وحدت نیوز(اسلام آباد) پاکستان پیپلز پارٹی کے مرکزی جنرل سیکریٹری اور سابق چیئرمین سینیٹ سید نیئر حسین بخاری نے مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری سے ان کی رہائش گاہ پر ملاقات کی ، اس موقع پر دونوں رہنماوں کے درمیان موجودہ ملکی سیاسی صورتحال سمیت پانامہ کیس، سعودی فوجی اتحاد میں شمولیت اور دیگر اہم امور پر تبادلہ خیال کیا گیا،علامہ راجہ ناصرعباس کا نیئربخاری سے گفتگو کرتے ہوئے کہنا تھاکہ پانامہ کیس کے فیصلے میں تعطل ایک اندیکھے سیاسی بحران کو جنم دے رہا ہے، عوام قومی مفاد میں اعلیٰ عدلیہ کےاس اہم فیصلےکے انتظارمیں  اضطراب کا شکار ہیں ، انہوں نے کہا کہ پی پی پی ایوان بالا اور ایوان زیریں میں سعودی فوجی اتحاد میں پاکستان کی بلا مشاورت شمولیت پر صدائے احتجاج بلند کرے ،اس موقع پر ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی ، مرکزی پولیٹیکل سیکریٹری اسدعباس شاہ اور آصف رضا ایڈووکیٹ بھی موجود تھے۔

وحدت نیوز (اسلام آباد) مجلس وحدت مسلمین پاکستان کے سالانہ تین روزہ  مرکزی تنظیمی وتربیتی عرفان ولایت کنونشن اور علمائے شیعہ کانفرنس کا باقائدہ آغاز جامعہ امام صادقؑ اسلام آباد میں ہو گیا ہے ،چیئرمین کنونشن کی ذمہ داری مرکزی ڈپٹی سیکریٹری جنرل سید ناصرعباس شیرازی کو تفویض کی گئی ہے، تفصیلات کے مطابق ایم ڈبلیوایم کے مرکزی کنونشن میں ملک بھرکے سوسے زائد اضلاع سے اراکین شوریٰ مرکزی ، علمائے کرام، اکابرین ملت شرکت کررہے ہیں ، جمعہ 14اپریل کو شروع ہونے والے کنونشن کے پہلے روزدن میں جشن مولود کعبہ کا شاندار انعقاد کیا گیا،  جس میں خصوصی خطاب خطیب حرم امام حسین ؑ علامہ سید ظہیر الحسن کربلائی، علامہ علی اکبر کاظمی، زوارحسین بسمل نے کیا  جبکہ بین الاقوامی شہرت یافتہ منقبت خواں فرحان علی وارث نے بارگاہ مولائے کائنات ؑ میں زبردست نذرانہ عقیدت پیش کیا۔

 پہلے روز کے اختتامی سیشن میں شب شہداءبھی منعقد کی جائے گی جس سے خصوصی خطاب ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی کریں گے، جبکہ اس شب شہداء میں خانوادہ شہداء کو بھی شرکت کی دعوت دی گئی ہے جس میں شہید قائد علامہ سید عارف حسین الحسینی ؒ کے فرزند اور شہید وطن لیفٹینٹ سید یاسر عباس کی خواہر کی آمد متوقع ہے،کنونشن کے دوسرے روز 15اپریل کوپہلاسیشن سفیر انقلاب شہید ڈاکٹرمحمد علی نقوی ؒ کے نام سے منسوب کیا گیا ہے جس میں مقررین شہید کی حیات اور سیرت پر روشنی ڈالیں گے ، دوسرا سیشن شہید آیت اللہ مرتضیٰ مطہری ؒ کے نام سے منسوب ہے جس میں مقررین استاد شہید مطہری ؒکے افکار ونظریات پر تفصیلی خطابات کریں گے، تیسری نشست شہید قائد علامہ سید عارف حسین الحسینی ؒکے نام سے منسوب کی گئی ہے، جس میں مقررین شہید قائد کی عملی  زندگی اور اجتماعی خدمات پر تفصیلی خطاب کریں گے۔

کنونشن کے تیسرے اور آخری روز یعنیٰ 16اپریل کو پہلی نشست امام امت خمینی ؒ بت شکن کے نام سے منسوب ہے جس میں مقررین رہبر کبیر انقلاب اسلامی کے سیرت وکردار پر روشنی ڈالیں گے، اس سیشن میں مجلس وحدت مسلمین کے دستور میں ترامیم کی منظوری بھی شوریٰ مرکزی سے لی جائے گی، آخری روز کی دوسری نشست میں شعبہ امور سیاسیات اپنی کارکردگی شوریٰ مرکزی کے سامنے پیش کرے گا اور آئندہ کی حکمت عملی اور پروگرام کا اعلان کرے گا، جبکہ مرکزی عرفان ولایت کنونشن کے اختتامی سیشن میں ملک گیر علمائے شیعہ کانفرنس کا انعقاد کیا جائے گا جس میں چیئرمین شوریٰ عالی علامہ شیخ محمد حسن صلاح الدین ، علامہ مرزایوسف حسین سمیت دیگر جید اور بزرگ علمائے کرام خطاب کریں گے جبکہ خصوصی پالیسی ساز خطاب مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری کریں گےاور کانفرنس کے اختتام پر میڈیا کو بریفنگ بھی دی جائے گی۔

