وحدت نیوز (لاہور) مجلس وحدت مسلمین کے صوبائی سیکرٹری جنرل پنجاب علامہ سید مبارک علی موسوی نے پشاور میں ہارون بلور کی دہشت گرد حملے میں شہادت دکھ کا اظہار کرتے ہوئےکہا کہ اے این پی کی کارنر میٹنگ پر حملہ نہایت سفاکانہ اور قابل مذمت ہے۔ بلور فیملی اور عوامی نیشنل پارٹی کی قیادت کے ساتھ مکمل یکجہتی کا اظہار کرتے ہیںاور غم کی گھڑی میں بلور خاندان کیساتھ ہیں۔انہو ںنے پشاور خودکش دھماکے کی مذمت کرتے ہوئے کہا ہے دہشت گرد قوتوں کو پرامن پاکستان پسند نہیں ان کو شکست دے کر رہیں گے، ہم مستحکم پاکستان کیلئے کوشاں ہیںعلامہ مبارک علی موسوی کا کہنا تھا ایک طرف دہشتگرد پاکستان کی سلامتی کے لیے خطرہ بنے ہوئے ہیں اور دوسری جانب الیکشن کمیشن نے انہی دہشتگرد جماعتوں کو الیکشن لڑنے کی اجازت دے دی۔ انہوں نے مطالبہ کیا کہ آرمی چیف اور سپریم کورٹ دہشتگرد جماعتوں سے متعلق ہمارے تحفظات کا نوٹس لیں اور کالعدم جماعتوں کو پارلیمنٹ میں لانے سے روکا جائے ورنہ عالمی سطح پر پاکستان کو شدید مشکلات کا سامنا کرنا پڑے گا۔