وحدت نیوز(سکردو)مرکزی الیکشن سیل آفس سکردو میں ایک اہم اجلاس زیر صدارت سیکریٹری جنرل مجلس وحدت مسلمین گلگت بلتستان آغا علی رضوی منعقد ہوا جس میں بلتستان سے تعلق رکھنے والے صوبائی کابینہ کے رہنماؤں نے شرکت کیا۔
اجلاس میں مجلس وحدت مسلمین کی قیادت پر بھرپور اعتماد کا اظہار کرتے ہوئے کاظم میثم کو کامیاب کرانے اور دیگر اتحادیوں کی بھرپور تعاون اور شاندار فتح دلوانے پر گلگت بلتستان کے عوام کو خراج تحسین پیش کیا اور اس عزم کا اظہار کیا کہ جی بی عوام کے حقوق کے حصول کے لئے ہمیشہ کی طرح صف اول میں رہیں گے اور گلگت بلتستان کے غیور عوام کو کبھی تنہا نہیں چھوڑیں گے۔
اجلاس میں ڈپٹی سیکریٹری جنرل مجلس وحدت مسلمین گلگت بلتستان شیخ احمد علی نوری،نو منتخب ممبر گلگت بلتستان اسمبلی رہنما مجلس وحدت مسلمین گلگت بلتستان کاظم میثم،ضلعی سیکریٹری جنرل شیخ فدا ذیشان، سیکریٹری سیاسیات ایم ڈبلیو ایم بلتستان راجہ ولایت علی خان اور دیگر رہنماؤں نے شرکت کیا۔
