وحدت نیوز(ڈیرہ اسماعیل خان) مجلس وحدت مسلمین کے ضلعی و صوبائی رہنما علامہ غضنفر نقوی ،سید تہور عباس شاہ اور اسد عباس زیدی کی ڈی آئی جی ڈیرہ سید فدا حسین شاہ سے ملاقات،ملاقات میں حالیہ دہشت گردی میں شہید ہونے والے شیعہ نوجوانوں  کے قاتلوں کی عدم گرفتاری پر بات چیت ہوئی جس پر ڈی آئی جی نے یقین دلایا کہ ہم جلد قاتلوں کو گرفتار کر کے قانون کے کٹارے میں لائے گے۔اس کے علاوہ لاپتہ شیعہ افراد کی بازیابی کے حوالے سے بھی تفصیلی بات چیت ہوئی،قاتلوں کی عدم گرفتاری کے حوالے سے جمعہ کو احتجاج موخر کر دیا احتجاج 12 ربیع الاول کے تقدس کو دیکھتے ہوئے موخر کیا گیا،ایم ڈبلیو ایم نے اے آئی جی کی شہادت پر ڈی آئی جی سے تعزیت کی اور کہا کہ اس قسم کے حملے ہمارے ملک کے بیٹوں کے عزم کو کمزور نہیں کر سکتے۔