The Latest

وحدت نیوز(لاہور)نو نومبر یوم اقبال رحمۃ اللہ علیہ کے موقع پر مرکزی صدر مجلس وحدت مسلمین شعبہ خواتین سیدہ معصومہ نقوی نے اپنے پیغام میں کہا کہ مفکر پاکستان کے فرمودات سے ہمیں اسلام کا حقیقی پیغام سمجھنے میں مدد ملتی ہے، علامہ اقبال رحمۃ اللہ علیہ نے غلامی سے نجات، ترقی اور خوشحالی کے لئے برصغیر کے مسلمانوں میں خودی کو بیدار کیا اقبال کا فلسفہ خودی غلامی کی ہر شکل سے نجات کے لئے نسخہ کیمیا ہے آج بھی درپیش چیلنجز سے نمٹنے کیلئے علامہ اقبال کے پیغام اور فلسفے کو سمجھنے کی ضرورت ہے۔

انہوں نے کہا کہ نوجوان خود کو اقبال کے افکار اور نظریات کے سانچے میں ڈھالیں حکیم الامت  نے برسوں پہلے ان مسائل کی پیشن گوئی کی جن کا آج ہمیں سامنا ہے، فرقہ واریت، انتہا پسندی کے خاتمے کیلئے علامہ اقبال کی سوچ ہمارے لئے مشعل راہ ہے۔ ان کا مزید کہنا تھا کہ علامہ اقبال کی فکر سے وابستگی کا تقاضا ہے کہ ہم ان کی سوچ کو نہ صرف سمجھیں بلکہ اس پر عمل پیرا ہو کر پاکستان کو حقیقی معنوں میں وہ ریاست بنائیں جس کا تصور علامہ نے دیا تھا۔

وحدت نیوز(لاہور) رکن پنجاب اسمبلی و مجلس وحدت مسلمین شعبہ خواتین کی سابقہ سیکرٹری جنرل محترمہ سیدہ زہرا نقوی نے  شاعر مشرق علامہ محمد اقبال علیہ رحمۃ کے یوم پیدائش کے موقع پر کہا کہ پاکستان میں آج بھی وہی حالات ہیں جن کا تذکرہ علامہ اقبال نے پاکستان بننے سے پہلے اپنی شاعری میں کیا وطن عزیز کو اقبال کا پاکستان بنانا وقت کی اہم ضرورت ہے اگر شاعر مشرق و عظیم رہنما علامہ محمد اقبال کے پیغام کو صحیح معنوں میں سمجھا جاے اور اس پر عمل کیا جاے تو وہ دن دور نہیں جب پاکستان کا ہر جوان اقبال کا شاہین بن کر ان کے خوابوں کی تکمیل کرے گا ۔

انہوں نے کہا پاکستان اقوام عالم میں ایک باوقار مقام تب ہی حاصل کرے گا جب علامہ محمد اقبال کے خیالات و پیغامات کو عملی جامہ پہنایا جاے گا اقبال کے افکار اور ان کی فکر انگیز اور بصیرت افروز کلام سے قوم کو محروم رکھنا ملک و قوم سے نا انصافی ہے ان کا مزید کہنا تھا کہ علامہ اقبال علیہ رحمۃ نے مسلمانان ہند کو مایوسی کی اندھیری غار سے نکال کر امید و وقار کے راستے پر گامزن کیا اور اسی طرح آج بھی ان کے افکار پر عمل کر کے ہماری قوم ایک پر وقار اور عظیم قوم بن سکتی ھے۔

وحدت نیوز(نومل) مجلس وحدت مسلمین شعبہ خواتین کی مرکزی صدر سیدہ معصومہ نقوی نے گلگت کے علاقے نومل کا سفر کیا اس موقع پر سابقہ رکن جی بی اسمبلی محترمہ بی بی سلیمہ بھی ان کے ہمراہ تھیں، مرکزی صدر نے نومل میں تنظیمی خواہران سے ملاقات کی تنظیم کی مضبوطی اور کارکردگی کو مزید بہتر بنانے کے حوالے سے مزید ہدایات کیں۔

 علاوہ ازیں سیدہ معصومہ نقوی نے مجلس وحدت مسلمین گلگت بلتستان کے ڈپٹی سیکرٹری جنرل جناب مولانا نئیر مصطفوی سے بھی ملاقات کی جس میں گلگت میں شعبہ خواتین کے حوالے سے تنظیمی فعالیت اور مذید اقدامات کے حوالے سے محترمہ معصومہ نقوی نے لائحہ عمل پیش کیا اور علامہ صاحب کی آراء و تجربات سے بھی استفادہ کیا۔

وحدت نیوز(گلگت )صوبائی سیکریٹریٹ گلگت میں مجلس وحدت مسلمین شعبہ خواتین کی سینئر رہنماؤں کا اہم اجلاس منعقد ہوا صوبائی ترجمان محترم غلام عباس محترمہ  سائرہ ابراہیم نے اجلاس کی صدارت کرتے ہوئے سابق وزیراعظم عمران خان پر ہونے والے حملے کے شدید الفاظ میں مذمت کرتے ہوئے کہا کے نہ کوئی وطن فروش ہے اور نہ کوئی غدار ہے آزادی مارچ کا مقصد صرف جائز حقوق ہے جو کے ہر شہری کا حق ہے۔ انہوں نے کہا کے پاکستان میں سیاسی معاشی استحکام کا حل صرف صاف شفاف الیکشن پر منحصر ہے مقتدر قوتوں کو چاہیے کے وہ الیکشن کے ذریعے فیصلہ کرنے دیں۔

 انہوں نے کہا کے ملک کو بحران سے نکالنے کا واحد حل صرف الیکشن اور نئے آرمی چیف کی تعیناتی ہے مزید کوئی حماقت کی گئی تو یہ پاکستان کو بربادی کی طرف لے جانے کی مترادف ہو گی۔ انہوں نے کہا پاکستانی عوام پر امن رہتے ہوئے احتجاج ریکارڈ کروا رہے ہیں جو کہ انکا قانونی حق ہے عوام خاندان در خاندان سیاسی نظام سے تنگ آچُکے ہیں۔

 انہوں نے کہا کے ملک کے اندر کا سارا سسٹم تباہی کے دہانے پر کھڑا ہے مہنگائی بے روزگاری اور تعلیم صحت سب کا نظام درہم برہم ہے انہوں نے کہا کے اب عوام کے صبر کا پیمانہ لبریز ہو چکا ہےاگر الیکشن کا انعقاد جلد نہ کیا گیا تو ملک بھر سمیت گلگت بلتستان میں بھی آزادی مارچ کا آغاز جلد کیا جائے گا اور ملک بھر کی طرح گلگت بلتستان میں بھی خواتین پرامن آزادی مارچ منعقد کریں گے۔

وحدت نیوز (گلگت) مجلس وحدت مسلمین شعبہ خواتین کی مرکزی صدر سیدہ معصومہ نقوی نے گلگت بلتستان کے تنظیمی دورہ کا آغاز کیا اس موقع پر گلگت میں سابقہ ممبر جی بی اسمبلی محترمہ بی بی سلیمہ کی رہائشگاہ پر مومنات نے مرکزی صدر کا استقبال کیا استقبالیہ نشست میں محترمہ معصومہ نقوی نے درس اخلاق دیا اور مجلس وحدت مسلمین کے اغراض و مقاصد بیان کیئے۔

کل سے ان شاء اللہ تنظیمی خواہران سے ملاقات کا آغاز ہوگا سیدہ معصومہ نقوی تین دن گلگت اور چار دن بلتستان و سکردو کا دورہ کریں گی اور اس دوران گلگت و بلتستان کی صدور کا انتخاب عمل میں لایا جائے گا اور ان تحصیلوں کی نشاندہی کی جائے گی۔

وحدت نیوز(اسلام آباد)مجلس وحدت مسلمین پاکستان شعبہ خواتین کی رہنما محترمہ سیدہ نرگس سجاد جعفری نے کہا عمران خان پر قاتلانہ حملے کی مذمت کرتے ہیں عمران خان پر حقیقی آزادی مارچ کے دوران حملہ عوام کو اشتعال دلا کر ملک کو انارکی کی جانب دھکیلنے کا سوچا سمجھا منصوبہ ہے۔

 انہوں نے کہا کہ پہ در پہ ہونے والے حالیہ واقعات کے باعث عوام میں عدم تحفظ کا احساس بڑھ رہا ہے۔ کبھی اس ملک کے مقبول ترین اینکر کو نشانہ بنایا جاتا ہے تو کبھی ملک کی بڑی سیاسی جماعت کے سربراہ پر دن دھاڑے فائرنگ کی جاتی ہے ۔

میڈیا کو جاری اپنے بیان میں انہوں نے کہا کہ یہ واقعات قانون نافذ کرنے والے اداروں کی کارکردگی پر سوالیہ نشان ہیں  انہوں نے  مطالبہ کیا کہ اس واقعہ کی آزادانہ و شفاف  تحقیقات کی جائیں اور حقائق کو عوام کے سامنے لایا جائے۔ انہوں نے واقعہ میں زخمی ہونے والے افراد کی جلد صحت یابی اور شھید ہونے والے تحریک انصاف کے کارکن کی مغفرت کے لیے دعا کی۔

وحدت نیوز(سکردو) ممبر گلگت بلتستان اسمبلی و صوبائی رہنما ایم ڈبلیو ایم شعبہ خواتین کنیز فاطمہ نے کہا کہ سابق وزیر اعظم پاکستان و چیئرمین پاکستان تحریک انصاف عمران خان پر حملے کی شدید الفاظ میں مذمت کرتے ہیں۔ریاستی ادارے واقعے میں ملوث افراد کو جلد قانون کی گرفت میں لایا جائے،یہ ایک سوچی سمجھی سازش ہے۔

انہوں نے کہا کہ یہ واقعہ ملکی سالمیت پر حملہ ہے جس کی جتنی مذمت کی جائے کم ہے،ایسی سفاکانہ کارروائیوں کا مقصد ملک کو غیر مستحکم کرنا ہے۔انہوں نے مزید کہا کہ عمران خان ملک کے مقبول لیڈر ہے۔ملک دشمن قوتوں نے ایسی بزدلانہ کارروائی کر کے وطن عزیز کی سلامتی،خود مختاری کے لئے جاری حقیقی آزادی مارچ کو روکنے کی ناکام کوشش کی گئی۔عمران خان اور دیگر زخمیوں کی جلد صحت یابی کیلئے دعا گو ہیں۔

وحدت نیوز(گلگت)مجلس وحدت مسلمین شعبہ خواتین کی رہنما و سابق رکن گلگت بلتستان اسمبلی محترمہ بی بی سلیمہ نے تحریک انصاف کے چئیرمین عمران خان پر قاتلانہ حملے کی شدید الفاظ میں مذمت کرتے ہوئے کہا کہ عمران خان ملک کے ایک نڈر اور بہادرلیڈر ہیں اس بھیانک قاتلانہ سازش کے نتیجے میں ملک عدم استحکام اور بدامنی کی جانب بڑھے گا اس وقت قو می اتحاد اور یکجہتی کی ضرورت ہے پاکستانی غیور عوام ملک میں حقیقی آزادی کی تحریک کو کامیاب کرنے کےلئے اس سے زیادہ بڑھ چڑھ کر حصہ لے گی۔

انہوں نے مزید کہا کہ پرامن احتجاج ہر کسی کا آئینی حق ہے۔اس طرح کے سفاکانہ حرکات سے قوم خوف زدہ ہو نے والی نہیں ہے۔اس وقت پوری قوم چیرمین پاکستان تحریک انصاف عمران خان اور دیگر زخمی رہنماؤں کی جلد صحت یابی کیلئے دعا گو ہیں۔

وحدت نیوز(لاہور) چیئرمین پی ٹی آئی عمران خان پر قاتلانہ حملے کے خلاف مذمتی قرارداد پنجاب اسمبلی میں جمع۔قراردادمجلس وحدت مسلمین کی رکن پنجاب اسمبلی زہرا نقوی نے جمع کروائی۔

قرار داد کےمتن میں کہا گیا ہے کہ پنجاب اسمبلی کا یہ ایوان چیئرمین پاکستان تحریک انصاف عمران خان پر قاتلانہ حملے کی پُرزور مذمت کرتا ہے۔یہ واقعہ ملکی سالمیت پر حملہ ہے جس کی جتنی مذمت کی جائے کم ہے ۔

قرار دادمیں مطالبہ کیا گیا کہ پوری قوم عمران خان کے ساتھ کھڑی ہے۔واقع میں شہید ہونے والے کارکن کی مغفرت اور زخمیوں کی جلد صحت یابی کے لئے دعا گو ہے۔فائرنگ کرنے والوں کو قانون کی گرفت میں لا کر قرارواقعی سزا دی جائے تاکہ آئندہ ایسے واقعات رونما نہ ہوں۔

وحدت نیوز (گلگت) مجلس وحدت مسلمین شعبہ خواتین کی رہنما محترمہ سائرہ ابراہیم نے عمران خان پر حملے کی شدید الفاظ میں مذمت -جاری بیان میں کہا کہ محب وطن لیڈر پر قاتلانہ حملہ ہماری ملکی بقا اور سلامتی پر حملہ ہے ۔انہوں نے کہا کہ عمران خان ایک محب وطن لیڈر ہے جو اصولوں کی جنگ لڑ رہا ہے۔

 انہوں نے کہا کے عوام حقیقی آزادی خود مختاری کے لئے پہلے سے ذیادہ عمران خان کا ساتھ دے گی اور دشمن کی تمام سازشیں ناکام ہوں گی۔انہوں نے کہا کہ امریکی غلامی کسی صورت منظور نہیں عمران خان نے ملک کے بچے بچے کو شعور دیا ہے اور اب اس قافلے کو کسی سازش یا بزدلانہ وار سے نہیں روکا جا سکے گا۔

 انہوں نے کہاکہ کے اب پاکستانی عوام اندھیروں سے نکل چکی ہے اور وہ اب سمجھ چکی ہے کس طرح پاکستان کی عوام کو چند چوروں نے غلام بنا رکھا تھا انشااللہ بہت جلد وہ چور اپنے انجام کو پہنچ جائیں گے۔ انہوں نے کہا کہ اس طرح کی گھٹیا حرکتوں سے صاف ظاہر ہوتا ہے کے مخالفین کتنے کمزور ہو چکے ہیں اور اس طرح کی حرکتوں سے حقیقی آزادی کے بیانئے کو نہیں بدلا جا سکتا عمران خان اور دیگر تمام زخمی ساتھیوں کی جلد یا بی کے لئے دعا گو ہیں۔

Page 5 of 104

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree