The Latest

وحدت نیوز(کوئٹہ) مجلس وحدت مسلمین شعبہ خواتین کی مرکزی صدر سیدہ معصومہ نقوی کی سربراہی میں علمدار روڈ  کوئٹہ کی تنظیمی مسئولین کی نشست میں تمام ممبران کی ہم آہنگی سے محترمہ فرزانہ یونس کو ایم ڈبلیو ایم علمدار روڈ کا صدر جبکہ محترمہ شکریہ تبسم سلطانی کو نائب صدر اور محترمہ کنیز فاطمہ کو سیکریٹری تنظیم سازی منتخب کیا گیا۔

 اس موقع پر مرکزی صدر سیدہ معصومہ نقوی نے نو منتخب کابینہ کو تین ماہ کے دوران پندرہ یونٹس کی تشکیل اور بہترین تنظیمی امور انجام دینے کی ہدایات کیں۔

وحدت نیوز(کوئٹہ) مجلس وحدت مسلمین وومن ونگ کی مرکزی صدر سیدہ معصومہ نقوی نے کوئٹہ کے تنظیمی دورے کے دوران ایم ڈبلیو ایم وومن ونگ علمدار روڈ کوئٹہ کی جانب سے منعقدہ تحفظ عزاداری کی نشست میں شریک ذاکرات سے ملاقات کی۔ سیدہ معصومہ نقوی نے کہا کہ ماہ محرم الحرام و صفر میں مجالس عزا کے ذریعے الہی معاشرے کی تشکیل میں کردار ادا کیا جائے ۔امام حسین علیہ السلام کے کربلا میں قیام اور قربانیوں کا اصل مقصد  بیان کرنا ہر عالمہ اور ذاکرہ کی اولین ذمہ داری ہے۔

سید الشہدا علیہ السلام کی سیرت پر عمل کرتے ہوئے امر بالمعروف و نہی از منکر کو معاشرے میں عام کرنا ، دور حاضر کی یزیدیت سے اظہار بیزاری اور مظلومین کی حمایت کا شعور سامعین میں اجاگر کرنا ، حماسہ فلسطین کے بارے میں آگاہی دینا اور امام زمان علیہ السلام کے ظہور کے لیے مجمع کو آمادہ کرنا یہ ایسے عنوانات ہیں جن پر بات کرنا اور لوگوں کے اذہان کو اس طرف متوجہ کرنا نہایت ضروری ہے ان کا مزید کہنا تھا مجالس امام حسین علیہ السلام کے توسل سے اہل بیت اطہار علیھم السلام کی حیات طیبہ کے مختلف پہلووں کو بیان کر کے معاشرے کی اخلاقی و نظریاتی تربیت کرنا تمام اہل منبر کی ذمہ داری ہے۔

وحدت نیوز (اسلام آباد) مجلس وحدت مسلمین پاکستان کے مرکزی جنرل سیکریٹری سید ناصرعباس شیرازی ایڈوکیٹ نے اپنے ایک بیان میں کہا ہے کہ 6جولائی کو اسلام آباد میں پی ٹی آئی کے جلسے کی منسوخی کی تجویز سے متعلق گردش کرنے والی خبر کی سختی سے تردید کرتا ہوں،مجلس وحدت مسلمین نے ایسی کوئی تجویز نہیں دی۔

 اس طرح کا پروپیگنڈہ اور افواہیں پھیلانا مخالفین کا روایتی حربہ ہے جس کا مقصد پی ٹی آئی کے جلسے کو ناکام بنانا ہے۔پاکستان تحریک انصاف کا جلسہ محرم الحرام سے دو روز قبل منعقد ہونا ہے جس کا مقصد ظلم کے خلاف اور مظلوموں کی حمایت میں آواز بلند کرنا ہے۔ مجلس وحدت مسلمین اس جلسہ میں بھرپور شرکت کرے گی۔

وحدت نیوز(کراچی)مجلس وحدت مسلمین صوبہ سندھ کراچی ڈویژن و عزاداری ونگ کراچی ڈویژن کے زیر اہتمام محرم الحرام و ایام عزا ء کے آغاز کے سلسلے میں قومی مشاورتی اجلاس بھوجانی ہال سولجر بازار میں منعقد ہوا۔

شرکائے اجلاس سے گفتگو کرتے ہوئے ایم ڈبلیو ایم کے سربراہ سینیٹر علامہ راجہ ناصر عباس جعفری نے کہا کہ ہمارے سارے مسائل کی وجہ دین وسیاست کی جدائی کا نظریہ ہے ۔ہمیں  اسلام کے سیاسی نظریے کو سامنے لانا ہوگا۔اسلام سیاسی ہے ۔انقلاب اسلامی سیاسی ہے۔امام زمانہؑ کا ظہور سیاست اسلامی کے نظریے کو مضبوط کرنے سے ہوگا۔دشمن ہمیں غیر اسلامی کرنا چاہتا ہے۔فلسطین کی مضبوطی آج اسلامی سیاست کی وجہ سے ہے۔سیاست اقتدار کی ہوس کا نام نہیں ہے۔نمرود ،شداد اور ان جیسوں کو حکومت میں لانا سیاست اسلامی نہیں ہے ۔سیاست عدل کے نفاذ کا ذریعہ ہے۔سیاست انسانوں کی فلاح کا ذریعہ ہے۔آج سیاست پاور کے لئے ہے۔سیاست دنیا کی خاطر ہے۔فارم 47 پاور پولیٹیکس کا شاخسانہ ہیں ۔لوگوں کو برہنہ کرنا ،غائب کرنا پاور پولیٹیکس کے لئے ہے۔معاشرے کو آل محمدؑ کی تعلیمات کی ضرورت ہے۔ہمیں ناداروں کو سپورٹ کرنا ہے.محروموں کا سہارا بننا ہے.عزاداری سید الشہداؑ ہمیں قوم کی شکل میں بدل دیتی ہے.جب کبھی ہم قوم بنتے ہیں،ہم مضبوط ہوتے ہیں۔ہمیں ظلم سے ٹکرانے والا بننا ہے.عدالت کا پرچم ہمارے ہاتھ میں ہونا چاہیے.ہمیں غلامی کی زنجیروں کو توڑنے والا بننا ہے۔غلامی سے نجات کا پیغام سب کو دینا ہے۔یہ کام صرف باوفا اور غیرت مند لوگ کرسکتے ہیں۔امام حسینؑ غیرت مندوں کے امامؑ ہیں۔ہمیں ظہور امامؑ کی ذمہ داری اپنے کاندھوں پر اٹھانا ہے۔آج حزب اللہ نے پوری دنیا کے دہشتگردوں کے خلاف لڑنے کا وزن اٹھایا ہوا ہے۔عراق کی حشد الشعبی' اسرائیل کو مار رہی ہیں۔یمنی اسرائیل کو مار رہے ہیں۔یہ عزت کا راستہ ہے۔عزت کا راستہ شہادت ہے۔ ہمارا انجام شہادت ہے۔اپنے آئمہ ؑ کے ساتھ لہو میں ڈوبنے میں عزت ہے۔

انہوں نے مزید کہاکہ ہماری شناخت عزاداری ہے ،ولایت امام علیؑ ہماری شناخت ہے،عزاداری کی حفاظت ہمیں خود کرنی چاہیے۔عزاداری میں ایسی چیزیں نہ ہو جو عزاداری میں سوال اٹھانے کا باعث بن جائے۔پڑھنے والوں کی ذمہ داری اہم ہے۔گفتگو میں آل محمد ؑ کے اہداف  بیان ہونے چاہیے۔امام حسین ؑ کی قربانی کا مقصد بہت عظیم تھا۔یزید انسانوں کے زندہ رہنے کے حق کو چھینتا تھا۔امام حسینؑ نے اپنے دشمن کو بھی پانی پلایا اور ان کے جانوروں کو بھی پانی پلایا اور بتایا کہ ہم انسانوں کے بنیادی حقوق کے پاسدار ہیں.آج دشمن عزاداری کو محدود کرنے میں ناکام ہوگئے ۔عزادادی مشیت الہی' ہے،ارادہ خدا ہے۔ہم تمام مظلوموں کی آواز ہیں۔اس وطن کو ہم دلدل سے نکالیں گے۔خائن حکمرانوں سے پاکستان کو نجات دیں گے۔ان کا مقدر ناکامی کے سوا کچھ بھی نہیں ہے۔ظالموں کا تعاقب جاری رکھیں گے.ان کو انجام تک پہنچاکر رہیں گے۔اس دور میں ہر شخص کو کربلا کی ضرورت ہے۔ امام حسینؑ کی ضرورت ہے۔محرم غزہ کے مظلوموں کے ساتھ کھڑے ہونے کا مہینہ ہے۔سینیٹ میں مکتب اہلیبیتؑ کے نمائندے کے طور پر آواز اٹھانے کی کوشش کررہے ہیں۔مسنگ پرسنز ہماری قوم کے مسنگز ہیں۔یہ ہمارے دل کے ٹکڑے ہیں۔انہیں غیر قانونی طور پر غائب کیا گیا ہے۔ان کے لئے ہمیشہ آواز اٹھاتے رہیں گے ۔

وحدت نیوز(کراچی) مجلس وحدت مسلمین کراچی ڈویژن و عزاداری ونگ کراچی ڈویژن کے زیر اہتمام محرم الحرام و ایام عزا ء کے آغاز کے سلسلے میں قومی مشاورتی اجلاس سربراہ ایم ڈبلیوایم علامہ راجہ ناصرعباس جعفری کی زیر صدارت بھوجانی ہال سولجر بازار کراچی میں منعقد ہوا۔

مشاورتی اجلاس میں میں شہر بھر سے مختلف قومی وملی تنظیمات کے نمائندہ وفود، ماتمی انجمنوں کے عہدیداران ، مساجدوامام بارگاہوں کے ٹرسٹیز، بانیان مجالس وجلوس، پرمٹ ہولڈرز،اسکاوٹس گروپس بشمول مرکزی رہنما ایم ڈبلیوایم علامہ سید حسن ظفر نقوی ، صوبائی صدر علامہ سید باقرعباس زیدی ، ڈویژنل صدر علامہ صادق جعفری ، شیعہ علماء کونسل کے مرکزی رہنما علامہ سید ناظرعباس تقوی، ڈویژنل صدر علامہ سید بدر الحسنین عابدی، جنرل سیکریٹری علامہ سجاد حاتمی، جعفریہ الائنس پاکستان کے سینیئر نائب صدر علامہ سید باقرحسین زیدی، جنرل سیکریٹری سید شبر رضا، جنرل سیکریٹری پاک محرم ایسوسی ایشن سرور علی، ہئیت آئمہ مساجد و علمائے امامیہ کے صدر مولانا محمد حسین رئیسی، مجلس ذاکرین امامیہ کے صدرعلامہ نثاراحمد قلندری، بوتراب اسکاؤٹس کے رہنما سید مہدی عباس ، اسکاؤٹس رابطہ کونسل کےسردار علی ، ندیم حیدر، رضا زیدی، مرکزی تنظیم عزاداری کے نائب صدر شاہ عالم زیدی،آئی ایس او کے مرکزی سیکریٹری اطلاعات و ڈویژنل وفد ، غازی عباس ٹرسٹ کے اراکین مرتضیٰ عابدی، ثمر عباس ، اختیار امام، علامہ ڈاکٹر عقیل موسیٰ، علامہ شبیر الحسن طاہری، مجلس علمائے مکتب اہل بیت سندھ کے نائب صدر علامہ اسحاق قرائتی ،رکن سندھ اسمبلی عادل عسکری، ذہیر عابدی،ایم ڈبلیوایم کے صوبائی نائب صدر علامہ مختار امامی، کراچی ڈویژن کے رہنما علامہ حیات عباس نجفی، علامہ نشان حیدر ساجدی،مولانا ملک غلام عباس، عزاداری ونگ کراچی کے صدر رضی حیدر رضوی، ذاکر اہل بیت علامہ عوسجہ عاشور رضوی، انجم مرزا، ایم ڈبلیوایم کےتمام اضلاع کے صدور و عزاداری ونگ کے تمام ضلعی صدور، وحدت یوتھ کراچی کے صدر حسن رضا و ٹیم ودیگر قومی ، ملی ، مذہبی وسماجی شخصیات شریک تھیں جنہوں نے اظہار خیال بھی کیا۔

قبل ازاں کانفرنس ہال میں تشریف آوری پر علمائے کرام، ذاکرین عظام، شیعہ رہنماؤں اور شرکاء کی جانب سے سربراہ ایم ڈبلیوایم علامہ راجہ ناصرعباس جعفری کا پرتپاک استقبال کیا اور سینیٹر منتخب ہونے پر ہدیہ تبریک بھی پیش کیا گیا جبکہ جنرل سیکریٹری جعفریہ الائنس شبر رضا نے پھولوں کا گلدستہ بھی پیش کیا۔

وحدت نیوز(لاہور) مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے کہا ہے کہ غزہ میں انسانی تاریخ کا بدترین ظلم ہو رہا ہے، مجالس عزاء میں غزہ کے مسلمانوں کا ذکر کیا جائے۔ہم شیعہ سنی سب سے بڑے حسینیؑ اور طاقت ہیں، دشمن شیعہ اور سنی کو لڑانے کیلئے کوشش کر رہا ہے۔ انتخابات میں ہمیں 25 ہزار سے زائد سنی ووٹ ملا، امام حسینؑ سبھی کے امام ہیں۔اِن خیالات کا اظہار انہوں نے قومی مرکز خواجگان شادمان میں نامور ذاکرین و خطباء کے ساتھ ایام محرم الحرام اور موجودہ ملکی صورتحال پر پریس کانفرنس سے خطاب کرتے ہوئے کیا۔

 سینیٹر علامہ راجہ ناصر عباس جعفری کا مزید کہنا تھا کہ بے گناہ نہتے بچوں اور عورتوں کو قتل کیا جارہا ہے۔ غزہ میں جنگ نہیں فلسطینیوں کی نسل کشی ہورہی ہے۔ امریکہ اور اسرائیل اخلاقی طور پر دنیا میں گرچکے ہیں۔ حسینی جذبے نے امریکہ کا غرور خاک میں ملادیاہے۔ پاکستان کو غیر مستحکم رکھنے کیلئے امریکہ کوشاں ہے لیکن غزہ نے شیعہ اور سنی کو متحد کردیا ہے۔

انہوں نے کہا کہ کربلا ہمیں شجاعت دیتی ہے۔ ہمیں دشمنوں سے لڑنا ہے، آپس میں نہیں لڑنا۔ محرم کی مجالس میں شیعہ بھی آئیں گے ، سنی بھی آئیں گے۔ محرم الحرام اِن حالات میں آرہے ہیں، جب امریکہ کو شکست ہورہی ہے مگر ہر گھر میں حسینیتؑ کا پیغام پہنچے گا۔دشمن عزاداری کی مخالفت کرتا ہے لیکن ہر دور میں عزاداری ہوتی رہے گی۔

سینیٹر علامہ راجہ ناصر عباس نے کہا کہ دشمن ہماری طاقت سے ڈرتے ہیں۔ ہمیں شہیدوں کے تحفے دیئے لیکن ہم نہیں ڈرے۔ ہم نے عزاداری کی حفاظت کرنی ہے۔ یہ وحدت اور محبت کا فرض ہے۔ حکومتیں ذاکرین پر پابندی لگاکر ہمیں مایوس کرنے کی کوشش کرتی ہے۔ جلوس محدود کرکے ہمیں پریشانی کرنے کی کوشش کی جاتی ہے۔ ایف آئی آر ز کاٹی جاتی ہیں۔لیکن عزاداری حسینؑ ہمارا حق ، فریضہ ہے۔ عزاداری میں رکاوٹ ڈالنے والے کبھی کامیاب نہیں ہوں گے۔ نااہل نالائق انتظامیہ محرم سے ایک دن پہلے علماء و ذاکرین پر پابندیاں لگادیتی ہے۔ مگر ہم ہم رکاوٹوں کا راستہ روکیں گے۔ انہوںنے کہا کہ وہ اِس معاملےکو قومی پلیٹ فارم پر اُٹھائیں گے۔

وحدت نیوز(لاہور) مجلس وحدت مسلمین کے زیر اہتمام لاہور میں دوسری عزاداری کانفرنس کا انعقاد بانیان جلوس عزاء ، امام بارگاہوں کے متولی اور ماتمی سنگتوں کے سالاروں کی بھرپور شرکت ۔ جناب شیخ عمران علی صوبائی سیکرٹری فلاح وبہبود مجلس وحدت مسلمین پنجاب فوکل پرسن برای امور عزاداری مجلس وحدت مسلمین پنجاب و جناب سید فخر حسنین رضوی ڈویژنل صدر عزاداری ونگ لاہور ڈویژن اور ضلع لاہور کے صدر ،سنیئر نائب صدر کی خصوصی مشترکہ کاوشوں سے لاہور میں ایک کامیاب عظیم الشان عزاداری کانفرنس کا انعقاد ہوا ۔ جس میں لاہور شہر بانیان جلوس عاشورہ محرم الحرام و جلوس عزاء ، بانیان جلوس 21 رمضان المبارک ، قدیمی و مرکزی امام بارگاہوں کے متولیوں کے علاؤہ لاہور کی سماجی ، سیاسی ،اور دیگر شعبہ ہائے زندگی سے تعلق رکھنے والی  شخصیات نے شرکت کی ۔ کانفرنس کا آغاز تلاوت کلام پاک سے ہوا۔

مقررین میں  جناب ملک اقرار حسین علوی مرکزی صدر عزاداری ونگ پاکستان ، ڈاکٹر افتخار نقوی صدر عزاداری ونگ پنجاب ، مرکزی سیکرٹری سیاسیات جناب سید اسد عباس نقوی ,صوبائی جنرل سیکرٹری مجلس وحدت مسلمین پنجاب جناب سید حسن رضا کاظمی ،صوبائی سیکرٹری سیاسیات پنجاب جناب ۔سید حسین زیدی ، صوبائی سیکرٹری مالیات پنجاب فصاحت علی بخاری ، لاہور کے مذہبی رہنما جناب خواجہ میثم اجمل حیدر عباس ،لاہور کی معروف سماجی ،سیاسی  شخصیت حاجی امیر عباس مرزا ، ضلعی صدر مجلس وحدت مسلمین ضلع لاہور جناب نجم عباس خان ، سنیئر نائب صدر ،ضلعی سیکرٹری سیاسیات جناب حیدر عباس حیدری ۔ تمام ٹاؤن صدور ، سیٹھ عدنان ، خرم نقوی کے علاؤہ کئی دیگر مذہبی رہنما بھی شریک ہوئے ۔

وحدت نیوز(کوئٹہ) ایم ڈبلیو ایم شعبہ خواتین علمدار روڈ کوئٹہ کے زیر اہتمام جشن عید غدیر و مباہلہ کو انعقاد کیا گیا جس میں مرکزی صدر ایم ڈبلیو ایم وومن ونگ سیدہ معصومہ نقوی اور رکن نگران کونسل ایم ڈبلیو ایم شعبہ خواتین مولانا حسن مہدی کاظمی صاحب نے خصوصی شرکت کی اور خطاب کیا جشن میں ایم ڈبلیو ایم وومن ونگ ہزارہ ٹاون یونٹس نے بھی شرکت کی اس موقع پر مقررین نے خطاب کرتے ہوئے غدیر اور مباہلہ کے پیغامات پر روشنی ڈالی۔ قول امیر المومنین علیہ السلام کے مطابق ہر ظالم کے دشمن اور مظلوم کے مددگار بننے کی تلقین کرتے ہوئے کہا کہ ایام عزا کے دن نزدیک ہیں مجالسِ سید الشھدا علیہ السلام کے تبرکات کو اسرائیلی مصنوعات سے پاک رکھیں بانیان تبرک کے انتخاب پر خصوصی توجہ دیں اور حتی الامکان اسرائیلی مصنوعات کا بائیکاٹ کریں ۔

وحدت نیوز(لندن) لندن میں شھید آیت اللہ ابراہیم رئیسی اور ان کے ہمراہ شھدائے خدمت کو اتوار کے دن بھرپور خراج تحسین پیش کیا گیا۔ برطانیہ کی کئی جماعتوں کے ہمراہ ایم ڈبلیو ایم برطانیہ نے لندن میں ایران ایمبسی کے سامنے اسلامی جمہوری ایران کے سابق صدر شھید سید  ابراھیم رئیسی اور انکے ساتھیوں کےچہلم کا انعقاد کیا۔

اس موقع پر مجلس وحدت مسلمین برطانیہ کے صدر حجت الاسلام مولانا ابرار حسینی نے خطاب میں فرمایا کہ شھید ابراہیم رئیسی اھلبیت ع کی راہ پر چل کر انسانی حقوق کے ساتھ مظلوموں کا دفاع کرتے ہوئے شھادت کے اعلی رتبے پر فائز ہوئے۔  شھید خدمت اتحاد بین المسلمین و اتحاد اقوام عالم کے داعی تھے جنہوں نے کئی ملکوں کو  محبت و اخوت اتحاد کا پیغام دیا۔ چہلم میں ایم ڈبلیو ایم کے سابق سربراہ حجت الاسلام مولانا مشرف حسینی نے بھی اپنے خطاب میں فرمایا آج دنیا میں ظالم اور مظلوموں کی صفیں بن رہی ہیں  ہم راہ اہلبیت پر چلتے ہوئے بلاخوف مظلوموں کیساتھ کھڑے ہیں۔ چہلم کے اجتماع میں مختلف جماعتوں کے سربراہان نے بھی خطابات فرمائے۔ اجتماع میں کٹیر تعداد میں خواتین نے بھی شرکت کی اور اپنے انداز میں شھدائے خدمت کو خراج تحسین پیش کیا گیا۔

وحدت نیوز(لاہور)امامیہ کالونی (فیروزوالہ) میں صوبائی جنرل سیکرٹری مجلس وحدت مسلمین پاکستان صوبہ پنجاب جناب سید حسن رضا کاظمی کی رہائشگاہ پر محرم الحرام کے حوالے سے بانیان مجالس ،ماتمی سنگتوں کے سالار اور امام بارگاہوں کے متولیوں سے گرینڈ میٹنگ ۔ لاہور صوبائی جنرل سیکرٹری مجلس وحدت مسلمین پاکستان صوبہ پنجاب جناب سید حسن رضا کاظمی کی رہائشگاہ پر محرم الحرام کے حوالے سے گرینڈ میٹنگ منعقد ہوئی ۔ جس میں امامیہ کالونی کے بانیان مجالس ،ماتمی سنگتوں کے سالار ،نوحہ خوان ،مختلف امام بارگاہوں کے متولیوں کے علاؤہ علاقے کے عزادار بھی شریک ہوئے ۔ میٹنگ میں آنے والے محرم الحرام کے متعلق تفصیلی گفتگو کی گئی ۔ سید حسن رضا کاظمی نے کہا کہ مجلس وحدت مسلمین ہمیشہ کی طرح امسال بھی عزاداری ونگ کے باہمی اشتراک سے کنٹرول روم قائم کرے گی ۔

صوبائی جنرل سیکرٹری نے کہا کہ میری آپ سب سے گزارش ہے کہ یہ محرم الحرام بہت اہم ہے پوری کوشش کی جائے کہ کوئی شخص ہمارے درمیان تفرقہ پیدا نہ کرے ۔ فرقہ واریت سے مکمل اجتناب کیا جائے ۔انتظامیہ کے ساتھ معاملات الجھانے کی بجائے سلجھائے جائیں ۔اور اگر کہیں پر انتظامیہ ہٹ دھرمی دیکھائے تو فوری طور پر رابطہ کیا جائے ۔ انتظامیہ کے ساتھ کیے کے معاہدوں کے مطابق وقت کا خیال رکھا جائے ۔ ہم آپ کے لئے ہمہ وقت آمادہ رہیں گے ۔ان شاءاللہ بانیان مجالس ،امام بارگاہوں کے متولیوں اور ماتمی سنگتوں کے سالاروں نے صوبائی جنرل سیکرٹری جناب سید حسن رضا کاظمی کا بروقت محرم الحرام کے حوالے سے میٹنگ منعقد کرنے اور حوصلہ دینے کا شکریہ ادا کیا ۔اور سب نے ملکر اپنے تعاون کا مکمل یقین دلایا ۔اخر میں مجلس وحدت مسلمین پاکستان کے سربراہ سنیٹر علامہ راجہ ناصر عباس جعفری صاحب کے لئے نیک تمناؤں کا اظہار کیا گیا ۔

Page 4 of 1482

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree