وحدت نیوز (سکردو)  مجلس وحدت مسلمین کھرمنگ کے رہنما علامہ شیخ اکبر رجائی نے معروف مفکر اور سیاسی و سماجی رہنما ڈاکٹر کاظم سلیم کی کویت کونسل آف ریسرچ کی سربراہی کیلئے تعین ہونے پر مبارکبادی پیش کرتے ہوئے کہا کہ ڈاکٹر صاحب سے ہم توقع کرتے ہیں کہ آپ ہمیشہ اسی طرح ملک و قوم کا نام دنیا بھر میں روشن کرتے رہیں گے۔ واضح رہے کہ ڈاکٹر کاظم سلیم اس سے قبل بھی دنیا بھر میں خصوصا ایشائی و مشرق وسطیٰ کے ممالک میں بین المذاہب و بین المسالک ہم آہنگی میں اپنی خداداد صلاحیتیوں کا مظاہرہ کرتے ہوئے دنیا کو اسلام ناب محمدی کا روشن ترین پہلو کرچکے ہیں۔ اب کویت جیسے امیر مسلم ملک کے اعلیٰ ریسرچ کے ادارے کی سربراہی میں انکی صلاحیتوں کی شمولیت سے مسلم ممالک کے مسائل کی بہتر نشاندہی، ان کے حل اور اقوام عالم میں مسلمانوں کی حقیقی تابناک و روشن پہلووٗں کو اجا گر کرنے میں مدد ملے گی۔