وحدت نیوز (کوئٹہ) مجلس وحدت مسلمین کوئٹہ ڈویثرن کی جانب سے ڈیرہ اسماعیل خان میں چار شیعہ پروفیشنلزکے قتل کے خلاف بعد نماز جمعہ مسجدو امام بارگاہ کلان میکانگی روڈ میں احتجاجی مظاہرہ کیا گیا جس میں مظاہرین کی بڑی تعداد موجود تھی، احتجاجی مظاہرے سے خطاب میں ایم ڈبلیوایم کے رکن شوری عالی علامہ سید ہاشم موسوی اورسیکرٹری جنرل کوئٹہ ڈویژن عباس علی نے شیعہ نسل کشی کی شدید الفاظ میں مذمت کرتے ہوئے کالعدم جماعتوں اور سہولت کاروں کے خلاف ملک گیر آپریشن سمیت قاتلوں کی جلد از جلد گرفتاری کا مطالبہ کیا علامہ ہاشم موسوی نے مظاہرین سے خطاب میں کہنا تھا کہ پشاور اور ڈی اآئی خان میں حالیہ دہشگردی کے واقعات نے وفاقی و صوبائی حکومت سمیت ریاستی ارداروں کے دہشتگردی کی روک تھام کیلئے کئے جانے والے کاسمیٹک انتظامات کی قلعی کھول دی ہے ایک بار پھر ملک بھر میں شیعہ نسل کشی کے واقعات میں اضافہ ہوتا جارہا ہے جبکہ دوسری جانب قاتلوں کی عدم گرفتاری ملت جعفریہ کیلئے باعث تشویش اور قابل مذمت ہے.احتجاجی مظاہرے میں شامل شرکاء نے وفاقی و خیبر پختونخواہ حکومت کے خلاف شدید نعرے بازی کی.علامہ ہاشم موسوی نے شہید ہونے والے افراد کے اہل خانہ سے دلی ہمدردی اظہار کیا اور شہداء کے بلندی درجات کیلئے دعا کرائی.

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ڈیرہ اسماعیل خان میں ایک دن کے دوران ٹارگٹ کلنگ کے واقعات میں چار شیعہ پروفیشنلز کے بیہمانہ قتل پر گہرے غم و غصے کا اظہار کرتے ہوئے اسے حکومتی بے حسی اور قانون نافذ کرنے والے اداروں کی نا اہلی قراد دیا ہے۔علامہ آغا علی رضوی، علامہ علی شیرانصاری اورمحمد علی کے ہمراہ مرکزی سیکریٹریٹ میں پریس کانفرنس کرتے ہوئے انہوں نے کہا کہ 2 وکلا اور 2 اساتذہ کا قتل ضرب عضب اور نیشنل ایکشن پلان کی ناکامی ظاہر کرتاہے۔ملک میں دہشت گردی کی تازہ لہر خیبر پختونخواہ اور وفاقی حکومت کی دہشت گردعناصر کے خلاف فیصلہ کن کاروائی سے تساہل برتنے کا نتیجہ ہے۔کے پی کے کے وزیر اعلیٰ پرویز خٹک صوبے میں امن و امان کے قیام میں بُری طرح ناکام ہو چکے ہیں تحریک انصاف کی مرکزی قیادت فوری طور پر ان کی برطرفی کا اعلان کرے۔دہشت گردی کے خلاف جاری ضرب عضب سے مطلوبہ نتائج حاصل نہیں کیے جا رہے جس کی بنیادی وجہ سہولت کاروں کے خلاف کاروائی میں پس و پیش ہے۔انہوں نے کہا کہ محض کرایے کے چند قاتل پکڑنے سے ان واقعات کا انسداد ممکن نہیں۔اگر حکومت دہشت گردی کے خاتمے میں سنجیدہ ہے تو انتہا پسند عناصر کی مکمل بیخ کنی کے لیے ملک گیر فوجی آپریشن کافوری آغاز کرے۔

انہوں نے آرمی چیف جنرل راحیل شریف سے مطالبہ کیا ہے کہ ڈیر ہ اسماعیل خان249 پشاور249کوئٹہ249کراچی سمیت دیگر شہروں میں کالعدم جماعتوں کے خلاف فوجی آپریشن بلاتاخیر شروع کیا جائے اورملک میں جاری شیعہ نسل کشی کا فوری نوٹس لیتے ہوئے ذمہ داران کو انصاف کے کٹہرے میں لایا جائے۔مجلس وحدت مسلمین کی طرف سے ملت تشیع کی چار قیمتی جانوں کے ضیاع پر جمعہ کے روز یوم سوگ منایا گیااور ملک کے مختلف شہروں میں نماز جمعہ کی ادائیگی کے بعد احتجاجی جلوس نکالے گئے۔علامہ ناصر عباس نے شہداء کی بلندی درجات اور پسماندگان کے لیے صبر جمیل کی دعا کی۔

وحدت نیوز (قم) مجلس وحدت مسلمین شعبہ قم کے زیر اہتمام مبلغین کے لئے شارٹ کورس کا اہتمام کیا گیا، جس میں مبلغین کی کثیر تعداد نے شرکت کی۔ کورس کی پہلی نشست سے خطاب کرتے ہوئے استاد مہدی زادہ نے شہید مطہری کی تبلیغی روش پر تفصیلی گفتگو کی اور اخلاص، شجاعت اور شناخت و بصیرت کو شہید کی تبلیغی زندگی میں کامیابی کے بنیادی عوامل قرار دیا۔ کورس کی دوسری نشست سے مجلس وحدت مسلمین پاکستان کے مرکزی سیکرٹری امور خارجہ حجۃ الاسلام والمسلین علامہ ڈاکٹر سید شفقت شیرازی نے مبلغ کی اہم خصوصیات، مجلس وحدت کے حوالے سے مبلغین کی ذمہ داریوں اور مشرق وسطٰی خصوصا شام کی تازہ ترین صورت حال پر تفصیلی گفتگو کی۔ انہوں نے مبلغین کی بنیادی ذمہ داریوں کی طرف اشارہ کرتے ہوئے کہا کہ مبلغ کو اخلاقی، علمی اور عملی طور پر ضروری صفات کا حامل ہونا چاہئے اور کامیاب مبلغ کے لئے ضروری ہے کہ سب سے پہلے مناسب تبلغی جگہ کا انتخاب کرے اور اجتماعی عبادات (نماز جماعت، دعاوں کی محافل)، سماجی مسائل ( فقراء کی مدد، مریضوں کی عیادت اور معاشرے میں موجود مسائل کے حل) سمیت دینی حمیت اور قومی درد کا جذبہ پیدا کرنے کی کوشش کرے اور جس طرح ہماری قوم انفرادی اور خاندانی مسائل میں باغیرت نظر آتی ہے، اسی طرح ضرورت اس امر کی ہے کہ اجتماعی مسائل میں بھی غیرت و حمیت کا جذبہ پیدا کرنے اور عملی طور پر کردار ادا کرنے کی کوشش کریں۔

انہوں نے مزید کہا کہ اخلاقی طور پر سب سے پہلے اخلاص، خدا پر توکل، صبر، تواضع و انکساری اور وسعت قلبی جیسی بنیادی صفات کا حامل ہونا چاہئے۔ اسی طرح علمی طور پر دین شناس، علوم سے مسلسل رابطہ اور زمان و مکان شناس ہونا چاہئے اور تیسرے مرحلہ میں جب وہ عملی زندگی میں جائے تو اہم اور مہم کو پہچانے کی صلاحیت رکھتا ہو اور اپنے آپ کو دین کا امین اور ترجمان سمجھتا ہو، نیز تبلیغ کو اپنی بنیادی ذمہ داری سمجھ کر انجام دیتا ہو۔ انہوں نے مزید کہا کہ مبلغین کو چاہئے کہ وہ پاکستان میں موجود مجلس وحدت مسلمین کے علماء کے دست و بازو بنیں اور مجلس وحدت مسلمین کے الٰہی اہداف کی محوریت میں ملک عزیز پاکستان کی قومی، سیاسی، علمی، فکری اور نظریاتی اقدار کی حفاظت کی تحریک میں ساتھ دیں اور اتحاد امت کے لئے عملی کوشش کریں۔

