وحدت نیوز(مظفرآباد) سیاہ پٹیاں باند کر عید کے اجتماعات میں شریک ہوں گے ، منظم شیعہ ٹارگٹ کلنگ اور علامہ راجہ ناصر عباس سے اظہار یکجہتی کے لیے سیاہ پٹیاں باندھی جائیں گے، سیکرٹری جنرل مجلس وحدت مسلمین پاکستان آزاد جموں و کشمیر علامہ سید تصور حسین نقوی الجوادی کا عید الفطر کے موقع پر جاری پیغام، تفصیلات کے مطابق علامہ سید تصور حسین نقوی الجوادی نے کہا ہے کہ عید کے اجتماعات میں بازؤں پر سیاہ پٹیاں باندھ کر شریک ہوں گے ، ملک بھر میں جاری منظم شیعہ ٹارگٹ گلنگ کے خلاف علامہ راجہ ناصر عباس 13مئی سے ہنوز بھوک ہڑتال پر بیٹھے ہیں ، علامہ راجہ ناصر عباس کی یہ آواز مظلوموں ، محکوموں و محروموں کی آواز بند چکی ہے ، دہشت گردی و انتہاء پسندی سے پاک مملکت کے متلاشی علامہ راجہ ناصر عباس جعفری کی یہ طویل ترین بھوک ہڑتال ایک تاریخ لکھ چکی ، صرف اسلام آباد تک نہیں بلکہ یہ ایک عالمی تحریک بن چکی ہے ، پارا چنار ، کراچی ، ڈیرہ اسماعیل خان سمیت ملک بھر منظم انداز سے ہماری نسل کشی کی جارہی ہے ، پاکستان بنانے والوں کے ساتھ ایسا سلوک، متعلقہ اداروں اور حکومت کی خاموشی مجرمانہ غفلت ہے ، ایسی صورتحال میں میدان میں آنا ناگزیر ہو چکا تھا،ہم سربراہ مجلس وحدت مسلمین سے مکمل اظہار یکجہتی کریں گے ، ظلم کے خلاف آواز اٹھاتے رہیں گے چاہے اس کی جو قیمت بھی چکانا پڑے ، علامہ سید تصور حسین نقوی الجوادی نے عوام الناس سے اپیل کرتے ہوئے کہا کہ آئیں ظلم کے خلاف اس تحریک میں ہمارا ساتھ دیں، عید کی خوشیاں مناتے ہوئے شہدا کو نہ بھولیں ، شہدا کے مشن کو نہ بھولیں ، سیاہ پٹیاں باندھ کر عید کے اجتماعات میں شریک ہوکر شیعہ نسل کشی کے خلاف احتجاج کریں اور علامہ راجہ ناصر عباس جعفری سے اظہار یکجہتی کریں۔

وحدت نیوز(کراچی) مجلس وحدت مسلمین پاکستان کے سربراہ علامہ راجہ ناصر عباس جعفری نے سعودیہ عرب کے شہروں مدینہ منورہ،قطیف اور عراق کے شہر بغداد میں ہونے والے دھماکوں پر گہرے غم و غصے کا اظہار کرتے ہوئے کہا ہے کہ مقدس مقامات کی توہین کرنے والوں کا اسلام اور انسانیت سے کوئی تعلق نہیں سر زمین حجاز پر مقامات مقدسہ کا احترام اور حفاظت مسلم امہ کی ایمان کا حصہ ہے چندعرب اور طاغوتی طاقتوں کے پالے ہوئے دہشت گرد آج عالم اسلام کے مقامات مقدسہ کونشانہ بنا کر امت مسلمہ کوکھلے عام چیلنج کر رہے ہیں۔اس سے قبل بھی سعودی عرب کے شہروں قطیف اور دمام میں شیعہ مساجد کو دہشت گردی کا نشانہ بنایا گیا۔حرمین شریفین اور ایران و عراق سمیت دنیا بھر میں عالم اسلام کے مقامات مقدسہ مسلمانوں کے لیے عقیدت کے مراکز ہیں۔شعائر اللہ کی تعظیم و دفاع ہم پر واجب ہے۔

انہوں نے کہا آل سعود نے اپنے اقتدار کی بقا اور تحفظ کو حرمین شریفین سے جوڑ کر کے عالم اسلام کے جذبات کو ہمیشہ مجروع کیاہے۔دنیا کے مسلمانوں پر یہ حقیقت آشکار ہو چکی ہے کہ حرمین شریفن اور خادمین دونوں مختلف ہیں۔شام ،یمن، فلسطین، بحرین سمیت دنیا کے جن جن اسلامی ممالک میں نفرت و خونریزی کی آگ بھڑکی ہوئی ہے اس میں عرب ممالک ملوث رہے ہیں۔طالبان، داعش اور النصرہ سمیت عرب وصیہونی فنڈنگ پر پلنے والی دہشت گرد قوتیں اب مختلف گروہوں میں منقسم ہوکر سعودی مفادات کے خلاف سرگرم ہونے کے لیے پر تول رہی ہیں۔دوسرے مسلم ممالک کے خلاف لگائی ہوئی یہ آگ اب سعودی عرب کے دامن سے لپٹنے کے لیے بے قرار ہے۔ اگر عالم اسلام نے ان مذموم عناصر کے خلاف مشترکہ لائحہ عمل طے نہ کیا تو مسلم ممالک مزید انتشار اور تباہی کا شکار ہوں گے۔

انہوں نے کہا کہ مسلم ممالک دہشت گرد جماعتوں کی لے پالکی ختم کر کے ان کے خلاف فیصلہ کن آپریشن کریں تاکہ دنیا سے دہشت و بربریت کا خاتمہ ہو۔علامہ ناصر عباس جعفری نے بٖغداد دھماکوں میں 400 سے زائد انسانی جانوں کے ضیاع کو المناک سانحہ قرار دیا ہے۔انہوں نے کہا کہ مسلم ممالک میں تباہی کے ذمہ دار یہود و نصاری اور مسلمانوں میں موجود ان کے ٹکرون پر پلنے والے آلہ کار ہیں۔عراق میں داعش کے خلاف آپریشن مزید موثر اور تیز کرنے کی ضرورت ہے تاکہ امن و سکون قائم ہو سکے۔

وحدت نیوز(اسلام آباد) مجلس وحدت مسلمین پاکستان کے مرکزی ترجمان علامہ مختار امامی نے کہا ہے کہ عید کے روز ملک بھر میں مجلس وحدت مسلمین کے اراکین شہداءملت اور ایم ڈبلیو ایم کے سربراہ علامہ راجہ ناصر عباس جعفری کی بھوک ہڑتال اور احتجاج سے اظہار یکجہتی کے لیے عید کی نماز میں بازوں پر سیاہ پٹیاں باندھ کر شریک ہوں گے۔انہوں نے کہا کہ علامہ راجہ ناصر عباس نے ملک میں جاری شیعہ ٹارگٹ کلنگ کے خلاف گزشتہ 53 دن سے بھوک ہڑتال کر رکھی ہے۔ان کا یہ اقدام ملک و قوم کے دشمنوں کے خلاف عملی احتجاج ہے۔پاکستان کی تمام بڑی سیاسی و مذہبی جماعتوں نے مجلس وحدت مسلمین کے مطالبات کو اصولی اور وطن عزیز کے استحکام کے لیے اہم قرار دیتے ہوئے یکجہتی کا اظہار کیا ہے لیکن وفاقی حکومت کی طرف سے مسلسل سرد مہری برتی جا رہی ہے جو پاکستان کے پانچ کروڑ سے زائد ملت تشیع کی تضحیک ہے۔ حکومت ایک طرف دہشت گردی کے خاتمے کے لیے بلند و بانگ دعووں میں مصروف ہے جبکہ دوسری طرف کالعدم مذہبی جماعتوں کو امن و امان کے قیام کے ذمہ دار قومی اداروں کی سرپرستی حاصل ہے یہی وجہ ہے کہ کراچی جیسے علاقے میں انتظامیہ کی موجودگی میں جہاد فی سبیل اللہ کے نام پر چندے اکھٹے کیے جا رہے ہیں جو نیشنل ایکشن پلان اور دہشت گردی کے خلاف جاری جنگ کی عمل داری کو مشکوک بنارہے ہیں۔انہوں نے کہا کہ ملک دشمن عناصر پاکستان کو غیرمستحکم کرنے کی عالمی سازش کو تقویت دے رہے ہیں۔

