وحدت نیوز(کراچی) خیرالعمل ویلفیئر اینڈ ڈیولپمنٹ ٹرسٹ شعبہ فلاح وبہبود مجلس وحدت مسلمین کراچی ڈویژن کی جانب سے ضلع ملیر کے دور افتادہ علاقے بگٹی گوٹھ بن قاسم کے 65 ضرورت مند گھرانوں میں سردی سے بچاؤ کے لئے گرم کمبل اور بستر فراہم کیئے گئے،, اس موقع پر خیر العمل ویلفئیر کراچی کے سیکریٹری زین رضوی, امام جماعت مسجد وامام بارگاہ بگٹی گوٹھ مولانا انصاف علی حیدری, ایم ڈبلیوایم بگٹی گوٹھ یونٹ کے سیکریٹری جنرل محبت علی ودیگر بھی موجود تھے۔

وحدت نیوز (لاہور) خیر العمل ویلفیئر اینڈ ڈیولپمنٹ ٹرسٹ شعبہ فلاح وبہبود مجلس وحدت مسلمین لاہور کے تحت مختلف علاقوں میں سردی سے بچائو کے لئے ضرورت مندوں میں گرم ملبوسات کی تقسیم،تفصیلات کے مطابق مجلس وحدت مسلمین کے صوبائی آفس لاہور میں میٹنگ منعقد کی گئی جس میں مجلس وحدت مسلمین پنجاب کے صوبائی مسول برادر سید حسین زیدی ، مجلس وحدت مسلمین ضلع لاہور کے سیکرٹری فلاح و بہبود برادر حسنین ناصر ، ڈپٹی سیکرٹری جنرل نجم عباس، ڈپٹی سیکرٹری جنرل شیخ عمران کی کاوشوں سے جوسخت سردی سےبچائو کے لئےجوامدادی سامان / گفٹ جمع کیےگے تھے. جس میں سردیوں کے کپڑے، جیکٹس، چادر اور دیگر اشیاء شامل ہیںکو لاہور کےعلاقہ ہنجروال شالمار ٹاون اور بھٹی ٹائون کے مختلف یونٹس کے نمائندگان کے حوالے کر دیا گیا جوامدادی سامان اپنے اپنے یونٹس میں موجود مستحقین تک پہنچا دیں گے. جبکہ آفس سٹاف کے علاوہ شیخوپورہ کے سیکرڑی فلاح و بہبود مولانا گلزار فیضی صاحب کو بھی ان کے علاقہ کے ضرورت مندافراد کے لئے سامان حوالے کیا گیا۔

وحدت نیوز(کراچی) مجلس وحدت مسلمین کراچی ڈویژن ضلع وسطی کے سیکریٹری جنرل کاظم محمد اور نامزد ڈپٹی سیکریٹری جنرل مولانا غلام عباس کا ضلع وسطی کے علاقے عرفات ٹاؤن نارتھ ناظم آباد میں واقع مسجد و مدرسہٗ ابوذر غفاری کا دورہ مسجد کے پیش امام مولانا فدا حسین منتظری سے ملاقات۔ مولانا فدا حسین منتظری کا کہنا تھا کہ آج پاکستان کے کٹھن ترین حالات میں مجلس وحدت مسلمین جو کردار ادا کر رہی ہے وہ لائق تحسین ہے۔ انہوں نے کہا کہ علامہ راجہ ناصر عباس کا کردار مثلِ مختار ہے اور اس ملت کے ہر فرد کو ان کا بازو بن کر ساتھ دینا چاہئیے۔ اس موقع پر برادر کاظم محمد نے کہا کہ مجلس وحدت مسلمین پاکستان کے مستضعف لوگوں کے لئے کام کر رہی ہے۔ انہوں نے مولانا فدا حسین منتظری کو مجلس وحدت مسلمین کے پلیٹ فارم سے منسلک ہو کر کام کرنے کی دعوت بھی دی اور گزارش کی کہ وہ مجلس وحدت مسلمین ضلع وسطی کی کابینہ میں بحیثیت سیکریٹری تربیت ذمہ داری نبھائیں جسے مولانا فدا حسین نے قبول کرتے ہوئے کہا کہ میری خوش نصیبی ہے کہ مجھے مجلس وحدت کے ساتھ کام کا موقع مل رہا ہے۔

وحدت نیوز(کوئٹہ) کوئٹہ میں آج ہونے والے حلقہ پی بی 26کے ضمنی انتخاب کے دوران ہزارہ ڈیموکریٹک پارٹی (ایچ ڈی پی) کے غنڈوں نے دھاندلی میں رکاوٹ ڈالنے پر مجلس وحدت مسلمین کے کارکنان پر خنجروں سے حملہ کردیا، ایم ڈبلیوایم ہزارہ ٹاون کاکارکن سید مقصودشدید زخمی حالت میں ڈی ایم سی اسپتال منتقل ، تفصیلات کے مطابق حلقہ پی بی 26کوئٹہ میں آج ہونے والےضمنی انتخاب کے دوران حالات اس وقت کشیدہ ہوگئے جب ایم ڈبلیوایم کے کارکنان نے ایچ ڈی پی کے کارکنان کو دھاندلی سے روکنے کی کوشش کی ، ایچ ڈی پی کے کارکنان خواتین کے جعلی ووٹ بھگتانے کی کوشش میں مصروف تھے جسے ایم ڈبلیوایم کے کارکنان نے بروقت ناکام بنادیا، بعد ازاں ایچ ڈی پی کے مسلح کارکنان نے ایم ڈبلیوایم کے نہتے کارکنان پر خنجروں سے حملہ کردیا جس کے نتیجے میں ایم ڈبلیوایم ہزارہ ٹاون کا کارکن سید مقصودشدید زخمی ہوگیا جسے فوری طور پر ڈی ایم سی اسپتال منتقل کردیا گیا ہےجہاں ڈاکٹرز اس کی جان بچانے میں مصروف ہیں۔

واضح رہے کہ حلقہ پی بی 26کوئٹہ میںپولنگ کا وقت ختم ہوچکاہے اس وقت ووٹوں کی گنتی کا عمل جاری ہے، کل 26پولنگ اسٹیشن سے نتائج کا انتظار ہےاس نشست پر کل 18امیدواروں کے درمیان مقابلہ ہےجبکہ مجلس وحدت مسلمین کے نامزد امیدوارسابق وزیر قانون آغا رضا اور ایچ ڈی پی کے نامزد امیدوار قادر نائل کے درمیان سخت مقابلہ متوقع ہے۔

وحدت نیوز(لاہور) تحریک وحدت اسلامی کے زیر اہتمام لاہور کے مقامی ہوٹل میں *پیام پاکستان کانفرنس* کا انعقاد،کانفرنس میں مختلف مکاتب فکر کے علماء و مشائخ عظام نے شرکت کی مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی نے پیام پاکستان کانفرنس سے خطاب کرتے ہوئے کہا کہ پاکستان میں امن و امان کے لئے دہائیوں سے کام کر رہے ہیں جنہوں نے لاشوں پر کھڑے ہوکر وطن عزیز میں امن کا پیغام دیا جنہوں نے اپنے پیاروں کی ہزاروں لاشوں کو اٹھایا لیکن امن امان خراب کرنے کی اجازت نہیں دی یہ انکی محنتوں کا صلہ ہے کہ آج *پیام پاکستان* کی شکل میں ایک متفقہ اور مشترکہ بیانیہ اس قوم کے پاس موجود ہے،اس سے پہلے بھی اس ملک میں وطن دشمن تکفیریوں کے خلاف آپریشن ضرب عضب شروع ہوا ساتھ ہی نیشنل ایکشن پلان کا اعلان ہوا اور نیشنل ایکشن پلان کے نتیجے میں جہاں کچھ فوائد ہوئے وہاں اداروں اور حکومتی صفوں کے اندر چھپی ہوئی کالی بھیڑوں نے اس نیشنل ایکشن پلان کو ملک دشمنوں کیخلاف استعمال کرنے کے بجائے دہشتگردی سے متاثرہ محب وطن لوگوں کو بھی بیلنس پالیسی کے تحت یا تو پابند سلاسل کیا گیا یا جبری گمشدگان میں انکے نام آگئے۔

انہوں نے مزید کہاکہ پیام پاکستان کا بیانہ نہایت احسن اقدام ہے جس پر آج اس سٹیج پر بیٹھے علماء و مشائخ میں سے اکثریت کے دستخط ہیں،لیکن اس موقع پر ہمیں ہوشیار رہنے کی ضرورت ہے کہ وہ ہمارا دشمن جس نے اس ملک میں آگ و خون کی ہولی کھیلی وہ آج پیام پاکستان کے پیچھے چھپنا چاہتا ہے،کس شخص یاکسی شخصیت کو یہ حق نہیں پہنچتا کہ وہ پیام پاکستان کی آڑ میں ہزاروں بے گناہ شہداء کے پاکیزہ لہو کیساتھ غداری کرے وہ پیام پاکستان کی آڑ میں ذاتی مفادات کو حاصل کرنے خاطر دہشتگردوں کو معاف کرے،اس حق نہ کسی ادارے کو ہے نہ حکومت یا کسی شخصیت کو اس بیانیے کے روح پر عمل اسی صورت ممکن ہیں کہ جن حالات کے سبب اس مشترکہ بیانیہ کو بنانے کی ضرورت پیش آئی اور ان لوگوں کی وجہ سے حالات اس نہج پر پہنچا ہے ان لوگوں کو کٹہرے میں کھڑا ہونا چاہیئے،اور ان کو قرار واقعی سزا ملے تب تو یہ بیانیہ آنے والی نسلوں کے لیے کا آمد ہے اور اس نتیجے میں امن کا پیغام عام ہوگا لیکن اسی بیانیے کی آڑ میں اگر قاتل دندناتے پھر رہے ہوں قاتل معزز ہوگئے ہوں اور غداروں کو شلٹر دیا جا رہا ہو تو ہمیں یہ سمجھ لینا چاہیئے کہ یہ بیانیہ محض ایک کتاب کے مسودے کے سوا کچھ نہیں،دہشتگردی سے پاک پاکستان کے لئے ضروری ہے کہ اس پیام پاکستان کی روح پر عمل کیا جائے،دہشتگردوں کے سرپرستوں تکفیریت اور شدت پسندی کے بانیوں اور مفاد پرستوں کو پروٹوکول نہیں قانون کے کٹہرے میں کھڑا کر کے انہیں نشان عبرت بنایا جائے تاکہ اس دہشتگردی کے ناسور سے اس قوم کو مستقل نجات مل سکے۔

وحدت نیوز(لاہور) مجلس وحدت مسلمین ضلع لاہور یونٹ نشاط کالونی کا اجلاس منعقد کیا گیا جس میں کارکنان نے کثرت رائے سے افتخار علی کو نیا یونٹ سیکریٹری جنرل منتخب کیا، اجلاس میں صوبائی سیکرٹری جنرل علامہ سید مبارک علی موسوی ضلعی سیکرٹری جنرل علامہ سید حسن رضا ہمدانی و دیگر صوبائی و ضلعی عہدیداروں نے شرکت کی۔

اجلاس سے خطاب کرتے ہوئے علامہ سید مبارک علی موسوی نے کہا کہ کسی کام. کی انجام دہی کیلئے نظم کا ہونا ضروری ہے جبکہ ہم من حيث الشیعہ مادر وطن میں پانچ کروڑ کی تعداد میں ہیں لہٰذا اپنی ملت کے فلاح کیلئے تنظیم کا ہونا اشد ضروری ہے. مجلس وحدت کی بنیاد سید روح اللہ بت شکن کے اس قول پر پر ہے کہ ہم وظیفے کے قائل ہیں نتیجہ خدا کے ہاتھ میں ہے لہٰذا ہم نے وظیفہ انجام دینا ہے وچن عزیز پاکستان کی بقا کیلئے اور مادر وطن کی سیاسی و جغرافیائی سرحدوں کی حفاظت کیلئے اپنا کردار ادا کرنا ہے۔

اجلاس سے خطاب کرتے ہوئے ضلعی سیکرٹری جنرل علامہ سید حسن رضا ہمدانی نے کہا کہ نشاط کالونی کے جوانوں کی فعالیت قابل تعریف ہے. *پورے سال میں یوم آزادی پاکستان سے لے کر بارہ ربیع الاول میلاد مصطفیٰ (ص) تک جتنے بھی مخصوص ایام ہیں نشاط کالونی کے جوان حب الوطنی اور اتحاد امت مصطفیٰ کیلئے اپنا بھرپور کردار ادا کرتے ہیں۔

نو منتخب سیکرٹری جنرل برادر افتخار علی نے اپنے تنظیمی ساتھیوں اور بزرگان سے خطاب کرتے ہوئے کہا کہ میری بھرپور کوشش ہو گی کہ اس الہی تنظیم کے منشور کو مد نظر رکھتے ہوئے دین مبین اسلام اور وطن عزیز پاکستان کی حد الامکان خدمت کر سکوں اور ناصر ملت علامہ راجہ ناصرعباس جعفری صاحب کے فرمان پر عمل پیرا ہوتے ہوئے قائد اعظم محمد علی جناح اور ڈاکٹر علامہ محمد اقبال کے پاکستان کیلئے آپ دوستوں کی مدد کے ساتھ کام کر سکوں،اجلاس میں صوبائی رہنما سید حسین زیدی ضلعی رہنما برادر نجم خان، بردار سجاد نقوی، برادر ذوالفقار، برادر علی کاظمی، برادر فصاحت بخاری، برادر ایڈووکیٹ ماجد کاظمی دیگر عہدیداروں اور علاقائی عمائدین نے شرکت کی.