The Latest

وحدت نیوز(اسلام آباد)چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے اپنے ایک تعزیتی بیان کہا ہے کہ برادر عزیز مولانا سید محمد ابصار علی نقوی آف امریکہ کی والدہ محترمہ کے انتقال پر دلی افسوس کا اظہار اور آپ سمیت تمام سوگوار خانوادہ گرامی کی خدمت میں تعزیت و تسلیت پیش کرتا ہوں، غم کی اس گھڑی میں ہم سوگواران کے ساتھ برابر کے شریک ہیں، خدا وند متعال صدقہ چہاردہ معصومین علیہم السلام مرحومہ کی مغفرت اور درجات بلند فرمائے، انہیں جوار حضرت سیدہ زہرا سلام اللہ علیہا میں جگہ عطا فرمائے اور تمام پسماندگان کو صبر جمیل عطا فرمائے۔آمین یا اللہ

وحدت نیوز(اسلام آباد)مجلس علماء مکتب اہلبیتؑ پاکستان کے زیر اہتمام کانفرنس بعنوان عظمت اہلبیتؑ کانفرنس کا انعقاد جامعہ الصادق اسلام آباد میں ہوا، کانفرنس میں علامہ سید حسنین عباس گردیزی، علامہ محمد امین شہیدی، علامہ سید افتخار حسین نقوی، علامہ حیدر علوی، مولانا یاسین قادری، علامہ اقبال حسین بہشتی، علامہ زاہد کاظمی، علامہ اصغر عسکری، علامہ ثمر عباس نقوی ودیگر علمائے کرام و مبلغین اسلام سمیت عوام کی بڑی تعداد میں شرکت۔

شرکاء کانفرنس سے خطاب کرتے ہوئے مجلس علماء مکتب اہلبیت پاکستان کے مرکزی صدر علامہ سید حسنین عباس گردیزی نے کہا کہ سیرت آئمہ اطہار علیہ السلام ہمارے لیے نمونہ حیات ہے، سیرت طیبہ پر عمل پیرا ہو کر ہم دنیا و آخرت میں کامیاب ہو سکتے ہیں، کانفرنسز کے انعقاد کا مقصد شرکاء کو ایک تحریک، ایک سمت اور جہد دینا ہے تاکہ آپ تمام علمائے کرام و مبلغین اسلام اپنے اپنے علاقوں میں جا کر احسن طریقے سے عوام کی رہنمائی کرتے ہوئے تعلیمات دین اسلام کے فروغ میں اپنا بھرپور کردار ادا کر سکیں بالخصوص تحریک کربلا کی مختلف جہتوں سے متعارف و روشناس کرایا جائے، انہوں نے تمام شرکاء کانفرنس کا تہہ دل سے شکریہ بھی ادا کیا۔

سربراہ امت واحدہ علامہ محمد امین شہیدی نے کہ اسلام دشمن قوتیں ہمیں فرقوں میں تقسیم کرنا چاہتی ہیں، ہمیں متحد ہو کر ان سازشوں کو ناکام بنانا ہو گا، امت مسلمہ کا اتحاد دشمن قوتوں کی موت ہے، ماہ محرم الحرام انسانیت کے لیے ایثار، شجاعت اور اتحاد کا پیغام دیتا ہے، ہمیں وحدت کے فروغ کے لئے اپنا اپنا کردار ادا کرنا چاہیے۔

علامہ سید افتخار حسین نقوی نے کہا کہ اہلبیت علیہ السّلام کی فضیلت و عظمت کے لیے یہی کافی ہے کہ رسول اکرم ص نے اپنے بعد جو دو گراں قدر چیزیں چھوڑیں ان میں قرآن کریم کے ساتھ اہلبیت علیہ السّلام بھی شامل ہیں، دین اسلام مکمل ضابطہ حیات ہے جو بھی مشکلات و مسائل پیش آئیں گی قرآن و اہلبیت ع کی تعلیمات کی روشنی میں حل موجود ہے، انشاء اللہ غزہ کی صورتحال امام زمانہ کے ظہور کا پیش خیمہ ثابت ہو گا۔

