وحدت نیوز (ٹیکسلا) شہید علامہ شیخ نوازعرفانی نے سترہ سال پاراچنار کی خدمت کی، اور امتحان کے وقت بھی وہ خود میدان ثابت میں قدم رہے، ان کی شہادت اہل کرم و پاراچنار کے لئے باالخصوص اور اہل پاکستان کے مومنین کے لئے باالعموم ایک بہت بڑا نقصان ہے، ایسے موقع پر صبر کا دامن ہمیں ہاتھ سے نہیں چھوڑنا چاہیے، اور دشمن کے عزائم کا تدارک کرتے ہوئے ملک و قوم کو وحدت کی لڑی میں پرونا چاہیے، ان خیالات کا اظہار مجلس وحدت مسلمین پاکستان صوبہ خیبر پختونخوا کے سیکرٹری جنرل علامہ سبطین حسین الحسینی نے شہید عرفانی کی شہادت کے سلسلہ میں منعقدہ مجلس عزا و قل خوانی سے خطاب میں کیا۔ شہید عرفانی کے ایصال ثواب کے لئے جامعۃ القائم (عجل)، ٹیکسلا میں منعقدہ مجلس میں اس موقع پر علامہ سید مہدی شیرازی(کوہاٹ) اور علامہ تجمل حسینی بھی موجود تھے۔کرم اور اورکزئی کے مومنین کی بڑی تعداد نے شرکت کی۔