The Latest
وحدت نیوز(اسلام آباد)سربراہ مجلس وحدت مسلمین پاکستان سینیٹر علامہ راجہ ناصر عباس جعفری حفظہ اللہ کی سینیٹرز کے وفد کے ہمراہ ایرانی سفارت خانے آمد،اس موقع پر وفد میں سینیٹر علی ظفر، سینیٹر عون عباس بپی،سینیٹر سیف اللہ نیازی، سینیٹر فوزیہ ارشد اور سینیٹر دوست محمد نے ایران سے اظہارِ یکجہتی کی اور یقین دلایا کہ امتِ مسلمہ کے اتحاد اور مظلوموں کی حمایت کے لیے ہر محاذ پر ساتھ ہیں۔ جنگ میں شہید ہونے والے ایرانی شہدا کے لیے فاتحہ خوانی بھی کی گئی۔
وحدت نیوز(اسلام آباد) چیئرمین مجلس وحدت مسلمین پاکستان سینیٹر علامہ راجہ ناصرعباس جعفری نے اپنے بیان میں کہا ہے کہ میں خودمختار ریاست ایران کے خلاف امریکہ کی طرف سے شروع کیے گئے بے ہودہ اور غیر قانونی فوجی حملے، خاص طور پر نطنز، فردو اور اصفہان میں جوہری تنصیبات پر نشانہ بنائے جانے والے حملوں سے شدید صدمے اور شدید مایوسی کا شکار ہوں۔جارحیت کا یہ ڈھٹائی کا مظاہرہ بین الاقوامی قانون اور ایران کی علاقائی سالمیت کی سنگین خلاف ورزی ہے، جس سے بے شمار شہریوں کی زندگیوں کو خطرہ لاحق ہے اور علاقائی اور عالمی سلامتی کو نقصان پہنچا ہے۔
اس کی واضح غیر قانونییت کے علاوہ، جیسا کہ بین الاقوامی جوہری توانائی ایجنسی (IAEA) اور اقوام متحدہ کی سلامتی کونسل دونوں میں متعدد ریاستوں کی طرف سے بار بار زور دیا گیا ہے، محفوظ ایٹمی مقامات کو جان بوجھ کر نشانہ بنانا اس کے ساتھ ریڈیولوجیکل فال آؤٹ کا تباہ کن خطرہ ہے۔انسانی اور ماحولیاتی تباہی کا امکان ان تنصیبات پر حملہ کرنے کی لاپرواہی کو واضح کرتا ہے جو IAEA کی براہ راست نگرانی میں تھیں۔یہ انتہائی افسوسناک عمل صدر ٹرمپ کی واضح دوغلی پن سے مزید متاثر ہوا ہے۔ صرف چند دن پہلے، اس نے عوامی سطح پر سفارتی راستوں کی حمایت کرنے کا دعویٰ کیا تھا اور کشیدگی میں کمی کے لیے دو ہفتے کی ونڈو تجویز کی تھی۔ پھر بھی، 48 گھنٹوں سے بھی کم عرصے میں، اس کی انتظامیہ نے سفارت کاری کو ترک کرنے اور دور رس نتائج کے ساتھ براہ راست امریکہ کو جنگ میں شامل کرنے کا انتخاب کیا ہے۔
ابھی پچھلے ہفتے، اسی صدر نے ایران کے خلاف اسرائیلی فوجی منصوبہ بندی کی واضح طور پر توثیق کی تھی، اور کسی بھی امن کوششوں کے اخلاص پر شک ظاہر کیا تھا۔ستم ظریفی یہ ہے کہ حملوں سے صرف 27 گھنٹے قبل، حکومت پاکستان نے صدر ٹرمپ کو امن کے نوبل انعام کے لیے باضابطہ طور پر نامزد کیا تھا۔ اب پڑوسی ملک پر اس طرح کے تباہ کن حملے کی اجازت دینا اور ساتھ ہی ساتھ اس کے اقدامات کو "امن" کے لیے کوششوں کی تعریف کرنا ایک سخت اور پریشان کن تضاد کو بے نقاب کرتا ہے۔