وحدت نیوز(اسلام آباد) مجلس وحدت مسلمین کا ملک گیر یوم دفاع مادر وطن منانے کا اعلان ،مادر وطن کے محافظوں سے اظہار یکجہتی کے لئے اور کشمیری بھائیوں سے اظہار یکجہتی کےلئے بروز جمعہ ملک بھر میں عوامی ریلیاں نکالی جائیںگی ،اس بات کا اعلان مجلس وحدت مسلمین پاکستان کے سربراہ علامہ راجہ ناصر عباس جعفری نے ایم ڈبلیو ایم مرکزی کابینہ کے اجلاس سے خطاب کرتے ہوئے کیا ۔
انہوں نے کہا کہ ہندوستان کی جنگی جنون کے جواب میں پاکستان ایئر فورس کی کاروائی قومی غیرت اور جرت کی ترجمانی تھی ۔ ہم پاک افواج کے جری جوانوں کو خراج تحسین پیش کرتے ہیں ۔ہم شہید پرور قوم ہیں بھارت سمیت دنیا کی کسی بھی طاقت کو اجازت نہیں دینگے کہ وہ پاکستان کی طرف میلی آنکھ سے دیکھے ۔بروز جمعہ ملک بھر کی مساجد میں پاک افواج کی کامیابیوں اور ملکی سلامتی کے لئے خصوصی دعائیں کی جائیں گی وطن کے محافظوں اور کشمیری بھائیوں سے اظہاریکجہتی کے لئے ملک بھر میں عوامی ریلیاں نکالی جائیں گی ۔ ہندوستان کی جنگی جنونیت اور جارحیت کے خلاف احتجاج بھی کیاجائے گا۔
علامہ راجہ ناصر عباس نے اسلامی کانفرنس تنظیم دبئی کہ اجلاس میںہندوستانی وزیر خارجہ کو بھی بحیثیت مبصر مدعو کئے جانے کی شدید مذمت کی اور کہا کہ پاکستان کو ھندوستانی وزیر خارجہ کی شرکت کی صورت میں اس اجلاس کا بائیکاٹ کرنا چاہیے۔ عرب ممالک کی ہندوستان سے رسمی و خفیہ تعلقات باعث افسوس ہیں۔ محمد بن سلمان اور محمد بن زائد دونوں ایک ہی سکہ کہ دو رخ ہیں اور انہوں نے ھندوستان کو اسلامی کانفرنس تنظیم کہ اجلاس میں مدعو کرکے پاکستان کی پشت پہ خنجر گھونپا ہے ۔عوامی ریلیوں کے حوالے سے ایم ڈبلیو ایم مرکزی سیکرٹریٹ نے تمام اضلاع میں جماعت کے قائدین کو خصوصی ہدایت جاری کر دی ہیں ۔
وحدت نیوز(کراچی) مجلس وحدت مسلمین صوبہ سندھ کے پولیٹیکل سیکریٹری سید علی حسین نقوی نے کہاہے کہ وزیراعظم عمران خان کی جانب سے گرفتار بھارتی پائلٹ ابھی نندن کی رہائی کا فیصلہ پاکستان کی اعلیٰ ظرفی اور اسلامی اقدار کی پاسداری کا اعلیٰ نمونہ ہے۔ ایسے ظرف کا مظاہرہ صرف پاکستانی قوم ہی کرسکتی ہے۔دشمن اب بھی ھوش کرے جنگ مسائل کو جنم دیتی ہے مسائل کا حل نہیں ہے۔ امید ہے کہ بھارتی عوام پاکستان کا پیغام سمجھے گی اور جنگی جنون میں مبتلا اپنے نفسیاتی صدر نریندرمودی کو بھی سمجھائے گی۔انہوں نے مزیدکہاکہ پاکستان کےجذبہ خیرسگالی کو کمزوری ہرگز ناسمجھا جائے ، ہم اپنے مادر وطن کے ایک ایک انچ کا دفاع کرنا جانتے ہیں۔
وحدت نیوز (سرگودھا) مجلس وحدت مسلمین پاکستان کے مرکزی ڈپٹی سیکریٹری جنرل سید ناصرعباس شیرازی ایڈوکیٹ کے والد محترم سید غلام عباس شاہ کے انتقال پر ملال پرمختلف سیاسی ، مذہبی وسماجی شخصیات کی جانب سے تعزیت اور افسوس کے اظہار کا سلسلہ جاری ہے،اس سلسلے میں جماعت اسلامی پاکستان کے مرکزی نائب امیر لیاقت بلوچ کی ان کی رہائش گاہ آمد اور ا ن کے والد بزرگوارکی رحلت پرتعزیت کا اظہارکیااور مرحوم کی قبر پر جاکر فاتحہ خوانی بھی کی، جبکہ شیعہ علماءکونسل کے مرکزی جنرل سیکریٹری علامہ عارف واحدی ،ترجمان جامعتہ المنتظر نصرت شہانی،چیئرمین ولایت ٹی وی علامہ ظہیر الحسن نقوی،سی ای اوہدایت ٹی وی ، ٹوبہ ٹیک سنگھ بار کونسل اور مختلف بار ایسوسی ایشنز کے صدور اور دیگر سیاسی وسماجی رہنمائوں نے بذریعہ ٹیلی فون ناصرعباس شیرازی سے ان کے والد محترم کے انتقال پر دلی افسوس اور رنج وغم کا اظہار کیاہے۔
وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے بھارتی سرحدی خلاف ورزی پر پاک فضائیہ کی موثر اور کامیاب جوابی کاروائی پر خراج تحسین پیش کرتے ہوئے کہاہے کہ پاک فضائیہ کے جانباز وں کی بروقت جوابی کاروائی نے مودی سرکار کے دانت کھٹے کردیئے ہیں، امید ہے کہ مودی سرکاراور ہندوں انتہاپسندوں کےسر سے جنگ کا بھوت اترگیاہوگا، پاک فوج خصوصاًپاک فضائیہ کے چاک وچوبند پائلٹس نے اپنی پیشہ وارانہ مہارت سے ثابت کردیاہے کہ پاکستان کی سرحدیں محفوظ ہاتھو ں میں ہیں۔
علامہ راجہ ناصرعباس نےمزیدکہاکہ خطے میں کشیدگی پاک وبھارت دونوں کے مفادمیں نہیں البتہ بھارت اگر پاکستان کی سلامتی کو چیلنج کرنے کی کوشش کرےگاتو منہ توڑ جواب پائے گا جس کا ثبوت آج دوبھارتی طیاروں کی پاکستانی حدودمیں تباہی اور دو بھارتی پائلٹس کی زندہ گرفتاری ہے، انہوںنے ملت جعفریہ سے اپیل کی کہ وہ مادر وطن کے دفاع کیلئے ہر لمحہ آمادہ وتیار رہے انشاءاللہ پانچ کروڑ شیعہ اس پاک وطن کی نظریاتی وجغرافیائی سرحدوں کے تحفظ کیلئے اپنے خون کےآخری قطرے اور آخری سانس تک ڈٹی رہیں گے۔
وحدت نیوز(ملتان)مجلس وحدت مسلمین پاکستان شعبہ خواتین کی سیکرٹری جنرل و ممبر صوبائی اسمبلی پنجاب سیدہ زہرا نقوی نے کہا ہے کہ بھارتی جارحیت کے خلاف پاکستانی عوام پاک افواج کے شانہ بشانہ کھڑی ہے، پاک فوج نے بھارتی جنگی جنون قابل فخر جواب دیکر پوری قوم کاسر فخرسے بلند کردیاہے،گلگت سے گوادر تک عوام وطن پر جان نثار کرنے کے لئے تیار ہے ۔بھارتی بزدلانہ وار پاکستان کو اشتعال دلانے کی کوشش ہے ، ہندوستانی حکومت اسلحے کے انبار پر بیٹھ کر خوش فہمی میں مبتلا ہے، ہندوستانی سیاست میں جنگی نعروں کا رواج خطے کے امن کے لئے شدید خطرہ بن چکے ہیں، پاک بھارت کشیدگی کے دوران او آئی سی کا کردار شرمناک ہے ، بھارت کس حیثیت میں او آئی سی اجلاس میں شرکت کر رہا ہے ؟ پاکستانی حکومت او آئی سی ممالک سے فوری رابطہ کرئے، اگر او آئی سی معاملات کو درست نہیں کر سکتی تو خراب کرنے سے باز رہے ، ہندوستانی حملے کو عالمی قوتیں سنجیدگی سے دیکھے، ہندوستان خطے میں جنگ کی آگ کو بھڑکا رہا ہے بھارتی اشتعال انگیزی کے خلاف تمام سیاسی قوتوں کو متحد ہونا ہو گا۔
ان خیالات کااظہار اُنہوں نے ملتان میں سیدہ فاطمہ زہرا سیرت کانفرنس اور بعدازاں ایم ڈبلیو ایم کے رہنمائوں سے ملاقات میں کیا ۔اس موقع پر صوبائی سیکرٹری جنرل علامہ اقتدار حسین نقوی، سلیم عباس صدیقی، مہر سخاوت علی اور دیگر رہنما موجود تھے۔ سیدہ زہرا نقوی نے مزید کہا کہ مودی سرکار ہوش کے ناخن لے الیکشن جیتنے کیلئے خطے کے امن کو تباہ نہ کرے، پاکستان ایک پُرامن ملک ہے ، دہشتگردی کا سب سے زیادہ نقصان پاکستان کو ہوا، ستر ہزار پاکستانی دہشتگردی کا شکار ہوئے لیکن پاکستان نے ہمیشہ امن کو ترجیح دی، پاکستان نے ہمیشہ دوستی کا ہاتھ بڑھا یا اور صلح کا پیغام دیا مگر دوسری طرف ہندوستان ہٹ دھرمی کا شکار ہے، پاکستان کا ہر بچہ ملک کے دفاع کے لیے پاک فوج کے شانہ بشانہ کھڑا ہے، وطن کا دفاع ہمارے لیے عزت، وقار اور کسی سعادت سے کم نہیں ہے۔
وحدت نیوز(ڈیرہ اسماعیل خان) شہزادی کونین اعلی الہی اور انسانی کمالات و فضائل کی حامل تھیں، آپ کی الہی فضیلت میں یہی کافی ہے کہ آپ جب بھی بزم رسالت میں تشریف لاتیں پیغمبر اسلام صلی اللہ علیہ وآلہ وسلم آگے بڑھ کر آپ کا استقبال کرتے اور بی بی دوعالم کو اپنی جگہ پر بٹھاتے، مجلس وحدت مسلمین شعبہ خواتین ضلع ڈیرہ غازی خان کے زیر اہتمام بامناسبت ولادت باسعادت جناب سیدہ سلام اللہ علیھا “سیرت حضرت فاطمہ زھراؑ” کے عنوان سے سیمینار کا انعقاد کیا گیا ،جس سے مجلس وحدت مسلمین شعبہ خواتین کی مرکزی سیکرٹری جنرل اور رکن پنجاب اسمبلی محترمہ زھرا نقوی نے خطاب کیا ۔
آپ نے خاتون جنت کے فضائل اور ان کی سوانح حیات پر روشنی ڈالتے ہوئے کہاکہ جناب سیدہ سلام الله علیھا کہ فضائل و مناقب کی کوئ حد نہیں ، آپ وہ عظیم ہستی ہیں کہ جن کی طہارت و عفت کی گواہی خود خدا نے اپنی کتاب میں دی ہے ،حضرت فاطمہ زھرا اپنی والدہ گرامی حضرت خدیجہ کی اعلیٰ صفات کا واضح نمونہ تھیں جود و سخا، اعلیٰ فکری اور نیکی میں اپنی والدہ کی وارث اور ملکوتی صفات و اخلاق میں اپنے پدر بزرگوار کی جانشین تھیں۔ وہ اپنے شوھر حضرت علی(ع) کے لئے ایک دلسوز، مھربان اور فدا کار زوجہ تھیں ۔
انہوں نے کہا کہ ہم خواتین اگر دین و دنیا میں کامیابی چاہتی ہیں تو ہمیں اسوہ جناب سیدہ س پر عمل پیرا ہونا ہوگا ، ہم پر لازم ہے کہ ہم بی بی کی سیرت کا مطالعہ کریں اور ان کی تعلیمات و کردار پر عمل کریں اور اسے عام کریں اس سیمینار کے اختتام پر محترمہ زھرا نقوی صاحبہ نے نو منتخب سیکرٹری جنرل مجلس وحدت مسلمین شعبہ خواتین ضلع ڈیرہ فازی خان محترمہ لیلیٰ رباب سے حلف لیا۔
