وحدت نیوز(ہری پور)مجلس وحدت مسلمین خیبر پختونخوا کے زیراہتمام شہدائے مدافعین شہید الحاج قاسم اور شہید ابو مہدی کی دوسری برسی ہری پور میں منعقد کی گئی۔ امامیہ مسجد میں منعقدہ تقریب میں ایم ڈبلیو ایم کے صوبائی سیکرٹری جنرل علامہ سید وحید عباس کاظمی نے خطاب کیا اور شہید سردار کی زندگی اور خدمات پر تفصیلی روشنی ڈالی۔
ان کا کہنا تھا کہ شہید قاسم نے دین اسلام کی پرخلوص خدمت کی، آج اگر ہمارے مقدسات محفوظ ہیں تو اس میں شہید سردار کا بہت بڑا کردار ہے۔ شہید سردارنے داعش جیسی فتنہ انگیز دہشتگرد تنظیم کو کچل کر رکھ دیا اور اس کے ناپاک وجود سے معصومینؑ کے روضے محفوظ رہے۔ آخر میں علامہ وحید کاظمی نے مصائب حضرت قاسم علیہ السلام بیان کئے۔