اس لاپرواہ فیصلے سے ایک وسیع تر علاقائی تصادم کو بھڑکانے کا خطرہ ہے اور اس نے تنازعات کے حل کے لیے ایک قابل عمل طریقہ کار کے طور پر سفارت کاری پر اعتماد کو مزید ختم کر دیا ہے۔میں پاکستان اور دنیا بھر کے تمام باضمیر لوگوں سے مطالبہ کرتا ہوں کہ وہ طاقت کے اس غیر قانونی استعمال کی بلاشبہ مذمت کریں۔ امریکہ، اسرائیل اور اس جارحیت میں ملوث تمام اداکاروں کو جوابدہ ہونا چاہیے۔ہمیں بین الاقوامی قانون، قومی خودمختاری اور انصاف اور امن کے پائیدار اصولوں کے دفاع میں متحد ہونا چاہیے۔
وحدت نیوز(شکارپور)مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ اسلامی جمہوریہ ایران کے خلاف شیطان بزرگ امریکہ و غاصب اسرائیل کی جارحیت شرمناک عمل ہے۔ صدر ٹرمپ عالمی دہشت گرد ہے۔ انجمن غلامان امریکا کی جانب سے شیطان ٹرمپ کے لئے امن کے نوبل انعام کی سفارش پاکستانی قوم کی توہین ہے۔ انہوں نے کہا کہ سندھ میں بدامنی عروج پر ہے۔ کچے اور پکے کے ڈاکوؤں کے خلاف پاک فوج رینجرز اور سندھ پولیس فوری مشترکہ آپریشن کا آغاز کرے۔
ان خیالات کا اظہار انہوں نے ضلع شکار پور کے ضلعی صدر اصغر علی سیٹھار، جنرل سیکرٹری شاکر حسین سومرو، تحصیل صدر سید نوید علی شاہ، مولانا نثار علی نجفی اور سعید احمد خروس کے ہمراہ ڈکھن شہر میں ایک ہنگامی پریس کانفرنس سے خطاب کرتے ہوئے کیا۔ علامہ مقصود ڈومکی نے کہا کہ اسلامی جمہوریہ ایران کے خلاف جاری امریکی اور اسرائیلی جارحیت بین الاقوامی قوانین کی کھلی خلاف ورزی اور امریکا کی عالمی بدمعاشی کی عکاس ہے۔ انہوں نے کہا کہ امریکہ عالمی نظام کو قانون و انصاف کے بجائے ظلم، استبداد اور جبر کی بنیاد پر چلانا چاہتا ہے۔
انہوں نے واضح کیا کہ اسلامی جمہوریہ ایران مظلوم فلسطینی عوام کا سچا حامی ہے، جبکہ امریکہ اور اسرائیل انسانیت کے دشمن ہیں۔ رہبر انقلاب اسلامی آیت اللہ سید علی خامنہ ای اور ایرانی قوم، امریکی و اسرائیلی جارحیت کے خلاف پہاڑ کی طرح استقامت کے ساتھ کھڑے ہیں۔ اسرائیل جو مظلوم فلسطینیوں پر ظلم کے پہاڑ توڑ رہا تھا، آج خود نشان عبرت بن چکا ہے۔ انہوں نے کہا کہ اگر امریکہ نے مزید جارحیت کی تو اسے بھرپور اور منہ توڑ جواب دیا جائے گا۔
صدر ڈونلڈ ٹرمپ کو علامہ ڈومکی نے "شیطان صفت اور مجرم انسان" قرار دیتے ہوئے کہا کہ وہ اسرائیلی ظلم و ستم میں برابر کا شریک ہے۔ انہوں نے مزید کہا کہ 60 ہزار بے گناہ فلسطینیوں کے قتل عام میں ٹرمپ کا ہاتھ ہے۔ اس لئے انجمن غلامان امریکا کی جانب سے ٹرمپ کو "نوبل انعام" کے لئے نامزد کرنا شرمناک اور قومی وقار کے خلاف ہے۔ پوری پاکستانی قوم اس عمل کی سخت مذمت اور مخالفت کرتی ہے۔ علامہ ڈومکی نے پاکستانی حکمرانوں سے مطالبہ کیا کہ وہ اس اقدام پر قوم سے معافی مانگیں اور آئندہ ایسے فیصلوں سے گریز کریں جو قومی جذبات اور مظلومین جہان کے خلاف ہوں۔
پریس کانفرنس میں سندھ کی بگڑتی ہوئی امن و امان کی صورتحال پر شدید تشویش کا اظہار کرتے ہوئے انہوں نے کہا کہ شکارپور، کشمور، کندھ کوٹ سمیت پورا سندھ بدامنی اور ڈاکو راج کی لپیٹ میں ہے۔ کالعدم دہشت گرد تنظیموں کی جانب سے شہداد کوٹ اور کندھ کوٹ میں شرانگیز جلسے، شیعہ رہنماؤں کو دھمکیاں اور کافر کافر کے نعرے ناقابل برداشت ہیں۔ علامہ ڈومکی نے حکومت سندھ اور ضلعی انتظامیہ سے مطالبہ کیا کہ کالعدم تنظیم کے ان شرپسند عناصر کے خلاف فی الفور ایف آئی آرز درج کی جائیں اور سخت قانونی کارروائی کی جائے۔
انہوں نے کہا کہ سندھ میں لوگ روزانہ لٹ رہے ہیں۔ موٹر سائیکل چھینی جا رہی ہیں۔ خواتین کے زیورات چھینے جا رہے ہیں۔ ایک دن میں دن کی روشنی میں نیشنل ہائی وے پر 300 سے زائد افراد کو سرعام لوٹا گیا۔ لیکن سندھ پولیس، رینجرز، حکومت اور دیگر ادارے خاموش تماشائی بنے ہوئے ہیں۔ علامہ مقصود علی ڈومکی نے مطالبہ کیا کہ سندھ میں ڈاکوؤں کے خلاف پاک فوج، رینجرز اور پولیس پر مشتمل ایک مشترکہ مؤثر آپریشن کا فوری آغاز کیا جائے جو جرائم کے مکمل خاتمے اور امن کے قیام تک جاری رکھا جائے۔ انہوں نے یہ بھی انکشاف کیا کہ ماضی میں "آپریشن" کے نام پر محض ڈرامہ بازی کی گئی اور فنڈز ہضم کئے گئے، جس کا کوئی حقیقی نتیجہ سامنے نہیں آیا۔
وحدت نیوز(اسلام آباد) چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے اپنے بیان میں کہا ہے کہ حکومت پاکستان کی جانب سے 2026ء کے نوبل امن انعام کے لیے صدر ڈونلڈ ٹرمپ کی نامزدگی انتہائی گمراہ کن اور اخلاقی طور پر کھوکھلا فیصلہ ہے، انڈیا، پاکستان جنگ بندی میں ان کی ثالثی کا حوالہ دیتے ہوئے کہا کہ یہ اقدام غزہ میں نسل کشی کی پالیسیوں کی حمایت کے ان کے پریشان کن ریکارڈ کو نظر انداز کرتا ہے، جہاں 55,500 سے زیادہ جانیں ضائع ہو چکی ہیں اور ایران کی جانب ممکنہ جارحیت میں ٹرمپ کی واضح حمایت کو نظر انداز کر دیا گیا ہے، اس طرح کی نامزدگی امن اور انصاف کے ان اصولوں کو مجروح کرتی ہے جو ایوارڈ کو برقرار رکھنے کا مطالبہ کرتے ہیں۔
مزید یہ کہ نوبل امن انعام کو عالمی طاقتیں طویل عرصے سے اپنی عزت اور اپنے جیو پولیٹیکل ایجنڈے کو آگے بڑھانے کے لیے ایک مغربی ٹول کے طور پر استعمال کرتی آ رہی ہیں، اس پر تاریخی مثالیں بہت زیادہ ہیں: ہنری کسنجر کا 1973ء کا ایوارڈ ویتنام جنگ کے جاری بم دھماکوں کے درمیان آیا، جس نے کمیٹی کے ارکان کے استعفوں اور عالمی غم و غصے کو جنم دیا، اسی طرح، یاسر عرفات، شمعون پیریز، اور یتزاک رابن نے 1994ء کے اوسلو معاہدے کے لیے انعام کا اشتراک کیا۔
انہوں نے کہا کہ براک اوباما کا 2009ء کا ایوارڈ، جو افغانستان اور عراق میں بڑھتی ہوئی جنگوں کے درمیان ان کی صدارت کے چند ماہ بعد دیا گیا، سیاسی طور پر محرک تھا، یہاں تک کہ آنگ سان سوچی کا 1991ء میں انسانی حقوق کی وکالت کے اعزاز پر بھی بعد میں روہنگیا نسل کشی پر ان کی خاموشی چھا گئی، یہ مثالیں الفریڈ نوبل کے ان لوگوں کو انعام دینے کے ویژن سے بالکل متصادم ہیں جو "بنی نوع انسان کو سب سے زیادہ فائدہ پہنچاتے ہیں"، جس سے یہ ظاہر ہوتا ہے کہ انعام کے حقیقی امن کو مجسم کرنے کی بجائے تنازعات اور سیاسی چالبازی میں مسلسل بڑھتے ہیں۔
وحدت نیوز(لاہور)مجلس وحدت مسلمین پاکستان صوبہ وسطی پنجاب کی ورکنگ کمیٹی کا پہلا اجلاس وائس چیئرمین مجلس وحدت مسلمین پاکستان جناب حجت الاسلام والمسلمین علامہ سید احمد اقبال رضوی کی زیر صدارت صوبائی آفس لاہور میں منعقد ہوئی ۔
میٹنگ میں جناب سید اسد عباس نقوی مرکزی سیکرٹری سیاسیات مجلس وحدت مسلمین پاکستان کی خصوصی شرکت ۔
اجلاس میں کئی اہم فیصلے کیے گئے ۔ ساہیوال ڈویژن ،لاہور ڈویژن ، گوجرانوالہ ڈویژن ،فیصل آباد ڈویژن کے 14 اضلاع صوبہ وسطی پنجاب میں ہیں ۔
ان شاءاللہ ورکنگ کمیٹی کے معزز اراکین نے صوبہ وسطی پنجاب کی مجموعی صورتحال پر تفصیلی تبادلہ خیال کیا ۔ میٹنگ میں صوبہ وسطی پنجاب کے اضلاع کے تنظیمی تربیتی امور کے حوالے سے کئی اہم فیصلے کیے گئے ۔
جناب حجت الاسلام والمسلمین علامہ سید علی اکبر کاظمی صاحب صوبائی ارگنائزرصوبہ وسطی پنجاب
جناب حجت الاسلام والمسلمین علامہ سید غلام شبیر بخاری صاحب صوبائی ممبر ورکنگ کمیٹی صوبہ وسطی پنجاب
جناب سید حسن رضا کاظمی صوبائی ممبر ورکنگ کمیٹی صوبہ وسطی پنجاب
جناب سید حسین زیدی صوبائی ممبر ورکنگ کمیٹی صوبہ وسطی پنجاب
جناب سید شکیل بخاری صوبائی ممبر ورکنگ کمیٹی صوبہ وسطی پنجاب
جناب سید غضنفر علی نقوی صوبائی ممبر ورکنگ کمیٹی صوبہ وسطی پنجاب
میٹنگ میں موجود تھے ۔
وحدت نیوز(لاہور)مجلس وحدت مسلمین صوبہ وسطی پنجاب میں عید مباہلہ کی مناسبت سے جشن مباہلہ کا کیک کاٹا گیا ۔ جناب حجت الاسلام والمسلمین علامہ سید احمد اقبال رضوی صاحب وائس چیئرمین مجلس وحدت مسلمین پاکستان، سید اسد عباس نقوی ،جناب حجت الاسلام والمسلمین علامہ سید علی اکبر کاظمی صاحب مجلس وحدت مسلمین آرگنائز صوبہ وسطی و شمالی پنجاب ،جناب حجت الاسلام والمسلمین علامہ سید غلام شبیر بخاری صاحب صوبائی ممبر ورکنگ کمیٹی صوبہ وسطی پنجاب، جناب شکیل بخاری صوبائی ممبر ورکنگ کمیٹی صوبہ وسطی پنجاب، جناب سید غضنفر علی نقوی صوبائی آفس سیکرٹری صوبہ وسطی پنجاب، ظہیر کربلائی صوبائی آفس سیکرٹری صوبہ شمالی پنجاب کے علاوہ مجلس وحدت مسلمین صوبہ وسطی پنجاب کا اسٹاف بھی جشن مباہلہ کی تقریب میں شریک تھا ۔
وحدت نیوز(اسلام آباد) مجلس وحدت مسلمین پاکستان مرکزی کردار سازی کونسل کے زیر اہتمام اسلام آباد کی پانچ مساجد اور مدارس میں صدائے عدل تربیتی ورکشاپ کا انعقاد علماء کرام مختلف دینی اخلاقی اور حالات حاضرہ کے موضوعات پر درس دینگے۔رکن مرکزی کردار سازی کونسل شیخ محمدجان حیدری کے مطابق اس سمرکیمپ کا مقصد نسل جوان کی دینی اخلاقی تربیت اور انہیں عصر حاضر کے فتنوں اور معاشرتی آلودگیوں سے بچانا ہے۔
وحدت نیوز(لاہور) مجلس وحدت مسلمین داتا گنج بخش ٹاؤن کےزیراہتمام محرم الحرام کے حوالے سے انتظامیہ اور بانیان و عزداران کے درمیان ایک میٹنگ کا انعقاد العصر حیدر روڈ اسلام پورہ میں کیا گیا جس میں مرکزی جلوس 9 محرم کے بانی ذولفقار نقوی, بلاک سیداں کے بانی شاہد عباس کاظمی, 10 محرم الحرام کے بانی ابن اصغر, حسینیہ سکاؤٹس کے سیکٹری جنزل مظفر کاظمی, حماد خوشتر, امامیہ آرگنائزیشن کے رہنما افسرخان صاحب, جلیس زیدی, عزاداران میں حیدر شاہ, اخلاق جعفری , علی محسن رضوی,وقار الحسنین نقوی, خواجہ ظفری,حسن عباس نے خصوصی شرکت کیانتظامیہ کی جانب سے ڈی ایس پی عبیداللہ اپنی ٹیم کے ہمراہ اور سیکورٹی کے اعلی افسران نے خصوصی شرکت کی۔
میٹنگ میں علاقے کی سیکورٹی پر زور دیتے ہوۓ کہا کہ اس وقت عالمی حالات بگڑ رہے ہیں اور ایسے میں محرم الحرام میں ہم سب کو ذمہ داری کا ثبوت دیتے ہوۓ شر پسندوں کو اپنی صفوں سے الگ کر کرنا ہوگا تاکہ علاقے میں امن کی فضاء کو قائم رکھا جا سکے گرمی کی شدت زیادہ ہونے کی وجہ سے مومنین کیلۓ جلوس میں پنکھوں کا انتظام کو یقینی بنایا جاۓ۔ کم از کم پہلے عشرے علاقے میں ایک ایمبولینس 24 گھنٹے موجود ہو, حماد خوشتر نے حسینہ سکاؤٹس کے حوالے سے روشنی ڈالتے ہوۓ کہا کہ ہمارے ہر سکاؤٹس کو انتظامیہ کی جانب سے ایک کارڈ جاری کیا جاۓ جسے انتظامیہ نے قبول کی_ اسک کے علاوہ عزاداران کے مسائل پر بھی تفصیلی گفتگو ہوئی ۔
میٹنگ کی صدارت ایم ڈبلیوایم کے صوبائی آفس سیکریٹری علامہ ظہیر الحسن کربلائی اور نائب صدر لاہور علی شیر زیدی نے کی اس موقع پر داتا گنج بخش ٹاؤن کے صدر سید فرقان حیدر اور ثمن آباد ٹاؤن کے صدر عقیل نقوی اسلام پورہ یونٹ کے صدر ذولقرنین حیدر ساندہ یونٹ کے صدر شاہان کاظمی بھی موجود تھے اختتام پر ظہیر کربلائی صاحب نے دعا کروائی۔
وحدت نیوز (اسلام آباد) اپوزیشن جماعتوں کے مرکزی رہنماؤں پر مشتمل وفد نے آج ایرانی سفارت خانے کا دورہ کیا اور اسلامی جمہوریہ ایران پر اسرائیلی جارحیت کی شدید مذمت کرتے ہوئے ایران کے ساتھ مکمل یکجہتی کا اظہار کیا۔
وفد نے اس موقع پر دوٹوک اعلان کیا کہ پاکستان کا غیرت مند عوام اور اپوزیشن جماعتیں ایران کی بہادر اور دلیر قوم کے ساتھ کھڑی ہیں، اور یہ کہ اسرائیلی دہشتگرد ریاست جلد اپنے منطقی انجام سے دوچار ہو گی۔
