وحدت نیوز(کراچی) مجلس وحدت مسلمین کراچی کے رہنما اورمعروف سماجی شخصیت سبط اصغر زیدی کے پولیس کے ہاتھوں بغیر وارنٹ گرفتاری(اغواء) کی بھرپور مذمت کرتے ہیں،سبط اصغر اورنگی ٹائون کے رہائشی ہیں انہیںچار روز پولیس نے گھر سے گرفتار کیا مگر تاحال لاپتہ ہیں، سماجی رہنما سبط اصغر زیدی ضلع غربی میںگذشتہ 6برس سے کمشنر کراچی کے فوکل پرسن بھی ہیں،ممبر امن کمیٹی اور اتحاد بین المسلمین کے داعی سبط اصغر کی گرفتاری سے ملت جعفریہ میں بے چینی پائی جاتی ہے، سبط اصغر کو کس بنیاد پر گرفتار کر کے لاپتہ کیا گیا ؟؟ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ احمد اقبال رضوی نے کراچی پریس کلب میں ہنگامی پریس کانفرنس سے خطاب کرتے ہوئے کیا ۔

 انہوں نے کہاکہ داخلی اورخارجی حالات اورموجودہ سرحدی صورتحال کےباعث وطن عزیز سکیورٹی اداروں کے ان بھونڈے اقدامات کامتحمل نہیں ہوسکتا،ایسے وقت میں کے جب پوری قوم بالخصوص ملت جعفریہ اور ایم ڈبلیوایم بھارت جنگی جارحیت کے خلاف اور پاک افواج سے اظہار یکجہتی کے لئے سرگرم عمل ہےایک ایسے شخص کو جوکہ شہر میں اتحاد بین المسلمین کے لئے کوشاں ہو، مجالس ومیلاد کے انتظامات دیکھتا ہوں ، دکھی انسانیت کی خدمت میں مصروف عمل ہو کو ایسے دن دھاڑے اغواءکرلینا ناقابل فہم ہے۔

علامہ احمد اقبال رضوی کا کہنا تھا کہ 4روز گذرجانے کےباوجود تاحال سبط اصغر کا کوئی سراغ نہ مل سکا، تمام سکیورٹی اداروں سے رجوع کیا گیا ،مگر کسی نے بھی ان کی گرفتاری کی ذمہ داری قبول نہیں کی ہے یہ تمام تر صورتحال انتہائی تشویش ناک ہے، ایم ڈبلیوایم کی قیادت، کارکنان اور مغوی کے اہل خانہ شدید تشویش میں مبتلا ہے، جمہوری دور میں اس اظالمانہ اقدام نے دورآمریت کی یاد تازہ کردی ہے،پاکستان کے آئین کے آرٹیکل کی شق نمبر 10کے تحت ریاست کسی بھی شہری کو 24گھنٹے کے اندر اندر عدالت میں پابند ہے تاکہ وہ شخص اپنادفاع سکےلیکن سبط اصغر کو 4روز گذرجانے کے باوجود اس آئینی وشہری حق سے محروم رکھا گیاہے ، قانون نافذ کرنے والے اداروں کا یہ اقدام بنیادی شہری آزادی کی خلاف ورزی ہے۔ملت جعفریہ ایک پرامن اور محب وطن قوم ہے مادر وطن کی سلامتی اور استحکام کی راہ میں اس مکتب نے 22ہزار سے زائد قیمتی جانوں کی قربانیاں دی ہیں ،ہماری ملت کے عظیم اور قیمتی اثاثے ڈاکٹرز، انجینئرز،تاجر، وکلاء، بیوروکریٹس ، علماءوذاکرین کی صورت میں اس وطن کی سڑکوں پر خاک وخون میں غلطاں کیئے گئے،ہم نے ایک دن میں سو سو جنازے اٹھائے ، پانچ پانچ روز تک ملک بھرمیں احتجاجی دھرنے بھی دیئے، ہزاروں قربانیوں کے باوجود ہمارے ہی مکتب کے سینکڑوں جوانوں ،علماءاور اکابرین کو جبری گمشدہ کرکے مسنگ پرسنز کی فہرست میں ڈالاگیا،اتنی سختیوں اور مشکلات کے باوجود ہم نے کبھی بھی مادر وطن کے خلاف کوئی نعرہ نہیں لگایا، کبھی ایک سبز ہلالی پرچم کو جھکنے نہیں دیا، ہمیشہ ملک دشمن استعماری قوتوں کے مقابل سینہ سپر رہے ہیں ، ہمیشہ امریکی ، اسرائیلی اور بھارتی سازشوں کے مقابل آہنی دیوار کا کردار اداکیاہے۔

انہوں نےوزیر اعظم پاکستان عمران خان، آرمی چیف جنرل قمر جاوید باجوہ، چیف جسٹس آصف سعید کھوسہ، گورنر سندھ عمران اسماعیل، وزیر اعلی سندھ مراد علی شاہ، ڈی جی رینجرزسندھ،کورکمانڈر کراچی ، آئی جی پولیس سندھ سے ایم ڈبلیوایم کے رہنما امن ممبر پیس کمیٹی سید سبط اصغر کی بلاجواز گرفتاری کا فوری نوٹس لیں اور ان کی جلد باحفاظت بازیابی کے لئے ٹھوس اقدامات اٹھائیں ، بصورت دیگرہم قانون راستہ اختیارکرنےاور احتجاج کا حق محفوظ رکھتے ہیں ۔پریس کانفرنس میں مجلس وحدت مسلمین کراچی ڈویژن کے سیکریٹری جنرل علامہ صادق جعفری ، رہنماء کراچی ڈویژن علامہ مبشر حسن ، علامہ علی انورجعفری، علامہ نشان حیدر ساجدی، علامہ احسان دانش ، علامہ ملک عباس ، علامہ غلام عباس ، ناصر حسینی ، میر تقی ظفر و دیگر موجود تھے ۔

وحدت نیوز(مشہدمقدس) مجلس وحدت مسلمین مشھد مقدس کیطرف سے جوار ثامن الآئمہ میں ولادت با سعادت سیدہ النساء العالمین نور چشم رسول،بضعه الرسول جناب بتول سلام اللہ علیھا اور تولد رہبر کبیر حضرت امام خمینی رضوان اللہ کی مناسبت سے سیمینارپیام ولایت برگزار ہوا جس میں علمائے کرام ،طلاب عظام نے کثیر تعداد میں بھر پور شرکت فرمائی۔پروگرام کی ابتدا تلاوت کلام مجید سے کیا گیا جسکی سعادت قاری خوش الحان جناب برادر فضل شاہ نے حاصل کی۔اسکے بعد برادر حسنین رضا نے منقبت پڑھی۔پروگرام کے پہلے خطیب حجتہ الاسلام والمسلمین جناب محمد الہی خراسانی تھے جنہوں رہبر معظم کے فرمودات کی روشنی میں انقلاب اسلامی کے دوسرے مرحلہ کے بارہ میں تفصیلی گفتگو فرمائی۔

اسکے بعد حضار کو ویڈیو کلپ دکھایا گیا ۔اسکے بعد سمینار کے مہمان خصوصی مجلس خبرگان رہبری کے رکن حضرت آیت اللہ استاد ڈاکٹر عبد خدائی حفظہ اللہ نے حضرت صدیقہ طاہر ہ جناب فاطمہ الزہرا سلام اللہ علیھا کی سیرہ طیبہ کے اخلاقی اور سیاسی پہلووں پر بہت ہی مفید گفتگو فرمائی۔پروگرام کی نظامت کے فرائض جناب برادر سید فراز حسین نقوی نے انجام دیے۔مجلس وحدت مسلمین مشھدمقدس حجتہ الاسلام آغا عقیل حسین خان نے معزز مہمانوں کا استقبال کیا اور سمینار میں تشریف لانے پر انکا کا شکریہ ادا کیا ۔پروگرام کو برگزار کرنے میں موسسہ فاطمہ الزہراسلام اللہ علیھا،موسسہ جوادالآئمہ،انتظار نور فاونڈیشن بلتستان نے مجلس وحدت مسلمین(موسسہ شھید عارف الحسینی) مشھدمقدس کے ساتھ خصوصی تعاون کیا۔

وحدت نیوز(جہلم) مجلس وحدت مسلمین پاکستان ضلع جہلم کے زیر اہتمام الفضل میرج ہال دینہ میں دختر رسول اکرم ص, جناب فاطمہ الزہرا س کی ولادت باسعادت پر جشن کوثر کے عنوان سے ایک عظیم الشان کانفرنس منعقد کی گئ, جس میں شیعہ اور سنی علماء کرام نے بہترین۔انداز میں سیرت حضرت فاطمہ زہرا (س) بیان کی۔ اس پاک و بابرکت محفل میں علاقہ کے سنی و شیعہ مرد و خواتین نے بھرپور شرکت کی، اس کانفرنس میں علامہ مبارک موسوی سیکرٹری جنرل ایم ڈبلیو ایم صوبہ پنجاب، علامہ راجہ محسن علی سینئر رہنما ایم ڈبلیو۔ایم پاکستان، علامہ حیدر علوی ،خطیب اہل سنت اسلام آباد،علامہ مہدی کاظمی پرنسپل جامعہ بعثت چینوٹ ،مرکزی سیکرٹری روابط ملک اقرار حسین نے خطاب کیا۔

جشن کوثر سیمینارسے خطاب کرتے ہوئےایم ڈبلیوایم پنجاب کے صوبائی سیکریٹری جنرل علامہ مبارک علی موسوی نے کہا کہ حضرت سیدہ ؑ کی شان و فضیلت میں آل محمد ؐ بیان کرتے ہیں کہ آپ سلام اللہ علیھا ایسی ہستی ہیں کہ جسکی قدر و منزلت ابھی تک مجھہول ہے ، لوگوں کو نہیں معلوم کے ان کی عظمت و مقام کیا ہے۔ انہوں نے مزید کہا کہ ہر ظالم کے دشمن اور ہر مظلوم کے مددگار رہو کا پیغام ہم نے سنا ہے لیکن جب عملی طور پر اقدام کا وقت آتا ہے تو ہمارے معاشرے کی اکثریت یہ کہتے ہوے پیچھے ہٹ جاتی ہے کہ ہمارا سیاست سے کیا تعلق۔؟ جناب سیدہؑ نے ظلم کے خلاف جہاد کیا ہے مولا علی ؑ کے لیے سیاسی جدوجہد کی ہے ۔کانفرنس کے اختتام پر ملکی سالمیت اور پاک فوج سے اظہار یکجہتی کے لئے ایم ڈبلیو ایم کے مرکزی جنرل سیکرٹری علامہ راجہ ناصر عباس جعفری کی ہدایات کے مطابق* دفاع مادر وطن ریلی* نکالی گئی اور ملک پاکستان کی سلامتی و امن کے لئے دعا کی گئی۔

وحدت نیوز(جہلم) مجلس وحدت مسلمین پاکستان ضلع جہلم کے زیر اہتمام الفضل میرج ہال دینہ میں دختر رسول اکرم ص, جناب فاطمہ الزہرا س کی ولادت باسعادت پر جشن کوثر کے عنوان سے ایک عظیم الشان کانفرنس منعقد کی گئی جس میں شیعہ اور سنی علماء کرام نے بہترین۔انداز میں سیرت حضرت فاطمہ زہرا (س) بیان کی۔ اس پاک و بابرکت محفل میں علاقہ کے سنی و شیعہ مرد و خواتین نے بھرپور شرکت کی، اس کانفرنس سے خطاب کرتے ہوئے ممبر پنجاب اسمبلی اور ایم ڈبلیو۔ایم پاکستان شعبہ خواتین کی مرکزی سیکرٹری جنرل(شعبہ خواتین) خانم سیدہ زہرا نقوی نے اپنے خطاب میں کہاکہ خاتون جنت حضرت فاطمہ زہرا کی سیرت و کردار نہ صرف کہ خواتین کے لئے نمونہء عمل ہے بلکہ مردوں کو بھی ان کی سیرت پاک کے پیش نظر اپنی زندگی گزارنی چاہئیے اور یہ کہ حضرت فاطمہ (س) توحید کے پرچار کے لئے ہمیشہ رسول خدا (ص)  کے شانہ بشانہ رہیںاور مصائب و تکالیف برداشت کیں ،کانفرنس کے اختتام پر ملکی سالمیت اور پاک فوج سے اظہار یکجہتی کے لئے علامہ راجہ ناصر عباس جعفری کی ہدایات کے مطابق* دفاع مادر وطن ریلی* نکالی گئ اور ملک پاکستان کی سلامتی و امن کے لئے دعا کی گئی۔

