وحدت نیوز(ٹنڈومحمدخان) امامیہ اسٹوڈنٹس آرگنائیزیشن کیجانب سے جامعہ مسجد علی ؑ ٹنڈومحمد خان میں سفیر انقلاب شھید ڈاکٹر محمد علی نقوی کی چوبییسویں برسی کے سلسلے میں مجلس عزا منعقد کی گئی۔مجلس عزا سے مجلس وحدت مسلمین کے ضلعی سیکریٹری جنرل مولانہ محمد بخش غدیری نے خطاب کیا۔مجلس عزا سے مولانا محمد بخش غدیری نے خطاب کرتے ہوئے کہا کہ شھید نقوی کی زندگی ہمارے لئے نمونہ عمل ہے۔طلبہ میں اتحاد اور استقامت شھید نقوی کے خلوص اور انتھک محنتوں کا نتیجہ ہے۔شھید نقوی نے ملت کے بکھرے ہوئے موتیوں کو ایک لڑی میں پرو کر ملت کے جوانوں کو مستقبل کے معماروں کو زندگی بخشی ہے۔شھید نقوی نے ملت کے جوانوں کو حب الوطنی کا درس دیا ہے یہ جو زمینہ سازی امام عج میں مصروف عمل جوان اگر رھبر معظم سید علی خامنہ ای (حفظ اللہ) کی آنکھوں کا نور ہیں تو وہ بھی شھید نقوی کی ملت کے جوانوں کو کی گئی تربیت کا نتیجہ ہے اگر ملت کا ہر جوان شھید محمد علی نقوی کی سیرت کو اپنا لیں تو امام العصرعج کے ظھور میں تاخیر نہ ہو۔
انکا مزید کہنا تھا کہ بفرمان قائد وحدت علامہ راجہ ناصرعباس جعفری (حفظ اللہ)کہ اسوقت امامیہ اسٹوڈنٹس آرگنائیزیشن پاکستان ہی واحد طلبہ کی نمائندہ جماعت ہے۔دؤرے حاضر میں بھی آئی۔ایس۔او کی جرات۔ شجاعت۔استقامت قابل تحسین اور قابل ستائش ہے امامیہ اسٹوڈنٹس آرگنائیزیشن شھید نقوی کی امانت ہے شھیدوں کی امانت ہے ملت کے اسیروں کی امانت ہے۔آئی ایس او ہر ادوار میں انتھائی کٹھن حالات سے گذری ہے لیکن آئی۔ایس او کے جوانوں کے حوصلے کبھی پست نہیں ہوئے اور نہ ہی کبھی ہمت ہارے آئی ایس او نے ہر حال میں حب الوطنی کا مظاہرہ کیا ہے اور مملکت خداداد پاکستان کی سربلندی کے لئے کام کیا ہے۔
وحدت نیوز (رحیم یارخان) مجلس وحدت مسلمین شعبہ خواتین ضلع رحیم یار خان کے زیر اہتمام دوسری سالانہ “سیدة النساءالعالمین کانفرنس” کا انعقاد ہوا جس میں مختلف علاقوں سے خواتین کو مدعو کیا گیا ، اس پر وقار تقریب سے محترمہ کنیز فاطمہ(ایڈووکیٹ) اور محترمہ ام لیلی نے خطاب کیا،آخر میں ایم ڈبلیو ایم شعبہ خواتین ضلع رحیم یار خان کی سیکرٹری جنرل سیدہ تنویر زھرا کاظمی نے خطاب کیا ۔
اپنے خطاب میں انھوں نے کہاکہ حضرت فاطمة الزھرا ع وہ بلند مرتبہ ہستی ہیں کہ جن کے فضائل کی کوئ حد نہیں ۔خود خدا ، اسکا رسولؐ ، اسکا ولیؑ سب ثناے زھراؑ کرتے دکھای دیتے ہیں، رسالت کا اٹھ کر جناب سیدہؑ کا استقبال کرنا ان کے ہاتھوں کا بوسہ لینا اور اپنی جگہ پر بٹھانا سیدہ سلام اللہ علیھا کی عظمت و رفعت کو ظاہر کرتا ہے۔انھوں نے امام جعفر صادق ع کا قول نقل کیا اور کہا کہ امامؑ فرماتے ہیں “ ہم خدا کی جانب سے تم پر حجت ہیں اور ہماری دادی زھرا ؑ ہم پر حجت ہیں” اسی طرح امام زمانہ عج اپنے ایک ارشاد میں حضرت فاطمة الزھرا س کا اپنے لیے اسوہ قرار دیتے ہیں، ہمیں کردار و سیرت جناب سیدہ کی معرفت حاصل کرکے اس پر عمل پیرا ہونا چاہیےتقریب کے اختتام بچیوں میں انعامات تقسیم کیے گیے اور بہترین کارکردگی و تعاون پر ضلعی کابینہ کی تین عہدیداروں کو شیلڈ دی گئی۔
