وحدت نیوز (ٹھٹہ) ضلع ٹھٹہ کے شہر گھارو کی پریس کلب میں میٹ دی پریس سے خطاب کرتے ہوئے مجلس وحدت مسلمین پاکستان سندہ کے صوبائی سیکریٹری جنرل علامہ مقصودعلی ڈومکی نے کہا ہے کہ امریکہ فقط عالم اسلام ہی نہیں بلکہ عالم انسانیت کا دشمن ہے ،اسی لئے رہبر کبیر حضرت امام خمینی ؒ نے اسے شیطان بزرگ یعنی بڑے شیطان کا لقب دیا تھا۔ آل سعود نے امریکہ اور اسرائیل سے دوستی کرکے نہ فقط امت مسلمہ سے خیانت کی ہے ،بلکہ خود اپنی ذلت و رسوائی کا بھی انتظام کیا ہے۔ شیطان بزرگ سے کبھی دوستوں کو بھی خیر کی امید نہیں رکھنی چاہئے۔

انہوں نے کہا کہ یمن میں جارح قوتوں کی جانب سے بدترین انسانی المیہ وقوع پذیر ہوا ہے، ہزاروں لاکھوں معصوم انسان بھوک سے مر رہے ہیں اور جو بچ گئے ہیں انہیں عالمی سامراجی قوتیں، امریکہ ،اسرائیل، آل سعود اور ان کے اتحادی بمباری کرکے مار رہے ہیں۔ ہم دنیا بھر میں مظلوموں کے ساتھ کھڑے ہیں اور ظالم کے خلاف ہیں۔ یہ مظلوم کشمیر کا ہو یمن کا ہو یا فلسطین کا مجلس وحدت مسلمین اس مظلوم کے حق میں آواز بلند کرتی رہے گی۔ پی ٹی آئی حکومت جارحین کے مقابلے میں یمن کے مظلوم عوام کی حمایت کرے۔

انہوں نے کہا کہ لاکھوں زائرین کربلا شدید مشکلات کا شکار ہیں، عمران خان خصوصی طور ان زائرین کے مسائل کے حل کے لئے فوری اقدام کریں۔کوئٹہ، کراچی سمیت ملک کے مختلف حصوں میں شیعہ ٹارگٹ کلنگ اور نسل کشی جاری ہے، جس کے سد باب کے لئے فوری اقدام کیا جائے۔

وحدت نیوز(سجاول) مجلس وحدت مسلمین ضلع سجاول کے سیکریٹری جنرل حاجی مظفر علی لغاری کی رھائشگاہ پر ڈپٹی اسپیکر سندھ اسمبلی محترمہ ریحانہ لغاری نےمجلس وحدت مسلمین سندھ کے سیکریٹری جنرل علامہ مقصودعلی ڈومکی سے ملاقات کی۔ ملاقات ایم ڈبلیو ایم کے رہنما سید حفیظ علی شاہ، مختاراحمد دایو، فیاض شیخ، فرحت عباس کھوسو و دیگر شریک ہوئے۔اس موقعہ پر گفتگو کرتے ہوئے علامہ مقصودعلی ڈومکی نے کہا کہ ملت جعفریہ امن کی علمبردار محب وطن ہے بعض اضلاع میں شریف شہریوں کو شیڈول فور میں شامل کیا گیا ہے جبکہ اشتعال انگیز تقاریر کی فہرست بناتے ہوئے امن و اتحاد کے علمبردار شخصیات کے نام شامل کئے گئے ہیں جس پر نظر ثانی کی ضرورت ہے۔ انہوں نے کہا کہ سندھ حکومت نے عشرہ محرم کے دوران تعاون کیا۔ صوبائی حکومت سانحہ شکارپور اور جیکب آباد کے وارثان شہداء سے کئے گئے معاہدے پر عملدرآمد کرے۔اس موقعہ پر ڈپٹی اسپیکر محترمہ ریحانہ لغاری نے کہا کہ میرا تعلق مکتب اہلبیت ع اور ایک عزادار گھرانے سے ہے اور میں مجالس عزا کی بانی اور عزادار ہوں امام حسین عالیمقام ع سے محبت اور مودت میرے ایمان کا حصہ ہے۔ سندھ حکومت عوامی مسائل کے حل پر یقین رکھتی ہے۔ مجلس وحدت مسلمین ملت جعفریہ کی نمائندہ جماعت ہے مسائل کے حل کے لئے تعاون کریں گے۔

وحدت نیوز(اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نےوفد کے ہمراہ وزیر مملکت برائے داخلہ شہریار خان آفریدی سے ملاقات کی ہے،ملاقات میں زائرین کو تفتان بارڈر پر درپیش مشکلات پر تفصیلی گفتگوکی گئی،تفصیلات کے مطابق علامہ راجہ ناصرعباس نے شہریار آفریدی سے تفتان بارڈر پر ایک ہفتے سے محصور 1500سے زائد زائرین کی فوری باحفاظت کوئٹہ منتقلی کا مطالبہ کیا ہے، علامہ راجہ ناصرعباس جعفری نے کہاکہ تفتان بارڈر پر زائرین کا محصور ہونا افسوسناک ہے، سہولیات کی عدم فراہمی کے باعث اب تک تین افراد جانبحق اور سینکرڑوں لوگ بیمار ہو رہے ہیں جو کہ افسوس ناک ہے، حکومت کی ذمہ داری ہے کہ زائرین کو سکیورٹی اور سہولیات فراہم کرے،سردی اور کھلے آسمان تلے زائرین کو محصور رکھ کر بلوچستان حکومت نے اپنی نا اہلی کا ثبوت دیا ہے،وفاقی حکومت غفلت برتنے والوں کے خلاف کاروائی کرے اور زائرین کو فوری تفتان سے منتقل کرے۔

شہریار آفریدی نے علامہ راجہ ناصرعباس جعفری کوہنگامی بنیادوں پر زائرین کو سہولیات فراہم کرنے کی یقین دہانی کروائی،انہوں نے کہاکہ وزیر اعظم عمران خان خود زائرین کی سہولیات کے حوالے سے معاملات کی نگرانی کررہے ہیں، تفتان بارڈر سے فوری تمام زائرین کو کوئٹہ منتقل کریں گے،زائرین کو فول پروف سکیورٹی دینا حکومت کی ذمہ داری ہے اس پر کسی کو غفلت برتنے کی اجازت نہیں دینگے،اس موقع پر ایم ڈبلیوایم کے مرکزی پولیٹیکل سیکریٹری اسدعباس نقوی اور ڈپٹی پولیٹیکل سیکریٹری سید محسن شہریار بھی موجود تھے۔

وحدت نیوز(اسلام آباد)  ملی یکجہتی کونسل پاکستان کی آرگنائزنگ کمیٹی کا اجلاس لیاقت بلوچ کی زیر صدارت مرکزی سیکریٹریٹ میں منعقد ہوا جس میں مجلس وحدت مسلمین پاکستان کے مرکزی سیکرٹری سیاسیات اسد عباس نقوی اورمرکزی ڈپٹی سیکریٹری سیاسیات سید محسن شہریارنے خصوصی شرکت کی، اس موقع پر اجلاس میں ملی یکجہتی کونسل کو مزید فعال بنانے اور دستوری ترامیم کےحوالےسےاہم گفتگو ہوئی، اجلاس میں لیاقت بلوچ، ثاقب اکبرنقوی ، علامہ عارف واحدی ودیگرشریک تھے۔

وحدت نیوز( چنیوٹ) مجلس وحدت مسلمین شعبہ خواتین ضلع چنیوٹ کی جانب سے نئ ضلعی عہدیداران کا اعلان کیا گیا۔ اس اھم اجلاس میں ضلع چنیوٹ کے سیکرٹری جنرل سید انیس عباس زیدی اور مولانا سید حسن مھدی کاظمی شعبہ برادران کی طرف سے شامل ہوئے۔ نئی مسئولین میں بطور ضلعی جنرل سیکریٹری محترمہ صائمہ زیدی اور ڈپٹی جنرل سیکرٹری محترمہ حنفیہ عمر دراز کے ناموں کا اعلان کیا گیا ۔امور کی بہتر انجام دہی کی خاطر ضلعی مسئولین کی مدد کے لیے چھ رکنی ضلعی مشاورتی کمیٹی کا اعلان کیا گیا۔ اس میٹنگ میں شعبہ خواتین کی مرکزی مسئولین محترمہ معصومہ نقوی اور محترمہ لبانہ کاظمی نے بھی شرکت کی۔آخر میں سابقہ سیکرٹری جنرل محترمہ رداء شفقت کو تمام اراکین کی جانب سے خراج تحسین پیش کیا گیا ۔ انشاءاللہ خداوند سبحان تمام سابقہ مسئولین کو ان کی بےلوث خدمات کی بدولت جزائے خیر عنایت فرمائے. آمین

وحدت نیوز(اٹک) مجلس وحدت مسلمین شعبہ خواتین اٹک کی جانب سے عشرہ ثانی سنجوال میں و مجالس خمسہ 16محرم الحرام سے 20محرم الحرام تک اٹک کینٹ میں بمقام مکتب قرآن واہلبیت میں انعقاد کیا گیا ۔عشرہ ثانی سنجوال میں خواہر زینب رباب( جنرل سیکرٹری ضلع اٹک) نے خطاب کیا اور بہت خوبصورتی سے فضائل و مصائب اہلیبت کو بیان کیا ۔مجالس خمسہ سے خواہر آمنہ نقوی از قم نےمعرفت ایلبیت کو بہت خوبصورتی سے گلدستہ بنا کر پیش کیا اور مصائب اہلبیت کو بھی بیان کیا ۔19محرم الحرام کو یوم علی اصغر علیہ السلام و بی بی سکینہ منایا گیا ۔جس میں تمام اضلاع سے خواہران نے اپنے بچوں کے ساتھ بھرپور شرکت کی نیز بچوں میں چوغے , سکارف و ماتھے کی پٹیاں تقسیم کی گئیں ۔اس مجلس خواہر آمنہ نقوی نے سب خواہران سے تجدید عہد لیا ۔سب خواہران نے اپنے بچوں کو ہاتھوں پر بلند کیا اور جن کی اولاد نہیں تھی انہوں نے بھی  کہ جانب سیدہ سے عرض کی جانب علی اصغر کے صدقے خالی جھلیوں کو بھر دیں ۔جو بھری ہوئی جھلیاں ہم آج کے دن یہ عہد کرتے ہیں کہ ہماری یہ نسلیں اور آئندہ آنے والی نسلیں آپ کے فرزند ہمارے امام وقت کے لیے حامی و مددگار ہو گئی ۔انشاءاللہ ۔۔۔لبیک یا حسین ۔۔۔لبیک یا مہدی ۔۔کے نعروں سے مجلس کا اختتام ہوا ۔ہر مجلس کے آخر میں نیاز امام حسین علیہ السلام تقسیم کی گئی ۔