The Latest
وحدت نیوز (ڈیرہ الہیار) آئین میں اکیسویں ترمیم پاکستان سے دہشت گردی کے ناسور کے خاتمہ میں معاون ثابت ہو سکتی ہے مگر اس کیلئے جرا ئت مند اور نڈر قیادت کا ہونا ضروری ہے، حکومت تعصب ،خوف و ڈر اورسیاسی بلیک میلنگ کا شکار نہ ہو اور اپنے اداروںپر اعتماد کرتے ہوئے غیر متعصبانہ اقدامات اٹھائے اورپاکستان کو دہشت گردوں کی یرغمالی سے نجات دلانے کیلئے آگے بڑھے۔ ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے بلوچستان کے ضلع جعفر آباد کی تحصیل ڈیرہ الہیار میں پر ہجوم پریس کانفرنس سے خطاب کرتے ہوئے کیا۔
انہوں نے کہا پاکستان اس وقت نازک دور سے گذر رہا ہے ملکی سلامتی اور بقا کے لئے ہر قسم کی دہشت گردی کو کچلنے کی ضرورت ہے مذہبی انتہا پسندی معاشرے کو دیمک کی طرح چاٹ رہی ہے مخصوص سوچ کے حامل تکفیری گروہ نے پاکستان کو دوراہے پر لا کھڑاکیا ہے یہ گروہ بیرونی ملک دشمن قوتوں کے آلہ کار کے طور پر کام کر رہے ہیں اور اپنے سوا سب کو کافر اور واجب القتل سمجھتے ہیں پاکستان کے ہزاروں شہداء کے بے گناہ خون کا حساب لئے بغیر امن کا قیام ناممکن ہے انہوں نے کہا کہ تمام مکاتب فکر اور سیاسی و مذہبی جماعتیں ملکی بقا اور استحکام کے لئے سبز ہلالی پر چم تلے متحد ہوں یہی دہشت گردی کی عفریت سے نجات کا واحد راستہ ہے۔
علامہ راجہ ناصر عباس جعفری کا کہنا تھا کہ ملک سے سیاسی ،مذہبی اور لسانی دہشت گردی کا بلا امتیاز خاتمہ ضروری ہے وہ دس فیصد مدارس جس کی نشان دہی خود ورزیر داخلہ کر چکے ہیں ان کے خلاف اب تک کاروائی سے گریز کیوں کیا جا رہا ہے ،کیا حکمران ایک اور سانحہ پشاور کے منتظر ہے ؟ہم خدا وند متعال کے شکر گذار ہے کہ آج پاکستان کے تمام سیاسی جماعتیں ہماری موقف کی تائید کر رہی ہیں جس کوہم پچھلے پندرہ سال سے دوہراتے آ رہے ہیں ہم دیر آئد درست آید کی مصداق ان اقدامات کی مکمل حمایت کرتے ہیں، علامہ راجہ ناصر عباس جعفری نے اس موقع پر لاہور ایوان اقبال میں 11 جنوری کو رسول اعظم امن کانفرنس کے انعقاد کا اعلان بھی کیا جس میں پاکستان کے تمام سیاسی و مذہبی جماعتوں کے رہنما شریک ہوں گے۔
وحدت نیوز (پنجاب) مجلس وحدت مسلمین پاکستان کے زیراہتمام ملک بھر میں جشن عید امیلادالنبی ۖ کے سلسلے میں گلگت بلستان اور آزاد کشمیر سمیت چاروں صوبوں کے تمام اضلاع میں ریلیوں کا انعقاد کیا گیا، اس موقع پر جلوسوں کے راستوں میں استقبالیہ کیمپس لگائے گئے اور عاشقان رسول ۖ پر گل پاشی کی گئی ، ایم ڈبلیو ایم میڈیا سیل سے جاری تفصیلات کے مطابق، مجلس وحدت مسلمین پنجاب کے سیکرٹری جنرل علامہ عبدالخالق اسدی نے سر گودہا میں میلاد النبی ۖ کے مرکزی جلوس کا پر تپاک استقبال کیا لاہور میں مجلس وحدت مسلمین لاہور کے زیر اہتمام دس سے زائد مقامات پر میلاد پاک کے جلوسوں کے لئے استقبالی کیمپ اور شرکاء جلوس کے لئے سبیلوں اور لنگر کا خاطر خواہ انتظام کیا گیا تھا شاہ عالمی چوک پر مجلس وحدت مسلمین نمک منڈی یونٹ کے زیر اہتمام جلوس میلاد کا شاندار استقبال کیا گیا علامہ امتیاز کاظمی ،سید اسد عباس نقوی ،رانا مبارک علی،رانا قاسم علی و دیگر سینکڑوں کارکنان نے شرکاء جلوس پر گل پاشی کی اور خوش آمدید کہا اور اتحاد امت کے شعار بلند کرتے رہے رنگ محل چوک پر مجلس وحدت مسلمین لاہور ڈویژن کے زیر اہتمام مرکزی استقبالی کیمپ سے جلو س عید میلاالنبی کا شاندار استقبال کیا گیا جہاں شیخ عمران علی ،سید حسین زیدی ،علامہ جعفرموسوی نے شرکاء جلوس میں شامل اہلسنت زعماء کی دستار بندی کی اور خوش آمدید کہا اسلام پورہ حیدر روڈ مسجد صاحب الزمان پر مجلس وحدت مسلمین اسلام پورہ یونٹ کے زیر اہتمام عید میلاد النبی ۖ کے جلو کا پر تپاک استقبال کیا گیا جلو س کے شرکاء سے خطاب میں مجلس وحدت مسلمین لاہور کے سیکرٹری جنرل علامہ امتیاز کاظمی کا کہنا تھا کہ رسول اعظم خاتم انبیاۖ کی ذات اقدس وحدت کا مرکز ہے آج فرزندان اسلام پر فرض ہے کہ وہ حضور پاک کی ذات اقدس کو محور بنا کرمتحد ہوں اور وطن عزیز کے دشمنوں کے مذموم عزائم خاک میں ملادیں اور دہشت گردوں کو تنہا کر کے اس ملک کو امن کا گہوارہ بنائیں مجلس وحدت مسلمین نشتر ٹاون ،ٹاوُن شپ،واہگہ ٹاوُن اور لاہور کینٹ میں بھی جلوس ہائے میلاد پاک کا بھر پور استقبال کیا گیااسلام آباد کے سیکٹر جی ٹن سے برآمد ہونے والی ریلی میں علامہ اصغر عسکری نے وفد کے ہمراہ شرکت کی۔ ایم ڈبلیو ایم بلوچستان اسمبلی کے رکن آغا محمد رضا اور شوریٰ عالی کے رکن علامہ ہاشم موسوی نے کوئٹہ میں کندھاری امام بارگاہ سے میزان چوک تک نکالی جانیوالی ریلی کی قیادت کی۔مجلس وحدت مسلمین ضلع راولپنڈی کی جانب سے جامع مسجد روڈ پر استقبالیہ کیمپ لگایا اور نعت خوانی کے مقابلے کرائے گئے۔ اس موقع پر تحریک اسلام کے صدر علامہ حیدر علوی سمیت متعد سنی رہنماوں نے کیمپ کا دورہ کیا اور خطابات کیے۔ کیمپ میں مجلس وحدت مسلمین پنجاب کے ترجمان علامہ محمد اصغر عسکری اور ضلع راولپنڈی کی قیادت دن بھر موجود رہی۔ اس موقع پر اتحاد وحدت کا عظیم الشان مظاہرہ کیا گیا۔ کیمپ میں دن بھر نعت خوانی کے مقابلے کرائے گئے جس میں نعت خوانوں نے گلائے عقیدت کے پھول نچھاور کیے۔ مرکزی جلوس سے خطاب کرتے ہوئے ایم ڈبلیو ایم پنجاب کے ترجمان علامہ اصغر عسکری کا کہنا تھا کہ شیعہ سنی اتحاد ہی پاکستان کا اصل چہرہ ہے ، آج دشمن دیکھ لے کہ ہم ایک ہیں، شیعہ سنی میں کوئی تفریق نہیں چند مٹھی بھر تکفیری ملک کے امن کے درپے ہیں۔ انہوں نے کہا کہ پوری قوم ملٹری کورٹس کے قیام کا خیرمقدم کرتی ہے اور توقع کرتی ہے کہ قومی ایکشن پلان پر جلد عمل کیا جائیگا۔ انہوں نے کہا کہ نام بدل کرکے کام کرنے والی تمام کالعدم جماعتوں کو بین کیا جائے اور ان کی سرگرمیوں پر پابندی عائد کی جائے۔ انہوں نے کہاحضرت رسول خدا ۖ کی ذات مرکز وحدت ہے جس پر پوری امت مسلمہ متحد ہے۔ ضرورت اس امر کی ہے کہ ہم اس ہستی کی تعلیمات کو فروغ دیں اور دشمن کی سازشوں کو سمجھیں۔ علامہ حیدر علوی کا کہنا تھا کہ ہم پاک فوج کے ہر اقدام کی تائید کرتے ہیں اور توقع کرتے ہیں کہ دہشتگردوں کو عبرت کا نشان بنا دیا جائیگا۔نعت خوانی میں حصہ لینے والے نعت خوانوں میں ٹرفیاں تقسیم کی گئیں۔
وحدت نیوز (مظفرآباد) مجلس وحدت مسلمین آزاد جموں و کشمیر ضلع مظفرآباد کے زیر اہتمام جشن عید میلاد النبی ﷺ پرعظیم الشان ریلی کا انعقاد کیا گیا، ریلی کا آغازریاستی سیکرٹریٹ مجلس وحدت مسلمین آزاد جموں وکشمیر سے ہوا، ریلی میں کثیر تعداد میں میں مجلس وحدت مسلمین کے کارکنان و عہدیداران نے شرکت کی ، ریلی کی قیادت سیکرٹری جنرل مجلس وحدت مسلمین علامہ سید تصور حسین نقوی الجوادی ، ریاستی کابینہ ، ضلعی سیکرٹری جنرل مولانا سید طالب حسین ہمدانی و ضلعی کابینہ نے کی، ریلی شہر کی مین شاہرا بینک روڈ سے ہوتی ہوئی مرکزی جلوس میں شامل ہوئی ، جبکہ فضا لبیک یا رسولؐ اللہ کے نعروں سے گونجتی رہی ، مرکزی جلوس میں شامل ہونے پر انجمن تاجران مدینہ مارکیٹ،دعوت اسلامی،سیرت کمیٹی اور تحریک منہاج القرآن نے پرتباک استقبال کیا ۔
وحدت نیوز(مظفرآباد) سیکرٹری جنرل مجلس وحدت مسلمین علامہ سید تصور حسین نقوی الجوادی نے تاجر برادری و اہلسنت تنظیمات کی طرف سے لگائے گئے استقبالیہ کیمپوں میں اپنے خطبات میں کہا کہ شیعہ سنی وحدت ہی ملک و قوم کی بقاء ہے، وہ ملک کہ جس کی بنیاد لا الہ الا اللہ محمد رسول اللہ پر ہو ، اس ملک کے وسیع تر مفاد میں ہے کہ ملک کے حقیقی فرزند ایک پیج پر ہوں ، دشمنان اسلام و پاکستان کے خلاف کمر بستہ ہوں، قائداعظم و اقبال کے پاکستان کے حقیقی وجود کی خاطر اتحاد و یگانگت ہی واحد راستہ ہے، ہفتہ وحدت اسی عنوان سے منا رہے ہیں کہ وقت کی اہم ضرورت ہے کہ مسلمان وحدت کے پرچم تلے ایک ہوجائیں ، آج وقت کا طاغوت اپنی پوری توانایاں صرف کیئے ہوئے