جمیعت علمائے اسلام نورانی گروپ کے مرکزی رہنما علامہ حیدر علوی نے کہا کہ معاشرے کے اندر بڑھتی شدت پسندی کے خاتمے کے لئے تعلیمات نبی کریم حضرت محمد ص کا فروغ وقت کی ضرورت ہے، یہ مسلمین جہان میں وحدت نہ ہونے کی وجہ سے آج غزہ کے مظلومین پر اسرائیلی سفاکیت جاری ہے اور پوری دنیا اس ظلم وبربریت پر مجرمانہ خاموشی اختیار کیئے ہوئے ہے۔

کانفرنس کے شرکاء سے اہلسنت کے معروف عالم دین علامہ یاسین قادری نے کہا ہے کہ اگر رسول اکرم ص کی پاکیزہ سیرت و کردار کو تمام مسلمان نمونہ عمل بنا لیں تو امت مسلمہ کے تمام مسائل ومشکلات کا خاتمہ ہو جائے اور اسلام دشمن قوتوں کے مذموم عزائم و مقاصد خاک میں مل جائیں گے۔

کانفرنس کے دیگر مقررین میں علامہ سید ثمر نقوی، علامہ اصغر عسکری، مولانا گلزار حسین فیاضی اور دیگر علمائے کرام شامل تھے۔

وحدت نیوز(کراچی) محرم الحرام 1446ہجری 2024 کے ایام عزاکے سوک اور سکیورٹی انتظامات کو بہتر بنانے کیلئےڈپٹی کمشنر ضلع ملیر حاجی عرفان سلام میروانی (PAS) کی زیر صدارت اعلیٰ سطح اجلاس مقامی ہال میں منعقد ہوا جس میںچیئرمین ملیر ٹاؤن ایڈمنسٹریشن جان محمد بلوچ، میونسپل کمشنر آغا سمیر خان درانی، ایس ایس پی ضلع ملیر کاشف آفتاب عباسی، میجر جاوید52 ونگ بھٹائی رینجرز،ایس پی ٹریفک اعظم جمالی، پاک فوج کے افسران،محکمہ صحت ، کے الیکٹرک کے نمائندگان ودیگر بلدیاتی وسکیورٹی اداروں کے حکام سمیت مجلس وحدت مسلمین ضلع ملیر کے صدر سید احسن عباس رضوی نےوفد کے ہمراہ خصوصی شرکت کی۔

اجلاس میں ڈویژنل رہنماایم ڈبلیوایم، متولی مسجد وامام بارگاہ شاہ نجف و بانی مرکزی جلوس عاشورہ گلشن وقار جوگی موڑعلامہ نشان حیدر ساجدی ،صدر عزاداری ونگ ضلع ملیر قیصررضا جعفری، رہنما ایم ڈبلیوایم و خطیب مسجدوامام بارگاہ ام البنین وائرلیس گیٹ مولانا بلاول حسین فائزی ، رہنما ایم ڈبلیوایم وخطیب مسجد وامام بارگاہ ابوالفضل العباس ؑیوسف عارفانی گوٹھ بن قاسم ،صدر ایم ڈبلیوایم عمار یاسر یونٹ و متولی عزاخانہ عابدیہ عمران نقوی، ناصر حسین متولی مسجد وامام مدینتہ العلم گھگھر پھاٹک بن قاسم، صدر ایم ڈبلیوایم گلشن حدید یونٹ صابر عمران ودیگر شیعہ تنظیمات کے نمائندگان،بانیان مجالس و جلوس، مساجد وامام بارگاہوں کے ٹرسٹیز بھی شامل تھے۔ اجلاس میں شرکاءکی جانب سے مسائل پر روشنی ڈالی گئی، ڈی سی ملیر نے موقع پر موجود تمام اعلیٰ حکام کو مسائل کے فوری حل کے احکامات جاری کیئے۔

وحدت نیوز( چوھڑ جمالی) عید غدیر کے سلسلے میں یونٹ چوھڑ جمالی کی جانب سے امام بارگاھ نہر فرات پے جشن منایا گیا یونٹ صدر علن حسینی جنرل سیکریٹری شھباز سولنگی نے مولائی کائنات کے شان میں منقبت پیش کی اصغریہ آرگنائیزیشن یونٹ چوھڑ جمالی کے زمیداران دوست علی سولنگی اپنے وفد کے ساتھ جشن میں شرکت کی ۔

