وحدت نیوز (سکردو) وزیر اعلی گلگت بلتستان خالد خورشید نے سرمک 2 میگاواٹ پاور پراجیکٹ کا افتتاح کردیا! اس موقع پر صوبائی وزیر زراعت و پارلیمانی لیڈر مجلس وحدت مسلمین گلگت بلتستان محمد کاظم میثم، صوبائی وزیر تعمیرات وزیر سلیم و دیگر اعلی حکام موجود تھے۔ سرمک 2 میگاواٹ پاور پراجیکٹ سے بجلی کی ترسیل سے سکردو شہر میں بجلی کی فراہمی میں مدد ملے گی۔
واضح رہے کہ گزشتہ سال وزیراعلی نے محکمہ برقیات کو سرمک 2 میگاواٹ پاور پراجیکٹ کی تعمیر کا کام تیز کرکے رواں موسم سرما سے بجلی کی ترسیل یقینی بنانے کا حکم دیا تھا۔
