وحدت نیوز(اسلام آباد)چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے اسلامی جمہوریہ ایران کے صدر ڈاکٹر سید محمد ابراہیم رئیسی کی شہادت پر سوگوران بالخصوص رہبر معظم آیت اللہ سید علی خامنہ ای اور ملت ایران کی خدمت میں اپنی اور پاکستانی قوم کی جانب سے ہدیہ تعزیت و تسلیت پیش کرتے ہوئے کہا ہے کہ اس عظیم سانحے پر ایرانی قوم کے غم میں برابر کے شریک ہیں، سید ابراہیم رئیسی کی شہادت امت مسلمہ کے لیے ایک المناک سانحہ ہے، ایران کے صدر مستضعفین جہان بالخصوص غزہ کے مظلومین کی حمایت میں ایک توانا اور مضبوط آواز تھے، ایرانی صدر نے اسلام، قران اور مظلومین کا ہر پلیٹ فارم پر بھرپور دفاع کیا، ابراہیم رئیسی ایک باحکمت، جرات مند اور بابصیرت رہنما تھے، عالم اسلام کو اپنے اس نڈر رہنما پر فخر ہے اور آپ کی گراں قدر خدمات کو ہمیشہ یاد اور سنہری حروف میں لکھا جائے گا۔