اس موقعے پے امام بارگاھ نھر فراق کے متولی  پٹیل محمد اسماعیل ، ضلعی صدر عزاداری ونگ ضلع سجاول علی حسن حسینی ،زین العابدین خاصخیلی اور دیگر نے شرکت کی اور تبرقات تقسیم کۓ۔

وحدت نیوز(اوکاڑہ) صوبائی ڈپٹی سیکرٹری مجلس وحدت مسلمین صوبہ پنجاب جناب سید انوار زیدی کی سربراہی میں مجلس وحدت مسلمین ضلع اوکاڑہ کے وفد کی ایڈیشنل ڈپٹی کمشنر اوکاڑہ جناب جمیل حیدر شاہ صاحب فوکل پرسن اوکاڑہ سے محرم الحرام کے حوالے سے ملاقات۔محرم الحرام کے حوالے سے امن وامان کی صورتحال اور مجلس وحدت مسلمین پاکستان کے مثبت کردار پر گفتگو کی گئی ۔

 ایڈیشنل ڈپٹی کمشنر اوکاڑہ نے مجلس وحدت مسلمین کے ذمہ داران کے کردار کی تعریف کی اور کہا کہ ہر سال کی اس سال بھی ضلع اوکاڑہ میں ہر آدمی اپنا مثبت کردار ادا کرے گا ان شاءاللہ ۔ ہمیشہ مجلس وحدت نے امن کا ساتھ دیا ہے ۔ ضلعی انتظامیہ آپ کے مثبت طرز عمل کی ہمیشہ تائید کرتی رہی ہے اور آگے بھی ہم سب ملکر امن وامان کی صورتحال کو ضلع بھر میں برقرار رکھنے کے لئے اپنا بھرپور کردار ادا کریں گے ان شاءاللہ ۔

وحدت نیوز(لاہور) چیئرمین مجلس وحدت مسلمین پاکستان سینیٹر علامہ راجہ ناصر عباس جعفری کی پنجاب اسمبلی آمد اور اپوزیشن اراکین اسمبلی سے ملاقات، اپوزیشن اراکین کی جانب سے چیئرمین ایم ڈبلیو ایم پاکستان سینیٹر علامہ راجہ ناصر عباس جعفری کے اعزاز میں ظہرانہ کا اہتمام،اس موقع پر گفتگو کرتے ہوئے انہوں نے کہا کہ حکومت اپنے اخراجات میں اضافہ کر رہی ہے اور اپنی عیاشیوں کا بوجھ عوام پر ڈالا جا رہا ہے، غریب عوام مہنگائی کے بوجھ تلے دب کر پس رہے ہیں، حکومت نے ٹیکسوں کا اضافی بوجھ ڈال کر عوام کی چیخیں نکلوا دی ہیں اور ان بے حس حکمرانوں کو بلکتی عوام کی چیخیں سنائی بھی نہیں دے رہیں جبکہ یہ اندھے ہونے کے ساتھ ساتھ اب بہرے بھی ہو چکے ہیں، ان کرتوتوں کے باعث یہ حکومت عوامی اعتماد مسلسل کھو رہی ہے۔

انہوں نے کہا کہ پاور پولیٹکس کی کوکھ سے فرعون جنم لیتے ہیں، یہ وہ لوگ ہیں جو بچوں کو بھی اپنے مفادات کے لئے قتل کر دیتے ہیں، تمام ظلم کے باوجود ہم سب اکھٹے کھڑے ہیں، حکومت نے چادر اور چار دیواری کا تقدس پامال کیا ہے، یہ لوگ بے رحم ہیں یہ اپنے ہی بوجھ تلے دب جائیں گے، یہ بونے لوگ کب تک بانی پی ٹی آئی کو دبا کر رکھیں گے، پاکستان ایٹمی ملک ہونے کے باوجود تنہائی کا شکار ہے، یہ انکی کارکردگی اور ویژن ہے اور یہ لوگ جتنا زیادہ اقتدار پر مسلط رہیں گے، ملک اس قدر تباہی کی طرف جائے گا۔

