وحدت نیوز(اسلام آباد)مجلس وحدت مسلمین پاکستان کی مرکزی کابینہ کا اجلاس مرکزی چئیر مین حجت الاسلام و المسلمین سینیٹر علامہ راجہ ناصر عباس جعفری منعقد ہوا جس میں مرکزی کابینہ سے مرکزی وائس چئیر مین علامہ سید احمد اقبال رضوی جنرل سیکرٹری سید ناصر عباس شیرازی مرکزی ڈپٹی جنرل سیکرٹری سلیم عباس صدیقی مرکزی سیکرٹری سیاسیات سید اسد عباس نقوی مرکزی سیکرٹری تعلیم سید نجیب نقوی مرکزی صدر عزاداری ونگ ملک اقرار حسین اور معاون خصوصی علامہ سید زاہد کاظمی شریک ہوئے۔

 اجلاس میں ملکی صورتحال پر تشویش کا اظہار کیا گیا ملک میں بڑھتی ہوئی بدامنی ملکی سلامتی کے لیے بہت بڑا چیلنج قرار دیا ۔اجلاس میں فیصلہ کیا گیا کہ تنظیمی 3 سالہ ٹینور کے اختتام پر انشاء اللہ مرکزی کنونشن 18.19.20 اپریل اسلام آباد میں منعقد ہو گا کنونشن کے انتظامات کے حوالے سے مرکزی جنرل سیکرٹری سید ناصر عباس شیرازی کو چئیر مین کنونشن مقرر کیا گیا۔