وحدت نیوز(ملتان) مجلس وحدت مسلمین جنوبی پنجاب کے زیراہتمام ولادت باسعادت امام حسن عسکری علیہ السلام کے موقع پر ''نور ولایت سیمینار'' 21 دسمبر کو سائبان زہراء ملتان میں منعقد ہوگا، ملتان سے جاری بیان کے مطابق ایم ڈبلیو ایم جنوبی پنجاب کے صوبائی ترجمان ثقلین نقوی کا کہنا تھا کہ سیمینار میں علمائے کرام، شعرائے کرام، منقبت خواں شریک اور خطاب کریں گے، ایم ڈبلیو ایم کے سربراہ علامہ راجہ ناصر عباس جعفری کی آمد بھی متوقع ہے، اُنہوں نے کہا کہ سیمینار سے حجت الاسلام والمسلمین ڈاکٹر یونس حیدری، سید ناصر عباس شیرازی، علامہ سید اقتدار حسین نقوی خصوصی خطاب کریں گے۔
وحدت نیوز(کراچی) 23دسمبر کو تیروتبرپتنگ اور بلے ڈھیرہوجائیں گے اور پہاڑکو فتح ہوگی،عارف رضا زیدی یو سی 11کے محروم عوام کی توانا آواز ہے،استحصالی طرز سیاست نے کراچی کے عوام کو انتخابی سیاست سے بد ظن کیا، یوسی 11کے ووٹرز پہاڑکے نشان پر مہر لگا کر عارف رضازیدی کو کامیاب بنائیں ہم آپ سے عوامی مسائل کے حل کا وعدہ کرتے ہیں، یوسی 11جعفرطیار کے ضمنی انتخاب میں حساس پولنگ اسٹیشنزپر رینجرز اہلکار تعینات کیئے جائیں،کسی صورت دھاندلی کو برداشت نہیں کیا جائے گا، ان خیالات کا اظہار مجلس وحدت مسلمین صوبہ سندھ کے پولیٹیکل سیکریٹری سید علی حسین نقوی نے جعفرطیار سوسائٹی میں ایم ڈبلیوایم اور اہلیان جعفرطیار کے حمایت یافتہ امیدوار برائے وائس چیئرمین یوسی 11سید عارف رضا زیدی کی انتخابی مہم کے دوران جنرل ورکرز اجلاس سے خطاب کرتے ہوئے کیا۔
انہوں نے کہاکہ بلدیاتی نظام عوام کی مشکلات کے فوری حل کیلئے تشکیل پایا تھا لیکن افسوس کہ موروثی سیاسی جماعتوں نے اسے من پسند افراد کو نوازنے کا زریعہ بنادیاہے،سبرسراقتدار سیاسی جماعتیں جانبدارانہ انداز میں فقط اپنے منظور نظر علاقوں میں ترقیاتی منصوبوں پر کام کرتی ہیں جبکہ مخالف ووٹرزکے ساتھ متعصبانہ طرز عمل اختیار کیا جاتاہے،جمہوری طرز عمل میں خدمت بلاتفریق ہوتی ہے، انشاءاللہ یوسی 11کے ضمنی انتخاب میں کامیابی کی صورت میں حلقہ کے تمام ووٹرز کی بلاتفریق خدمت ہمارا فرض اولین ہے، انہوں نے مزید کہاکہ 23دسمبرکو ہونے والے ضمنی بلدیاتی انتخاب میں حساس پولنگ اسٹیشنز پر رینجرز اور پولیس کی بھاری تفری تعینات کی جائے جبکہ ہم الیکشن کمیشن سے رینجرز اہلکاروں کی پولنگ بوتھ کے اندر تعیناتی بھی مطالبہ کرتے ہیں ۔
جنرل ورکرزاجلاس سے پر ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی ،ڈویژنل سیکریٹری جنرل علامہ صادق جعفری ، علامہ مبشر حسن ، مولانا نشان حیدر، احسن عباس رضوی اور امیدوار برائے وائس چیئرمین یونین کونسل 11 سید عارف رضازیدی نے بھی خطاب کیا،اس موقع پر یوسی 11جعفرطیار کے معزز سماجی شخصیات حکیم امیر رضا رومی، اظہرحسین زیدی، حسن بھائی (سبیل کمیٹی )اور دیگر سمیت بڑی تعدادمیں مرد وخواتین کارکنان شریک تھے۔
وحدت نیوز(اسلام آباد) وزیراعظم پاکستان کے معاون خصوصی برائے سمندر پارپاکستانی سید ذوالفقاربخاری (زلفی بخاری) کی مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری سےوحدت یائوس اسلام آباد میں ملاقات،اس موقع پرسمندر پارپاکستانیوں کے مسائل،پاکستان میں سمندرپارپاکستانیوں کے لئے مواقعے اور دیگر امورپرتفصیلی تبادلہ خیال کیا گیا،ملاقات میں مرکزی سیکرٹری سیاسیات اسد عباس نقوی،رکن شوری عالی و صوبائی سیکرٹری جنرل مجلس وحدت مسلمین کے پی کے علامہ محمداقبال بہشتی،مرکزی ڈپٹی سیکرٹری سیاسیات محسن شہریار،مرکزی ڈپٹی سیکرٹری تنظیم سازی ایڈوکیٹ آصف رضااور معاون امور خارجہ علامہ ضیغم عباس بھی شریک تھے۔
وحدت نیوز(لاہور) مجلس وحدت مسلمین شعبہ خواتین کی مرکزی سیکریٹری جنرل اوررکن پنجاب اسمبلی محترمہ زہرانقوی نے صٖحافیوں کے معاشی قتل عام کے خلاف پنجاب اسمبلی میں مذمتی قراردادپیش کردی ہے، قرار داد کے متن میں کہاگیاہےکہ حکومت میڈیا ہائوسزکی جانب سے صحافیوں کے معاشی قتل کا نوٹس لینے کے ساتھ ساتھ موژر اقدامات کرے، حقیقت یہ ہے کہ کئی میڈیا ہائوسز سے صحافیوں کی بڑی تعدادکو نوکریوں سے برطرف کیا جاچکاہے ،کئی اداروں میں صحافیوں کو کئی ماہ کی تنخواہیں نہیں ملیں،صحافی برادری اس وجہ سے پریشان ہے کہ ان کے گھروں کے چولہے ٹھنڈے پڑرہے ہیں، ان کے بچوں کو اسکولوں سے نکال دیا گیاہے، جہاں کھانے کے پیشے نہیں ہوں گے وہاں صحافی بچوں کی فیس کہاں سے دیں گے، قرارداد کے متن میں حکومت سے صحافیوں کی میڈیا ہائوسزمیں ملازموں کو محفوظ بنانےکے قانون سازی کرنے کا بھی مطالبہ کیاگیا۔
وحدت نیوز(کراچی) مجلس وحدت مسلمین پاکستان ضلع جنوبی کا ضلعی شوریٰ اجلاس سیکریٹری جنرل بردار حسن رضاکی سربراہی میں صوبائی آفس سولجر بازار میں منعقد ہوا ۔جس میں ڈویژن سیکریٹری جنرل مولانا صادق جعفری اور ڈویژن سیکٹری تنظیم سازی بردار ذیشان نقوی نے خصوصی شرکت کی۔ اجلاس میں ضلعی سیکریٹری جنرل برادر حسن رضانے اپنی نو منتخب کابینہ کا اعلان کیا ۔جس کے مطابق 1) بردار سید علی عبّاس زیدی کو ڈپٹی سیکریٹری جنرل 2)بردار محسن مقادم کو سیکریٹری فنانس،3)بردار نوشاد علی کو سیکریٹری تنظیم سازی،4)بردار راشد نجفی کو سیکریٹری سیاسیات، 5)بردار سجاد لیلانی کو سیکریٹری فلاح وبہبوداور6)علامہ سید سلیم عبّاس کو سیکریٹری تعلیم نامزد کیا گیا ۔ کابینہ کے باقی عہدیداران کے ناموں کا اعلان جلد کیا جاۓ گا ۔ اس موقع پر نو منتخب کابینہ سے کراچی ڈویژن کے سیکریٹری جنرل علامہ صادق جعفری نے ان کے عہدے کا حلف لیا ۔ اس دوران برادر ذیشان حیدرنے کہا کہ ضلع جنوبی کی مختلف یونٹس کو جلد فعال کیا جانا چائیے ۔اجلاس میں سینیئر برادر محمود نے تنظیم کے لئے مختلف معاونت کے لئے آمادگی ظاہر کی ۔ اجلاس میں 25 دسمبر کو ہونے والے سمپوزیم پر بریفنگ دی گئی ۔ اس دوران سربراہ ایونٹ مینجمنٹ برادر محسن نے کہا کہ سمپوزیم کے حوالے سے سرگرمیاں تیزی سے جاری ہے ۔چند ہی دنوں میں نشستیں مکمل ہونے کی امید ہے ۔ جس کے بعد فارم دینے کا سلسلہ روک دیا جائے گا ۔ انہوں نے بتایا کہ سمپوزیم کے نظم و ضبط کے حوالے سے شہید مظفر کرمانی کے ماضی کے منعقد کردہ سیمینارز کے قواعد و ضوابط کو اسوہ بنانے کی کوشش کی گئی ہے ۔
وحدت نیوز(پشاور) مجلس وحدت مسلمین صوبہ خیبرپختونخواکے سیکریٹری تنظیم سازی شفیق طوری اور معاون سیکریٹری تنظیم سازی جلال حسین نے ہنگو،کوہاٹ،بنوں،لکی،ٹانگ،ڈیرہ اسماعیل خان،پشاور اورنوشہرہ کے دورہ جات کیئے اور وہاں تنظیمی عہدیداران سے ملاقات میں تنظیمی ڈھانچے کی مظبوطی کے لئے مختلف امور پر تبادلہ خیال کیاگیا، ہنگو میں شیر افضل صاحب،کوہاٹ میں مولانا مورتضیٰ صاحب،بنوں میں نوروز علی،لکی میں حاجی گل افضل،ٹانگ میں شہباز علی،ڈیرہ میں مولانا غضنفر علی،پشاور میں زاہد علی اور نوشہرہ میں اورنگزیب بنگش سے تنظیم کو فعال بنانے پر خصوصی گفتگو کی گئی۔اور ایک نئے جذبے اور ولولے سےتنظیمی فعالیت انجام دینے کا عہد کیاگیا۔