وحدت نیوز(فیصل آباد) مجلس وحدت مسلمین شعبہ خواتین ضلع فیصل آباد کی جانب سے جشن ولادت باسعادت حضرت فاطمة الزھراؑ کا اہتمام کیا گیا ۔ اس پر رونق محفل سےایم ڈبلیو ایم شعبہ خواتین کی مرکزی مسئول مدارس محترمہ بشری شریف، ضلع فیصل آباد کی سیکرٹری جنرل محترمہ مقدس نقوی، مسئول تعلیم و تربیت محترمہ سیدہ ثمینہ نقوی ، مسئول نشرو اشاعت محترمہ نور زھرا کے علاوہ ایم ڈبلیو ایم شعبۂ خواتین کی مرکزی سیکرٹری فلاح و بہبود محترمہ فرحانہ گلزیب نے خطاب کیا۔

محترمہ فرحانہ گلزیب نے اپنے خطاب میں کہا کسی بھی معاشرے کی ترقی میں خواتین کا کردار لازم و ملزوم ہے باشعور اور تعلیم یافتہ خواتین فلاحی معاشروں کے قیام میں ریڑھ کی ہڈی کی حیثیت رکھتی ہیں ، یہ ہمارا وظیفہ ہے کہ ہم اپنے کردار و عمل کے ذریعے سیرت جناب سیدہ سلام اللہ علیھا کو عام کریں ان کی تعلیمات کو گھر گھر پہنچائیں اور حقیقی معنوں میں پیرو سیدہؑ بن کر روز محشر بی بی کے سامنے سرخرو ہو سکیں۔

وحدت نیوز(ملتان) مجلس وحدت مسلمین شعبہ خواتین کی مرکزی سیکرٹری جنرل اور رکن پنجاب اسمبلی محترمہ سیدہ زھرا نقوی صاحبہ نے امام بارگاہ خدیجة الکبری ملتان میں منعقدہ محفل جشن جناب سیدہ سلام اللہ علیھا سے خطاب کیا ، آپ حضرت فاطمة الزھرا ؑ کے اوصاف و کمالات بیان کرتے ہوئے کہا کہ سیدہ دو عالمؑ کی صفات تجلی مظھر خدا ہیں ، آپ کے مقام و مرتبہ کو سمجھنا عقل انسانی سے بالاتر ہے ، جناب سیدہ خدا کے رازوں میں سے ایک راز ہیں۔ وہ بی بی کہ جو کل کائنات کی مالکہ ہو جسکا منصب اتنا بلند و بالا ہو کہ کوئی اور اس پر فائز نہ ہوسکے اپنے گھر میں ایک سادہ سی زندگی بسر کرتے ہوے تمام خواتین کے لیے اسوہ کاملہ کے طور پر سامنے آئیں۔

 انھوں نے مزید کہا کہ گھر اور گھرداری ، شوہر داری ، ایک بہترین بیٹی اور ایک بہترین ماں کے اندر کیا خوبی ہونی چاہئے وہ سب جناب سیدہؑ نے ہمیں سکھایا ہے اور نہ صرف اپنے گھر کو منظم کرنا بلکہ اپنے دین کا دفاع کرنا راہ خدا میں جہاد کرنا ، باطل کے سامنے آواز حق بلند کرنا ایک عورت اگر حقیقی معنوں میں کنیز فاطمہ زھراؑ بننا چاہتی ہے تو اسے ہر میدان میں اسوہ فاطمی اپنانا ہوگا،اپنے خطاب کے اختتام پر محترمہ زھرا نقوی نے شرکاء محفل کو مجلس وحدت مسلمین کا تعارف پیش کیا اور اس الہی تنظیم میں شامل ہونے کی دعوت دی جس پر خواتین نے مثبت ردعمل کا اظہار کیا۔ اس جشن میں خواتین کی کثیر تعداد نے شرکت کی۔