The Latest
گلگت بلتستان قانون ساز اسمبلی کے سابق ڈپٹی اسپیکر اسد زیدی کو 2009 میں دہشتگردوں نے شہید کر دیا تھا، جس کے بعد دہشتگرد گرفتار کر لئے گئے تھے۔ انسداد دہشتگردی کی عدالت نمبر 2 کے جج سید محمد فیصل نے سابق ڈپٹی اسپیکر کے کیس کا فیصلہ سناتے ہوئے ۔جرم ثابت ہونے پر 5 مجرموں فیضان، بنیامین، فاروق احمد، میر باز اور ارشد امان کو 3 مرتبہ سزائے موت اور فی کس 3 لاکھ روپے جرمانہ جبکہ ایک مجرم شکیل احمد کو 3 مرتبہ عمر قید اور 50 ہزار روپے جرمانہ جبکہ دیگر 2 مجرموں امجد علی اور منصور کو پانچ پانچ سال قید کی سزا اور پچاس پچاس ہزار روپے جرمانے کی سزا سنائی ہے جبکہ 2 ملزمان کو شک کا فائدہ دیتے ہوئے بری کر دیا گیا ہے۔یاد رہے کہ قانون ساز اسمبلی گلگت بلتستان کے سابق ڈپٹی اسپیکر سید اسد زیدی کو 2 ساتھیوں سمیت 20 اپریل 2009 کو گلگت کشروٹ کے مقام پر کلاشنکوف سے فائرنگ کرکے شہید کیا گیا تھا۔ سزا پانے والے ملزمان کو فیصلے کے خلاف چیف کورٹ میں اپیل کا حق دیا گیا ہے۔ فیصلے کے وقت عدالت میں سکیورٹی کے سخت انتظامات کئے گئے تھے۔
قرآن و سنت کانفرنس کی کامیابی میں نوجوانوں کا کردارقابل ستائش ہے۔حسینی فکر سے آراستہ نوجوان ملت جعفریہ کا قیمتی سرمایہ ہیں۔ ان خیالات کا اظہار مجلس وحدت مسلمین پاکستان کے مرکزی سیکرٹری برائے امور جوانان علامہ اعجاز حسین بہشتی نے مرکزی سیکرٹریٹ مجلس وحدت مسلمین پاکستان کے میڈیا سیل کے دورے پر گفتگو کرتے ہوئے کیا۔ ان کا کہنا تھا کہ مینار پاکستان کے سائے تلے ملی جذبے سے سرشار ہماری نوجوان نسل نے منظم اور بھرپور شرکت کرکے دنیا کو پیغام دیا ہے کہ وہ تحریک کربلا کے حقیقی وارث ہیں اور ان کے لئے حضرت علی اکبر اور حضرت قاسم کی زندگیاںمشعل راہ ہیں۔ علامہ اعجاز بہشتی نے تیس جون کو پولیس انتظامیہ کی غندہ گردی کے حوالے سے بتایا کہ پولیس نے جب مزدوروں کو کام سے روکااور دھمکیاں دینا شروع کیں توپنڈال میں موجود نوجوانوں نے ان کی ہمراہی میں پنڈال میں خود کرسیاں لگانے کا کام شروع کر دیا۔اس وقت لبیک یا حسین کو صدائیں مینا ر پاکستان میں گونج رہی تھیں اور نوجوانوںکا جذبہ دیدنی تھا۔ انہوں نے کہا کہ کراچی سے خبیر اور کوئٹہ سے گلگت بلتستان تک ملک کے گوشے گوشے سے جوان اس کانفرنس میں شریک ہوئے ۔ ہماری نوجوان نسل جس سے ہمارا مستقبل وابستہ ہے مجلس وحدت مسلمین پاکستان کے دست و بازو ہیں۔ انہوں نے اس امید کا اظہار کیا کہ ماضی کی طرح آئندہ بھی نوجوان نسل بیداری کا ثبوت دیتے ہوئے مجلس وحدت مسلمین کے پیغام وحدت و بیداری کو ہر سطح پر عام کرنے میں اپنا کردار ادا کرتی رہے گی۔