واضح رہے کہ کنونشن میں ہر صوبہ کے دو ماڈل اضلاع کی جانب سے پورے سال کی کارکردگی رپورٹ اجلاس میں پیش کی جائے گی، جبکہ مرکزی کابینہ کے تمام شعبہ جات بھی اپنی اپنی کارکردگی رپورٹ پیش کریں گے، مرکز ،صوبہ ، ڈویژن  ، ضلع میں اعلیٰ کارکردگی کا مظاہرہ کرنے والے کارکنان اور عہدیداران میں اعزازی شیلڈز برائے حسن کارکردگی بھی تقسیم کی جائیں گی۔

وحدت نیوز(کراچی) مجلس وحدت مسلمین پاکستان صوبہ سندھ کے سیکرٹری سیاسیات علی حسین نقوی نے وحدت ہاوس سولجربازار میں پولٹیکل کونسل کے اجلاس سے خطاب کرتے ہوئے کہا ہے کہ آپریشن ردالفساد کے زریعے جڑالفساد کا خاتمہ کرنا چاہیئے جب تک آپریشن فساد کی جڑوں کے خلاف نہیں کیا جائے گا دہشت گردی کا خاتمہ ممکن نہیں ہے اس سے پہلے اکثر آپریشنز میں صرف پتوں کو جھاڑا گیا چند ایک دہشت گرد مارے گئے لیکن دہشت گرد بنانے والے محفوظ رہیں صرف پتے جھاڑنے سے دہشتگردی کا خاتمہ نہیں ہو سکتا. ایک خاص طبقہ فکر کے علماء اور دہشتگردوں کا بیانیہ ایک چیز ہے یعنی وہ دہشتگردوں کے ہدف کو جائز سمجھتے ہوئے آئین پاکستان کو کفر سمجھتے ہیں لہذا اس کے خاتمے کے لیے دونوں مختلف طریقوں سے کام کر رہی ہیں ایک نے سیاسی راستہ اور دوسرے نے نام نہاد جہاد کا راستہ اختیار کیا ہے جس سے دہشتگردوں کو شرعی و مذہبی جواز فراہم ہو رہا ہے۔

انہوں نے مزید کہاکہ تمام مکاتب فکر کے علماء کا فرض ہے کہ وہ بلا امتیاز دہشتگرد تنظیموں کے مقصد اور طریقہ کار دونوں کو غیر شرعی قرار دیتے ہوئے ان کے خلاف واضح موقف اختیار کرے اور دہشتگردی کو سازش اور دہشتگرد کو مجاہد قرار دینے کی پالیسی ترک کریں اسی طرح ریاستی ادارے اور حکومت کسی کے دباو میں آئے بغیر دہشتگردی کو ریشہ کن کرنے کے عزم کے ساتھ کاروائی کریں تو یقیناً آپریشن رد الفساد کے زریعے فساد فی الارض کا خاتمہ ہو گا حکومت اور سیکیورٹی ادارے مذہبی دہشتگردوں کے خلاف کبھی بھی ایک پیج پر نہیں رہے اسی وجہ سے دہشتگردی کے خلاف کاروائیوں کے باوجود کوئی خاطرخواہ کامیابی حاصل نہیں ہو سکی کراچی آپریشن کی طرح مزہب کا نام استعمال کرنے والے دہشتگردوں کے خلاف متحد ہو کر سنجیدہ کارروائیاں ہونی چاہیئے آپریشن ردالفساد وقت کی اہم ضرورت ہے اور پوری قوم اس کی کامیابی کے لئے دعا گو ہیں امید کرتے ہیں کہ ہمارے ادارے اس مرتبہ ہمیں نا امید نہیں کریں گے اور اس مرتبہ ایک فیصلہ کن آپریشن کرکے ارض پاک کو دہشتگردی کی عفریت سے مکمل طور پر پاک کریں گے۔

وحدت نیوز(اسلام آباد) مجلس وحدت مسلمین کے مرکزی سیکریٹری جنرل علامہ راجہ ناصرعباس جعفری اور چیئرمین سنی اتحاد کونسل صاحبزادہ حامد رضا نے مسلم لیگ ق کے سربراہ چوہدری شجاعت حسین سے ان کی رہائش گاہ پر ملاقات کی، اس موقع پر ایم ڈبلیوایم کے مرکزی سیکریٹری امور سیاسیات سید اسد عباس شاہ اور آصف رضا ایڈووکیٹ بھی موجود تھے، رہنما وں کے درمیان موجودہ ملکی سیاسی صورتحال سمیت، پانامہ کیس، سعودی فوجی اتحاد میں شمولت اور دیگر اہم امور پر تبادلہ خیال کیا گیا، جبکہ صاحبزادہ حامد رضا نے حالیہ دنوں دبئی میں سابق صدر پاکستان اور سربراہ آل پاکستان مسلم لیگ جنرل (ر)پرویز مشرف سے ہو نے والی ملاقات اور گفتگو کے حوالے سے بھی علامہ راجہ ناصرعباس اور چوہدری شجاعت حسین کو آگا ہ کیا۔

وحدت نیوز(کراچی) مجلس وحدت مسلمین شہر قائد کے تمام ضلعی دفاتر میں چراغاں و محفل میلاد جشن ولادت علی علیہ السلام منقبت خوانی کے محافلوں کا انعقاد کیا گیا جبکہ صوبائی سیکرٹریٹ وحدت ہاؤس نمائش چورنگی سولجر بار میں جشن مولود کعبہ کے حوالے سے محفل منعقد کی گئی جس سے خطاب میں ایم ڈبلیو ایم کے صوبائی ڈپٹی سیکرٹری جنرل علامہ نشان حیدر حیدری علامہ مبشر حسن ،علی حسین نقوی تقی ظفر علامہ مرزا یووسف حسین، علامہ اظہر نقوی نے اپنے خطاب میں کہا کہ تیرہ رجب المرجب کی مبارک تاریخ مولائے متقیان حضرت علی ابن ابی طالب علیہ السلام کے یوم ولادت باسعادت سے منصوب ہے آپ نے آج ہی کے دن اللہ گھر یعنی خانہ کعبہ کے اندر دنیا کو نور امامت سے منور فرمایا اور آنکھ کھولی تو خاتم النبیین حضرت محمد مصطفی صلی اللہ علیہ و آلہ و سلم کی آغوش مبارک میں اور یوں پیغمبر اکرم صلی اللہ علیہ و آلہ و سلم کی ختم رسالت اور آغاز امامت کی نوید دے کر کفر و شرک نفاق کے خلاف اس عظیم تحریک میں شامل ہونے کا گویا اعلان کردیا کہ جس کا آغاز حضرت اکرم صلی اللہ علیہ و آلہ و سلم سرزمین حجاز پر شروع کرچکے تھے اور پھر دنیا نے دیکھ لیا کہ پیغمبر اسلام (ص) کی آغوش مبارک میں پلنے والا بچہ ہی تھا کہ جس نے بھرے مجمع میں آپ کی رسالت کی تصدیق کی اور تبلیغ رسالت کے ہر مرحلے میں آپ کا ساتھ دینے کا عزم ظاہر کیا اور جواب میں آنحضرت (ص)نے بھی آپ کو اپنا وصی وزیر اور جانشین مقرر فرمایا چنانچہ تاریخ اس بات کی گواہ ہے کہ حضرت علی ابن ابی طالب علیہ السلام نے اپنے عہد کو بخوبی نبھایا اور آپ کے بعد آپ کی اولاد نے کار رسالت کو آگے بڑھانے کے لئے کسی قربانی سے دریغ نہیں کیا۔اس کے برعکس ناصبی ٹولہ جو بغض علی علیہ سلام کی خطرناک بیماری میں مبتلا ہے اس کوشیش میں ہے کہ کسی طرح عام عوام کو امام علی علیہ سلام کے جائے ولادت جو خانہ کعبہ میں ہے کہ حوالے سے گمراہ کرسکے۔

وحدت نیوز(اسلام آباد) مجلس وحدت مسلمین پاکستان کے تحت سالانہ تین روزہ تنظیمی وتربیتی کنونشن بعنوان ’’عرفان ولایت ‘‘کا کل سے اسلام آباد میں آغاز ہو رہا ہے، چیئرمین کنونشن سید ناصرعباس شیرازی کے مطابق مرکزی کنونشن کل 14اپریل بروز جمعہ مسجد وامام بارگاہ الصادق ؑ جی نائن ٹو میں شروع ہوگا جو کہ 16اپریل بروز اتوار اختتام پزیر ہوگا، اس کنونشن کے اختتامی روز علمائے شیعہ کانفرنس بھی منعقد ہوگی جس میں ملک بھر سے سینکڑوں علمائے کرام کی آمد متوقع ہے، کنونشن میں ملک بھر کے سو سے زائد اضلاع سے ہزاروں سے عہدیداران شریک ہوں گے ، کنونشن میں گذشتہ سال کی تنظیمی کارکردگی کا جائزہ لیا جائے گا اور آئندہ سال کے تنظیمی پروگرام کو حتمی شکل دی جائے گی جبکہ اس کنونشن میں اہم دستوری ترامیم کی منظوری بھی شوریٰ مرکزی سے لی جائے گی،مرکزی سیکریٹری جنرل مجلس وحڈت مسلمین پاکستان علامہ راجہ ناصرعباس جعفری تین روزہ کنونشن کے اختتامی سیشن سے خصوصی پالیسی ساز خطاب کیں گے۔