنرل آقائی احمد محمدی سےایرانی قونصلیٹ میں ملاقات کی ، علامہ احمد اقبال رضوی نے ایرانی قونصلیٹ جنرل احمد محمدی سے گذشتہ دنوں ایران کے جنوبی شہر اہوازمیں ہفتہ دفاع مقدس کی فوجی پریڈ کے دوران تکفیری داعشی دہشت گردوں کی جانب سے حملے میں 26ایرانی فوجی وسول شہریوں کی شہادت پرگہرے دکھ اور افسوس اور قیمتی انسانی جانوں کے ضیاع پر تعزیت کااظہار کیا، بعد ازاںشہداء کی بلندی درجات کیلئےفاتحہ خوانی بھی کی گئی۔

علامہ احمد اقبال رضوی اور قونصلیٹ جنرل ایران احمد محمدی کے درمیان دوطرفہ دلچسپی کے امور سمیت پاک ایران برادرانہ ، ثقافتی اور تاریخی تعلقات پر تفصیلی گفتگوکی گئی، علامہ احمد اقبال رضوی نے عالمی سامراجی طاقوں کے مقابل ملت ایران کے جذبہ ایثار فداکاری کو مثالی قرار دیا، انہوں نے کہاکہ انقلاب اسلامی کے برپاہونے کے بعد سے عالمی استکبار کی سنگین سازشوں اور ریشہ دوانیوں کے باوجود ایرانی عوام نے رہبر عظیم الشان آیت اللہ خامنہ ای کی زیر قیادت ہر محاز پر استقامت کا مظاہرہ اور فتح ونصرت پائی ہے ، سانحہ اہواز عالمی استعمار امریکہ اور اس کے حواریوں کی بوکھلاہٹ کا نتیجہ ہے۔

ایرانی قونصلیٹ جنرل آقائی احمد محمدی نے کہاکہ پاکستان اور ایران برادرانہ تعلقات کے اٹوٹ بندھن میں جڑے ہیں، پاکستان کے عوام کے دل ایرانی عوام کے ساتھ اور ایرانی عوام کے دل پاکستانی عوام کے ساتھ دھڑکتے ہیں ،دونوں ممالک اور ان کے عوام نے ہر مشکل گھڑی میں ایک دوسرے کا ساتھ دیا ہے، سانحہ اہواز پر مجلس وحدت مسلمین اور ملت پاکستان کی جانب سے اظہار ہمدردی اور یکجہتی پر ملت اسلامی ایران کی جانب سے مشکور ہوں، اس موقع پر ایم ڈبلیوایم کراچی ڈویژن کے سیکریٹری اطلاعات سید احسن عباس رضوی بھی موجود تھے، ایرانی قونصلیٹ جنرل نے علامہ احمد اقبال رضوی کا آمد پر شکریہ اداکیا اور نیک خواہشات کا اظہار کیا۔

وحدت نیوز (لاہور) مجلس وحدت مسلمین کے صوبائی ڈپٹی سیکرٹری جنرل پنجاب ڈاکٹر سید افتخار نقوی نے بھارتی آرمی چیف کی دھمکیوں پر رد عمل دیتے ہوئے کہا کہ پاکستان ‘بھارت کی گیدڑ بھبکیوں سے ڈرنے والا نہیں ہندوستان کی اتنی جرات نہیں کہ پاکستان کی طرف میلی آنکھ بھی اٹھا کر دیکھے، مسلح افواج وطن عزیز کا دفاع بھرپور طریقے سے کرنا جانتی ہے، اورپوری قوم مسلح افواج کے ساتھ شانہ بشانہ کھڑی ہے۔

 انہوں نے کہا کہ مودی حکومت کا منفی رویہ بھارت کے لیے خطرناک ثابت ہوگا۔پوری دنیا جانتی ہے کہ پاکستان کی فوج دنیا کی بہترین فوج ہے،ہم کسی بھی محاذ پر پہل نہیں کریں گے انڈین ہماری شرافت اور امن پسندی کو کمزروی نہ سمجھیں بھارت نے بھول کر بھی جنگ والی کوئی حرکت کی تو پاکستان اس کا منہ توڑ جواب دے گا۔

ڈاکٹر سید افتخار نقوی کا کہنا تھا کہ پاکستان ایک ایٹمی طاقت ہے،ہمیں پتہ ہے کہ ملک کا دفاع کیسے کرنا ہے جنگ کی راگ آلاپنے والے سن لیں،شروع تم کرو گے اور انشاء اللہ اختتام کا فیصلہ ہم کریں گے،بھارت دنیا کی توجہ کشمیر میں ڈھانے والے مظالم سے ہٹانے کی کوشش کر رہا ہے،جسے ہم کامیاب نہیں ہونے دینگے۔