وحدت نیوز (کوئٹہ) مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی کی قیادت میں ایک وفد نے کوئٹہ میں ڈی آئی جی پولیس علی شیر جکھرانی سے ملاقات کی۔ ملاقات میں ایم ڈبلیو ایم بلوچستان کے صوبائی نائب صدر عیوض علی ہزارہ، ضلعی صدر ہزارہ ٹاؤن کوئٹہ سید مہدی ابراہیمی، نائب صدر آغا ضیاء، سجاد علی و دیگر بھی موجود تھے۔ اس موقع پر علامہ مقصود علی ڈومکی نے کہا کہ ماہ محرم الحرام نواسہ رسول حضرت امام حسین علیہ السلام کی عظیم قربانی اور ان کے عظیم مقاصد کو بیان کرنے کا مہینہ ہے۔ بلوچستان میں بسنے والے مختلف مکاتب کے درمیان اتحاد بین المسلمین اور مذہبی ہم آہنگی کی فضاء قائم ہے۔ جس کو مزید فروغ دینے کی ضرورت ہے۔ انہوں نے کہا کہ منشیات کے بیوپاری نوجوان نسل کو برباد کر رہے ہیں۔ پولیس اور ریاستی اداروں کو منشیات کو روکنے کے لئے مزید موثر اقدامات کرنے چاہئیں۔ منشیات کے بیوپاریوں کے خلاف گھیرا تنگ کیا جائے۔ انہوں نے کہا کہ مجلس وحدت مسلمین قیام امن اور معاشرتی برائیوں کے خاتمے کے لئے پولیس اور انتظامیہ کا بھرپور ساتھ دے گی۔

اس موقع پر عیوض علی ہزارہ اور آغا ضیاء نے عوامی مسائل کی نشاندہی کی۔ ڈی آئی جی پولیس علی شیر جکھرانی نے اس موقع پر مجلس وحدت مسلمین کے رہنماؤں سے کہا کہ منشیات معاشرے کے لئے ناسور بن چکی ہے۔ حکومت منشیات کے سدباب کے لئے سنجیدہ اقدامات کر رہی ہے۔ وزیراعلیٰ بلوچستان اور آئی جی پولیس منشیات کے خلاف مہم کی خود نگرانی کر رہے ہیں۔ انہوں نے کہا کہ پولیس کے زیر نگرانی کوئٹہ میں نشے میں مبتلا لوگوں کے علاج کے لئے بحالی مرکز قائم کیا گیا ہے۔ جبکہ پولیس نے بہترین لائبریری بھی قائم کی ہے۔ انہوں نے مجلس وحدت مسلمین کے وفد کا شکریہ ادا کرتے ہوئے کہا کہ جن اہم معاشرتی مسائل کی نشاندہی کی گئی ہے ان پر اقدام اٹھائیں گے۔ اس موقع پر علامہ مقصود علی ڈومکی نے ڈی آئی جی علی شیر جکھرانی کو مولانا عبدالحق بلوچ  کی کتاب تاریخ بلوچ اور مولانا مفتی نظام الدین شامزئی کی کتاب عقیدہ ظہور مہدی علیہ السلام کا تحفہ پیش کیا۔

وحدت نیوز(کراچی)مجلس وحدت مسلمین ضلع ملیر کے وفدکی صدر سید احسن عباس رضوی کی سربراہی میں ڈپٹی کمشنر ضلع ملیر جناب عرفان سلام میروانی صاحب (PAS)سے کمشنر کمپلیکس میں ملاقات،وفد میں ایم ڈبلیوایم کے ڈویژنل رہنما،متولی مسجد وامام بارگاہ شاہ نجف جوگی موڑو بانی مرکزی جلوس عاشورہ گلشن وقار علامہ نشان حیدر ساجدی، ضلعی نائب صدر شعیب رضا، ڈپٹی جنرل سیکریٹری سید ممتازمہدی اور ضلعی صدر عزاداری ونگ قیصر رضا جعفری شامل تھے۔

 ایم ڈبلیوایم کے وفد نے ڈپٹی کمشنر جناب حاجی عرفان سلام میروانی صاحب(PAS) کو حج بیت اللہ کی سعادت کے حصول پر مبارکباد کے ساتھ پھولوں کا گلدستہ اور مٹھائی پیش کی، ڈی سی صاحب نے ایم ڈبلیوایم کے وفد کو آب زم زم اور مدینۃُ المنورہ کی کھجوریں بطور تبرک پیش کیں۔

ایم ڈبلیوایم کے وفد نے انہیں محرم الحرام کے آغاز سے قبل مختلف علاقوں میں مساجد وامام بارگاہوں کے اطراف اور جلوس ہائے عزا کے روٹس پر درپیش بلدیاتی مسائل پر تحریری رپورٹ بھی پیش کی۔ ڈپٹی کمشنر صاحب نے کل منعقدہ اجلاس میں تمام مسائل پر متعلقہ حکام کو ہدایات جاری کرنے کی یقین دہانی کروائی ساتھ ہی آئندہ چند روز میں مختلف امام بارگاہوں کے دورے کا بھی وعدہ کیا۔

وحدت نیوز(اسلام آباد) چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے اپنے بیان میں کہا ہے کہ پاکستان تحریک انصاف کے بانی عمران خان اور ان کی اہلیہ بشریٰ بی بی کے نکاح کیس میں سزا معطلی کی اپیلوں کو مسترد کرنا انتقامی کارروائی ہے، عدت کیس خالصتاً ایک شرعی مسئلہ ہے جسے عدالتوں کے ذریعے مذاق بنایا جا رہا ہے، عدلیہ کا وقار عدالتوں کے منصفانہ فیصلوں سے مشروط ہے، جو عدالتیں حقائق کو پیشِ نظر رکھنے کی بجائے ’’ مخصوص ڈکٹیشن ‘‘ پر فیصلے سناتی ہیں وہ اپنی قدر و منزلت کھو بیٹھتی ہیں، ملکی بہتری کے لیے بغیر دباؤ اور آزادانہ فیصلے ناگزیر ہیں، پاکستان میں سیاسی و اقتصادی استحکام کے لیے تمام اداروں کا ذمہ دارنہ اور اپنی اپنی آئینی حدود میں رہ کر کردار ادا کرنا انتہائی ضروری ہے۔

انہوں نے کہا کہ سوات میں ایک بے گناہ آدمی کو سرے عام قتل کیا گیا، انتہاء پسندی معاشرے کے لئے ناسور بن چکی ہے، کیسے لوگوں نے قانون کو ہاتھ میں لیا خود جج بن گئے خود فیصلہ کر لیا خود سزا بھی دے دی۔؟ ہمیں انتہا پسندی کو روکنا ہو گا یہ آگ ہمارے گھروں کو بھی جلائے گی، مسنگ پرسنز کا مسئلہ انتہائی درد ناک ہے، کئی مائیں اپنے بچوں کے انتظار میں دنیا سے چلی گئی ہیں، سیکورٹی ادارے مسنگ پرسنز کے حوالے سے لاعلم ہیں تو پھر کون انہیں اغوا کر رہا ہے، لاپتہ افراد جس قوم قبیلے سے بھی تعلق رکھتے ہوں ہمیں ان کے لئے آواز اٹھانا ہو گی، مسنگ کرنا غیر قانونی غیر آئینی ہے۔

وحدت نیوز(اصفہان) مجلس وحدت مسلمین شعبہ اصفہان کی جانب سے جشن عید غدیر کا انعقاد تفصیلات کے مطابق 25 جون 2024 کو مجلس وحدت مسلمین شعبہ اصفہان کی جانب سے مسجد حضرت خدیجہ سلام اللہ علیہا میں جشن عید غدیر کا انعقاد ہوا جس میں ایم ڈبلیو ایم شعبہ اصفہان کے اراکین نے بھرپور شرکت کی، جشن عید سعید غدیر میں مجلس وحدت مسلمین شعبہ اصفہان کے مسئول نے سب کو یوم غدیر کی مناسبت سے مبارک باد پیش کی۔

جشن عید سعید غدیر میں برادر محمد حسین ،بردر سید کمیل عباس موسوی، برادر میرزا محمد ، برادر فرقان حیدر ، برادر  فرحان حیدر اور بلبل اصفہان برادر غلام علی بلتستانی  نے اپنے مخصوص انداز میں مولا امیر المومنین علی ع کی شان میں مدح سرائی کی۔جشن میں یوم غدیر کی مناسبت سے کیک بھی کاٹا گیا۔اور برادر سید اسرار عباس نے دعائیہ کلمات سے پروگرام کا اختتام کیا۔

Page 6 of 1482

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree