The Latest

وحدت نیوز (لاہور) 15 شعبان المعظم کو امام بارگاہ جاگیر علی اصغر ع بیدیاں روڈ یونٹ میں جشن ولادت مولا امام آخر الزماں عج کا انعقاد کیا گیا جس میں ایم ڈبلیوایم شعبہ خواتین لاہور سیکرٹری جنرل محترمہ حنا تقوی نے فضائل امام زمن عج بیان کئے جشن میں ڈپٹی سیکرٹری جنرل محترمہ عظمیٰ نقوی نے اپنے مخصوص انداز میں منقبت خوانی  کی محترمہ  حنا تقوی نے اپنے  ہوئے کہا امام زمانہ علیہ السلام سرچشمئہ ولایت کا ایسا گوہر نایاب ہیں کہ جنکے وجود پر عقیدہ ایمان کی تکمیل کا سبب بنتا ہے آج ہر ایک چاہنے والے کی زبان پر امام کا ذکر جاری ہے، ہماری دعاؤں اور  ،مناجات میں امام کی یاد اور تزکرہ ہوتا ہے،امام زمانہ کے نام سے تحریکیں چلائ جا رہی ہیں جو ہونا بھی چاہیے لیکن اسی کے ساتھ ساتھ ہم جس امام کے ظہور کے منتظر ہیں انکی معرفت حاصل کرنا ہم پر لازم  ان کا کہنا تھا کہ امام عج کی خصوصیات کو درک کرنا ، ان کے بارے میں جناب رسول خدا ص و آئمہ معصومین سے روایات و احادیث کا مطالعہ کرنا چاہیے تاکہ امام کی اہمیت جو انبیاء و ائمہ ع نے ذکر فرمای ہیں سے آشنا ہوسکیں۔

وحدت نیوز(پشاور) مجلس وحدت مسلمین شعبہ خواتین کے مرکزی وفد کا کوچہ رسالدار جامع مسجد امامیہ پشاور کا دورہ ، خانوادہ شہداء سے ملاقات کی اور تعزیت پیش کی ۔

 مجلس وحدت مسلمین شعبہ خواتین کے وفد جس میں مرکزی سیکرٹری سیاسیات محترمہ نرگس سجاد، مرکزی آفس سیکرٹری محترمہ بینا شاہ، مرکزی ڈپٹی سیکرٹری اطلاعات محترمہ زینب بنت الھدی، مرکزی سیکرٹری فنانس محترمہ قراة العين، ضلع اسلام آباد کی سیکرٹری جنرل محترمہ صدیقہ کائنات اور ضلع راولپنڈی کی مسئول محترمہ سمعیہ شامل تھیں نے جامعہ مسجد کوچہ رسالدار کا دورہ کیا اور پھر اس اندھوناک سانحے میں شہید اور زخمی ہونے والے مومنین کے گھروں میں ان کے لواحقین جن میں محترمہ سمعیہ کے عزیز و اقارب بھی شامل ہیں سے ملاقات کی ۔

اس موقع پر شہید مجاہد علی اکبر اخونذادہ کی والدہ کا کہنا تھا کہ میرا ایک بیٹا تھا جو راہ خدا میں قربان ہوگیا میری قربانی کوئی بڑی قربانی نہیں انہوں نے کہا کہ میری آقا ذادی جناب زینب کبری سلام اللہ علیھا نے اپنے امام وقت کے امام پر اپنے دونوں چاند جیسے بیٹوں کو قربان کیا تھا انہی کے صدقے امام زمانہ عج ہماری قربانی قبول فرمائیں۔

 مرکزی سیکرٹری سیاسیات محترمہ نرگس سجاد نے کہا کہ شہداء کے ماؤں نے کربلا کی خواتین سے بلند حوصلہ ،ہمت اور راہ خدا میں قربانی کا جزبہ پایا ہے۔ انہوں نے کہا ہماری یہ قربانیاں ثابت کرتی ہیں کہ ہم حق کے راستے پر چل رہے ہیں اور دشمن ہمیں راستے سے ہٹانے کے لیے بزدلانہ کاروائیاں کرکے خوفزدہ کرنے کی ناکام کوشش کرتا ہے تمام خواہران نے خانوادہ شہداء سے اظہار یکجہتی کیا اور تعزیت پیش کی شہداء کی بلندی درجات اور زخمیوں کی صحتیابی کے لیے دعا کی علاوہ ازیں وفد نے جائے شہادت قائد شہید علامہ عارف حسین الحسینی رحمتہ اللہ علیہ کا بھی دورہ کیا ۔

وحدت نیوز(گلگت) محترمہ سائرہ ابراہیم مرکزی سیکریٹری یوتھ مجلس وحدت مسلمین شعبہ خواتین محترمہ سائرہ ابراہیم نے ولادت امام حسین علیہ السلام کے موقع پر زینب کبری اکیڈمی میں منعقدہ محفل میلاد سے خطاب کرتے ہوئے کہا کہ خاندان عصمت و طہارت نے اسلام کی سر بلندی کے لئے تاریخ بشریت میں سب سے بڑا صبر آزما کردار پیش کیا، امام حسین علیہ سلام اور ان کے با وفا بھائی حضرت عباس علمدار علیہ سلام کا عظیم کردار رہتی دنیا تک مظلوموں کی طاقت بن کر رہے گا ۔ امام حسین ع کے پیروکار فخر سے راہ اسلام میں قربانی پیش کرتے ہیں

سانحہ پشاور کے بارے میں گفتگو کرتے ہوئے ان کا کہنا تھا کہ پاکستان میں شیعہ نسل کشی کا سلسلہ اب بند ہوجانا چاہیے مظلوموں کی آہ عرش تلک جاتی ہے ہمارے صبر کو نہ آزمایا جائے ،شیعیان علی کو وطن عزیز میں تحفظ دیا جائے اختتام پر صدر محفل میلاد محترمہ نور جہاں نے اپنے خطاب میں ماہ شعبان کی فضیلت اور اعمال بیان کیے ۔

وحدت نیوز(لاہور) مجلس وحدت مسلمین شعبہ خواتین لاہور کے گلشن راوی یونٹ میں جشن ولادت باسعادت مولا عباس علمدار ع کی مناسبت سےعظیم الشان جشن کا انعقاد کیا گیا سیکرٹری جنرل لاہور محترمہ حنا تقوی نے اپنے بیان میں شام عباس ع  بیان کرتے ہوئے کہا کہ حضرت عباس علیہ السلام کی شجاعت و بہادری اور ان کے تمام فضائل وکمالات کی مثال ونظیر پوری تاریخ بشریت میں نہیں مل سکتی۔

انہوں نے کہا کہ جناب عباس علیہ السلام نے میدان کربلا میں بغیر تلوار کے اپنے مضبوط ترین ارادہ اور عزم و حوصلہ سے ابن زیاد ملعون کے لشکر کو نفسیاتی طور پر مفلوج کر کے ایسے بھاگنے پر مجبور کر دیا جیسے انھوں نے ہر میدان جنگ میں دشمنوں کو اپنی تلوار اور شجاعت سے بھاگنے پر مجبور کردیا تھا۔آج تک لوگ حضرت عباس علیہ السلام کی بہادری اور شجاعت کو مکمل عقیدت و احترام اور پورے جوش وجذبہ کے ساتھ یاد کرتے ہیں۔ جشن کے اختتام پہ دسترخوان مولا غازی عباس ع کا اہتمام کیا گیا اور دعاے خیر کی گئی۔

وحدت نیوز(لاہور)3شعبان امام حسینؑ کی ولادت باسعادت  کے موقع پر فیصل ٹاؤن یونٹ کی سیکرٹری جنرل محترمہ حنا اور یونٹ کے تمام اراکین نے مل کر جشن کا اہتمام کیا اور روڈ پہ گزرنے والے راہ گیروں کو مولا حسین کی ولادت کی مبارکباد دی  ان کے لئے سبیل اور تبرکات کا اہتمام کرکے ان کی خاطر تواضع کی۔

اس موقع ہر محترمہ حنا تقوی سیکرٹری جنرل ایم ڈبلیو ایم لاہور بے فیصل ٹاؤن یونٹ کے اراکین کی دعوت پہ خصوصی شرکت کی اور کہا مولا حسین ع صرف مومنین اور مسلمانوں کے امام نہیں بلکہ پوری انسانیت کے امام ہیں کسی فرقہ اور مزہب  کے امتیاز کے بغیر سب کو مل کر جشن کا اہتمام کرنا چاہیے اور امام حسین کی تعلیمات ہر ذی روح کو پہنچانی چاہئےاس موقع پر محترمہ حنا تقوی  نے شہداء پشاور اور ان کے لواحقین کو خراج تحسین پیش کیا اور ان کے لئے خصوصی دعا کی۔

وحدت نیوز(لاہور)خواتین کی عالمی دن کے حوالے سے قرارداد پنجاب اسمبلی میں جمع کروادی گئی۔قرارداد رکن پنجاب اسمبلی اور مجلس وحدت مسلمین کی مرکزی سیکریٹری جنرل شعبہ خواتین سیدہ زہرا نقوی نے جمع کروائی۔

قرار داد میں کہا گیا کہ خواتین کو قومی دھارے میں شامل کیے بغیر کوئی معاشرہ ترقی نہیں کر سکتا، 1973کے آئین میں خاص طور پر صنفی مساوات کی ضمانت دی گئی ہے ،آئین میں یہ شرط دی گئی ہے کہ صرف جنس کی بنیاد پر کوئی امتیازی سلوک نہیں کیا جائے گا ،اس کے علاوہ آئین شادی، کنبہ، ماں اور بچے کے تحفظ کے ساتھ ساتھ قومی زندگی کے تمام شعبوں میں خواتین کی بھرپور شرکت کو بھی یقینی بناتا ہے ۔

خواتین ہر شعبہ میں اپنا بھرپور کردا رادا کر رہی ہیں ،خواتین کو اسلام اور آئین پاکستان میں دیئے گئے حقوق کے لئے آواز اُٹھانے کا پورا پورا حق ہے ،اسلام نے عورت کو ذلت و پستی سے نکال کر شرف انسانیت بخشا ہے ۔

مگر کچھ مغرب کی زر خرید خواتین پاکستان کی سادہ لوح خواتین کو مغرب کے دکھائے گئے راستوں پر چلانے کی کوشش کر رہی ہیں ،مرد اور عورت مل کر معاشرہ بناتے ہیں دونوں کو ایک دوسرے کی ضرورت ہے ۔لہذا دونوں کو ایک دوسرے کے حقوق دینا ہوں گے ۔

وحدت نیوز(لاہور) 7 مارچ برسی سفیر انقلاب ڈاکٹر محمد علی نقوی شہید کے موقع پر دختر شہید ، مرکزی رہنما مجلس وحدت مسلمین شعبہ خواتین و رکن پنجاب اسمبلی محترمہ سیدہ زہرا نقوی نے اپنے پیغام میں کہا کہ شہداء کے ذکر کو زندہ رکھنا ان کے عظیم مقصد کو زندہ رکھنا ہے شہید ڈاکٹر محمد علی نقوی ہر وقت مصروف عمل اور متحرک رہنے والی شخصیت کے مالک تھے دین و ملت کا درد آپ کو چین نہیں لینے دیتا تھا یہی وجہ ہے کہ آپ نے قوم کے جوانوں کو بیدار کیا ان میں تحرک کی روح پھونکی انہیں درد دین سے آشنا کیا۔

 انہوں نے کہا میرے بابا شہید نقوی نہ صرف میرے بلکہ ملت کے ہر نظریاتی فرد کے آئیڈیل ہیں ان کا اوڑھنا بچھونا، سونا جاگنا، چلنا پھرنا سب کچھ اسلام ناب محمدی کی تبلیغ، ترویج اور عملی نفاذ کیلئے تھا۔ وہ بت شکن زمان حضرت امام خمینی کے سچے اور عملی فدائی تھےانہوں نے کہا خدمت خلق سے سرشار معمولات، تعلیمی ترقی و پیشرفت کیلئے اسکول سسٹم کا نیٹ ورک، تنظیمی و تربیتی نشستوں کا احیاء، نوجوانوں کی مختلف میدانوں میں مکمل مدد و تعاون، ذاتی و نجی معاملات میں لوگوں کی درست رہنمائی، دختران ملت کی فعالیت و قومی اجتماعی امور میں ان کی شرکت، ملت کے دفاع و بقا کیلئے خدمات، الغرض ہر حوالے سے ان کی خدمات قابل تقلید نمونہ کی حیثیت رکھتی ہیں۔ ان کا مذید کہنا تھا ڈاکٹر محمد علی نقوی شہید زندگی میں ایک ایسے محور کی حیثیت رکھتے تھے، جس کے گرد ملک بھر کے تنظیمی، انقلابی، بیدار نوجوان کھنچے چلے آتے تھے آج بھی جوان ان کے افکار و کردار کو زندہ رکھے ہوئے ہیں۔

وحدت نیوز(لاہور) پشاور سانحہ میں مظلوموں کے حق میں آواز اٹھانے کیلئےپریس کلب لاہور سے اسمبلی ھال تک احتجاجی ریلی نکالے گئی ، ریلی کی قیادت سیکرٹری جنرل ایم ڈبلیو ایم شعبہ خواتین لاہور محترمہ حنا تقوی نے کی جبکہ مرکزی ڈپٹی سیکرٹری جنرل محترمہ تحسین شیرازی بھی ان کے ہمراہ موجود تھیں ۔ریلی میں ضلعی رابطہ سیکرٹری محترمہ عندلیب اور ان کے ساتھ ساتھ مختلف یونٹس سے تعلق رکھنے والے لوگوں نے کثیر تعداد میں شرکت کی ۔

سیکرٹری جنرل لاہور محترمہ تقوی نے میڈیا سے خطاب کرتے ہوئے کہا کہ پشاور کل بھی لہو لہو تھا پشاور آج بھی لہو لہو کبھی سکول کے معصوم بچوں کو گولیوں سے چھلنی کر دیا جاتا ہے تو کبھی مسجد میں عبادت الہی میں مصروف نمازیوں کو لہو لہان کر دیا جاتا ہے۔ انہوں نے کہا یہ بات تو طے ہے کہ دہشتگردوں کا کوئ مذہب نہیں وہ انسانیت کے سفاک ترین دشمن ہیں لیکن  اس بات پر بھی کوئی دو راے نہیں کہ قانون نافذ کرنے والے ادارے اپنے فرائض سے غافل ہیں اور ان کی نااہلی ایسے اندوہناک سانحات کا موجب بنتی ہے ۔

انہوں نے اپنے خطاب میں حکومت کو پیغام دیا کہ ہم ہمیشہ سے پر امن رہ کر اپنی مظلومیت کا احتجاج کرتے رہے ہیں کہ ہم وطن عزیز کے وفادار شہری ہیں اس وطن کی بنیادوں میں ہمارے اجداد کا لہو شامل ہے اگر ہمیں تحفظ فراہم کرنے سے عاجز ہیں تو بتائیں ہمیں یقین ہے کہ ہماری قوم کی مائیں بیٹیاں بھی کھڑی ہو جاۓ تو تمام مسئلے حل ہو جائے گے ۔

 ان کا مزید کہنا تھا ہر دور میں شیعیان حیدر کرارؑ کا ہی کیوں خون بہایا جاتا ہے ہر دور میں ایک ہی فرقہ کو نشانہ بنانا اس بات کا ثبوت ہے کہ ہمارا دشمن باہر نہیں بلکہ ہم سے بہت قریب ہے اور اب تک ہر دور کی حکومت جانتے بوجھتے ان دہشتگردوں سے چشم پوشی کرتی ہے ۔ اور جوظلم کے خلاف خاموشی اختیار کرتا ہے وہ ظالموں میں شمار ہوتا ہے۔

وحدت نیوز(لاہور) مجلس وحدت مسلمین شعبہ خواتین کی مرکزی سیکرٹری جنرل و رکن صوبائی اسمبلی محترمہ سیدہ زہرا نقوی نے ولادت باسعادت امام حسین علیہ سلام کے پر مسرت موقع پر تمام محبان ابا عبداللہ الحسین ع کو دلی مبارکباد  پیش کرتے ہوے کہا کہ امام حسین علیہ سلام کو ماننے کے لئے مسلمان ہونا ضروری نہیں بلکہ انسان ہونا ضروری ہے آپ محسن انسانیت ہیں جنہوں نے اپنا سب کچھ لٹا کر صرف اسلام نہیں بلکہ انسانیت کو بچایا۔

 انہوں نے کہا امام حسینؑ کی ذات اور ان کے افکار اور تعلیمات، محبت، امن و سلامتی، وحدت، اتحاد و اتفاق، فکر حریت، جد و جہد، عدل و انصاف، حقوق العباد کی ادائیگی کا درس دیتے ہیں ان کا کہنا تھا کہ  امام حسینؑ کے افکار و کردار صرف مسلمانوں کے ہی نہیں بلکہ ساری انسانیت کے لئے راہ نجات ہیں، تمام دنیا کیے مظلوم اور آزادی کے لئے جدوجہد کرنے والوں کے لئے آپ کی ذات ظلم و جبر کے خلاف لڑنے والوں کو قوت و حوصلہ عطا کرتی ہے۔

انہوں نے کہا امام حسین علیہ سلام کے قیام نے کل انسانیت کو حق شناسی عطا کی اور عزت و عظمت کا راستہ دکھایا آج بھی آپ کے حقیقی پیروکار حق کے راستے پر چلتے ہوے عزت کے ساتھ موت یعنی شہادت کو گلے لگاتے ہیں لیکن باطل کے سامنے سر نہیں جھکاتے انہوں نے مزید کہا سالار شہداء کی ولادت کے دن ہم پشاور کے شہداء کے لیے دعا گو ہیں کہ خداوند عالم انہیں جوار امام حسین ع میں جگہ عطا فرماے اور انکے لواحقین کو صبرجمیل عطا فرمائے۔ آلہی آمین

وحدت نیوز(اسلام آباد) ولادت باسعادت جناب زینب کبریٰ بنت  علی سلام اللہ علیہا کی مناسبت سے امام بارگاہ ابوتراب و شبیہ ضریح امام حسین (ع) فراش ٹاؤن میں جشن معصومین (ع) کا انعقاد کیا گیا۔ ،جس میں سماجی و سیاسی شخصیات اور خواتین کی بڑی تعداد نے شرکت کی۔

تقریب سے خطاب کرتے ہوئے ایم ڈبلیو ایم شعبہ خواتین کی مرکزی سیکرٹری سیاسیات خانم سیدہ نرگس سجاد جعفری نے کہا کہ جناب زینب کبریٰ سلام اللہ علیہا کی سیرت خواتین کے لیے عملی نمونہ ہے۔ پشاور میں ہمارے شہداء نے سنت شہداء کربلا پر عمل کرتے ہوئے ، اپنے مولا و آقا مظلوم کربلا امام حسین علیہ السلام سے کیا ہوا عہد نبھاتے ہوئے اپنی جانوں کا نذرانہ پیش کیا اب ہماری زمہ داری ہے کہ اب کردار زینبی ادا کرتے ہوئے ان کی قربانی رائیگاں نہ جانے دیں۔

 جشن سے خطاب کرتے ہوئے محترمہ ندا بخاری نے کہا زینب بنت علی سلام اللہ علیہا شریکۃ الحسین ہیں کربلا سے اگر جناب زینب کبریٰ کا کردار نکال دیا جائے تو بقائے اسلام کا یہ باب مکمل نہیں ہوتا۔  اپنے خطاب میں معروف عالمہ و خطیبہ آل محمد ع نجمہ جعفری نے کہاکہ یکم شعبان اس سیدہ ہمشیرہِ حسین ع مادرِ عون و محمد آقا زادی غازی عباس ع ملکائے حیاء فاتح شام بی بی کے ظہور پر نور کا مبارک دن ہے کہ جس کے خوف سے یزیدیت قیامت تک لرزتی رہے گی ۔ تقریب سے  خطیبہ آل محمد (ع)  , محترمہ کائنات زینب، معروف سماجی راہنماء ساجدہ کاظمی  نے بھی خطاب کیا اور مومنات کی جانب شریکۃ الحسین علیہ السلام کے حضور قصائد و منقبت کی شکل میں گل ہائے عقیدت بھی بکھیرے گئے۔ آخرمیں مسؤل مرکزی دفتر ایم ڈبلیو ایم محترمہ بینا شاہ اور ضلعی سیکرٹری جنرل اسلام آباد محترمہ صدیقہ کائنات کی جانب سے شرکاء جشن کا شکریہ ادا کیا گیا اور شرکاء کو سانحہ پشاور کے سلسلے میں کل ہونے والے احتجاج میں شرکت کی دعوت دی گئی۔

Page 8 of 98

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree