وحدت نیوز (گلگت) مجلس وحدت مسلمین پاکستان کی رکن گلگت بلتستان اسمبلی بی بی سلیمہ نے کہا ہے کہ متنازعہ حیثیت کا تعین کرنے کے لیے متحدہ ہوکر جدوجہد کرنا ہوگی۔ انہوں نے کہا کہ سپریم کورٹ کے فیصلے سے عوام کو مایوسی ہوئی ہے۔ اس فیصلے سے عوام کو غلامی کی طرف دھکیلا گیا ہے اور بیوروکریسی کو مضبوط کرکے گورنر اور وزیراعلیٰ کے اختیارات کو کم کیا گیا ہے۔ اس فیصلے کو عوام مسترد کرچکے ہیں۔ رکن جی بی اسمبلی بی بی سلیمہ نے کہا کہ سپریم کورٹ کا فیصلہ آنے کے بعد گلگت بلتستان میں متنازعہ حیثیت کے تعین کے لئے تمام جماعتوں اور عوام کو متحد ہوکر تحریک چلانے کی ضرورت ہے۔ گلگت بلتستان اگر متنازعہ ہیں تو یہاں سی پیک منصوبے اور دیامر بھاشا ڈیم کیسے بن سکتا ہے۔ انہوں نے کہا کہ اپ وقت آگیا ہے کہ عوام اپنے فیصلے خود کریں۔ خطے کو محرومیوں سے نکالنے کے لیے تمام سٹیک ہولڈرز کو متحد ہوکر آگے بڑھنا ہوگا۔

وحدت نیوز (چنیوٹ) مجلس وحدت مسلمین(شعبہ خواتین ) کی مرکزی سیکریٹری برائے شعبہ ورکنگ وومن محترمہ ڈاکٹر ردا فاطمہ کا پیشہ وارانہ مہارت کی حامل خواتین سے ملاقات کا سلسلہ جاری ،مجلس وحدت مسلمین (شعبہ خواتین) کی مرکزی مسئول شعبہ ورکنگ وومن محترمہ ڈاکٹر ردا فاطمہ نے ضلع چینیوٹ میں سافٹ ویئر انجینئر محترمہ ردا بتول سے ملاقات کی اور انھیں تنظیم کے مقاصد و نصب العین سے آگاہ کیا ، جس کے بعد محترمہ ردا بتول نے مجلس وحدت مسلمین (شعبہ خواتین) کے شعبہ ورکنگ وومن میں اپنی خدمات انجام دینے کے عزم کا اظہار کیااوراس بات کااعادہ کیا کہ وہ اپنی تمام تر صلاحیتیوں کو بروے کار لاتے ہوئے تنظیم کے ذریعے سافٹ ویئر کے میدان میں ملک و ملت کی بھرپور خدمت کے لیے آمادہ ہیں۔

وحدت نیوز(حیدرآباد) مجلس وحدت مسلمین (شعبہ خواتین) ضلع حیدر آباد کے زیر انتظام ، اُمّ ابیھاع تعلیم بالغاں مدرسہ و سکول میں ماہانہ امتحانات کا انعقادکیا جارہاہے،مجلس وحدت مسلمین (شعبہ خواتین) حیدرآباد کے زیر انتظام اُم ابیھاع تعلیم بالغاں مدرسہ و سکول میں گزشتہ تین سال سے دینی و دنیاوی تعلیم کا سلسلہ جاری ہے ، سال ۲۰۱۹ جنوری میں نئی شروع ہونے والی کلاسز کا پہلا ماہانہ ٹیسٹ لیا گیا جس میں 25 خواتین اور بچیوں نے حصہ لیا۔

وحدت نیوز (کراچی) شیعہ رہنما محمد علی شاہ کے قتل کی شدید مذمت کرتے ہیں۔ایک بار پھرشہر قائد کو دہشتگردوں کے رحم کرم پر چھوڑدیا گیا شہر میں خونی کھیل شروع ہو گیا ہے ۔ان خیالات کا اظہار مجلس وحدت مسلمین کراچی ڈویثرن کے رہنما علامہ مبشر حسن نے گزشتہ روز ٹارگٹ کلنگ کا نشانہ بنے والے محمد علی شاہ کی نماز جنازہ کے بعد میڈیانمائندگان سے گفتگو میں کیا ۔انہوں نے کہا گزشتہ دو ماہ میں مسلسل شیعہ رہنماوں اور عزاداران کو دہشتگردوں کی جانب سے ٹارگٹ کلنگ کا نشانہ بنایا جانا قانون نافذ کرنے والے ادروں پولیس اور رینجرز کی کار کردگی پر سوالیہ نشان ہے گزشتہ روز سفاک دہشتگروں کی جانب سے نشانا بنانے کے واقعے میں شیعہ رہنما محمد علی شاہ موقع پر شہید ہو گئے تھے جبکہ اس قبل ماہ دسمبر میں کورنگی کے علاقے میں دہشتگردو ں کے کلینک پر موجود فدا حسین کو قتل کیا دونوں واقعہ سندھ حکومت اور سکیورٹی اداروں کی نا اہلی کا مہ بولتا ثبوت ہے۔ شہر قائدمیں ایک بار پھر شیعہ عمائدین کی ٹارگٹ کلنگ میں اضافہ ہونا سکیورٹی اداروں اور سندھ حکومت کی نا اہلی ہے ۔ٹارگیٹ کلنگ کے دونوں واقعات کی پر زور مذمت کرتے ہیں۔

علامہ مبشر حسن نے سندھ حکومت اور قانون نافذ کرنے والے اداروں سے مطالبہ کیا کے وہ واقعات میں ملوث دہشتگردوں کی فوری گرفتاری عمل میں لائیں اس کے ساتھ ساتھ شہر میں موجود دہشتگردکالعدم جماعتوں کے خلاف بھی آپریشن کیا جائے۔دریں اثنا ء ٹارگٹ کلنگ کا نشانہ بنے والے محمد علی شاہ کی نماز جنازہ مسجد و امام بارگاہ خیر العمل انچولی میں مولانا محمد حسن کے زیر اقتداء ادا کی گئی نماز جنازہ میں سینکڑوں عزادارن سمیت سیاسی و مذہبی جماعتوں کے رہنما ؤں سمیت سول سوسائٹی سے تعلق رکھنے والے افرادنے شرکت کی اورسندھ حکومت کے خلاف شدید نعرے بازی کرتے ہوئے قاتلوں کی جلد از جلد گرفتاری سمیت شہر میں موجودکالعدم جماعتوں کے خلاف آپریشن کا مطالبہ کیابعد اذاں محمد علی شاہ کی تدفین وادی حسین قبرستان میں ادا کی گئی ۔

وحدت نیوز (کراچی) مجلس وحدت مسلمین کے صوبائی سیکٹریٹ وحدت ہاوس کراچی سے جاری اپنے بیان میں صوبائی سیکریٹری امور سیاسیات ایم ڈبلیوایم  سید علی حسین نقوی نے کہا ہے کہ شیعہ علماء کونسل کے صوبائی نائب صدر سید محمد علی شاہ کی ٹارگٹ کلنگ ملک دشمن عناصر کی جانب سے ایک سوچا سمجھا منصوبہ ہے۔دہشت گردوں کی جانب سے پاکستان   کے محب وطن اور امن پسند طبقات پر مسلسل حملے ملک میں انتشار اور افراتفری پیدا کرنے کی کوشش ہے۔انہوں نے اپنے بیان میں کہا کہ یوں دن دھاڑے ایک اہم شاہراہ پر ایک مذہبی جماعت کے سینئر رہنماء کا قتل کردیا جانا قانون نافذ کرنے والے اداروں کی اہلیت پر بھی ایک سوالیہ نشان ہے۔سید علی حسین نقوی نے اپنے بیان میں کہا کہ سید محمد علی شاہ کی شہادت پر ملت جعفریہ میں شدید غم و غصہ پایاجاتا ہے انہوں نےکہا کہ حالیہ دنوں میں علی رضا عابدی کی شہادت سے شروع ھونے والی دھشت گردی کی لہر میں تیزی آتی جارہی ہے اور امن دشمنوں نے کراچی کو خصوصی نشانے پر رکھا اور ملت جعفریہ سے تعلق رکھنے والے فعال افراد ان دھشت گردوں کا خاص نشانہ ہیں۔سید علی حسین نقوی نے اپنے بیان میں سندھ حکومت سے مطالبہ کرتے ہوئے کہا کہ سید محمد علی شاہ کے قاتلوں کو فی الفور گرفتار کرکے کیفر کردار تک پہنچایا جائے۔

وحدت نیوز(کراچی) ضمنی انتخابات حلقہ پی ایس94 مجلس وحدت مسلمین اور پاکستان تحریک انصاف کے رہنماوں کی وحدت ہاوس صوبائی دفتر میں ملاقات۔ مجلس وحدت مسلمین کراچی ڈویزن کی جانب سے ضمنی انتخابات حلقہ پی ایس 94میں پاکستان تحریک انصاف کی حمایت کا اعلان کر دیا۔ پاکستان تحریک انصاف کے رہنماخرم شیر زمان نے اپنے وفد کے ہمراہ وحدت ہاوس صوبائی دفتر میں ملاقات کی اور دونوں جماعتوں کی جانب سے مشترکہ پریس کانفرنس بھی کی گئی کانفرنس سے خطاب میں مجلس وحدت مسلمین کے سیکرٹری سیاسیات علی حسین نقوی کا کہنا تھا کہ ایم ڈبلیو ایم مثبت اور تعمیری سیاست پر یقین رکھتی ہے۔ملک کی ترقی و استحکام اور امن و امان کا قیام ہماری اولین ترجیحات میں سے ہیںجس کو حقیقی شکل دینے کے لیے تکفیری اور انتہا پسند قوتوں سے نجات حاصل کرنا ضروری ہے۔ہمارا اور پاکستان تحریک انصاف کا منشور ایک ہی ہے ہم بھی قائد اعظم و علامہ اقبال کا پاکستان چاہتے ہیں اور پی ٹی آئی بھی کرپشن سے پاک پاکستان کی خواہاں ہے ہم بھی تکفیریت کا خاتمہ چاہتے ہیں پاکستان تحریک انصاف بھی پاکستان سے شدت پسندی کا خاتمہ چاہتی ہے۔حلقہ پی ایس 94 میں پولٹیکل کونسل ایم ڈبلیو ایم کراچی ڈویژن کے متفقہ فیصلے کے بعد حمایت کا اعلان کیا۔

 پاکستان تحریک انصاف کی حمایت کرپشن اور دہشتگردی کے خلاف پورے عزم سے مشترکہ جدوجہد کا اعلان ہے۔کرپشن و شدت پسندی کی مخالفت میں پاکستان تحریک انصاف ہماری ہم خیال جماعت ہے۔انشاء اللہ 27جنوری 2019 کے ضمنی انتخابات میں حلقہ پی ایس94کا ساتھ محض بیانات تک محدود نہیں رہے گا بلکہ ہم الیکشن مہم سے نتائج آنے تک اپنے کارکنوں کے ہمراہ میدان میں موجود رہیں گے۔پاکستان تحریک انصاف کے رہنما خرم شیر زمان نے ایم ڈبلیو ایم کے مرکزی سیکرٹری علامہ راجہ ناصر عباس جعفری و ایم ڈبلیو ایم کے رہنماؤں کا شکریہ ادا کرتے ہوئے کہا کہ حلقہ پی ایس94میں آپ کے تعاون کو کبھی بھی فراموش نہیں کیا جا ئے گا۔ایم ڈبلیو ایم ملت تشیع کی نمائندہ اور عوامی جماعت ہے اور ہر قومی ایشو پر یہ جماعت میدان میں موجود رہی ہے۔ان کی قومی خدمات لائق تحسین ہیں۔

انہوں نے کہا کہ ہم کراچی کے مسائل حل کرنا چاہتے ہیں حلقہ پی ایس 94 میں مسائل کی بھرمار ہے سندھ اسمبلی میں اواز اٹھائی جائیگی اس حلقہ میں ایم ڈبلیو ایم کی طرف سے حمایت کے اعلان کے بعد ہماری فتح کو یقینی قرار دیا جا رہا ہے اور ہمیں پوری امید ہے کہ اللہ تعالی کے فضل و کرم سے ہم ہی مذکورہ حلقہ سے کامیاب ہوں گے۔پریس کانفرنس میں امیدوار حلقہ پی ایس 94اشرف قریشی،نواز خان،عدنان اسماعیل، ایم پی اے عباس جعفری، ایم ڈبلیو ایم کے رہنماعلامہ مبشر حسن،علامہ صادق جعفری،علامہ علی انور جعفری، میر تقی ظفر، ناصر الحسینی،احسن عباس،سجاد سمائری سمیت دیگر موجود تھے۔