وحدت نیوز(بکھودیرو) مجلس وحدت مسلمین پاکستان کے مرکزی معاون سیکریٹری سیاسیات علامہ مقصود علی ڈومکی نے بکھو دیرو میں منعقدہ جشن مولود کعبہ کی تقریب سے خطاب کرتے ہوئے کہا ہے کہ امیر المومنین امام علیؑ کی حیات طیبہ عالم انسانیت کیلئے مشعل راہ ہے۔ انکی حیات طیبہ کو اپنا کر ہم دنیا و آخرت میں سرخرو ہو سکتے ہیں، نظام ولایت کے ماننے والے طاغوتی نظاموں سے چھٹکارے کیلئے بھرپور جدوجہد کریں۔ انہوں نے کہا کہ نظام ولایت کے پیرو دنیا بھر میں منظم، متحد اور مستحکم ہو رہے ہیں۔ تقریب سے اصغریہ کے مرکزی رہنماء عبدالرزاق بلوچ، فضل حسین اصغری، محمد اسماعیل مہدوی، قمر عباس و دیگر نے خطاب کیا۔