وفد میں اپوزیشن لیڈر عمر ایوب، چیئرمین تحریک انصاف بیرسٹر گوہر علی خان، مجلس وحدت مسلمین پاکستان کے چیئرمین سینیٹر علامہ راجہ ناصر عباس جعفری، سنی اتحاد کونسل کے چیئرمین صاحبزادہ حامد رضا، سابق اسپیکر قومی اسمبلی و تحریک انصاف کے رہنما اسد قیصر، رکن قومی اسمبلی زرتاج گل، عامر ڈوگر سمیت دیگر اراکینِ پارلیمنٹ شامل تھے۔
ایرانی سفیر نے معزز اراکین پارلیمنٹ کی آمد اور اسلامی جمہوریہ ایران سے محبت و وفاداری کے اظہار پر شکریہ ادا کرتے ہوئے کہا کہ عالمی دہشتگرد اسرائیل کے خلاف ایران کی مزاحمتی قوم کی حمایت پر ہم پاکستانی عوام اور قائدین کے بے حد مشکور ہیں۔
وحدت نیوز(اسلام آباد)چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے ایوان بالا کے سیشن میں خطاب کرتے ہوئے کہا ہے کہ حالیہ بجٹ میں بھی عام آدمی کے لیے کوئی ریلیف نہیں دیا گیا، ہم اس عوام دشمن بجٹ کی کسی صورت حمایت نہیں کریں گے، اسرائیل اس وقت گریٹر اسرائیل کا خواب دیکھ رہا ہے، جس کا راستہ روکنے میں سب سے بڑی رکاوٹ ایران ہے، خوش آئند بات یہ ہے کہ پاکستان نے ایران کے موقف کی حمایت کی، جو اس وقت بہترین اور اصولی حکمت عملی ہے، ایران کا ایٹمی پروگرام پُرامن مقاصد کے لیے ہے، اور عالمی ایٹمی توانائی ایجنسی کی رپورٹس بھی اس کی تصدیق کرتی ہیں کہ ایران ایٹمی ہتھیار نہیں بنا رہا، ایران پر مسلط کی گئی جنگ دراصل گریٹر اسرائیل کی راہ ہموار کرنے کے لیے ہے، اسرائیل جانتا ہے کہ اگر ایران باقی رہا تو وہ کبھی اپنے مکروہ منصوبے میں کامیاب نہیں ہو سکتا، اس لیے یہ جنگ صرف ایران کی نہیں، بلکہ مشرق کی، امت مسلمہ کی اور ہر مظلوم قوم کی جنگ ہے، ہمیں اس جنگ سے لاتعلق نہیں رہنا چاہیے۔
انہوں نے کہا کہ امریکہ اور مغرب نے ناسور اسرائیل کو مسلم دنیا کے قلب میں اسی مقصد کے لیے بٹھایا کہ وہ امت مسلمہ کو تقسیم کر کے اسے کمزور کرے اور مشرق میں موجود وسائل پر قابض ہو کر ہمیشہ دنیا پر حکومت کرے، آج وقت آ گیا ہے کہ پوری امت، مظلوم اقوام اور حریت پسند عوام اس سازش کو پہچانیں، ہمیں حق و باطل کے اس معرکے میں ایران کے ساتھ کھڑا ہونا ہو گا، صرف زبانی نہیں، بلکہ عملی میدان میں، آٹھ سالہ مسلط کردہ جنگ میں دشمن ایران کو جھکا نہ سکا اور آج بھی وہ کربلائی اور عاشورائی قوم دشمن کی آنکھوں میں آنکھیں ڈال کر کھڑی ہے، ایران کو اللہ پر بھروسہ اور اپنی عوام پر اعتماد ہے۔ ہم یقین رکھتے ہیں کہ اس جنگ میں بھی شیطانی قوتیں شکست کھائیں گی اور مظلومین کا سر بلند ہو گا۔ یہی وقت ہے کہ ہم بیدار ہو کر، متحد ہو کر، اور حق کے پرچم تلے دنیا بھر کے مظلوموں کا ساتھ دیں.