ہے کہ کسی طرح سے ملک و قوم کو نقصان پہنچایا جائے، مسلمانوں کو آپس میں لڑایا جائے، ظلم کا بازار گرم کیا جائے، اس بات کا عملی ثبوت کہیں ننھے پھولوں کو گولیوں سے بھون کر دیتا ہے، کہیں اساتذہ کو جلا کر دیتا ہے، کہیں مساجد میں حملے کر کے بتاتا ہے، کہیں امام بارگاہوں کو نشانہ بنا کر دکھاتا ہے، کہیں مزارات کو مسمار کر کے اپنے مقاصد کی تکمیل چاہتا ہے ، کہیں پرامن و نہتے شہریوں کی جانیں لیکر ملک و قوم کو ٹکڑوں میں تقسیم کرنا چاہتا ہے ،انہوں نے کہا کہ ضرورت اس امر کی کہ ہم دشمن شناس بن جائیں ، فروعی اور نہ ہونے کے برابر اختلاف کو ہوا دینے والوں کو تسلیم نہ کریں ، انہیں کالی بھیڑیں قرار دیکر اپنی صفوں سے نکال باہر کریں ، ہاتھوں میں ہاتھ ڈال کر ، کندھے سے کندھا ملا کر اغیار یا اغیار کے ایجنٹوں کو اپنے درمیان آنے کی جگہ نہ دیں ، ظلم و جبر کے خلاف ایک ہو جائیں ، رحمت دو عالم ؐ کے پرچم تلے جمع ہو جائیں۔
انہوں نے کہا کہ الحمداللہ پاکستان و خصوصاً پرامن خطہ آزاد کشمیر میں ہم سب کا ایک ہونا دنیا کے لیئے واضح پیغام ہے کہ ہم عاشقان رسول ؐ و آل ؑ رسول ؑ ہیں ، ہم بہادروں کے بہادر پیرو ہیں ، ہم ایک ہیں ، متحد ہیں ، خوشی و غمی ملکر کرتے ہیں ، اور وحدت کا عملی ثبوت فراہم کرتے ہیں۔ یہ شیعہ سنی وقت کے یزیدوں ، وقت کے ابن زیادوں ، وقت کے ابو لہبوں اور وقت کے یزویدوں کے خلاف ایک ہیں اس کا ثبوت سب کا ایک ساتھ نکل کر لبیک یا رسول اللہ کا نعرہ فضا میں بلند کرنا ہے۔
وحدت نیوز (کراچی) سرکار دوعالم حضرت محمد مصطفی (ص)کے جشن عید میلاد النبی ﷺکے موقع پر مجلس و حدت مسلمین کی جانب سے کراچی بھر میں ریلیاں جلسہ و جلوس نکالے گئے اور عاشقان مصطفی (ص) کیلئے سبیلیں لگائی گئیں۔ پاکستان بھر کی طر ح شہر قائد میں 50سے زیادہ مقامات پر مختلف جلو سوں کے راستوں پر عا شقان مصطفی کیلئے شربت ،دودھ اور پانی کی سبیلیں لگائی گئیں جبکہ ایم ڈبلیو ایم کراچی کی جانب سے شہر قائد کے مختلف علاقوں میں امام خمینی کے فرمان پر 12تا 17ربیع الاول ’’ ہفتہ و حدت‘‘ کے عنوان سے منایا جارہا ہے اور اس ہی مناسبت سے محفل میلاد النبی (ص) کے پروگرامات منعقد کئے جارہے ہیں، 12ربیع الاول کے عظیم دن مجلس و حدت مسلمین کراچی کا مرکزی کیمپ نمائش چورنگی پر لگایا گیا جبکہ ملیر، نارتھ کراچی،انچولی،فیڈرل بی ایریا، لاانڈھی،کورنگی،شاہ فیصل،رضویہ، سولجر بازار،محمود آباد،سعود آبااد،جعفر طیار،گلشن حدید،عوامی کالونی، گلستان جوہر،لائنز ایریا، اورنگی ٹاؤن، نیو کراچی، گلشن معمار، ناظم آباد، نارتھ ناظم آباد، حب ریور روڈ، احسن آباد سمیت متعدد علاقوں میں عاشقان مصطفی (ص) کیلئے سبیلیں لگائی گئیں اور نیاز تقسیم کی گئی۔ اس موقع پر علامہ حسن ہاشمی ، علامہ علی انور جعفری،علامہ مبشر حسن ،علی حسین نقوی ،ناصر حسینی ،حیدر زیدی،انجینئر رضا نقوی،آصف صفوی ، احسن عباس، سبط اصغر، اصغر عباس زیدی، علامہ احسان دانش، زین رضوی، امتیاز زیدی، رضوان علی خوجہ سمیت ایم ڈبلیو ایم کے کارکنان کی بڑی تعداد شرکائے جلوس کی خدمت کیلئے موجود تھی۔ دوسری جانب مجلس وحدت مسلمین کے صوبائی سیکر ٹری جنرل علامہ مختار امامی نے سوشل میڈیا سیل کے نمائندوں سے گفتگو کرتے ہوئے کہا کہ ملک میں جاری اس دہشت گردی سے نجات کا واحدحل امت مسلمہ میں اتحاد اور وحدت ہے، اس اتحاد اور و حدت کی مثال ہمیں اپنے پیارے آقا سرکار دو عالم کی ذات اقدس کا بغور مشاہدہ اور ان کی سنت پر عمل کر کے ہی حاصل ہو سکتی ہے انشا ء اللہ شیعہ و سنی متحد ہیں اور ہم اپنی وحدت سے ملک خداد پاکستان میں اسلام دشمن عالمی استعماری طاقتوں اور ان کے تیار کردہ ایجنٹوں کو شکست دیتے آئے ہیں اور آئندہ بھی ان کو ناکامی کا سامنا رہے گا۔ایم ڈبلیو ایم کی جانب سے گزشتہ کئی دہائیوں سے پاکستان بھر میں ہفتہ و حدت 12تا 17ربیع اول جشن عید میلاد النبیﷺ کے حوالے شیعہ و سنی برادران مختلف مشترکہ عقیدت کی محفلوں کا انقاد کرتے ہیں اور انشا اللہ یہ سلسلہ تا دم مرگ جاری رہے گا۔
وحدت نیوز(ملتان)مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری کی ہدایت پرملک بھر کی طرح ملتان سمیت جنوبی پنجاب میں 12 ربیع الاول کے جلوسوں کو خوش آمدید کہنے کے لیے اسقبالیہ کیمپ، پانی اور چائے کی سبیلیں لگائی گئیں۔ ملتان میں امام بارگاہ حسین آباد دولت گیٹ ملتان پر مرکزی استقبالیہ کیمپ، چائے اور پانی کی سبیل لگائی گئی۔ مجلس وحدت مسلمین پنجاب کے ڈپٹی سیکرٹری جنرل علامہ اقتدار حسین نقوی نے استقبالیہ کیمپ کا خصوصی دورہ کیا۔ استقبالیہ کیمپ مجلس وحدت مسلمین ملتان کے سیکرٹری جنرل علامہ قاضی نادر حسین علوی کی قیادت میں لگایا گیا۔ کیمپ میں بین المذاہب امن کمیٹی پنجاب کے کوارڈینیٹر علامہ غلام مصطفی انصاری، مولانا عمران ظفر، ثقلین نقوی، سید دلاور عباس زیدی، وسیم زیدی، ثمر عباس کھوکھر اور دیگر موجود تھے۔
استقبالیہ کیمپ میں موجود علمائے کرام اور رہنمائوں نے جشن میلا دالنبی کے سلسلے میں نکالے جانے والے جلوسوں کو خوش آمدید کہا اور اُنہیں سبیل کرائی۔ ممبر صوبائی اسمبلی حاجی جاوید اختر انصاری نے کیمپ کا خصوصی دورہ کیا اور مجلس وحدت مسلمین کی جانب سے لگائے گئے استقبالیہ کیمپ کو حقیقی معنوں میں شیعہ سنی اتحاد کا نمونہ قرار دیا۔ استقبالیہ کیمپ میں خطاب کرتے ہوئے علامہ اقتدار نقوی اور قاضی نادر حسین علوی کا کہنا تھا کہ نبی اکرم کی تعلیمات کائنات کے لیے مشعل راہ ہیں۔ ملتان کے علاوہ خانیوال میں مرکزی امام بارگاہ کے سامنے جلوسوں کے شرکاء کو خوش آمدید کہنے کے لیے استقبالیہ کیمپ لگایا گیا، مظفرگڑھ، خان گڑھ، علی پور، کوٹ ادو، راجن پور، جام پور، لیہ، بھکر، کروڑ لعل عیسن، چوک اعظم، کبیروالا، شجاع آباد، جلال پور میں بھی مجلس وحدت مسلمین کے زیراہتمام استقبالی کیمپ لگائے گے۔ دریں اثناء مجلس وحدت مسلمین 12ربیع الاول سے 17ربیع الاول تک ہفتہ وحدت کی مناسبت سے منا رہی ہے۔
وحدت نیوز (ایبٹ آباد) مجلس وحدت مسلمین ڈسٹرکٹ ایبٹ آباد نے تحصیل حویلیاں حیدری چوک سے 12 ربیع الاول کا جلوس نکالا جو مقررہ راستوں سے ہوتا ہوا ریلوے گراؤند پر اختتام پذیر ہوا۔ جلوس کا آغاز سیکرٹری جنرل ڈسٹرکٹ ایبٹ آباد سید مدثر علی کاظمی نے تلاوت قرآن پاک سے کیا اور بعد از تلاوت تحصیل حویلیاں کے ڈپٹی سیکرٹری جنرل سید نجم الحسن نے نعت رسول مقبولؐ سے شرکاء کے اذہان کو منور کیا۔ تمام جلوس میں سرکار دو عالم حضرت محمد مصطفی ؐ کے نعرے فضا کو معطر کرتے رہے۔ وحدت اسکاوٹس نے مرکزی جلوس کی سیکورٹی کی ذمہ داری خوش اسلوبی سے انجام دی۔ جس پر تمام مکاتب فکر کتمام جلوس میں سرکار دو عالم حضرت محمد مصطفی ؐ کے نعرے فضا کو معطر کرتے رہے۔ وحدت اسکاوٹس نے مرکزی جلوس کی سیکورٹی کی ذمہ داری خوش اسلوبی سے انجام دی۔ جس پر تمام مکاتب فکر کے علماء نے مجلس وحدت مسلمین کا شکریہ ادا کیا۔ے علماء نے مجلس وحدت مسلمین کا شکریہ ادا کیا۔
وحدت نیوز(ایبٹ آباد) مجلس وحد ت مسلمین ،سنی اتحاد کونسل ،سنی تحریک اور دیگر اہلسنت برادران نے مل کر لبیک یارسولؐ موٹر سائیکل ریلی کا انعقادبعد از نماز جمعہ کیا ۔ جس میں مجلس وحدت مسلمین ڈسٹرکٹ ایبٹ آباد کے سیکرٹری جنرل سید مدثرعلی کاظمی ،سیکرٹری سیاسیات سیداظہر حسین شا ہ ،تحصیل حویلیاں کے ڈپٹی سیکرٹری سید نجم الحسن کاظمی ، سیکرٹری تنظیم سازی سید فیضان علی شاہ اور دیگر عہدیداران نے اپنے دوستوں کے ہمراہ بھرپور شرکت کر کے ریلی کو کامیاب بنایا۔لبیک یارسول ؐ موٹر سائیکل ریلی کا آغاز حویلیاں گاؤں سے کیا گیا اور حویلیاں شہر میں تحصیل حویلیاں کے ڈپٹی سیکرٹری سید نجم الحسن نے نعت رسول مقبولؐ سے تمام شرکائے ریلی کے اذہان کو منور کیا اور آخر میں وحدت پارکنگ میں ریلی کا اختتام ہوا۔
وحدت نیوز (راولپنڈی) مجلس وحدت مسلمین ضلع راولپنڈی کی جانب سے جامع مسجد روڈ پر استقبالیہ کیمپ لگایا اور نعت خوانی کے مقابلے کرائے گئے۔ اس موقع پر تحریک اسلام کے صدر علامہ حیدرعلوی سمیت متعد سنی رہنماوں نے کیمپ کا دورہ کیا اور خطابات کیے۔ کیمپ میں مجلس وحدت مسلمین پنجاب کے ترجمان علامہ محمد اصغر عسکری، اسلام آباد ضلع کے سیکرٹری جنرل ظہیر نقوی اور ضلع راولپنڈی کے عبوری سیکریٹری جنرل علامہ علی اکبر کاظمی دن بھر موجود رہے۔ اس موقع پر اتحاد امت کا عظیم الشان مظاہرہ کیا گیا۔ کیمپ میں دن بھر نعت خوانی کے مقابلے کرائے گئے جس میں نعت خوانوں نے گلہائے عقیدت کے پھول نچھاور کیے۔جن میں معصوم بچے بھی شامل تھے،مقابلہ نعت خوانی میں کامیاب قرار پانے والے نعت خوانوں میں اعزازی شیلڈز اور انعامات تقسیم کیئے گئے، مرکزی جلوس سے خطاب کرتے ہوئے ایم ڈبلیو ایم پنجاب کے ترجمان علامہ اصغر عسکری کا کہنا تھا کہ شیعہ سنی اتحاد ہی پاکستان کا اصل چہرہ ہے، آج دشمن دیکھ لے کہ ہم ایک ہیں، شیعہ سنی میں کوئی تفریق نہیں چند مٹھی بھر تکفیری ملک کے امن کے درپے ہیں۔ انہوں نے کہا کہ پوری قوم ملٹری کورٹس کے قیام کا خیرمقدم کرتی ہے اور توقع کرتی ہے کہ قومی ایکشن پلان پر جلد عمل کیا جائیگا۔
وحدت نیوز(ملتان) مجلس وحدت مسلمین ملتان کی ضلعی شوریٰ کےرکن معروف عالم دین اور جامعہ شہید مطہری ملتان کے پرنسپل علامہ قاضی نادر حسین علوی مجلس وحدت مسلمین ملتان کے نئے سیکرٹری جنرل منتخب ہوگئے۔ ضلعی شوری کے اجلاس میں ضلع بھر کے یونٹس سیکرٹری جنرل اور کابینہ کے افراد نے شرکت کی۔ اجلاس سے ایم ڈبلیو ایم پنجاب کے ڈپٹی سیکرٹری جنرل علامہ سید اقتدار حسین نقوی، قائمقام سیکرٹری جنرل سلیم عباس صدیقی، علامہ قاضی نادر حسین علوی اور دیگر رہنمائوں نے خطاب کیا۔ اجلاس کے آخر میں علامہ قاضی نادر حسین علوی اکثریت رائے ایم ڈبلیو ایم ملتان کے نئے سیکرٹری جنرل منتخب ہوئے۔ نومنتخب سیکرٹری جنرل نے اپنے خطاب میں کہا کہ رہبر کبیر امام خمینی(ر)کے حکم پر ملتان میں ہفتہ وحدت انتہائی عقیدت اور جوش وخروش سے منایا جائے گا۔اُنہوں نے مزید کہا کہ 12ربیع الاول کو مجلس وحدت مسلمین چوک دولت گیٹ پر اہل سنت برادران کے قافلوں کو خوش آمدید کہنے کے لیے استقبالیہ کیمپ لگائے گی۔ اس موقع پر سید دلاور عباس زیدی،انجینئرمہر سخاوت،وسیم عباس زیدی سمیت دیگر رہنمابھی موجودتھے۔ علامہ قاضی نادر حسین علوی کو نئے سیکرٹری جنرل بننے پر مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری، علامہ محمد امین شہیدی، صوبائی سیکرٹری جنرل پنجاب علامہ عبدالخالق اسد ی نے مبارکباد دی ہے۔
