وحدت نیوز(کراچی) پیپلز پارٹی کی سندھ حکومت وہ واحد حکومت ہے جس کے نذدیک انسانی جانوں سے زیادہ کتوں کی جانیں قیمتی ہیں ۔ اگر انسانی ہمدردی کی بنیاد پر ایک سزا یافتہ مجرم کو بیرون ملک علاج کی سہولت فراہم کی جاسکتی ہے تو انسانی ہمدردی کی بنیاد پر حکومت سرکاری خرچ پر معصوم حسنین کو علاج کے لئے باہر بھیجے جہاں اس کے چہرے کی سرجری ہوسکے۔ان خیالات کا اظہا ر مجلس وحدت مسلمین کراچی ڈویژن کے ترجمان سید احسن عباس رضوی نے میڈیا سیل سے جاری بیان میں کیا۔

انہوں نے کہاکہ ملک بھر خصوصاسندھ میں آوارہ اور پاگل کتوں نے شہریوں کی زندگیاں خطرے میں ڈال رکھی ہیں ۔ایک اندازے کے مطابق اسوقت سندھ میں 20 لاکھ سے زائد آوارہ کتے موجود ہیں۔سندھ کے مختلف علاقوں سے سگ گزیدگی کے واقعات میں مسلسل اضافے کی خبریں آرہی ہیں لیکن حکومت کے کان پر جوں تک نہیں رینگ رہی۔ لاڑکانہ سے تعلق رکھنے والے معصوم حسنین کو آوارہ کتے نے جس بے دردی سے نوچاہاہے اس کی مثال نہیں ملتی ۔

انہوں نے مزیدکہاکہ ایک سال کے دوران 92 ہزار سے زائد کتے کے کاٹے جانے کیس رپورٹ ہوئے کئی درجنوں افراد اذیت ناک موت کا شکار ہوئے۔سندھ حکومت صوبے کو پیرس بنانے کے دعوے تو کرتی ہے لیکن سرکاری اسپتالوں میں (ریبیزوائرس )کتے کے کاٹے کے بعد کی ویکسین بھی دستیاب نہیں ۔ سندھ حکومت آوارہ اور پاگل کتوں کے خاتمے کے خلاف مہم چلانےکیلئے بہانے بازی سے کام لے رہی ہے ۔ اگر سندھ حکومت آوارہ اور پاگل کتوں کے خلاف کوئی کاروائی انجام نہیں دے سکتی توان کتوں کے خاتمے کیلئےاقدامات کی سیاسی ، سماجی اور فلاحی تنظیموں کو اجازت دے ۔

احسن عباس رضوی نے کہاکہ ایم ڈبلیوایم سندھ بھر میں سگ گزیدگی کے بڑھتے واقعات پر شدید تشویش کا اظہار کرتی ہے اور حکومت سے مطالبہ کرتی ہے کہ وہ ریبیز ویکسین کی اسپتالوں کو فراہمی یقینی بنائے اور کتے سے کاٹنے سے شدید زخمی معصوم حسنین کے سرکاری خرچ پر بیرون ملک علاج کا فوری انتظام کرے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے برداشت کے عالمی دن کے موقع پر اپنے بیان میں کہا ہے کہ شدت پسندی اور تکفیریت کے بڑھتے ہوئے رجحان کا بنیادی سبب برداشت، تحمل اور رواداری کا فقدان ہے۔عدم برداشت کے باعث معاشرتی انتشار میں تیزی آ رہی ہے جو اسلامی تعلیمات کے سراسرمنافی ہے۔چودہ سو سال قبل برداشت کا جو درس دین اسلام نے سکھایا آج پوری دنیا میں اسی کا پرچار کیا جا رہا ہے۔

