وحدت نیوز (جہلم) مجلس وحدت مسلمین ضلع جہلم کی کابینہ کا اجلاس دینہ میں منعقد ہوا، مرکزی سیکرٹری روابط برادر ملک اقرار، مرکزی معاون سیکرٹری تنظیم سازی آصف رضا ایڈووکیٹ ضلعی سیکرٹری جنرل آغا وسیم حیدر اور ان کی کابینہ نے شرکت کی ، اجلاس میں ضلع کی تنظیمی صورتحال، عزاداری کے مسائل اور ضلعی شوریٰ کے اجلاس کے حوالے سے خصوصی گفتگو کی گئی، شعبہ تنظیم سازی نے ضلعی کابینہ کا ضلع بھرمیں تنظیم سازی کیلئے بھرپور کوششوں کی تاکید کی ،اجلاس میں طے ھوا کہ اگلے 4 سے 6 ہفتوں میں ضلع بھر کے تمام یونٹس کے دورہ جات کیئےجائیں گے اور نئے 12 یونٹس بنائے جائیں گے جو کہ ھر تحصیل کے سیٹ اپ پر مشتمل ہونگے اور اس کےبعد ضلعی شوریٰ کا اجلاس طلب کیا جائے گا۔
وحدت نیوز(گجرانوالہ) مجلس وحدت مسلمین ضلع گجرانولہ کی کابینہ کا اجلاس وزیر آبادمیں منعقد ہوا، جس میں مرکزی معاون سیکرٹری تنظیم سازی آصف رضا ایڈووکیٹ ، صوبائی ڈپٹی سیکریٹری جنرل و امور تنظیم سازی آغا ملازم حسین نقوی ، ضلعی سیکرٹری جنرل چوہدری مشتاق حسین اوردیگراراکین کابینہ شامل تھے ، اجلاس میں ضلع کی تنظیمی صورتحال، عزاداری کے مسائل اور ضلعی شوریٰ کے اجلاس کے حوالے سے خصوصی گفتگو کی گئی، شعبہ تنظیم سازی نے ضلعی کابینہ کا ضلع بھرمیں تنظیم سازی کیلئے بھرپور کوششوں کی تاکید کی ۔
وحدت نیوز(خوشاب) مجلس وحدت مسلمین پاکستان کے شعبہ تنظیم سازی کے زیراہتمام صوبائی سیکریٹری تنظیم سازی مولانا ملازم حسین نقوی اور مرکزی شعبہ تنظیم سازی مجلس وحدت مسلمین کے کوآرڈینیٹرجناب برادرآصف رضا ایڈووکیٹ اورمرکزی شعبہ تربیت کے مدیر اجرائی برادرظہیر کربلائی کی موجودگی میں جامعۃ المرتضی بلاک نمبر 3 جوہرآباد میں ضلع خوشاب کے تنظیمی برادران کا ایک اہم اجلاس منعقد ہوا جس میں ضلع خوشاب کے نئے اور قدیمی تنظیمی دوستوں نے شرکت فرمائی اس اجلاس کی اہم بات یہ تھی کہ اس میں اکثر نئے تنظیمی دوست شریک تھے ضلعی سیکریٹری جنرل مجلس وحدت مسلمین ضلع خوشاب جناب مولانا ظفر عباس علوی کوآرگنائزننگ کمیٹی کا سربراہ مقرر کردیا گیا ہے ۔اس اجلاس میں فیصلہ کیا گیا کہ 21 اکتوبر 2018 کو ضلع خوشاب کی شورای کا اجلاس بلایا جائے گا جس میں صوبائی سیکریٹری تنظیم سازی صوبہ پنجاب اور مرکزی شعبہ تنظیم سازی کے نمائندہ شریک ہوں گے ضلع خوشاب کی ضلعی کابینہ میں برادر نعیم عباس کو ضلعی سیکریٹری مالیات ، سید آ غا حسین شاہ کو ضلعی ڈپٹی سیکریٹری ،مولانا اعجازحسین کو ضلعی سیکریٹری تبلیغ و تربیت ،ماسٹر تصور عباس کو سیکریٹری خیرالعمل ، کاشف رضا کوضلعی سیکریٹری میڈیا امور ، مولانا ضمیر حسین وٹو کو ضلعی سیکریٹری عزاداری اور برادر علی جعفر کو ضلعی سیکریٹری وحدت یوتھ نامزد کیا گیا ہے ۔ اب اگلا اجلاس 21 اکتوبر بروز اتوار کو ضلعی شورای کا منعقد ہو گا جس مین چاروں تحصیل (خوشاب،نوشہرہ،قائدآباد،نورپورتھل) کے علاؤہ 10 یونٹس کے نمائندے شریک ہوں گے آرگنائزننگ کمیٹی نے اپنی فعالیت کا باقاعدہ آ غازکردیا ہے امید ہے کہ اگلا اجلاس بھرپور انداز سے منعقد ہو گا ان شاءاللہ نئے ضلعی سیکریٹری جنرل ضلع خوشاب نےاپنی ٹیم کے ساتھ ایک نئے عزم اور حوصلے سے وارد ہو رہے ہیں اللہ تعالی سے دعا ہے کہ مولا تمام مخلص دوستوں کی توفیقات خیر میں اضافہ فرمائے۔
وحدت نیوز(اسلام آباد) مجلس وحدت مسلمین پاکستان کےسربراہ علامہ راجہ ناصرعباس جعفری نے وفدکے ہمراہ سابق وزیر اعظم اور پاکستان مسلم لیگ قائد اعظم کے سربراہ چوہدری شجاعت حسین سے ان کی رہائش گاہ پر ملاقات کی ، اس موقع پر ایم ڈبلیوایم کے مرکزی ڈپٹی سیکرٹری جنرل حاجی ناصرشیرازی،مرکزی سیکرٹری سیاسیات سیداسد عباس نقوی،ڈپٹی سیکرٹری سیاسیات سید محسن شہریاربھی ان کے ہمراہ موجود تھے، دونوں رہنمائوں کے درمیان ملکی سیاسی صورتحال سمیت،باہمی دلچسپی کےامورپرخوشگوار ماحول میں بات چیت ہوئی۔
وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نے مرکزی میڈیا سیل سے جاری اپنے بیان میں کہاہے کہ وزیر مملکت برائے داخلہ کی ہدایات کے باوجود تفتان بارڈر پر اب تک کوئی سہولت فراہم نہیں کی جاسکی ہیں،حکومت تفتان بارڈر پر پھنسے زائرین کو فوری نکالنے کے احکامات جاری کرے،تفتان بارڈر پر ہزاروں مرد خواتین بچے کھلے آسمان تلے کئی دنوں سے محصور ہیں،سرد موسم اور بنیادی طبی سہولیات کے فقدان کی وجہ سے تین زائرین جان بحق ہوچکےہیں،صورتحال تشویشناک حد تک پہنچ چکی ہے اگر فوری انتظام نہ کیا گیا تو وبائی امراض کے پھیلنے اور مزید اموات کا خطرہ ہے۔
انہوں نے کہا کہ محرم الحرام زیارات کیلئے جانے والے سینکڑوں کی تعداد میں زائرین تفتان بارڈر پر ابھی بھی پھنسے ہوئے ہیں ان کو کوئی پرسان حال نہیں جبکہ گزشتہ ماہ وزیر مملکت برائے داخلہ شہریار آفریدی کے واضع احکامات کے باوجود اب تک انتظامیہ زائرین کو سہولت پہنچانے میں ناکام رہی ہے ۔علامہ راجہ ناصرعباس نے وفاقی حکومت سے مطالبہ کیا کہ وہ محرم الحرام میں پاسپورٹ کے اجراء اور زائرین کیلئے تفتان بارڈر پر ہنگامی بنیادوں پر سہولت کے لئے فوری اقدامات کئے جائیں۔
وحدت نیوز(ملتان ) مجلس وحدت مسلمین کے زیراہتمام زیارت اربعین کے لیے جانے والے زائرین کو تفتان بارڈرپر درپیش مشکلات، زائرین کی شہادتوں کے خلاف آج سہہ پہر 4بجے نواں شہر چوک پر احتجاجی مظاہرہ کیا جائے گا، ملتان سے جاری بیان کے مطابق ایم ڈبلیو ایم ملتان کے سیکرٹری جنرل مرزا وجاہت علی نے کہا کہ وفاقی حکومت اور بلوچستان کی صوبائی حکومت زائرین کے مسائل حل کرنے میں ناکام ہوگئی ہے، تفتان جیسے صحرا میں موسم کی شدت کی وجہ سے 3افراد جاں بحق ہوچکے ہیں، تفتان میں میڈیکل ، رہائش اور پانی کی سہولیات نہ ہونے کی وجہ سے عوام مختلف بیماریوں کا شکارہورہی ہے، نئی حکومت نے زائرین کے مسائل حل کرنے کی یقین دہانی کرائی تھی تاہم ابھی تک کو خاطر خواہ اقدامات نہیں کیے گئے، مجلس وحدت مسلمین زائرین کے ساتھ روا رکھے جانے والے اس سلوک کی شدید مذمت کرتی ہے۔ اُنہوں نے مزید کہا کہ اگر حکومت نے اس طرف توجہ نہ دی تو ملک بھر میں احتجاج کا سلسلہ شروع کیا جائے گا۔ اُنہوں نے کہا کہ ہم اپنے حقوق اور ظلم کے خلاف آواز بلند کرتے رہیں گے چاہے اُس کا تعلق کسی بھی جماعت سے کیوں نہ ہو۔