آخر میں انہوں نے مشرق وسطٰی خصوصاً شام کی حالات کی طرف اشارہ کرتے ہوئے کہا کہ اس وقت شام خصوصاً حلب امریکہ، اسرائیل اور سعودی عرب سمیت انسان دشمن بلاک اور دین حق کے حقیقی ترجمان مقاومت بلاک کی توجہ کا مرکز بنا ہوا ہے اور دونوں طرف سے اپنی تمام تر توانائیاں صرف کرکے کامیابی کے لئے کوشاں ہیں۔ امریکہ خطے میں اپنے اثر کو قائم رکھنے اور مذاکرات کی میز پر اپنے آپ کو زیادہ حقدار قرار دینے کے لئے پوری کوشش کر رہا ہے تو دوسری طرف سعودی عرب ایران کے مذاکرات اور یورپ سے بنتے تعلقات دیکھ کر پریشان ہے اور اپنی اقتصادی صورتحال سے پریشان اپنی فکر میں مگن ہوکر شام کو ڈھال کے طور پر استعمال کر رہا ہے۔ یوں امریکہ اور سعودی عرب سمیت، ترکی، خلیجی ممالک کے مفادات کی جنگ مین شام سمیت پورا خطہ جل رہا ہے، جبکہ دوسری طرف مقاومت بلاک کے مجاہدین نصرت الٰہی اور اپنے مقصد اہداف کی محوریت میں مسلسل کامیابیاں حاصل کر رہے ہین اور امید ہے کہ خدا کی مدد سے حلب کے محاذ پر بھی مقاومت بلاک کو کامیابی ملے گی اور دشمن اپنے مذموم مقاصد مین ناکام ہونگے۔

وحدت نیوز(کراچی) مجلس و حدت مسلمین کے مرکزی ڈپٹی سیکرٹری جنرل احمد اقبال رضوی کا کہنا ہے کہ ڈی آئی خان249 پشاور میں روزانہ دہشتگردی کے واقعات ریاستی اداروں سمیت صوبائی حکومت کی نا اہلی ہے،جب تک فوجی اور شیعہ پاکستانیوں کے قاتلوں میں تفریق ختم نہیں ہوتی دہشت گردی جاری رہے گی، افواج پاکستان اور حکومت کالعدم دہشتگردی جماعتوں اور سہولت کاروں کے خلاف ملک گیر آپریشن کا اعلان کریں،خوجہ مسجد کھارادر کے سامنے ایم ڈبلیو ایم کی جانب سے ڈیرہ اسماعیل خان سمیت ملک بھر میں شیعہ ٹارگٹ کلنگ کے خلاف احتجاجی مظاہرہ کیا گیا مظاہرین سے خطاب کرتے ہوئے رہنماوں کا کہنا تھا کہ شیعہ وکلاء و اساتذہ کا قتل ضرب عضب اور نیشنل ایکشن پلان کی ناکامی ظاہر کرتا ہے ۔

علامہ احمد اقبال کا کہنا تھا کہ دہشت گردی کی تازہ لہر وفاقی حکومت کی دہشت گرد عناصر کے خلاف نرمی برتنے کا نتیجہ ہے ڈی آئی خان249 پشاور میں روزانہ دہشتگردی کے واقعات ریاستی اداروں سمیت صوبائی حکومت کی نا اہلی ہے. افواج پاکستان اور حکومت کالعدم دہشتگردی جماعتوں اور سہولت کاروں کے خلاف ملک گیر آپریشن کا اعلان کریں تاکہ دہشت گردی کو جڑ سے اوکھاڑا جائے احتجاجی مظاہرے میں رہنما مولانا احسان دانش. علامہ مبشر حسن.علامہ صادق جعفری ،ناصرحسینی ،رضوان پنجوانی،شبیر حسین سمیت مظاہرین کی بڑی تعداد موجود تھی احتجاجی مظاہرے میں شیعہ مسلمانوں کے قتل کے خلاف شدید نعرے بازی کی گئی۔

وحدت نیوز(ڈی آئی خان) ڈیرہ اسماعیل خان اہدافی قاتلوں کے رحم و کرم پر ہے، تھانہ چھاونی کی حدود میں ایک ہی دن میں چار اہل تشیع افراد کو شہید کر دیا گیا۔ جس سے شہر بھر میں بالعموم اور اہل تشیع میں باالخصوص انتہائی تشویش کی لہر دوڑ گئی۔ مغرب کی نماز سے چند منٹ قبل مریالی موڑ کے علاقے میں مختیار حسین بلوچ اور اختر علی کو نامعلوم دہشت گردوں نے فائرنگ کرکے شہید کیا۔ دونوں دوست ایک شادی (نکاح) کی تقریب میں شرکت کی غرض سے جا رہے تھے کہ موٹر سائیکل پر سوار ٹارگٹ کلرز نے فائرنگ کر دی۔ متعدد گولیاں لگنے سے اختر علی موقع پر ہی جاں بحق جبکہ مختیار حسین بلوچ کو شدید زخمی حالت میں ہسپتال لے جانے کی کوشش کی گئی، مگر وہ راستے میں ہی زخموں کی تاب نہ لاتے ہوئے شہید ہوگیا۔ اس وقوعہ کے تیس منٹ بعد گرڈ سٹیشن کے علاقے میں دو زیدی سادات کو فائرنگ کرکے شہید کیا گیا۔ جن میں سے ایک معروف وکیل سید مستان شاہ زیدی کے داماد محمد علی ایڈووکیٹ اور سید عباس زیدی کو موٹر سائیکل پر سوار دو ٹارگٹ کلرز نے فائرنگ کرکے شہید کر دیا۔ ایک ہی دن میں، ایک ہی تھانے کی حدود میں چار اہل تشیع افراد کے بہیمانہ قتل پر شہریوں نے انتہائی تشویش کا اظہار کرتے ہوئے صوبائی حکومت اور فوج سے فوری کارروائی کا مطالبہ کیا ہے۔ علاوہ ازیں شہداء کی نماز جنازہ کے وقت کا اعلان بعد میں کیا جائے گا۔

وحدت نیوز(اسلام آباد) مجلس وحدت مسلمین کے سربراہ علامہ ناصر عباس جعفری نے ڈی آئی خان میں چار شیعہ پروفیشنلز کی ٹارگٹ کلنگ کی شدید مذمت کرتے ہوئے اسے قومی نقصان قرار دیا ہے۔ علامہ ناصر عباس جعفری نے کہا ہے کہ 7 گھنٹوں میں 4 شیعہ پرفیشنلز کا قتل ریاستی اداروں ، وفاقی اور خیبر پختونخوا حکومت کی نااہلی کا منہ بولتا ثبوت ہے، آرمی چیف جنرل راحیل شریف دہشتگردی کے اس بدترین واقعہ کا خود نوٹس لیں، علامہ ناصر عباس کا کہنا تھا کہ قاتلوں کی فوری گرفتاری سمیت ڈی آئی خان میں کالعدم جماعتوں کے خلاف آپریشن کا مطالبہ کرتے ہیں، ملک بھر میں دہشتگردوں کے خلاف جاری آپریشن عضب اپنے مطلوبہ نتائج حاصل نہیں کرسکا اور عوام کا ضرب عضب سے اعتبار اٹھتا جا رہا ہے۔ اپنے بیان میں ایم ڈبلیو ایم کے سربراہ نے 2 وکلاء اور 2 اساتذہ کے قتل کو قومی نقصان قرار دیا۔