The Latest
وحدت نیوز (گلگت) میونسپل کمیٹی کے دفتر کو جوٹیال شفٹ کرنا بد نیتی پر مبنی اقدام ہے ۔دفتر کی شفٹنگ سے مسائل میں اضافہ ہوگا ،عوام کی سہولت کیلئے دفتر کی شفٹنگ کا فیصلہ واپس لیا جائے۔مجلس وحدت مسلمین گلگت بلتستان کے ترجمان محمد الیاس صدیقی نے میونسپل کمیٹی گلگت کے ہیڈآفس کی شفٹنگ کے فیصلے کی سخت مذمت کرتے ہوئے کہا ہے کہ اس فیصلے سے گلگت شہر کے عوام براہ راست متاثر ہونگے۔میونسپل کمیٹی سے متعلقہ شکایات اور جملہ مسائل کے حل کیلئے موجودہ دفتر زیادہ موزوں ہے جوٹیال شفٹ کرنے سے عوام الناس کی تکلیفوں میں اضافہ ہوگا۔
انہوں نے کہا کہ موجودہ آفس تک رسائی ہر کسی کے لئے بس میں ہے اور شہر کے وسط میں واقع ہونے کی وجہ سے شکایات کا اندراج اور دیگر مسائل کیلئے مناسب اور موزوں جگہ ہے جسے تبدیل کرکے جوٹیال لیجانے میں حکومت کی بدنیتی صاف نظر آرہی ہے۔ا نہوں نے چیف سیکرٹری گلگت بلتستان سے مطالبہ کیا کہ وہ مذکورہ آفس کی شفٹنگ کو فوری رکوانے میں اپنا کردار ادا کرے عوام کوذہنی اذیت میں مبتلا ہونے سے بچائیں۔
وحدت نیوز(کوئٹہ) مجلس وحدت مسلمین کے رکن بلوچستان اسمبلی آغا رضا کی جانب وزیر اعلیٰ بلوچستان نواب ثناءاللہ زہری کے خلاف تحریک عدم اعتمادکی حمایت پر صوبائی حکومت سیخ پا، آغا رضاکو سیاسی انتقام کا نشانہ بناتے ہوئے سکیورٹی واپس لے لی گئی، ایم ڈبلیوایم کے صوبائی ترجمان آغا ہادی کے مطابق صوبائی حکومت نے شدید خطرات کے باوجود ایم پی اے آغا رضا کی سیکیورٹی واپس لے لی،آغا رضا کی جان کو خطرہ ہے، کسی بھی ناخواشگوار واقعے کی صورت میں صوبائی حکومت ذمہ دار ہوگی،آغا رضا نے اپنے ضمیر کا فیصلہ کیا، حکومتی دباوکو مسترد کرتے ہیں۔
دوسری جانب سے نجی ٹی وی چینل سے گفتگوکرتے ہوئے ایم ڈبلیوایم کے ممبر بلوچستان اسمبلی آغا رضا نے کہا ہے کہ میری سیکیورٹی ہٹانا حکومت کی اوچھی حرکت ہے، سخت تھریٹ کے باوجود میری سیکیورٹی ختم کرنا حکومتی بوکھلاہٹ ہے، موجودہ حکومت عدم اعتماد کی تحریک سے خوفزدہ ہوکر انتقامی کارروائی پر اتر آئی ہے، مسلم لیگ کے آج اجلاس میں اکثریتی لیگی ارکان نے شرکت نہیں کی،وزیراعلی بلوچستان کے خلاف آئینی راستہ اپنایا ہے، نواز شریف اور ثناءاللہ خان زہری میں کوئی فرق نہیں،بلوچستان میں کرپشن بدعنوانی عروج پر ہے تحریک کا مقصد تبدیلی لانا ہے، لیگی حکومت نے بلوچستان کو مزید پسماندگی کی طرف دھکیلا، مسلم لیگ ن کی حکومت کے خلاف عدم اعتماد کی تحریک میں کامیاب ہونگے۔
انہوں نےمزید کہا کہ جمہوریت کی بات مسلم لیگ ن کو زیب نہیں دیتی، 1989ء کا دور آج بھی تاریخ کا حصہ ہے جس میں نواز شریف کا کردار واضح ہے نااہل نواز شریف کو بچانے کیلئے پوری حکومتی مشینری لگادی گئی ہے، نواز شریف سیاسی شہید ہونے کی ناکام کوشش کررہا ہے،نواز شریف اپنے عزائم میں ناکام ہوگا جیت عوامی طاقت کی ہوگی، بلوچستان حکومت عوامی نمائندوں کی حمایت حاصل کرنے میں ناکام ہوچکی ہے، تحریک عدم اعتماد کامیاب ہوگی ، تحریک عدم اعتماد ممبران اسمبلی کا حق ہے، حکومت اپنا کام کرتی تو آج یہ صورتحال نہ ہوتی،سیکیورٹی واپس لے کر ہمیں خوفزدہ نہیں کیا جاسکتا، میری حفاظت ریاست کی ذمہ داری ہے،مشاورت کے بعد مشترکہ پریس کانفرنس کرینگے۔
وحدت نیوز (ٹھل) مجلس وحدت مسلمین تحصیل ٹھل کے زیر اہتمام یونٹ پنجل ٹانوری، یونٹ میرپور برڑو، یونٹ ٹھل، یونٹ رانجھاپور، یونٹ جمعہ برڑو، مبارک پورسمیت مختلف یونٹس میں درسی پروگرام منعقد ہوئے، اس تنظیمی و درسی دورہ میں ایم ڈبلیو ایم سندہ کے سیکریٹری جنرل علامہ مقصودعلی ڈومکی، ضلعی سیکریٹری جنرل آغا سیف علی ڈومکی، ضلعی سیکریٹری تنظیم برادر حسن رضا غدیری اور تحصیل کے ذمہ داران ہمراہ تھے۔ اس موقع پر خطاب کرتے ہوئے علامہ مقصود علی ڈومکی نے وطن عزیز پاکستان کے خلاف امریکی صدر کی ہرزہ سرائی اور تازہ دھمکیوں کی شدید الفاظ میں مذمت کرتے ہوئے کہا کہ امریکی دھمکیوں سے ڈرنے کی بجائے جرات و بہادری سے امریکہ کو جواب دیا جائے۔وطن عزیز پاکستان کو امریکی غلامی سے تباہی اور بربادی کے سوا کچھ حاصل ہوا نہ ہوگا، وہ دن اس قوم کے لئے یوم عید ہوگا جس دن ہم نے امریکی غلامی سے نکلنے کا فیصلہ کیا۔ امریکہ پاکستان کا کچھ نہیں بگاڑ سکتا، ہمیں معذرت خواہانہ رویئے کے بجائے جرئت مندانہ رویہ اپنانے کی ضرورت ہے۔ انہوں نے کہا کہ شیطان بزرگ امریکہ سے اسلام دشمنی اور انسانیت سے عداوت کے علاوہ کوئی توقع نہیں۔ انہوں نے کہا کہ انقلاب اسلامی کے خلاف سازشیں ہر دور میں ہوئیں، مگر ایرانی قوم کے آہنی عزم نے ہر دور میں سامراجی قوتوں کے عزائم کو خاک میں ملا دیا۔ انقلاب اسلامی اور ایران کے انقلابی عوام اس مرحلے پر بھی سرخرو ہوں گے۔
وحدت نیوز (مظفرآباد) مجلس وحدت مسلمین پاکستان کے ریاستی سیکرٹری فلاح بہبود سید عاطف حسین ہمدانی نے کہا ہے کہ پیٹرولیم مصنوعات کی قیمتوں میں غیر معمولی اضافہ عوام کی برداشت سے باہر ہے۔حکومت نے نئے سال کے پہلے دن عوام کو مہنگائی کی نوید سناکر اپنے آئندہ کے لائحہ عمل سے باخبر کیا ہے۔حکومت کا یہ فیصلہ واضح کرتا ہے کے انہیں عوامی مشکلات سے کوئی سروکار نہیں۔پیٹرول کی قیمتوں میں اضافہ اشیائے خورد ونوش سمیت ہر شے کو متاثر کرتا ہے۔متوسط طبقہ پہلے ہی ان گنت مشکلات کا شکار ہے۔حکومت کی ناکام پالیسیاں رہی سہی کسر نکال رہی ہیں۔عوام ملک میں بڑھتی ہوئی مہنگائی کے کسی طور متحمل نہیں۔جمہوریت عوامی حکومت کا نام ہے۔عوام پر زندگی تنگ کرنے کو جمہوریت نہیں کہتے۔ پیٹرولیم مصنوعات کی قیمتوں میں اضافے کا فیصلہ غیر دانشمندانہ اور ظالمانہ ہے۔عوام اس فیصلے کو تسلیم نہیں کریں گے۔انہوں نے اپوزیشن جماعتوں سے مطالبہ کیا کہ وہ پیٹرولیم مصنوعات میں اضافے کے فیصلے کو واپس لینے کے لیے حکومت پر دباؤ ڈالیں۔
وحدت نیوز(اسلام آباد) مجلس وحدت مسلمین پاکستان کے ترجمان علامہ مختار امامی نے کہا ہے کہ چند انٹرنیٹ سروسز پرووائیڈرز کی سروس کے ذریعے ایم ڈبلیو ایم کی آفیشل ویب سائٹ تک رسائی نہ ہونے کی شکایت موصول ہوئی ہیں۔ جس سے پاکستان ٹیلی کمیونیکیشن اتھارٹی کو تحریری طور پر آگاہ کر دیا گیا ہے۔پی ٹی اے کے اعلی حکام کی جانب سے یقین دہانی کرائی گئی ہے کہ جلد از جلد وجوہات کا تعین کر کے مسئلہ کو حل کر دیا جائے گا۔ مجلس وحدت مسلمین کی ویب سائیٹ کو پی ٹی اے کی طرف سے بلاک کرنے کا تاثر قبل از وقت ہے۔ہمیں اس طرح کے کسی اقدام سے متعلقہ ادارے کی طرف سے کوئی پیغام نہیں ملا۔ایم ڈبلیو ایم ملک کی ایک ذمہ دار اور فعال مذہبی و سیاسی جماعت ہے ۔ملک کی تمام بڑی سیاسی جماعتوں کا اس سے رابطہ ہے جو ملک میں جمہوری اقدار کے لئے فروغ کے لئے کوشاں ہیں۔ہماری نظر میں یہ کوئی تکنیکی مسئلہ ہے تاہم حکومتی پالیسیوں سے نظریاتی و سیاسی اختلاف کی بنا پر اگر یہ اقدام کیا گیا تو اس کے خلاف عدالتی چارہ جوئی کی جائے گی۔
وحدت نیوز(اسلام آباد/سکردو) گلگت بلتستان میں ٹیکسز کیخلاف جاری احتجاج رنگ لایا، وفاقی حکومت نے ٹیکس ایکٹ2012 کوختم کرنے کا فیصلہ کرلیا ہے،تفصیلات کے مطابق گلگت بلتستان والوں کیلئے نئے سال کے پہلے روز بڑی خوشخبری، ٹیکسز معاملے پر وفاقی کمیٹی کے سربراہ ملک ابرار نے بڑا اعلان کرتے ہوئے کہا کہ وفاقی حکومت نے ٹیکس ایکٹ2012 کوختم کرنے کا فیصلہ کرلیا ہے،ٹیکسز کے معاملے پر ملک ابرار کی اےآر وائی نیوزسے خصوصی گفتگو کرتے ہوئے کہا کہ گلگت بلتستان ٹیکس ایکٹ2012 کی جگہ نیاٹیکس ایکٹ لایاجائیگا، نئےٹیکس ایکٹ کی منظوری گلگت بلتستان کونسل سے لی جائیگی، اسٹیک ہولڈرزسے 3رکنی نکات پرمذاکرات ہوئے۔
ٹیکس ایکٹ2012 سےعام آدمی کی زندگی متاثر ہورہی ہے، وزیراعظم نےمسئلےکاجلدازجلدحل نکالنےکی ہدایت کی تھی، کمیٹی اجلاس میں ٹیکس ایکٹ کے خاتمے پراتفاق کیا گیا ہے،خصوصی کمیٹی کی ابتدائی سفارشات وزیراعظم کوبھجوا دی ہیں، کمیٹی کی حتمی سفارشات چندروزمیں مرتب ہو جائیں گی، نئےایکٹ کےتحت 5لاکھ سےکم آمدن والوں پرٹیکس لاگونہیں ہوگا، گلگت بلتستان کی بڑی کمپنیوں اورہوٹلز پرٹیکس لگایاجائےگا۔
واضح رہے کہ وفاق کی جانب سے ٹیکس کے نفاذ کے خلاف 21 دسمبر کو گلگت بلتستان کے 10 اضلاع میں انجمن تاجران، ٹرانسپورٹر اور شہریوں کے احتجاجی دھرنا جاری تھا،مظاہرین کا مطالبہ تھا کہ گلگت بلتستان کو آئینی حیثیت نہ ملنے تک تمام اقسام کے ٹیکسز کالعدم قرار دیئے جائیں،گلگت بلتستان حکومت اور مظاہرین کے مابین متعدد مذاکرات ہوئے لیکن کوئی بھی نتیجہ خیز ثابت نہ ہو سکیں تھیں۔
دوسری جانب گلگت بلتستان میں غیر آئینی ٹیکس کے نفاذکے خلاف عوامی ایکشن کمیٹی اور مرکزی انجمن تاجران کے زیراہتمام یادگار شہداءپر گذشتہ تیرا روز سےجاری علامتی دھرنے میں ہزاروں شرکاءسے خطاب کرتے ہوئے مجلس وحدت مسلمین گلگت بلتستان کے صوبائی سیکریٹری جنرل علامہ آغا علی رضوی نے کہا کہ عوامی استقامت کے آگے ظالم وجابر حکمران گھٹنے ٹیکنے پر مجبورہوگئے ہیں، ٹیکس ایکٹ2012کے خاتمے کا وفاقی حکومت کا اعلان مظلوم ومحروم عوام کی جہد مسلسل کانتیجہ اور عظیم فتح ہے ، ہم اپنے قول کے مطابق اس وقت تک یہ احتجاجی دھرناجاری رکھیں گے جب تک وفاقی حکومت گلگت بلتستان میں نافذ غیر آئینی ٹیکس کے خاتمے کا باقائدہ نوٹیفکیشن جاری ہیں کردیتی ۔
وحدت نیوز(اسلام آباد) مجلس وحدت مسلمین پاکستان کی ترجمان سوشل میڈیا ویب سائٹ www.mwmpak.orgکو پاکستان ٹیلی کمیونیکیشن اتھارٹی (PTA )کی جانب سے بلاجواز طور پر بلاک کردیا گیاہے،انٹر نیٹ سروس فراہم کرنے والی مختلف کمپنیوں کو ایم ڈبلیوایم کی آفیشل ویب سائٹ بند کرنے ہدایت جاری کردی گئی ہیں، پی ٹی اے حکام ویب سائٹ بلاک کرنے کے احکامات جاری سے انکاری ، تفصیلات کے مطابق مجلس وحدت مسلمین پاکستان کی آفیشل ویب سائٹ www.mwmpak.orgکے جہاں سے جماعت کی قیادت کی پالیسی بیانات اور خبریں جاری کی جاتی ہیں گذشتہ تین ہفتوں سے صارفین کو مختلف انٹر نیٹ سروسز پر ایم ڈبلیوایم کی ویب سائٹ وزٹ کرنے پر مشکلات اور دشواریوں کاسامنا کرنا پڑرہا تھا ،صارفین جب ایم ڈبلیوایم کی ویب سائٹ پر وزٹ کرنے کی کوشش کرتے انہیں ایک ہدایت نامے کا سامنا کرنا پڑتا کہ مذکورہ ویب سائٹ ممنوعہ مواد کے باعث (PTA )کی ہدایت پر بلاک کردی گئی ہے، ایم ڈبلیوایم سوشل میڈیا ڈیسک کی جانب سے جب مختلف انٹرنیٹ فراہم کرنے والی کمپنیوں سے رابطہ کیا گیا تو انہوں نے بھی اس بات کی تصدیق کی کہ آپ کی ویب سائٹ (PTA )کی ہدایت پر بلاک کی گئی ہے، گذشتہ روز ایم ڈبلیوایم کی مرکزی دفتر سے جب(PTA ) حکام سے رابطہ کیا گیا تو انہوں نے کہا کہ ہماری جانب سے ایساکوئی ہدایت نامہ مذکورہ کمپنیوں کوجاری نہیں کیا گیا، جبکہ آج مختلف قومی اخبارات میں بھی ایم ڈبلیوایم کی آفیشل ویب سائٹ کو (PTA ) کی حکم پر بند کرنے کی خبریں شائع ہوئی ہیں۔
مجلس وحدت مسلمین کے مرکزی سیکریٹری اطلاعات علی احمر زیدی نے (PTA ) حکام سے مطالبہ کیا ہے کہ فوری طور پر مجلس وحدت مسلمین پاکستان کی آفیشل وہب سائٹ www.mwmpak.orgکو پاکستان بھر کی انٹر نیٹ سروسز پر بحا ل کیا جائے ، بصور ت دیگر ہم قانونی چارہ جوئی کا حق محفوظ رکھتے ہیں، ایم ڈبلیوایم کی محب وطن قومی سیاسی ومذہبی جماعت ہے جو ملک بھر میں اتحاد بین المسلمین کے لئے کوشاں ہےاور جس کے اراکین اسمبلی اس قت دو صوبائی اسمبلیوں میں موجود ہیں اور عوام کی بھر پور نمائندگی کررہے ہیں ۔
وحدت نیوز (اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے عوامی ایکشن کمیٹی اور مرکزی انجمن تاجران گلگت بلتستان کےمرکزی قائدین کے اعزازمیں اپنی رہائش گاہ پر عشائیہ دیا، اس موقع پر انجمن تاجران گلگت بلتستان کے صدور جناب غلام حسین اطہر و محمد ابراہیم، پی ٹی آئی کے رہنما محمد عزیز، اپوزیشن لیڈر کیپٹن محمد شفیع اور عوامی ایکشن کمیٹی گلگت بلتستان کے مرکزی کنوینئر مولانا سلطان رئیس اور انکے دیگر رفقائے تحریک سمیت ایم ڈبلیوایم کے رہنماعلامہ شیخ نیئرعباس، پروفیسرفداحسین، مولانا فداعلی ذیشان اور دیگر بھی موجود تھے، علامہ راجہ ناصرعباس جعفری نے گندم سبسڈی تحریک کی کامیابی کے بعد خطہ بے آئین گلگت بلتستان میں غیر آئینی ٹیکس کے نفاذکے خلاف کامیاب احتجاجی تحریک اور مطالبات کی منظوری پر مبارک باد پیش کی اور اس تحریک میں ان کی جدوجہد کو سراہا اور ہر قسم کی تعاون کا یقین دلایا۔
وحدت نیوز (کوئٹہ) پاکستان مسلم لیگ ن اور میاں نواز شریف کی مشکلات میں مذید اضافہ ہوگیا ہے، بلوچستان اسمبلی میں ن لیگی وزیر اعلیٰ نواب ثناءاللہ زہری کے خلاف مجلس وحدت مسلمین کے رکن بلوچستان اسمبلی آغا رضا اور مسلم لیگ ق کے رکن اسمبلی عبد القدوس بزنجو نے سیکریٹری بلوچستان اسمبلی کے پاس جمع کروائی ، تحریک عدم اعتماد پر ایم ڈبلیوایم کے رکن بلوچستان اسمبلی آغا سمیت کل 14اراکین کے دستخط موجود ہیں، اپوزیشن جماعتوں نے تحریک عدم اعتماد کی حمایت کیلئے دیگر اراکین اسمبلی سے روابط مزیدتیز کردیئے ہیں، آغا رضا اور عبدالقدوس بزنجو نے تحریک عدم اعتماد کی حمایت کے حوالے سے مسلم لیگ ن کے بھی بعض اراکین اسمبلی سے رابطوں کا دعویٰ کیا ہے۔
ایم ڈبلیوایم کے رکن بلوچستان اسمبلی آغا رضا نے تحریک عدم اعتماد داخل کروانے کے بعد میڈیا کے نمائندوں سے بات چیت کرتے ہوئے کہاکہ ہے وزیر اعلی بلوچستان کے خلاف تحریک عدم اعتمادکا فیصلہ اصولوں کی بناد پر کیا گیا، وزیر اعلی کو صوبے کے امن وامان سے کوئی غرض نہیں وہ اپنےصوبے سے زیادہ دوسرے صوبوں پائے جاتے ہیں ، نواب ثنااللہ زہری نے مخصوص علاقوں تک ترقیاتی منصوبوں کو محدود کر رکھا ہے ،صوبہ شدید معاشی بدحالی کا شکار ہے بے روزگاری امن وامان ،پانی بجلی انفرسٹکچرکی صورت حال تشویش ناک ہے ، آغا محمد رضانے مزید کہا کہ نا ہی وزراء اپنے دفاتر میں موجود ہیں اور نا ہی وزیر اعلیٰ بلوچستان اسمبلی آنے کی زحمت کرتے ہیں، ایسے حالات میں اس آئینی اقدام کے سوا کوئی چارہ نظر نہیں آرہا تھا، اپوزیشن جماعتوں کی جانب سے تحریک عدم اعتمادایک آئینی اقدام ہے اس کے پیچھے کوئی خفیہ قوت کارفرما نہیں ۔
وحدت نیوز(خوشاب) معروف عالم اہل سنت ، شیعہ سنی اتحاد کے داعی، محب اہل بیت ؑ علامہ جاوید اکبر ساقی کی رسم قل خوانی قائد آباد ضلع خوشاب میں منعقد ہوئی، مجلس وحدت مسلمین پاکستان کے مرکزی سیکریٹری امور سیاسیات اور اتحاد مصطفیٰ فورم کے جنرل سیکریٹری سید اسدعباس نقوی نے علامہ جاوید اکبر ساقی کی رسم قل خوانی میں خصوصی شرکت اور خطاب کیا، علامہ مرحوم کی قومی ودینی خدمات اور اتحاد بین المسلمین کیلئے ان کی کاوشوں کو خراج تحسین پیش کرتے ہوئے اسدنقوی نے کہا کہ مرحوم اس فکر وفلسفے کے عملی پیروتھے اسلام میں کوئی فرقہ نہیں سوائے حسینیت اور یزیدیت کے اور ہاتھ کھول کر اور باند ھ کرنماز پڑھنے کی کوئی فرق نہیں پڑتا البتہ فرق اس بات سے پڑتا ہے تو اس بات سے کہ آپ حسینی قبیلے میں شامل ہیں یا یزیدی قبیلے میں ، انہوں نے کہا کہ علامہ جاوید اکبر ساقی مرحوم کی شخصیت تمام مکاتب فکر کے درمیان محترم تھی وہ مجالس عزا سےبھی خطاب کیا کرتے تھے ، ان کی وفات سے پیدا ہونے والا خلاءشاید ہی پورا ہو سکے، میں یہ بات کہنے میں حق باجانب ہوں کے یہ علامہ جاوید اکبر ساقی شاید اس چمن کے وہی دیدہ ورتھے جس کا اب دوبارہ پیدا ہونا بڑا مشکل ہے ۔