عوامی جمہوریہ چین کے دفتر خارجہ نے اپنے پالیسی بیان میں کہا ہے کہ مغرب کی جانب سے اسلامی جمہوریہ ایران کے خلاف لگائی جانے والی پابندیاںنہ صرف بلاجواز ہیں بلکہ انہیں کسی صورت قبول نہیں کیا جا سکتا۔ چین اپنی ضروریات کو مدنظر رکھتے ہوئے ایران سے خام تیل کی برآمد جاری رکھے گا۔ چینی دفتر خارجہ کے ترجمان نے میڈیا سے گفتگو کرتے ہوئے اپنے ملک کے موقف کودہراتے ہوئے مزید کہا کہ چین کی طرف سے ایران پر پابندیوں کی مخالفت انہوں نے اپنے ملکی قوانین کی روشنی میں کی ہے جس میںہمارا موقف یہ ہے کہ کسی تیسرے ملک کے حوالے سے پابندیاں بلاجواز ہیں۔
مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے قرآن و سنت کانفرنس کے کامیاب انعقاد پر پوری ملت جعفریہ کو ہدیہ تبریک پیش کرتے ہوئے کہا ہے مینار پاکستان کے سائے تلے ملت جعفریہ کے علمائ، زعمائ، ذاکرین، عزادار اور ماتمیوں نے وحدت کے پلیٹ فارم پر اکٹھے ہو کر جہاں شعیہ قوم کے اتحاد کا خواب شرمندہ تعبیر کیا ہے وہاں اسلام اور پاکستان کے دشمنوں کو پیغام دیا ہے کہ ملت جعفریہ مادر وطن کی سالمیت ، خودمختاری، اور وطن عزیز کے اندرونی و بیرونی دشمنوں کے ناپاک عزائم کو خاک میں ملانے کے لئے ہمہ وقت پرعزم ہے۔ ان کا کہنا تھا کہ وطن عزیز کی جغرافیائی و نظریاتی سرحدوں کے حقیقی محافظین پاکستانی معاشرے سے دہشت گردی، فرقہ واریت اور مذہبی منافرت کا خاتمہ کرتے ہوئے امت مسلمہ کی صفوں میں اتحاد کے فروغ کے لئے شہید قائد کے خواب کی فکر کو عملی جامہ پہنائے گی۔ علامہ ناصر عباس جعفری نے قرآن و سنت کانفرنس میں شرکت اور اس کو کامیاب بنانے پر ملت کے علمائ، ذاکرین، زعمائ، ماتمی، عزادار بزرگ، خواتین،اور نوجوانوں کا شکریہ ادا کرتے ہوئے کہا کہ کانفرنس کی کامیابی میں قوم شیعہ کے ہر فرد کا کردار قابل ستائش ہے اور مجلس وحدت مسلمین پاکستان آپ تمام کا دل کی اتاہ گہرائیوں سے شکریہ ادا کرتی ہے۔
ملت تشیع پاکستان نے ثابت کر دیا ہے کہ وہ پاکستان کے بانی تھے اور آج بھی جب ہمارا ملک تاریخی مشکل دور سے گذر رہا ہے تو اس ملک کو بچانے کیلئے ملت تشیع پاکستان میدان میں موجود ہے۔ ہم ملت تشیع پاکستان کو مینار پاکستان کے سائے تلے قرآن و سنت کا احیاء کرتے ہوئے عظیم الشان تاریخی قرآن وسنت کانفرنس منعقد کرنے پر مبارکباد پیش کرتے ہیں اور اسی طرح مجلس وحدت مسلمین پاکستان کے تمام اراکین، مسئولین اور خصوصاً مرکزی سیکرٹری جنرل علامہ ناصر عباس جعفری کو بھی سلام پیش کرتے ہیں، جنہوں نے اپنی انتھک محنت سے آج پھر پاکستان اور ملت تشیع کے دشمنوں کو مایوس کیا ہے۔ شہر لاہور میں ہونے والے اس عظیم اجتماع نے ثابت کر دیا ہے کہ قوم علماء کو کبھی مایوس نہیں کرے گی اور وہ ہر وقت میدان میں حاضر ہے۔ اب یہ علماء کی ذمہ داری ہے کہ اپنی صفوں میں وحدت کو مضبوط کرتے ہوئے اس مظلوم قوم کے حقوق کے دفاع، حصول اور عصر حاضر کے یزید کو شکست دینے کیلئے بہترین منصوبہ بندی کریں اور قوم کو واضح پروگرام دیں۔