The Latest

وحدت نیوز(کراچی)المجلس ڈیزاسٹر اینڈ مینجمنٹ سیل کراچی ڈویژن کی جانب سےدوران عشرہ محرم الحرام شہر بھرمیں سبیلوں کا اہتمام کیا گیا۔ ڈائریکٹر المجلس ڈیزاسٹر اینڈ مینجمنٹ سیل کراچی ڈویژن سید زین رضوی کے مطابق اے ڈی ایم سی نے مرکزی جلوس عاشورہ میں سبیل ٹرک کا اہتمام کیا جہاں سے عزاداروں کی ٹھنڈے مشروبات سے تواضع کی گئی۔

9 محرم الحرام نیوکراچی کے مرکزی جلوس عزا امام بارگاہ ابوتراب سیکٹر فائیوجی نیوکراچی اور بزم حسینی سیکٹر فائیو ای سے برآمد ہوئے اور مقررہ راستوں سے گزرتے ہوئےا امام بارگاہ کاروان حیدری سیکٹر الیون ڈی نیوکراچی  میں اختتام پزیر ہوئے۔ جس میں عزاداران امام مظلوم کے لئے سبیل کا اہتمام کیا گیا۔جس میں ہزاروں عزاداروں کو شربت کی سبیل سے سیراب کیا گیا۔

اس کے علاوہ ضلع ملیر میں مسجد وامام بارگاہ حسینی ماوری ٹاؤن قائد آباد میں 9 محرم الحرام کے مرکزی جلوس اور چوکنڈی میں امام بارگاہ علی ابن ابی طالبؑ میں بھی جلوس عاشورہ کےدوران سبیلوں کا اہتمام کیا گیا جہاں عزاداروں کی ٹھنڈے مشروبات سے تواضع کی گئی۔ زین رضوی کے مطابق ضلع غربی 06 جگہوں پر، 01 روز حیدری یونٹ، سادات کواٹر حسین آباد، سرجانی ،گہرام گوٹھ ،عبدالرحیم گوٹھ،پاور ہاوس چورنگی نارتھ کراچی،امام بارگاہ کاروان حیدری سیکٹر الیون ڈی نیوکراچی ،العباس لاسی گوٹھ،جامع مسجد نورایمان ناظم آباد،جامع مسجد سکینہ امام بارگاہ شاہ کاظمین،مرکزی جلوس 9  محرم،پہلی محرم سے دس محرم UC:10کورنگی ،8,9 محرم جے ون کورنگی میں بھی دوران جلوس و مجالس سبیلوں کا اہتمام کیا گیا تھا۔

وحدت نیوز(ٹنڈو محمد خان) یوم علی اصغرِیزیدیوں اور یزیدی فکر کی رسوائی کا دن ۔مجلس وحدت مسلمین شعبہ خواتین کی مرکزی صدر محترمہ معصومہ نقوی نے یوم علی اصغر کے موقع پر تمام اضلاع کی بھرپور شرکت پر تمام ضلعی جنرل سیکرٹری کا شکریہ ادا کیا ، ان کا کھنا تھا عالمی یوم علی اصغرؑ  مناتے ہوئے ہرضلع نے بھر پور تعاون کیا انشاء اللہ ملک بھر میں عشرہ زینبیہؑ  اور یوم سکینہؑ کے حوالے سے بھی تمام اضلاع ابھی سے پلاننگ کریں اور مجلس وحدت مسلمین شعبہ خواتین ایسی ذاکرات کو ممبر پر بٹھائیں جو صحیح پیغام زینبی کو مومنات تک پہنچائیں ، ممبر سے اسلامی احکام کے احیا کی نیت سے مجلس کے دوران خواتین میں روزانہ چند احکام کے مسائل بھی بیان کیے جائیں ۔ امید ھے اھل معرفت خواتین بھتر انداز میں اس قافلہ حسینی کی ھمراہ ھونگیں ۔

وحدت نیوز(ٹنڈومحمد خان) عالمی یوم علی اصغر علیہ السلام کے موقع پر پاکستان کے مختلف علاقوں میں بھرپور انداز میں منایا گیا ۔ٹنڈو محمد خان کے مرکزی امام بارگاہ حسینی ع میں شہ پارہ بتول نے کمسن بچوں اور ماؤں سے اس دن کی مناسبت سے اپنے امام وقت عج کے لیے تجدید عہد لیا۔

نیز انھوں نے کہا کہ چھوٹے سے شہزادے نے اپنے وقت کے امام ع کے لیے سن کو بھلا کر لبیک کی ایسی مثال قائم کی جو رہتی دنیا تک یاد رہے گی کہ اپنے امام وقت ع کے نصرت کیلئے عمر لازم نہیں صرف بصیرت ہونی چاہیے۔

وحدت نیوز(اٹک) عالمی یوم علی اصغر علیہ السلام کے موقع پر پاکستان کے مختلف اضلاع میں یوم علی اصغر علیہ السلام منایا گیا،اٹک میں امام بارگاہ حسینیہ کامل پور سیداں میں بھی اجتماع منعقد کیا گیا جس سے عالمہ ساجدہ نقوی نے معصوم بچوں اور انکی ماؤں سے تجدید عہد لیا کہ وہ بھی مثل شہزادہ علی اصغر علیہ السلام کی مانند اپنی بچوں کے لیے وہی راہ اختیار کریں گے اور امام وقت عج کے لیے کسی بھی قربانی سے دریغ نہیں کریں گے ۔

وحدت نیوز(رحیم یار خان) عالمی یوم علی اصغر علیہ السلام کے موقع پر جہاں پاکستان کے مختلف علاقوں میں یوم علی اصغر علیہ السلام بھرپور انداز میں منایا گیا اسی طرح ضلع رحیم یار خان میں بھی نہایت عقیدت و احترام سے منایا گیا خانم تنویر زہرا نے بچوں اور ماؤں نے اپنے امام وقت عج سے تجدید عہد لیا اور کہا کہ وہ کبھی بھی اپنے امام کو تنہا نہیں چھوڑیں گے وہ مثل شہزادہ علی اصغر علیہ السلام کردار ادا کریں گے ۔

وحدت نیوز (پنڈ دادن خان) عالمی یوم علی اصغر علیہ السلام کے موقع پر پاکستان کے مختلف علاقوں میںیوم علی اصغر علیہ السلامنہایت عقیدت و احترام سے منایا گیا ۔مجلس وحدت مسلمین شعبہ خواتین کی جانب سے پنڈ دادن خان میں امام بارگاہ کاظمیہ ٹوبہ میں یوم علی اصغر علیہ السلام کے موقع پر خواہر فہمیہ زینب نے بچوں اور ان کی ماؤں سے وقت امام حسین علیہ السلام سے تجدید عہد لیا کہ وہ بھی شہزادہ علی اصغر علیہ السلام کی طرح اپنے امام وقت عج کے حکم کے منتظر ہیں اور بقائے اسلام کے لیے کسی بھی قربانی سے دریغ نہیں کریں گے ۔

وحدت نیوز(گلگت) قائد گلگت بلتستان سید آغا راحت حسین الحسینی پر قاتلانہ حملے کی شدید مذمت کرتے ہیں قاتلانہ حملے میں دو  افراد شہید اور دو زخمی ہوئے ،رہنما مجلس وحدت مسلمین شعبہ خواتین محترمہ سائرہ ابراہیم نے جاری بیان میں کہا کےمیں نوجوانوں سے کہتا ہوں انتقامی کاروئی کرنے کے بجائے سنی شیعہ امن پسند نوجوان مل کر دہشت گردوں کو نشان عبرت بنائیں۔ گاڑی پر مختلف جگہوں پر سے حملہ کرنے کی منصوبہ بندی کی گئی تھی۔ جو کہ ناکام ہوگئی اگر آغا راحت حسینی کو آنچ بھی آئی تو اس کے ذمہ داروں کو کبھی معاف نہی کیا جائے گا ۔انہوں نے کہاکہ دشمن گلگت میں قائم مسلکی اتحاد کو ہضم نہیں کر پارہا ، اب عوام کو سمجھ آچکی ہے گلگت بلتستان کے امن اور آنے والی نسل کے مستقبل کے لئے آپسی اتحاد ضروری ہے۔

 انہوں نے کہا کے ہم مطالبہ کرتے ہیں کے قاتلانہ حملے کی ہمت کر نے والوں کو فوری گرفتار کیا جائےاور اسی مقام پر پھانسی دی جائے تاکے ایسی حرکت کرنے والے عبرت کا نشان بن سکیں اور محرم کے ایام میں ایسا کرنا دشمن کی بدامنی پھیلانے کی سازش ہے خطے میں امن قائم رکھنا ریاستی اداروں کی ذمہ داری ہے۔

وحدت نیوز(اسلام آباد) ماہ عزا محرم الحرام کی آمد پر مجلس وحدت مسلمین شعبہ خواتین کی مرکزی صدر محترمہ سیدہ معصومہ نقوی نے اپنے خصوصی پیغام میں کہا کہ عزاداری مظلوم کربلا ہماری حیات ہے محرم ، عاشورہ اور مجالس عزا ہمارے لیے عظیم نعمت ہیں یہ عظیم نعمت، دلوں کو اسلام و ایمان کے ابلتے ہوئے چشمے سے متصل کرتی ہے شہادت حسین (ع) کے واقعہ پر جس قدر غور و فکر کیاجائے گا اسی قدر اس کے اعلیٰ مطالب روشنی میں آتے جائیں گے ۔

 انہوں نے کہا کہ وطن عزیز میں محرم الحرام اور عزاداری کے مواقع پر کافی عرصے تک کشیدگی پائی جاتی رہی اور شر پسند عناصر نے مجالس عزا اور جلوسوں میں رکاوٹیں ڈالنے کی کوشش کی ہے موجودہ حکومتی ذمہ داران کو اس طرف متوجہ ہونا ہوگا اور نہ صرف ایسے فتنہ انگیز سازشیوں کا قلع قمع کیا جاے بلکہ بے جا ایف آئی آرز اور پابندیوں کے سلسلے کو بھی بند کیا جائے تاکہ تمام مسلمان امن و سکون کے ساتھ عزاداری مظلوم کربلا انجام دے سکین۔

 ان کا مذید کہنا تھا کہ امام حسینؑ کی ذات اور ان کے افکار اور تعلیمات، محبت، امن و سلامتی، وحدت، اتحاد و اتفاق، فکر حریت، جدوجہد، عدل و انصاف، حقوق العباد کی ادائیگی کا درس دیتے ہیں، لہٰذا لازم ہے کہ امام حسینؑ کو صرف عزاداری اور رسوم تک ہی محدود نہ رکھا جائے بلکہ ان کی سیرت پر بھی عمل پیرا ہو کر دنیا اور آخرت میں فلاح و کامیابی حاصل کی جائے۔

وحدت نیوز(لاہور) رکن پنجاب اسمبلی و سینئر رہنما مجلس وحدت مسلمین وومن ونگ محترمہ سیدہ زہرا نقوی نے ماہ محرم الحرام 1443ء کے پیغام میں کہا کہ دنیا بھر میں بالعموم اور پاکستان میں خصوصی طور پر امت مسلمہ اس ماہ جو آغاز سال نو بھی ہے کا آغاز الم و غم اور دکھ بھرے انداز میں کرتی ہے، اس کی بنیادی ترین وجہ اپنے پیارے نبی آخرالزمان محمد مصطفیٰ ﷺ کے لاڈلے نواسے حضرت امام حسین اور ان کے اصحاب و انصار و یاوران کی عظیم قربانی جو 10محرم اکسٹھ ہجری کو میدان کربلا میں دی گئی کی یاد کو زندہ کرنا ہے۔

انہوں نے کہا کربلا کا درس ہے کہ بصیر ت و آگاہی اور شعور و فکر کو بلند و بیدار رکھا جائے ورنہ جہالت و گمراہی کے پروردہ ہر جگہ ایسی ہی کربلائیں پیدا کرتے رہیں گے۔ کربلا ایک لگاتار پکار ہے،یزیدیت ایک فکر اور سوچ کا نام ہے اسی طرح حسینیت بھی ایک کردار کا نام ہے قیامت تک حسینیت یزیدیت کے مقابلے میں بر سر میداں رہے گی۔

 انہوں نے کہا کربلا سے، ہمیں یہ سبق ملتا ہے کہ اگر معاشرہ میں اصلاح یا انقلاب منظور نظر ہو تو معاشرہ میں موجود ہر طبقہ سے مدد حاصل کرنی چاہئے۔ تاکہ ہدف میں کامیابی حاصل ہو سکے جیسے امام علیہ السلام کے ساتھیوں میں جوان، بوڑھے، سیاہ سفید، غلام آزاد سبھی طرح کے لوگ موجود تھے۔  

انہوں نے مذید کہا کہ ہمارے علماء و ذاکرین اور عالمات و ذاکرات منبر حسینی کے ذریعے معاشرے میں قیام امن کا پیغام دیں اور ایک الہی اور حسینی معاشرے کی تشکیل اور ظہور امام مہدی عج  کی زمینہ سازی کے لیے نوجوان نسل کو تیار کریں اور اپنے صحیح العقیدہ پیغامات ، اتحاد بین المسلمین، ،حقیقی درس کربلا اور حالات حاضرہ کے ذریعے ملت کو بیدار کریں۔

وحدت نیوز (فیصل آباد) مجلس وحدت مسلمین وومن ونگ کی مرکزی صدر محترمہ معصومہ نقوی نے فیصل آباد کے محلہ سدھوپورہ میں علاقے کی ذاکرات سے ملاقات کی ان کا کہنا تھا کہ ماہ محرم الحرام میں اپنے قلب و روح کی پاکیزگی کے ساتھ مجالس عزا میں شرکت کریں ہماری مجالس میں نوجوان طبقے کی فکری و روحانی تربیت کے حوالے سے بھی گفتگو کی جائے پیغام کربلا اور امام حسین علیہ سلام اور ان کے اصحاب با وفا کی قربانی کے صحیح مقصد کو عوام تک پہنچایا جائے۔

 ذاکرات سے خطاب کرتے ہوئے ان کا کہنا تھا کہ ماہ محرم الحرام میں اتحاد و یگانگت کی فضا قائم کی جائے اپنی مجالس میں دیگر مسالک کی خواتین کو بھی دعوت دیں تاکہ فکر امام حسین علیہ سلام اس معاشرے میں عام ہو سکے ، اس نشست سے مرکزی رہنما ایم ڈبلیو ایم پاکستان برادر اسد عباس نقوی نے سیاسی تدبیر کے عنوان پر گفتگو کی ۔

Page 3 of 98

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree