وحدت نیوز(آرٹیکل) اسلام میں شہید کا بہت بڑا مقام ہے اور قرآن کریم نے فرمایا تم ہر گز شہید کو مردہ مت سمجھو بلکہ وہ زندہ ہیں لیکن تم اس کا شعور نہیں رکھتے-اور پھر ختمی مرتبت ص نے فرمایا ہر نیکی سے بالا تر ایک نیکی ہے یہاں تک کہ ایک شخص اللہ کی راہ میں اپنی جان قربان کر دے کہ اس سے بالا تر کوئی نیکی نہیں-سر زمین پاکستان میں کچھ لوگوں نے اس مملکت کی بنیاد رکھنے کی خاطر اپنی قربانیاں دیں اور کچھ ایسے ہیں جنہوں نے اس کی بقا کے لئے اپنی جانیں فدا کیں-ایک اسلامی ریاست کے تصور کے ساتھ بہت سے مسلمان اس ملک و ملت کے لئے اپنی جانوں کا نذرانہ پیش کر چکےہیں-

پھر ایک ایسا دور آیا جس میں استعماری طاقتوں نے اس ملک پر جنگیں مسلط کیں تو سرحدوں کی حفاظت میں کتنے جیالوں نے جانوں کو اس ملک و ملت کے دفاع کے لئے قربان کیا اور اپنے ملک کی سرحدوں کی اپنے خون سے آبیاری کی، ہماری ملت میں شہید کا ایک عظیم مرتبہ تھا اور ان کی میت کو قومی ترانوں اور ان کی راہ کو زندہ رکھنے کے عہد کے ساتھ آنکھوں میں آنسؤوں اور ماؤں اور بہنوں کی سسکیوں کے ہمراہ، علماء دین کی موجودگی میں سراپا قومی و ملی افتخار کو دفن کیا جاتا رہا- پھر ایک ایسا دور بھی آیا جہاں گھر گھر سے جنازے اٹھنے لگے،بم دھماکے، ٹارگٹ کلنگ، گھروں میں گھس کر ماؤ ں بہنوں کے سامنے دن دھاڑے جوانوں کو قتل کیا جانے لگااور آہستہ آہستہ ہمارے جنازے شہر شہر قریہ قریہ سے اٹھنے لگے اور فرقوںاور لسانیت و قومیت کی بنیادوں پر، سیاسی بنیادوں پرقتل و غارت کا رواج نکلا- مسجدیں خون سے رنگین ہونے لگیں - لوگوں کو گاڑیوں سے اتار کر دن دھاڑےکھڑے کھڑے گولیوں کا نشانہ بنایا گیا-کچھ کو اغوا کر کے ذبح کیا گیا اور ذبح کرنے والا ایسے ذبح کرتا تھا جیسےکسی حیوان کو ذبح کیا جارہاہو-

ذبح کرتے ہوئے اللہ کبر بھی کہا جانے لگا!!
کبھی جوانوں کے اعضاء کاٹ کر ان کی لاشوں کے ٹکڑے کر دئیے گئے -آج کتنی بیوائیں ہمارے معاشرے میں موجود ہیں کتنے بچے یتیم ہو گئے- کتنی ماؤں کی گودیں ویران ہوئیں- سکولوں پہ حملے کئے گئے -بچوں کے منہ میں گولیاں ماریں گئیں اور کچھ کے گلے دوسرے بچوں کے سامنے کاٹ دئیے گئے-
کتنے گمنام شہید ہیں جن کی خبر تک نہیں ۔۔۔

ان گذشتہ دو دہائیوں میں جہاں ہر مذہب اور مسلک اور ہر قوم کے افراد کو قربانی کا بکرا بنایا گیا وہاں سب سے زیادہ قربانی شیعہ قوم نے دی - آج ہمارے مومنین کے قبرستان بھر گئےہیں اور کئی علاقوں میں جب شہدا کے قبرستان میں جائیں تو ایسے لگتا ہے کہ جیسے دو ملکوں کی جنگ میں مارے گئے ہوں-

جس قدر بے رحم سلوک ہماری قوم کے ساتھ ان گذشتہ دو دہائیوں میں کیا گیا وہ ہمارے ملکی تاریخ کا ایک سیاہ باب ہے، جس کی شاید بنی امیہ کے دور میں بھی مثال نہیں ملتی ہو گی-

ہماری قوم کے ہر شعبے کے آدمی اور ہر پیشے کے فرد کو قتل کیا گیا اور اس کا آغاز ہمارے قائد شہید سے ہوا اور بر صغیر کی تاریخ میں ایک عالم دین، فرزند قوم و ملت اور قومی قیادت کو قتل کردیا گیا اور کسمپرسی کا عالم یہ کہ وہ جس نے پوری ملت کی رہبری کا بوجھ اپنے کندھے پہ اٹھا رکھا تھا اس زمانے کے ذمہ دار افرادنے ان کی حفاظت میں اس قدر غفلت برتی کہ قاتل بڑی آسانی سے کئی بار ملاقات کرنے کے بعد ایک دن صبح فجر کے وقت آپ کے ذاتی کمرے سے آتے ہی ٹھیک سیڑھیوں پر قتل کرکے چلاگیا
-اور اس المناک واقعے بعد بھی سلسلہ تھم نہیں گیا بلکہ آج بھی سلسلہ جاری ہے کبھی پروفیشنلز مسلسل قتل ہورہے ،کبھی ڈاکٹر تو کبھی وکیل اور کبھی کاروباری آدمی کو نشانہ بنایا جاتاہے ، اور کبھی مسافروں کو تو کبھی نمازیوں کو قتل کیا جاتا ہے-کبھی مجالس عزا اور جلوس عزا پہ بمب دھماکے کئے جاتے ہیں-

 قائد محبوب علامہ عارف الحسینی کی شہادت کے وقت امام امت رہبر فقید امام خمینی رح نے اپنے پیغام میں کچھ اس طرح ارشاد فرمایاتھا-’’آج اگر مدارس دینیہ ، حوزہ ہای علمیہ اور علماء پاکستان اپنے فرائض کو صحیح انجام دے رہے ہوتے تو یہ سید بزرگوار ہمارے درمیان موجود ہوتے‘‘

یہ تو اس ایک قتل سے متعلق امام راحل کی رائے تھی-نہ جانے آج اگر امام زندہ ہوتے اور شہدا کے قبرستانوں کو دیکھ کرکس کو ذمہ دار ٹھراتے-؟؟

آج ہماری حالت یہ ہے کہ ایک دو قتل تو کوئی محسوس تک نہیں کرتااور اسے سنجیدہ لیتا ہےیہاں تک کہ کئی ذمہ دار لو گوں سے یہ تک سننے کو ملتاہے کہ ایک دو قتل تو نارمل اور عام سی بات ہے -

جبکہ اب تو  صورتحال ایسی ہے کہ بعض علاقوں میںکوئی فرد قتل ہو جائے تو لاش پڑی رہ جاتی ہے!!
 دیر تک کوئی اٹھاتا ہی نہیں- کئی علاقوں میں لوگوں کو خبر تک نہیں ہوتی جبکہ حکمران ہیں کہ جن کے کانوں میں جو ں تک نہیں رینگتی- علما ء اپنے مدارس چھوڑ کر جنازوں میں جانے کی زحمت گورانہیں کرتےیہاں تک کہ مدارس میں سوگ تک نہیں منایا جاتا-

میڈیا میں کسی قسم کی کوئی ہلچل نظر نہیں آتی ٹی وی اپنے معمول کے راگ الاپ رہے ہوتے ہیں -

خبر دینے والے کے چہرے پہ ملال کے آثار تک نہیں ہوتے بلکہ نغمے اور گانے ٹھٹھہ مذاق بھی چلتا رہتا ہے ۔

 افسوسناک پہلو یہ بھی ہے کہ کچھ مذہبی پیشہ ور، شہیدوں کے ناموں پہ سیاست چمکاتے ہیں اور مذہبی بیانات دیتے ہیں -ہمیں مجبور نہ کیا جائے!! ہماری قوم قربانی دینا جانتی ہے!! ہم شہید پرور قوم ہیں!! بہت ہو چکا اب ہم برداشت نہیں کریں گے وغیرہ وغیرہ
 
لیکن پھر وہ برداشت بھی کر لیتے کچھ دنوں بعد سوئم اور چہلم اور پھر کسی نئے جنازےکا انتظار
یہ سلسلہ دن بدن بڑہتا چلا جارہاہے اب صورتحال یہ ہے کہ قاتل حکمران اور مقتول مجرم بن گئےہیں-قاتلوں کو انعام و اکرام اور پروٹوکولز ملنے لگےہیں اور مقتول کو کمزور سے کمزور کر دیا جارہاہے- قاتلوں نے اپنی پارٹیاں بنا لیں اور وہ ملک کے سیاہ و سفید کے مالک بن گئے اور مقتول کے وارث قیادتوں کے بانٹنے میں اور سیاستیں چمکانے اور اپنا اپنا بازار گرم کرنے میں مصروف ہو گئے-اب ایک ایک گھر میں تین تین جماعتیں ہیں-

لیکن اس گھمبیر صورتحال میں آج ایک مرد مجاہد نے ملت کی اس ناگفتہ بہ حالت کے پیش نظر قومی اور ملی بے حسی اور حکومتی بھیمانہ خاموشی پہ اپنے آپ کو صدائے احتجاج بنا دیاہے ، مظلوموں کی حمایت میں گذشتہ تقریبا دو ماہ سے مسلسل اپنے گھر بار ،مسجد و مدرسے حتی کہ کھانا چھوڑ کر بھوک ہڑتال کر کے شہداء کے خون کی وراثت کا سچاثبوت دیا ہے ۔

آج وہ ملت کی بیداری کے لئے اپنی پوری توانائی کے ساتھ دن رات جدوجہد کر رہا ہے  لیکن متاسفانہ آج بھی سیاستیں کھیلنے والے اپنا بازار گرم رکھے ہوئے ہیں- اس سے بڑی قومی بد نصیبی کیا ہو گی کہ قدس کی آزادی کے لئے نکلنے والی ریلیاں کئی جگہوں سے ٹکڑیوں کی شکل میں نکلتی ہیں- جو لوگ خود آزاد نہیں وہ قدس کو کیسے آزاد کروائیں گے!!؟

آج کچھ علماء میں ایک دوسرے کے ساتھ مل بیٹھنے کی روا داری نہیں لیکن قوم کو اتحاد اور یکجہتی کا درس دیتے ہیں اور جب بات کرتے ہیں تو ولایت فقیہ اور امام امت کی بات کرتےہیں، رہبر عظیم الشان فرماتے ہیں امت اسلامیہ کا اس زمانے کا سب سے بڑا فریضہ وحدت کی حفاظت ہے لیکن ہمارے ملک میں ہر فرد خود ہی رہبر بھی ہے اور بانی انقلاب بھی اور ہر ایک قوم کی قیادت کی توقع بھی رکھتا ہے- اگرچہ خود اپنی قیادت نہیں کر سکتے-

نہ جانے کتنے خون مزید بھائے جائیں گے اور کتنے بچے مزید یتیم ہونگے اور بے گناہ لوگوں کو نشانہ بنایا جائے گا اور کتنے ملت کے آسمان کے ستارے زمین میں دفن کر دئیے جائیں گے تا کہ ہماری ملت کے ذمہ دار لوگ خواب غفلت سے بیدار ہو کر اپنی قوم کے دفاع کے لئے کمر بستہ ہونگے-

اے خدا ہمیں اپنے فرائض کی ادائیگی میں کامیاب فرما- اور ہماری قوم کو بیداری اور ہمارے ذمہ دار
افراد کو اپنے فرائض کی ادائیگی کی توفیق دے۔آمین⁠

تحریر۔۔۔۔۔۔علامہ  غلام حر شبیری(لندن)

وحدت نیوز(پرتگال) پاکستان میں ۵۰ دنوں سے زیادہ بھوک ہڑتال پر بیٹھے مجلس وحدت مسلمین کے سیکریٹری جنرل علامہ راجہ ناصر عباس کے مطالبات کو فالفور منظور کیا جائے۔پرتگال میں بسنے والے پاکستانیوں کا حکومت وقت سے مطالبہ اور علامہ صاحب کی صحت و سلامتی کے لیے دعائیہ تقریب منعقد ہوئی ۔ گذشہ شب پرتگال میں رمضان المبارک کے اختتام پر مومنین نے الوداع رمضان کا روح پرور پروگرام ترتیب دیا جس میں جہاں مومنین نےبارگاہ الہی میں دعاؤں اور مناجات سے اپنے اور دیگر مومنین کے لیے طلب مغفرت کی وہاں ملک میں امن اور سلامتی کے لیے دعائیں کیں بالخصوص ناصر ملت علامہ راجہ ناصر عباس کی صحت و سلامتی اور انکی نصرت و ظفریابی کے لیے حضرت ثانی زہرا سلام اللہ علیہا کی بارگاہ میں خصوصی توسل کیا۔پروگرام کے اختتام پر امامہ زمانہ (عج) کے ظہور کی تعجیل کے لیے بھی دست دعا بلند کیا گیا اور اس عید کو علامہ راجہ ناصر عباس کے حکم کے مطابق عید شہدا کےطور پر منانے کا عزم کیا جسکا اظہار تمام مومنینِ جہان نماز عید پر بازؤں پر سیاہ رنگ کی پٹیوں کو پہن کر کریں گے۔

وحدت نیوز(لاہور) مجلس وحدت مسلمین لاہور کے سیکرٹری جنرل علامہ حسن ہمدانی کا کہنا ہے کہ عید کے روز ملک بھر میں مجلس وحدت مسلمین کے اراکین ایم ڈبلیو ایم کے سربراہ علامہ راجہ ناصر عباس جعفری کی بھوک ہڑتال اور احتجاج سے اظہار یکجہتی کیلیے عید کی نماز میں بازوں پر سیاہ پٹیاں باندھ کر شریک ہوں گے۔ انہوں نے کہا کہ علامہ راجہ ناصر عباس نے ملک میں جاری شیعہ ٹارگٹ کلنگ کیخلاف گزشتہ 55 دن سے بھوک ہڑتال کر رکھی ہے، ان کا یہ اقدام ملک و قوم کے دشمنوں کیخلاف عملی احتجاج ہے۔ انہوں نے کہا کہ پاکستان کی تمام بڑی سیاسی و مذہبی جماعتوں نے مجلس وحدت مسلمین کے مطالبات کو اصولی اور وطن عزیز کے استحکام کیلیے اہم قرار دیتے ہوئے یکجہتی کا اظہار کیا ہے لیکن وفاقی حکومت کی طرف سے مسلسل سرد مہری برتی جا رہی ہے جو پاکستان کے 5 کروڑ سے زائد ملت تشیع کی تضحیک ہے۔ علامہ حسن ہمدانی نے بغداد اور قطیف میں دہشتگردی کی مذمت کرتے ہوئے کہا کہ سعودی حکمران اپنی پالیسیوں پر نظرثانی کریں اور دہشتگردوں کی معاونت بند کریں  اس وقت دنیا بھر میں ہونیوالی دہشتگردی کے واقعات کے پیچھے اسی آل سعود کے پالے دہشتگرد ملوث ہیں اور آج انہی خائن حکمرانوں کی نااہلی سے حرم پاک کی تقدس کی حفاظت بھی ان سے ممکن نہیں رہی۔ انہوں نے کہا کہ دہشتگردوں کے سرپرست اب مکافات عمل کا شکار ہیں، خدا امت مسلمہ کو ان خائن حکمرانوں کے شر سے محفوظ رکھے۔

وحدت نیوز( نوابشاہ ) را شن کی تقسیم اما م مھدی فا نڈیشن اور خیر العمل فا نڈ یشن نوابشا ہ کی طر ف سے سو مو منین میں را شن تقسیم کیا گیا اور خیر العمل فا نڈیشن نوابشاہ کی طر ف سے غر یب مو منین کے علاقو ں میں افطا ری کا سلسلہ جاری ہے ۔

وحدت نیوز (اسلام آباد) مجلس وحدت مسلمین پاکستان کے مرکزی احتجاجی بھوک ہڑتالی کیمپ بالمقابل پریس کلب اسلام آباد میں نماز عید صبح 8 بجے ایم ڈبلیو ایم کے سربراہ علامہ راجہ ناصر عباس جعفری کی اقتداءمیں ادا کی جائے گی،تفصیلات کے مطابق گذشتہ پونے دوماہ سے بھوک ہڑتال پر بیٹھے  مجلس وحدت مسلمین کے مرکزی سیکریٹری جنرل علامہ راجہ ناصرعباس جعفری ماہ مبارک شعبان ورمضان کی طرح  عید الفطر بھی بھوک ہڑتالی کیمپ بالمقابل نیشنل پریس کلب اسلام آباد گذاریں گے، جبکہ ملک کے مختلف شہروں بالخصوص راولپنڈی اسلام آباد کے عوام کی بڑی تعداد نماز عید الفطر بھوک ہڑتالی کیمپ میں علامہ راجہ ناصرعباس جعفری کی زیر اقتداءادا کرے گی جبکہ عید کے تینوں روزمختلف طبقہ ہائے زندگی سے تعلق رکھنے والے علامہ راجہ ناصرعباس عید ملنے اور اظہار یکجہتی کے لئے بھوک ہڑتالی کیمپ پر تشریف لائیں گے۔

وحدت نیوز(کوئٹہ) نسل پرستی اور فاشزم کی سیاست پوری دنیا میں متروک ہو چکی ہے بلکہ ایک گالی ہے۔آج کے دور میں صرف دو گلیوں میں محدود چند نسل پرست فاشسٹ دوسروں پر الزام لگا رہے ہیں، حالانکہ انکا نام نہاد سربراہ جو خود ایک نسل پرست فاشسٹ شخص ہے اور جس کا ماضی اور حال سب کے سامنے روز روشن کی طرح عیاں ہے وہ کس منہ سے شیعہ کانفرنس پر کرپشن کے الزامات عائد کر رہا ہے؟جبکہ وہ خود اس وقت سب سے بڑا کرپٹ لینڈ ما فیا ہے۔ اس فاشسٹ گروپ کے بعض نام نہاد لیڈروں کی کروڑوں روپے کی جائیدادیں بیرون ملک اور کوئٹہ شہر میں ہے۔ مجلس وحدت مسلمین کوئٹہ کے سیکریٹری امور سیاسیات کامران ہزارہ نے کہا کہ امام بارگاہ پر فائرنگ ہو یا پھر لوگوں کے گھروں میں گھس کر انکی مار پیٹ اور قتل کی دھمکیاں ہو ، پر امن شیعہ ہزارہ قوم کو دہشتگرد ثابت کرنے کیلئے اخباری بیانات ہو یا پھر ہزاروں بے گناہ شیعوں کی نسل کشی کیلئے جواز فراہم کرنا ہو، قوم کو سب یاد ہے۔ نسل پرست فاشسٹ ٹولہ ہزارہ شیعہ قوم کی نمائندگی کا دعویٰ ترک کردے ۔

انہوں نے کہا کہ شہید علی جواد کی مردانہ وار شہادت پر اس فاشسٹ ٹولے کا چہرہ مکمل طور پر بے نقاب ہو گیا اور اس فاشسٹ شخص کو چب لگ گئی ہے کیونکہ جس ملک کے جھنڈے تلے اس نے ہر فورم پر اس ملک کی نمائندگی کی ہے انہی کی جارحیت سے میجر علی جواد شہید ہوئے ہیں۔ انہوں نے کہا کہ دوسروں پر کیچڑ اچھالنے سے اپنی سیاست چمکانا مزید کار آمد ثابت نہیں ہوسکتی، خود ساختہ قومی جماعت اس قوم کی نمائندگی کی بات کررہا ہے ،جس قوم نے خود انہیں بار بار ان کے پورے ٹولے کے ساتھ مسترد کر دیا ہے۔ فاشسٹ جماعت کو شاید بھولنے کی بیماری ہے، اس لئے انہیں یاد نہیں کہ قوم نے انہیں مسترد کر دیا ہے۔ ایک ایسا نسل پرست فاشسٹ گروپ،جو علمدار روڈ میں تمام لوگوں کی حمایت حاصل نہ کرسکا،کا خود کو قومی نمائندہ کہنا سمجھ سے بالاتر ہے، الیکشن میں تین بار مسترد شدہ نمائندے یہ بھی سمجھنے سے قاصر ہیں کہ قوم کے افراد انکی اصلیت سے واقف ہیں اور قوم نے انہیں مسترد کر دیا ہے۔ دو گلیوں کے اتحادیوں والے اورفاشسٹ جماعت کو اپنی حیثیت یاد رکھنی چاہئے۔

انہوں نے کہا ہے کہ خود کو قومی جماعت کہنے والوں کو تنقید کے سوا اور کچھ بھی نہیں آتا۔ تنقید کرنے والے اپنی کارکردگی یاد کرے،فاشسٹ ٹولے کے چیئر مین کو زرغون ٹاؤن کا نائب ناظم بنایا گیا تھا ،اگر یہ نسل پرست فاشسٹ ٹولہ قومی جماعت ہوتی تو اس دور میں قوم کی خدمت کرتی اور اپنے قوم دوستی کا ثبوت دیتی مگر قوم کیلئے کام نہیں کیا گیا بلکہ اپنی جائیدادیں بنائی گئی، اس دور میں اگر یہ جماعت کام کرتی تو آج علمدار روڈ کا نقشہ ہی الگ ہوتا ۔ بیان میں مزید کہا گیا کہ ترکی میں افغانستان کی نمائندگی کرنے والا نسل پرست فاشسٹ پاکستان میں زندگی بسر کر رہا ہے تو پاکستان سے وفا کرنا بھی سیکھ لے اور غیر ملکی ایجنڈوں کیلئے کام کرنا بند کر دے۔ترجمان نے کہا کہ ہم نے ہمیشہ اتحاد و اتفاق کی بات کی، ہر میدان عمل میں لوگوں کی خدمت کی اور آج ایک ایسا جماعت ہم پر ، شیعہ کانفرنس اور باقی فعال فلاحی اداروں پر تنقید کررہا ہے جسکی اپنی کوئی حیثیت نہیں ہے، جو خود خدمت کرنے میں ہمیشہ ناکام رہا ہے، اپنے جلسوں میں افغانی گلوکاروں کی بدولت مجموعہ لگا کر اسے اپنی مقبولیت کا نام دیتا ہے۔بیان کے آخر میں کہا گیا کہ پاکستان کی اپنی ثقافت ہے جس پر تمام پاکستانیوں کو ناز ہے، نام نہاد قومی جماعت فحاشی کو ہزارگی ثقافت کا نام دینا بند کردے اور یہ بھی یاد رکھے کہ ان کے تمام کالے کر توتوں کے ثبوت موجود ہیں۔