وحدت نیوز (اسلام آباد) مجلس وحدت مسلمین کے مرکزی سیکریٹریٹ اسلام آباد کے انچارج علامہ عبدالخالق اسدی کا اسلام آبا دکے مقامی اسپتال میں کامیاب بائی پاس آپریشن ہو ا ہے ، علامہ عبدالخالق اسدی کو گذشتہ دنوں عارضہ قلب کے باعث اسپتال منتقل کیا گیا تھا، جہاں ڈاکٹروں نے انہیں بائی پاس آپریشن کی ہدایت کی تھی ، مجسل وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری سمیت دیگر مرکزی ، صوبائی اور ضلعی قائدین نے علامہ عبدالخالق اسدی کی جلد مکمل صحت یابی کے لئے دعا کی اور نیک خواہشات کا اظہار کیا جبکہ مجلس وحدت مسلمین کے مرکزی ڈپٹی سیکریٹری جنرل علامہ سید احمد اقبال رضوی ، ایم ڈبلیوایم پنجاب کے سیکریٹری جنرل علامہ سید مبارک موسوی سمیت دیگر نے اسپتال میں علا مہ عبدالخالق اسدی کی عیادت کی اور ان کی جلد شفاءیابی کے لئے دعا کی۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