وحدت نیوز(لاہور) شعبہ خواتین ضلع لاھور کا مرکزی مسئول تنظیم سازی محترمہ معصومہ نقوی کے زیر سر پرستی عظیم الشان جشن ولادت باسعادت حضرت فاطمة الزھرا سلام اللہ علیھا کا انعقاد،جناب فاطمة الزھرا سلام اللہ علیھا سورة الکوثر کی تفسیر ہیں اور آپ کی شان و فضیلت لیلة القدر کی مانند ہے ، جس کا ادراک ممکن نہیں، وہ ایسی ہستی ہیں جن کی عفت و طہارت اور عظمت و بلندی تک کسی کو رسائی حاصل نہیں ،ان خیالات کا اظہار مجلس وحدت مسلمین شعبہ خواتین کی مرکزی سیکرٹری جنرل اور رکن پنجاب اسمبلی محترنہ سیدہ زھرا نقوی نے ضلع لاھور شعبہ خواتیں کے زیر اہتمام جشن جناب سیدہؑ کے حوالے سے منعقدہ محفل میں کیا ،اس موقع پر مجلس وحدت مسلمین پاکستان کے مرکزی رہنما علامہ اقبال بہشتی نے بطور مہمان خصوصی شرکت کی ۔
محترمہ زھرا نقوی نے اپنے خطاب میں مزید کہا کہ خواتین اگر باشعور و آگاہ ہوں تو معاشرہ اصلاح و فلاح کی طرف گامزن ہوتا ہے، کسی بھی عظیم ھدف کو حاصل کرنے کے لئے مشکلات کا سامنا یقینی طور پر کرنا ہوتا ہے اور ایسے میں ہم خواتین کو سیرت فاطمی و زینبی کو مدنظر رکھتے ہوے اپنی ذمہ داریاں انجام دینی ہونگی۔
اس پر مسرت جشن سعید سے علامہ اقبال بہشتی نے خواتین سے خطاب کرتے ہوئے کہا کہ حضرت زھرا سلام اللہ علیھا کی کنیزوں کے لیے لازم ہے کہ وہ حجاب شرعی کی پابند ہوں اور دیگر کو بھی ترغیب و تشویق دلائیں ، مذہب اھلبیت ع کی پیروکار خواتین کا معاشرے میں کردار اتنا بلند ہونا چاہیے کہ دیکھنے والے پہچان جائیں کہ یہ جناب سیدہ س کی کنیزیں ہیں۔
انہوں نے مزید کہا کہ دختر رسول اللہ حضرت زھرا سلام اللہ علیھا نے راہ خدا میں بے شمار قربانیاں دیں ، آپ کے در سے کوئ خالی ہاتھ نہ جاتا ، جو کچھ بھی آپ کے پاس ہوتا وہ رضاے خدا کی خاطر لٹا دیتیں حتی کہ جب دین اسلام کی بقا خطرے میں پڑی اور نبیؐ کے دین کو زک پہنچنے لگی تو آپؑ کی تمام اولاد نے اپنی اور اپنے کنبے کی جانوں کے نذرانے پیش کیے اور پاکیزہ لہو سےدین کی جڑوں کو سیراب کیا۔
اس جشن میں ایم ڈبلیو ایم ضلع لاھور کے تمام سولہ یونٹس کی جانب سے بھرپور شرکت رہی اور محترمہ زھرا نقوی نے منتخب شدہ ضلعی سیکرٹری جنرل محترمہ حنا تقوی اور ڈپٹی سیکرٹری جنرل محترمہ عظمی نقوی سے حلف لیا ،اس پر رونق جشن کا اختتام محترمہ معصومہ نقوی کے دعائیہ کلمات سے ہوا۔
وحدت نیوز(حیدرآباد) مجلس وحدت مسلمین پاکستان شعبہ خواتین اور دیگر تنظیموں ، اداروں اور مدارس کے تعاون سے تیسرا سالانہ پروگرام “اسوہ فاطمی” کے عنوان سے ضلع حیدرآباد میں منعقد ہوا،ایم ڈبلیو ایم پاکستان شعبہ خواتین ضلع حیدر آباد کی جانب سے “اسوہ فاطمی” کانفرنس کے لیے مختلف علاقوں سے خواتین کو مدعو کیا گیا۔ اس کانفرنس کے آغاز میں مدرسہ جماران اور مدرسہ فاطمیہ کی بچیوں نے تلاوت قرآن اور مختلف ایکٹیویٹیز پیش کیں،کانفرنس میں پینل ڈسکشن کے لیے مختلف شعبہ ہاے زندگی سے تعلق رکھنے والی خواتین کو دعوت دی گئ جن میں جامعہ زھرا حیدر آباد سے محترمہ سائرہ شاہ،محترمہ کنیز زھرا، زبیری کالج کی پرنسپل محترمہ تہذیب شاہ ، ایم ڈبلیو ایم شعبہ خواتین کی مرکزی سیکرٹری نشر و اشاعت اور بیت زھراؑ حیدر آباد کی چیئر پرسن محترمہ عظمی تقوی اور ایڈووکیٹ شاکرہ نیاز نے خطاب کیا۔
ایم ڈبلیو ایم شعبہ خواتین کی مرکزی مسئول محترمہ عظمی تقوی صاحبہ نے اپنے خطاب میں کہا “ سیدہ زھرا سلام اللہ علیھا سورة کوثر کی عملی تفسیر ہیں آپؑ کی نسل پاک دنیا کے ہر کونے میں موجود ہے لیکن آپ کا دشمن بے نام نشاں ہیں ،خدا نے آپؑ کو وہ مقام عطا کیا ہے جو کسی اور خاتون کو نہیں بخشا آپ سیدة النساء العالمین ہیں ، ہمارے لیے باعث فخر و مباھات ہے کہ خدا نے ہمیں سیدہؑ کے در کا گداگر بنایا ہے ، جو آپ کے در سے متمسک رہا وہ دنیا و آخرت میں فلاح پاگیا،مقررین کے خطاب کے بعد سوالات و جوابات کا سلسلہ شروع ہوا،تقریب کے اختتام میں مہمان معلمات میں شیلڈ بطور انعام پیش کی گئ اور تمام معاون اداروں ، تنظیموں اور مدارس کی مدیروں کو اظہار تشکر کیلئے سرٹیفیکیٹ پیش کیے گئے۔
وحدت نیوز(جھنگ) مجلس وحدت مسلمین شعبہ خواتین کی مرکزی سیکریٹری تنظیم سازی محترمہ سیدہ معصومہ نقوی نے ضلع جھنگ کا دورہ کیا اور منعقدہ جشن ولادت جناب سیدہ سلام الله علیھا سے خطاب کیا ،آپ نے سیرت خاتوں جنت حضرت فاطمہ ع بیان کرتے ہوے کہا کہ فاطمہ زھرا(س) نے اپنے ماں باپ کی آغوش میں تربيت پائی اور معارف و علوم الہیٰ کو، سر چشمہ نبوت سے کسب کيا۔ انہوں نے جو کچھ بھی ازواجی زندگی سے پہلے سيکھا تھا اسے شادی کے بعد اپنے شوھر کے گھر ميں عملی جامہ پہنایا،وہ اپنے گھر کے امور اور تربيت اولاد سے متعلق مسائل پر توجہ دیتی تھيں اور جو کچھ گھر سے باہر ہوتا تھا اس سے بھی باخبر رہتیںیہی وجہ ہے کہ وقت آنے پر انھوں نے اپنے اور اپنے شوہر کے حق کا دفاع کیا ۔اس کے بعد مرکزی مسئول محترمہ معصومہ نقوی نے ضلع جھنگ کی سیکرٹری جنرل محترمہ نرجس عباس جعفری سے ملاقات کی اور جھنگ میں مزید یونٹ سازی کے حوالے سے اہم امور پر مشاورت کی۔ محترمہ نرجس عباس جعفری کی معاونت سے جھنگ میں مزید یونٹس قائم کیے جائینگے۔
وحدت نیوز (مٹیاری) مجلس وحدت مسلمین پاکستان شعبہ خواتین کی مرکزی سیکریٹری روابط محترمہ سیمی نقوی نے ایم ڈبلیوایم صوبہ سندھ کے ڈپٹی سیکریٹری جنرل علامہ دوست علی سعیدی اورخواتین کارکنان کے ہمراہ گوٹھ غلام حسین لغاری میں شھید محمد خان لغاری کے اھل خانہ سے ملاقات کی ، اس موقع پر محترمہ سیمی نقوی نے کہا کہ شھادت ہماری میراث ہے ہم شہادتوں پر واویلا نہیں کرتے بلکہ سیرت جناب زینبؑ پر چلتے ہوئے سجدہ شکر بجا لاتے ہیں ، بعد ازاں مقامی امامبارگاہ میں علاقے کی خواتین ان کی منتظر تھیں محترمہ سیمی نقوی نے گوٹھ گودر لغاری میں یونٹ قائم کیا اور کہا کہ موسم کی سختی کربلائی مائوں بہنوں کے حوصلے پست کرنے میں ناکام ہے ، ہم ہر مشکل اور سختی میں جناب زینب سلام الله علیھا کے طویل سفر اور تکالیف و مصائب کو یاد کرتے ہیں اور انھی سے درس استقامت حاصل کرتے ہیں۔ اس نشست میں محترمہ سیمی نقوی نے یونٹ ممبران سے حلف لیا اور تعلیم بالغاں سکول کی بنیاد بھی رکھی۔
