وحدت نیوز (کراچی) مجلس وحدت مسلمین سندھ کے سیکریٹری جنرل علامہ مقصودعلی ڈومکی سے ماھ محرم الحرام کے حوالے سے صوبائی وزیر سید ناصر حسین شاھ کا ٹیلیفونک رابطہ، محرم الحرام سے متعلق انتظامات پر گفتگو کرتے ہوئے علامہ مقصودعلی ڈومکی نے کہا کہ صوبائی حکومت ایام عزا سے متعلق مسائل کو ترجیحی بنیادوں پر حل کرے صوبائی کابینہ کی جانب سے فوکل پرسن مقرر کیا جائے جو ایام عزا سے متعلق مسائل حل کرے۔انہوں نے کہا کہ واپڈا کو پابند کیا جائے کہ رات کو بجلی بند نہ کی جائے۔ بلدیہ جلوس عزا کے روٹس کی صفائی یقینی بناتے ہوئے مین ہول اور راستوں کی کھدائی اور گڑھوں کے مسائل حل کرے۔
انہوں صوبائی وزیر کو بتایا کہ کئی مقامات پر انتظامی میٹنگز میں ملت کی نمائندھ شخصیات کو بلانے کی بجائے خانہ پری کی جارہی ہے جوکہ کسی طور بھی مناسب نہیں۔اس موقعہ پر صوبائی وزیر سید ناصرعلی شاھ نے یقین دلایا کہ صوبائی حکومت عزاداروں سے مکمل تعاون کرتے ہوئے ایام عزا محرم الحرام کے دوران اپنے فرائض ادا کرے گی اور ان مسائل سے متعلق وزیراعلی سندھ کو بھی آگاہ کریں گے اور مکمل تعاون کیا جائے گا۔