سربراہ مجلس وحدت مسلمین کا احتجاج ان ملک دشمن قوتوں کے خلاف ہے۔ پاکستان کے ہر محب و طن کو قائد و اقبال کے اس پاکستان کی تلاش ہے جو نفرتوں اور تفرقہ بازی سے پاک ہو۔جہاں ہر مذہب و مسلک اپنے عقیدے کے مطابق آزادانہ زندگی بسر کرسکے۔انہوں نے کہا کہ عید کے روز ہم ان قوتوں کے خلاف احتجاج کریں گے جو پُرامن پاکستان کو نفرت اور جنگ و جدل کی سرزمین بنانے پر تُلے ہوئے ہیں۔انہوں نے کہا ملت تشیع نماز عید کے دوران سیاہ پٹیاں باندھ کراپنا احتجاج ریکارڈ کرائے گی۔ علامہ راجہ ناصر عباس عید کا روز بھی اپنے احتجاجی کیمپ میں گزاریں گے جہاں مختلف مکتبہ فکر کے لوگ ان سے عید ملیں گے۔

وحدت نیوز (جیکب آباد) مجلس وحدت مسلمین ضلع جیکب آباد ،اصغریہ آرگنائزیشن،امامیہ اسٹو ڈنٹس آرگنائزیشن،اصغریہ ا سٹو ڈنٹس آرگنائزیشن اور پیام ولایت فاؤنڈیشن کے زیر اہتمام جمعتہ الوداع عالمی یوم القدس کے موقعہ پر مظلوم فلسطینی عوام سے اظہار یکجہتی اور قبلہ اول بیت المقدس کی آزادی کیلئے احتجاجی ریلی نکالی گئی۔

احتجاجی ریلی سے خطاب کرتے ہوئے مجلس وحدت مسلمین صوبہ سندھ کے سیکریٹری جنرل علامہ مقصود علی ڈومکی نے کہا کہ تحریک انتفادہ اسرائیل کی نا جائز ریاست کو چین سے رہنے نہیں دے گی اور آئندہ 25سال میں اسرائیل صفحہ ھستی سے مٹ جائے گا ۔فلسطین اور قبلہ اول جلد آزاد ہوگا۔آج دنیا بھر کے عوام مظلوم فلسطینیوں سے یکجہتی کیلئے نکلے ہیں اور آزادی فلسطین کی تحریک عالمی تحریک بن چکی ہے۔

احتجاجی ریلی سے فیاض احمد سھتو،محمد اویس جکھرانی،اللہ بخش سجادی ،دلدار حسین گولاٹو،حسن رضا غدیری اور علامہ سیف علی ڈومکی نے خطاب کرتے ہوئے کہا ہے کہ امام خمینی ؒ کے فرمان پر ہم جمعتہ الوداع کو عالمی یوم القدس مناتے ہیں اور فلسطین کا مسئلہ فقط عرب عیاش بادشاہوں کا نہیں بلکہ پوری امت مسلمہ کا مسئلہ ہے ۔

وحدت نیوز(سکردو) امام خمینی (رہ)کے حکم کے مطابق دنیا بھر کی طرح بلتستان بھرمیں بھی یوم القدس نہایت مذہبی عقیدت و احترام کے ساتھ منایا گیا۔بلتستان میں مرکزی القدس ریلی مرکزی امامیہ جامع اسکردو سے مرکز انجمن امامیہ کے زیراہتمام نکالی گئی جس میں ہزاروں افراد نے شرکت کی۔ القدس ریلی کے شرکاء نے ہاتھوں میں پلے کارڈز اور بینرز اٹھا رکھے تھے جس پر امریکہ و اسرائیل کے خلاف نعرے درج تھے۔ انہوں نے ہاتھوں میں امام خمینی، رہبر معظم اور قدس کے پرچم بھی اٹھا رکھے تھے۔ القدس ریلی اسکردو بازار سے پرشکوہ اندا ز میں گزر گئی اور اسکردو کی فضا ء امریکہ و اسرائیل کے خلاف نعروں سے گونجتی رہی۔ ریلی جب یادگار شہداء اسکردو پر پہنچی تو ایک عظیم الشان جلسے کی صورت اختیار کر گئی جس سے امامیہ سٹوڈنٹس آرگنائزیشن بلتستان، جعفریہ سٹوڈنٹس آرگنائزیشن، اسلامی تحریک، مجلس وحدت مسلمین اور انجمن امامیہ کے رہنماوں نے خطاب کیا۔ مقررین نے یوم القدس کی اہمیت پر گفتگو کی اور عالم اسلام کو قدس کی بازیابی کے لیے متحد ہونے کی تلقین کی۔

انہوں نے کہا کہ امریکہ و اسرائیل صرف مسلمانوں کا نہیں بلکہ عالم انسانیت کے لیے خطرہ ہے۔ فلسطین کے مسلمانوں کے ساتھ جاری مظالم پر اقوام متحدہ اور انسانی حقوق کی تنظیموں کی خاموشی شرمناک ہے۔اس موقع پر گفتگو کرتے ہوئے مجلس وحدت مسلمین پاکستا ن بلتستان ڈویژن کے سربراہ آغا علی رضوی نے کہا کہ اسرائیل عالم اسلام کے قلب پر خنجر کی مانند ہے، امریکہ و اسرائیل کے مظالم پر نام نہاد عرب ریاست کی خاموشی انتہائی شرمناک عمل ہے۔ انہوں نے کہا کہ ایک طویل عرصے سے فلسطین کے بے گناہوں پر جاری مظالم عالم انسانیت پر سوالیہ نشان ہے۔ آج رہبر کبیر امام خمینی کے حکم اور نظریے کے سبب امریکہ و اسرائیل کے شکست ناپذیر ہونے کے خواب کو خاک میں ملادیا ہے۔ اور عنقریب و دن آنے کو ہے کہ اسرائیل صفحہ ہستی سے مٹ جائے۔ آغا علی رضوی نے فلسطین کے مسلمانوں کی طرح گلگت بلتستان کے مسلمانوں کے ساتھ نہ ختم ہونے والا سلسلہ جاری ہے۔

وحدت نیوز(مظفرآباد) آزاد امیدوار سید ذیشان حیدر اور حامیوں پر حملہ قابل مذمت ہے ، ہم اس کی بھرپور مذمت کرتے ہیں ، وحدت سیکرٹریٹ مظفرآباد سے جاری پریس ریلیز میں مجلس وحدت مسلمین آزاد کشمیر کے رہنماؤں علامہ سید تصور حسین نقوی الجوادی ، سید محسن رضا سبزواری ایڈووکیٹ،سید طالب حسین ہمدانی، سید حسین سبزواری ، سید حمید حسین نقوی ، خالد محمود عباسی ، سید ارسلان بخاری ، امیدوار اسمبلی حلقہ پانچ سید حسنین کاظمی و دیگر نے اپنے بیان میں کہا کہ حلقہ پانچ میں آزاد امیدوار سید ذیشان حیدر اور انکے حامیوں پر حملے کی جتنی مذمت کی جائے کم ہے ، ریاست آزاد کشمیر پرامن خطہ ہے ، اس طرح کے کلچر کو فروغ نہ دیا جائے ، ہر امیدوار کو یہ حق حاصل ہے کہ وہ اپنا پیغام لوگوں تک پہنچائے ، امیدوار کو الیکشن کمپین سے روکنا ناقابل برداشت عمل ہے ، الیکشن کمیشن کے ساتھ ساتھ ضلعی انتظامیہ اس معاملے پر نوٹس لیتے ہوئے ذمہ دار افراد کے خلاف کاروائی کرے ، ضرورت اس امر کی ہے کہ باہم محبت ، امن ، بھائی چارے اور برداشت کو فروغ دیا جائے ، لاٹھی کے زور پر اپنے آپ کو مسلط نہ کیا جائے ۔ مجلس وحدت مسلمین نے مطالبہ کیا کہ جلد از جلد اس معاملے پر کاروائی کو یقینی بنایا جائے تا کہ مزید اس طرح کے واقعات سے بچا جا سکے۔