انہوں نے کہا کہ انتہا پسندانہ سوچ دراصل عدم برداشت ہی کا  دوسرا نام ہے۔وہ عناصر جو اپنے علاوہ سب کے عقائد کو گمراہی قرار دے کر معاشرے میں جنگ و جدل کی دعوت دیتے ہیں وہ امن کے دشمن اور ساری دنیا کے لیے خطرہ ہے۔دہشت گردی اور انتہاپسندی کا تعلق کسی مذہب سے نہیں بلکہ عدم برداشت اور عالمی سازشوں سے ہے۔

انہوںنے مزیدکہاکہ برداشت کو اپنی زندگی کا حصہ بنا کر بہت ساری مشکلات سے چھٹکارا حاصل کیا جا سکتا ہے۔برداشت کا جذبہ مختلف خاندانوں کو جوڑے رکھتا ہے۔ برداشت ہی وہ طاقت ہے جو مختلف مکاتب فکر و مذاہب کو دست وگریباں ہونےسے روک کر دلیل اور علمی مباحث کی طرف رہنمائی کرتی ہے۔انہوں نے کہا کہ ایک فلاحی اور پُرامن ریاست کے لیے برداشت کا عنصر ناگزیر ہے۔ بقائے باہمی ،تنازعات سے چھٹکارے اور امن عالم کے لیے برداشت کو فروغ دینا ہو گا۔

وحدت نیوز(کراچی) ملک میں بڑھتی ہوئی مہنگائی نے غریب عوام کا جینا محال کردیا ہے، ان خیالات کا اظہار پاکستان فلاح پارٹی کے سربراہ قاضی عتیق الرحمن نے صوبائی سیکرٹریٹ مجلس وحدت مسلمین پاکستان سندھ آمد کے موقع پر صوبائی رہنما ناصر الحسینی ، کراچی ڈویژن کے علامہ صادق جعفری ، علامہ مبشر حسن ، میر تقی ظفر ، رضوان علی و دیگر ارکین سے گفتگو کرتے ہوئے کیا ۔

قاضی عتیق الرحمن نے کہا کہ ملک میں فرقہ وارانہ ہم آہنگی کو برقرار رکھنے میں مجلس وحدت مسلمین کا اہم کردار ہے اور شہید علامہ عارف الحسینی کی امت مسلمہ کو یکجا کرنے کی جدوجہد تاریخ میںہمیشہ زندہ رہے گی ۔

ایم ڈبلیو ایم کراچی کے سیکرٹری جنرل مولانا صادق جعفری نے پاکستان فلاح پارٹی کے مرکزی صدر قاضی عتیق الرحمن سے سیاسی صورتحال اور بلدیاتی الیکشن کی تیاریوں کے حوالے سے گفتگو کی۔

 مرکزی صدر نے مزید کہا کہ مجلس وحدت مسلمین اور پاکستان فلاح پارٹی میں سیاسی و مذہبی طور پر کافی باتیں مشترک ہیں انشاءاللہ مستقبل میں بھی ملکی سیاست میں PFP اور MWM اپنا اہم کردار ادا کریں گی۔

 اس موقع پاکستان فلاح پارٹی کے وفد میں صوبائی صدر سندھ رمضان مغل ایڈووکیٹ ، کراچی کے صدر شکیل الدين صدیقی اور جنرل سیکرٹری جیند منشی شامل تھے آخر میں شہدائے پاکستان ، کشمیر ، فلسطین کیلئے دعا کی گئی۔

وحدت نیوز(ماتلی) ملک دشمن عناصر سندھ میں فرقہ واریت کو فروغ دینا چاہتے ہیں۔حضرت محمد ﷺ اور ان کی آل پر مسلمانوں کے تمام مکاتب فکر کا کامل ایمان ہے۔ اہلبیت اطہار علیہم السلام کی گستاخی توہین رسالت کے زمرے میں آتی  ہے جس کے مرتکب کو سرعام پھانسی ملنی چاہئے۔شان میں گستاخی کرنے وا لے مجرم کی ماتلی سمیت دیگر اضلع میں ایف آئی آر درج کی جائے۔مجلس وحدت مسلمین کی جانب سے گستاخ اہلبیت ؑ کی پھانسی کیلئے بدھ کو احتجاجی مظاہرے کئے جائیں گے۔ان خیالات کا اظہار مجلس وحدت مسلمین سندھ کے صوبائی ڈپٹی سیکرٹری جنرل علامہ رضا محمد سعیدی نے ماتلی پریس کلب میں نیوز کانفرنس کے دوران خطاب میں کیا۔

انہوں نے کہا کہ امام مہدی علیہ السلام کی ذات اقدس کے حوالے سے تمام مسلمانوں کے تمام مکاتب فکر متفق ہیں اور ان کے احترام کو ایمان کا حصہ قرار دیتے ہیں۔سوشل میڈیا پر  امام مہدی علیہ السلام کی شان میں گستاخی کرنے والے ملعون عبد الستار جمالی نے امت مسلمہ کے مذہبی جذبات کو مجروح کیا۔توہین اہلبیت کی اس جسارت نے  پورے ملک کو غم و غصے میں مبتلا کر دیا ہے۔عبد الستار جمالی نہ صرف مقدسات کی توہین کا ارتکاب کیا ہے بلکہ پورے  ملک میں فرقہ واریت کی آگ بھڑکا نے کی مذموم کوشش بھی کی ہے۔ اس اقدام کے خلاف مجلس وحدت مسلمین کی کال پربدھ کے روز ماتلی سمیت سندھ کے مختلف اضلاع میں مظاہرے کیے گئے جائیں گے اس حوالے سے ماتلی پریس کلب کے باہر احتجاج کیا جائے گا۔

علامہ رضا محمد سعیدی کا مذید کہنا تھا کہ سرزمین سندھ اول اسلام کے بعد سے ہی اولیاء اللہ کا مسکن رہی ہے اور اس سرزمین پر مشہور معروف صوفی و مذہبی شخصیات کی آمد و رفت رہی ہے اور انہی کی بدولت اسلام پھیلا ہے جبکہ آج سندھ دھرتی پر چند نفرت انگیز عناصر دشمنان اسلام اور دشمنان پاکستا ن کے ناپاک عزائم کی تکمیل کے لئے یہاں فرقہ واریت کو فروغ دینا چاہتے ہیں کہ سندھ دھرتی میں بسنے والے پر امن اور عاشقان محمد و آل محمد علیہم السلام کے راستوں میں رکاوٹ بن سکیں۔فرقہ واریت کو ہوا دینے کے لئے بیرونی آقاؤں کے اشارو ں پر چلنے والے یہ ناعاقبت اندیش عناصر کبھی توہین رسالت کے مرتکب ہو تے ہیں تو کبھی اہل بیت رسول کے خلاف ہرزہ سرائی کر کے سندھ کے پر امن ماحول کو خراب کرنے کا گھناؤنا کھیل کھیل رہے ہیں، عبد الستار جمالی کو سرعام پھانسی پر لٹکایا جائے تاکہ آئندہ کوئی ایسی مذموم حرکت کرنے کی جرات نہ کرے۔پریس کانفرنس میں ایم ڈبلیو ایم کے رہنما ارشد علی،مولانا مجاہد سعیدی،مولانا ممتاز علی طاہری،یعقوب الحسینی سمیت دیگر موجود تھے۔

وحدت نیوز (تہران) پاکستان شعبہ امور خارجہ کے سربراہ حجت الاسلام و المسلمین ڈاکٹر سید شفقت حسین شیرازی نے تہران میں منعقدہ سالانہ بین الاقوامی وحدتِ اسلامی کانفرنس میں خصوصی شرکت کی۔ مجمع جہانی تقریب بین المذاہب کے زیر اہتمام ہفتہ وحدت کی مناسبت سے بین الاقومی کانفرنس امسال وحدتِ اسلامی در دفاع از فلسطین کے زیر عنوان منعقد ہو رہی ہے۔

 کانفرنس میں پاکستان سمیت دنیا بھر سے مختلف مذاہب اسلامی کے 300 سے زیادہ مفتیانِ کرام، علمائے عظام اور دانشوروں سمیت تقریبا 500 اسکالرز اور علماء شریک ہیں۔ ایران کی اعلیٰ سیاسی و مذہبی قیادت سمیت متعدد بین الاقوامی شخصیات نے کانفرنس سے خصوصی خطابات کیے اور اپنے خطابات میں امت مسلمہ کے درمیان اتحاد و وحدت کی ضرورت، اہمیت اور طریقہ ہائے کار پر اپنی تجاویز پیش کی ہیں۔

 وحدت اسلامی کانفرنس کے شرکاء نے فلسطینی مزاحمت کی مکمل حمایت کے اعلان کا بھی اعادہ کیا ہے۔ ایم ڈبلیو ایم پاکستان کے سیکرٹری امور خارجہ ڈاکٹر سید شفقت حسین شیرازی نے کانفرنس کے مختلف سیشنز میں خصوصی شرکت کی اور خطاب کیا۔

وحدتِ اسلامی کانفرنس کے حاشیے میں ایم ڈبلیو ایم پاکستان کے سیکرٹری امور خارجہ حجت الاسلام و المسلمین ڈاکٹر سید شفقت حسین شیرازی نے مختلف بین الاقوامی شخصیات سے خصوصی ملاقاتیں اور نشستیں بھی کیں جن میں دوطرفہ تجربات سے استفادے اور دنیائے اسلام میں فعال مذہبی و سیاسی گروہوں کے درمیان باہمی تعلقات میں مزید تقویت کی ضرورت پر زور دیا گیا۔

 علامہ ڈاکٹر سید شفقت حسین شیرازی نے آج صبح مجمع بیداری اسلامی کی سپریم کونسل کے اجلاس میں نیز خصوصی شرکت کی۔ وحدتِ اسلامی کانفرنس کا اختتامی اجلاس آج 16 نومبر کی شام کو منعقد ہوگا۔

وحدت نیوز(بنگل خان چانڈیو) مجلس وحدت مسلمین پاکستان کے مرکزی ترجمان علامہ مقصود علی ڈومکی نے بنگل خان چانڈیو میں عید میلادالنبی صلی اللہ علیہ والہ وسلم اور حضرت امام جعفر صادق علیہ السلام کے یوم ولادت با سعادت کے موقع پر میلاد ریلی میں شرکت کی اور جشن میلاد اور ھفتہ وحدت کی تقریب سے خطاب کیا۔

جشن میلاد الصادقینؑ ریلی سے جماعت اھل سنت کے ممتاز عالم دین مولانا طاہر علی شاہ جیلانی اصغریہ آرگنائزیشن پاکستان کے مرکزی صدر نسیم عباس منتظری اے ایس او کے مرکزی صدر انتظار مہدی زرداری نے بھی خطاب کیا۔

اس موقع پر خطاب کرتے ہوئے علامہ مقصود علی ڈومکی نے کہا ہے کہ حضرت سید الانبیاء ص نے ہمیں اتحاد اور وحدت کا درس دیا ۔حضور کی ذات گرامی امت مسلمہ کے درمیان نکتہ اتحاد ہے۔ شیعہ اور سنی آپس میں بھائی ہیں اور ان کا دشمن امریکہ اور اسرائیل ہےاور آل سعود امریکہ و اسرائیل کی ایما پر امت مسلمہ کے درمیان نفرت اور انتشار پھیلاتے ہیں۔

علامہ مقصودڈومکی نے مزید کہا کہ مجلس وحدت مسلمین وطن عزیز پاکستان میں اتحاد و وحدت کی علمبردار ہے ہم پاکستان سے بیرونی مداخلت کا خاتمہ چاہتے ہیں۔