آج کا عظیم الشان اجتماع پاکستان سمیت پوری دنیا میں لائیو دیکھا گیا، مجلس وحدت مسلمین قم کے میڈیا سیل کے توسط سے حوزہ علمیہ قم میں موجود پاکستانی علماء وطلاب کیلئے بھی اسے لائیو نشر کیا گیا۔ اس موقع پر دینی طلاب کے جذبات قابل دید تھے۔ وہ ملت کے ساتھ ملکر نعروں کا جواب دے رہے تھے، حوزہ علمیہ قم کے دینی طلاب نے مجلس وحدت مسلمین کی جانب سے پیش کئے گئے سیاسی روڈ میپ کی مکمل حمایت کا اعلان کیا۔ اسی طرح تمام مطالبات اور وارننگز جو سیکرٹری جنرل علامہ ناصر عباس جعفری نے حکومت کے سامنے رکھے، کی مکمل تائید کی گئی۔
سلطان ذاکرین سید خدا بخش قیصر بخاری نے کہا کہ انہیں ایسی جماعت چاہیے تھی جو عزاداری کا تحفظ یقینی بنائے اور قوم کی آواز کو بلند کرے، الحمد اللہ مجلس وحدت مسلمین کی شکل میں وہ جماعت مل چکی ہے، ہم ایم ڈبلیو ایم کے تمام علمائے کرام کو یقین دہانی کراتے ہیں کہ ہمیں جب بھی پکارا جائے گا تو ہم میدان میں ہونگے اور اس رستے میں ہر قربانی دینے کیلئے تیار ہیں۔ انہوں نے کہا کہ وہ تمام ذاکرین عظام کی طرف سے قرآن و سنت کانفرنس اور مجلس وحدت مسلمین کی مکمل حمایت کا اعلان کرتے ہیں اور امید کرتے ہیں کہ انشاءاللہ یہ کاروان یونہی چلتا رہے گا۔انکا کہنا تھا کہ مجلس وحدت نے موقع فراہم کیا ہے کہ ہم اپنا موقف پیش کریں اور قومی معاملات پر اپنا موقف بیان کریں۔ انہوں نے کہا کہ پاکستان کو بنانے والے شیعہ تھے اور پاکستان کو بچانے والے بھی شیعہ ہی ہونگے۔ لہٰذا پاکستان کے اندر باقی شہریوں کی طرح جینے کا حق دیا جائے، ملک بھر میں شیعہ نسل کشی جاری ہے، جسے روکا جائے۔ انہوں نے کہا کہ وہ مجلس وحدت کے شکر گزار ہیں، جنہوں نے قومی معاملات پر انہیں موقع فراہم کیا اور اپنی قوت سمجھا۔ انہوں نے اس امید کا اظہار کیا کہ مجلس وحدت مسلمین ہمیں ہروقت اور ہر موقع پر ملت کی خدمت کیلئے ساتھ رکھے گی۔
مینار پاکستان کے سائے تلے منعقد ہونے والی قرآن و سنت کانفرنس کے انعقاد کے بعد صحافیوں میں شرکاء کی حتمی تعداد کے بارے میں مختلف تبصرے دیکھنے کو ملے، مجلس وحدت مسلمین کے زیر اہتمام منعقد ہونے والی تاریخی کانفرنس کی کوریج کرنے والے میڈیا نمائندوں کی اکثریت کا اس امر پر اتفاق تھا کہ شرکاء کی تعداد اڑھائی لاکھ کے قریب تھی، صحافیوں کا غیر رسمی گفتگو میں کہنا تھا کہ مذکورہ کانفرنس مینار پاکستان پر اس سے قبل منعقد ہونے والی دفاع پاکستان کونسل اور پاکستان تحریک انصاف سے بڑی کانفرنس تھی۔
مجلس وحدت مسلمین پاکستان کی عظیم الشان قرآن و سنت کانفرنس میں مختلف قراردادوں کی منظوری دیتے ہوئے ملک میں بڑھتی ہوئی امریکی مداخلت پر تشویش کا اظہار کیا گیا اور اسے پاکستان کے استحکام کے لیے بڑا خطرہ قرار دیا گیا۔ قرارداد میں اس عزم کا اظہار کیا گیا ہے کہ پاکستان میں تمام حقیقی گروہوں کے ساتھ ملکر امریکی استعمار کے خلاف جدوجہد کی جائے گی، تاکہ پاکستان کی آزاد خارجہ پالیسی تشکیل دی جا سکے۔
دوسری قرار داد میں پاکستان میں اقتصادی بدحالی، بڑھتی ہوئی غربت، مہنگائی، بدامنی اور لوڈشیڈنگ کا ذمہ دار موجودہ اور سابقہ حکمرانوں کی غلامانہ پالیسیوں کو قرار دیتے ہوئے مجلس وحدت مسلمین کے پاکستان کی آزاد داخلہ پالیسی کی تشکیل اور دیگر عوامی مسائل کے حل کے لیے بھرپور جدوجہد کرنے کا اعلان کیا گیا۔
تیسری قرارداد میں مجلس وحدت مسلمین نے پاکستان کی نظریاتی و جغرافیائی سرحدوں کی حفاظت کے لیے ہر قربانی دینے کے عزم کا اظہار کرتے ہوئے ملک میں فرقہ واریت، دہشتگردی اور عدم استحکام کی ہر سازش کے خلاف سینہ سپر رہنے کا بھی اعلان کیا گیا۔
چوتھی قرارداد میں مجلس وحدت مسلمین نے دنیا بھر کی اسلامی تحریکوں کی حمایت کا اعادہ کرتے ہوئے کہا کہ تمام اسلامی دنیا میں امریکی مفادات کے خلاف جدوجہد میں ایم ڈبلیو ایم ان کی ساتھی اور معاون رہے گی۔ قرارداد میں مشرق وسطٰی میں پیدا ہونے والی حالیہ اسلامی بیداری کو امریکی و اسرائیلی استعمار کے خلاف عوامی جدوجہد کا حاصل قرار دیتے ہوئے اس کی مکمل حمایت کا اعلان کیا گیا۔
پانچویں قرارداد میں مجلس وحدت مسلمین نے رہبر انقلاب اسلامی سید علی خامنہ ای کی بابصیرت و مدبرانہ قیادت پر بھرپور اعتماد کا اعادہ کرتے ہوئے، ان کی عالمی جدوجہد کا حصہ بننے کو ایم ڈبلیو ایم کے لئے فخر قرار دیا۔
چھٹی قرارداد میں ملت تشیع کی پاکستان میں جاری ٹارگٹ کلنگ کو ملک کے فطری دفاع کو کمزور کرنے کی سازش قرار دیا اور اس عزم کا اظہار کیا کہ مجلس وحدت مسلمین استحکام پاکستان کے لیے مضبوط شیعیت کو ممکن بنانے کے لیے ہر ممکن اقدام کرے گی۔
ساتویں قرارداد میں پاکستان میں بے گناہ شیعہ جوانوں، تنظیموں، گروہوں کے خلاف کارروائی کی مذمت کرتے ہوئے واضح کیا گیا کہ مجلس وحدت مسلمین پاکستان عزاداری، مساجد، اور امام بارگاہوں پر کوئی قدغن برداشت نہیں کرے گی، اور ایسا کوئی بھی اقدام ہمارے آئینی حقوق کی خلاف ورزی ہوگا۔
دیگر قراردادوں میں مجلس وحدت مسلمین نے جامعہ پنجاب میں فرقہ پروستوں کے ہاتھوں شیعہ طلباء پر مسلسل حملوں کی مذمت کی اور پاکستان میں شیعیان حیدر کرار کی نسل کشی پر عدلیہ کی خاموشی پر شدید تحفظات کا اظہار کیا گیا۔ پاکستان کے موجودہ بحرانوں کا حل قرآن وسنت کے حقیقی پیروی کو قرار دیا گیا۔
مینار پاکستان پر قرآن وسنت کانفرنس سے خطاب کرتے ہوئے ایم ڈبلیو ایم کے مرکزی سیکرٹری جنرل کا کہنا تھا کہ پاکستان میں دہشتگردی کے اڈے امریکی سفارتخانے ہیں، جب تک ان سفارت خانوں کو بند نہیں کیا جاتا اس وقت تک ملک سے فرقہ واریت اور دہشتگردی خاتمہ ممکن نہیں ہے۔اسلام ٹائمز۔ مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ ہم عالمی استعمار امریکہ کو بتا دینا چاہتے ہیں کہ اس دنیا پر حاکمیت کا حق صرف اللہ کا ہے، جب اللہ کا امام آئے گا تو دنیا سے یزیدیت خود بخود مٹ جائے گی۔ انہوں نے کہا کہ شہداء ملت جعفریہ کے قاتلوں کو کیفر کردار تک پہنچائے بغیر چین سے نہیں بیٹھیں گے، اس سال کو آمادہ رہنے اور میدان میں رہنے کا سال قرار دیا گیا ہے۔ ان خیالات کا اظہار انہوں نے مینار پاکستان لاہور میں منعقدہ قرآن و سنت کانفرنس سے خطاب کرتے ہوئے کیا، اس موقع پر انہوں نے کہا کہ دشمن کا مقابلہ منظم ہوکر ہی کیا جاسکتا ہے۔ جس دن تیس لاکھ شیعہ اکھٹے ہوگئے کوئی ہمارا حق نہیں چھین سکے گا۔ ہم ظالموں سے خنجر چھین کر انہی کے سینے میں گھونپیں گے۔علامہ ناصر عباس جعفری نے کہا کہ ملک کی موجودہ صورتحال برقرار رہی تو پارلیمنٹ سمیت جی ایچ کیو کا گھیراؤ کریں گے۔ جن اداروں کی ذمہ داری سیکیورٹی ہے انہوں نے اپنی ذمہ داریاں ادا نہ کیں تو ہم انہیں گھروں سے نکلنے نہیں دیں گے۔ انہوں نے کہا اگر دہشتگردوں کا راستہ حکومت نے نہ روکا تو ہم مجبور ہوجائیں گے کہ ان کا راستہ روکیں۔ ان کا کہنا تھا کہ امریکی ڈرون حملوں کی مذمت کرتے ہیں، کیوں کہ یہ ہماری سالمیت کیخلاف ہے۔ دہشتگردوں کے خلاف کارروائی ہماری فوج کرے نہ کہ امریکہ۔ انہوں نے کہا کہ امریکہ پر اعتماد نہ کیا جائے، ڈاکٹر عافیہ صدیقی جو وطن کی بیٹی ہے اگر ہندو بھی ہوتی تو ہم حمایت کرتے ہیں، مجلس وحدت مسلمین اُس کی ملک واپسی کا مطالبہ کرتی ہے اور حکومت سے تقاضہ کرتی ہے کہ وہ اسے وطن واپس لانے کے اقدامات کرے۔
انہوں نے کہا کہ پاکستان میں شیعہ سنی اکھٹے رہتے تو آج قوم ذلیل وخوار نہ ہوتی، آج کے بعد کوئی سیاسی پارٹی شیعوں کو دھوکہ نہیں دے سکے گی، یہ ووٹ کسی سیاسی جماعت کیلئے نہیں بلکہ علی ع اور حسین ع کا ہے، انہوں نے کہا کہ ہم آئندہ کسی دہشتگرد کو پارلیمنٹ میں نہیں جانے دیں گے، ہماری جانب سے معتدل غیرت مند شیعہ سنی امیدوار پارلیمنٹ جائیں گے، علامہ راجہ ناصر عباس نے کہا کہ ملک میں بھرپور سیاسی کردار ادا کریں گے اور آئندہ الیکشن میں طاقتور مرکزی حکومت لائیں گے تاکہ امریکہ کا راستہ روکا جاسکا۔ اور ملک سے منافرت کا خاتمہ ہوسکے۔ انہوں نے کہا کہ اہل سنت بریلوی حضرات کے بعد شیعہ دوسری بڑی قوت ہیں، ہم بکنے والے نہیں ہیں۔ انہوں نے کہا کہ ایک وقت آئے گا جب شیعہ پاکستان کی طاقتور قوم ہوگی اور ہم دوسروں کو بھی مضبوط بنائیں گے۔ انہوں نے کہا کہ اب ہم نے مجالس کیلئے کوئی اجازت نہیں مانگنی، یہ ہمارا آئینی حق ہے، جہاں دل کرے گا وہیں پر عزارداری کریں گے۔ انہوں نے کہا کہ اگر اس ملک میں عزاداری امام حسین ع عام ہوتی تو آج دہشتگردی عام نہ ہوتی۔ انہوں نے کہا کہ تمام سیاسی پارٹیوں سے کہتا ہوں کہ اگر جس پارٹی نے دہشتگردوں سے کوئی معاہدہ کیا شیعہ قوم اس پارٹی کو ووٹ نہیں دیگی۔ علامہ راجہ ناصر نے کہا کہ پنجاب حکومت نے دہشتگرد چھوڑ دیئے لیکن مولانا غلام رضا نقوی آج بھی جیل کی سلاخوں کے پیچھے بند ہیں۔ ہم ان کی رہائی کا مطالبہ کرتے ہیں، انہوں نے کہا کہ اگر ان کی رہائی عمل میں نہ لائی گئی تو ہم سمجھنے پر مجبور ہونگے کہ تم لوگ شیعیوں کے دشمن ہو۔ انہوں نے کہا کہ کوئٹہ برسوں سے لہو لہو ہے، اگر ہم آج منظم ہوجائیں تو حالات بہتر ہوسکتے ہیں، انہوں نے کہا کہ پی پی پی سے کہتا ہوں کہ اگر اس نے ملک بھر میں شیعیوں کی نسل کشی نہ رکوائی تو ہم پیپلزپارٹی کو ووٹ نہیں دیں گے۔ اور پاکستان کے شیعہ اسلام آباد کی طرف رخ کریں گے۔
انہوں نے کہا کہ قوم تیاری کرے ہم ان یزیدیوں کو سبق سکھائیں گے۔ مجلس وحدت مسلمین ماتمی انجمنوں، علماء، اور نوجوانوں کا پلیٹ فارم ہے اور اس کا ایک نعرہ ہے، لبیک یاحسین ع۔ انہوں نے کہا کہ جماعت اسلامی نے پنجاب یونیورسٹی میں غنڈے پال رکھے ہیں، اگر انہیں قابو نہ کیا گیا تو جماعت اسلامی والے بھی کھلے عام چل پھر نہیں سکیں گے۔ انہوں نے ن لیگ کو مخاطب کرتے ہوئے کہا کہ وہ رانا ثناء اللہ کے دھوکے میں نہ آئے، اور دہشگردوں کو سپورٹ کرنے سے باز آئے۔
مجلس وحدت مسلمین پاکستان کے شعبہ امور جوانان کے مرکزی سیکرٹری علامہ اعجاز حسین بہشتی نے کہاہے کہ اگر چودہ صدیوں سے آج تک اذان کے آواز بلند ہورہی ہے ، مساجد اور امام بارگاہیں آباد ہیں اور عزاداری سید الشہداء (ع) کا سلسلہ جاری ہے تو اس کی تین وجوہات ہیں، ایک یہ کہ تصور امامت زندہ ہے اور ہمارا امام حاضر ہماری سرپرستی کررہے ہیں دوسری وجہ ہمارے شہداء کا خون ہے جو ہماری سربلند ی کی بنیاد ہے ۔آقای بہاولدینی نی فرمایا کہ وہ مکتب جس کی بنیادوں میں حسین (ع) کا خون شامل ہو اسے کوئی یزید اور فرعون شکست نہیں دے سکتا۔انہوں نے کہا کہ ہمارے مکتب کے زندہ رہنے کی تیسری وجہ کردار زینب (س) اور کردار سجاد(ع) ہے ، یزید نے ہر ممکن کوشش کی کہ امام حسین (ع) کی صدائے ھل من ناصر دب جائے ، علی اکبر (ع) کا خون چھپ جائے لیکن زینب (س) اور سجاد(ع) نے ہاتھوں میں ہتھکڑیاں اور پاؤں میں بیڑیا پہن کر کوفہ و شام کے درباروں اور بازاروں میں حسینیت کا دفاع کیا۔ آج اگر دنیا کے کونے کونے میں حسین (ع) کا نام سربلند ہے تو وہ زینب(س) کا صدقہ ہے، ہم خون شہداء کی قسم کھا کر کہتے ہیں کہ ہم اپنے شہداء کا خون چھپنے نہیں دیں گے اور اس وقت تک چین سے نہیں بیٹھیں گے جب تک قومی اسمبلی میں علم عباس (ع) لہرا نہ دیں۔
